Fundjava e 12 e protestave në Hong Kong

14:08 | 24/08/201914:080

Fundjava e 12 e protestave në Hong Kong, me manifestuesit të cilët janë përplasur me forcat e policisë. Ndërkohë mediat raportojnë se është lënë i lirë nëpunësi i konsulatës britanike në Hong Kong i arrestuar fundjavën e kaluar.

Me mijëra persona protestojnë sërish në Hong Kong, në fundjavën e 12 të manifestimeve kundër qeverisë me policinë që përdori gaz lotsjellës kundër tyre për të shpërndarë turmën. Përplasjet ndodhën pranë një stacioni policie ku agjentët përdorën shkopa gome kundër manifestuesve që iu përgjigjjën me hedhje shishesh dhe shkopa druri. Të paktën një person është arrestuar. Manifestuesit kishin marrë leje nga forcat e rendit, por gjithësesi zgjodhën të mbulonin fytyrat me shalle dhe maska. Objektivi i marshimit të së shtunës është protesta kundër mbikëqyrjes së autoriteteve kineze dhe për mbrojtjen e privatësisë së tyre. Ndërkohë është lënë i lirë nëpunësi i konsulatës britanike në Hong Kong. Lajmi u konfirmua nga familja e tij me anë të një mesazhi në Facebook ku sqarohej se ai ishte në gjendje të mirë shëndetësore. /ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono