“FSHF na ka bërë si tabelë qitje, po na shkrijnë si skuadër!”

10:20 | 21/09/201910:200

Futbolli shqiptar mund të humbasë një tjetër klub futbolli dhe këtë herë është Kamza që rrezikon shkrirjen. Kur ka edhe një javë për të nisur Kategoria e Dytë, në klubin periferik të kryeqytetit nuk ka asnjë lëvizje për të ndërtuar një ekip, qoftë edhe sa për të marrë pjesë në garë.

Për të mos mjaftuar kjo, një ditë më parë Komisioni i Disiplinës përjashtoi Kamzën në dy sezonet pasardhëse të Kupës së Shqipërisë. Kjo ndodhi për shkak se nuk u paraqit në ndeshjen e programuar me Apoloninë, e vlefshme për turin e parë të Kupës.

Pas këtij vendimi ka ardhur edhe reagimi i Kamzës, që sulmon Federatën Shqiptare të Futbollit. Mes të tjerash i vë fajin kryesor nëse ky klub nuk do të ekzistojë më.

REAGIMI – “Pasi jemi njohur me sulmin e radhës ndaj ekipit tonë, nuk çuditemi aspak me këto dënime komuniste. Skuadra është në pikën e hallit pas shkatërrimit që vetë ata që drejtojnë futbollin i kanë bërë. Nuk është në dëshirën tonë që qyteti i Kamzës mos të ketë skuadër, por kur sulmet nuk ndalen, nuk dimë ku ta gjejmë moralin për të vazhduar investimet?

Bashkia heziton prej 2 sezonesh. Federata e ka bërë Kamzën si tabelë poligoni! Të vjen keq, por ky është realiteti. Pasi na dënuan kur kishim një super-skuadër, të cilën me “ujqërit” e tyre të zinj e sulmuan një vit më parë javë pas javë, tashme na dënojnë edhe kur s’kemi skuadër!

Me pak fjalë, Kamza është si hasëm për federatën, ku mirë që e vranë, por se lënë të qetë as në arkivol dhe tashmë në varr. Nëse Kamza s’do të ekzistojë më, fajtor është vetëm institucioni i federatës, i cili e sulmon pa fund, pa u ngopur si Ujku në mes të dëborës. Mjerë futbolli ynë cilin ka në krye!”, shkruhet në qëndrimin e Kamzës. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono