Frikë nga taksat e SHBA, Gjermania thirrje vendeve të BE-së

20:24 | 17/05/2018

E trembur nga rritja e paralajmëruar e taksave nga presidenti Donald Trump, Gjermania u ka bërë thirrje vendeve anëtare të BE-së që të ruajnë unitetin përballë politikës “përça dhe sundo” të Shteteve të Bashkuara.

 Ligjvënësit gjermanë i bënë thirrje të enjten vendeve anëtare të Bashkimit Europian që të ruajnë unitetin përballë politikave proteksioniste të presidentit amerikan Donald Trump. Në një intervistë radiofonike, eksponenti i Unionit Kristian-demokrat Gunther Otinger, njëkohësisht komisioner i BE-së për buxhetin dhe burimet njerëzore, paralajmëroi se Trump po ndjek strategjinë “përça dhe sundo”. Sipas tij, nëse Uashingtoni ia arrin të përçajë BE-në, atëherë blloku do të dobësohet dhe do të dështojë në mbrojtjen e interesave të tij në kontestet tregtare. Otinger argumentoi se një Union i bashkuar zotëron forcën ekonomike për t’u afirmuar si një nga tregjet më të mëdha të botës. Ai theksoi se, ligjvënësit e kontinentit të vjetër nuk duhet t’i lejojnë vetes të kthehen në partnerë individualë të Shteteve të Bashkuara, por duhet të insistojnë për ruajtjen e partneritetit në nivel europian. Politikani i CDU u shpreh se një marrëveshje tregtare ndër-atlantike e kufizuar mund të arrihet nëse Uashingtoni tërhiqet nga kërcënimet për të vendosur taksa të reja për çelikun dhe aluminin e importuar nga BE-ja. Dhe në bazë të një marrëveshjeje të tillë, të dyja palët mund të punojnë për një ujdi më të drejtë për reduktimin reciprok të barrierave tregtare – shtoi Otinger. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono