Franca është finalistja e parë e Botërorit, mund 1-0 Belgjikën


22:19 | 10/07/2018

Franca është finalistja e parë e Kupës së Botës. Mundi 1-0 Belgjikën, në një ndeshje ku pati shumë raste për shënim, dhe ku francezët e merituan fitoren.

Favoritja është një hap larg titullit.

Franca respektoi parashikimet, mundi minimalisht Belgjikën dhe u kualifikua me meritë për në finalen e Kupës së Botës në Rusi.

Në sfidën, me shumë gjasë, më të fortë të Botërorit, mbijetuan blutë, falë një goli të shënuar nga mbrojtësi Samuel Ymtiti.

Përballja ishte tepër e fortë, një nga ndeshjet më të bukura të turneut, edhe pse u shënua vetëm një herë.

Në një krah superyje si Joris, Varan, Pogba, Mbape apo Grizman, në krahun tjetër Kurtua, Kompani, Hazar, De Brujn apo Lukaku.

Rastet ishin të shumta, edhe nga francezët, edhe nga belgët, ndërsa shkëlqyen dy portierët, Joris e Kurtua.

Përse ia doli Franca?

Besohet, sepse pati më shumë pjekuri, por edhe sepse në një sfidë mes dy ekipeve thuajse të barabartë, fitoi ambicia më e madhe e një kombi më të madh.

Një ambicie që dikur i ka dhënë tituj Brazilit, Gjermanisë apo Italisë, edhe kur kanë qenë baraz apo edhe më keq se rivalët.

Kënaqësi të shohësh në finale këtë Francë, edhe pse nuk na dha shumë kënaqësi në fazën e grupeve.

Mëkat që largohet skuadra ndoshta më spektakolare e Botërorit, por që tregoi një kompleks të qartë inferioriteti në çerekfinalen ndaj Brazilit.

Në fund të fundit, vetëm një ekip do të shkonte në finale, dhe ky ishte me meritë ai francez.

Gjysmën e enigmës e zbuluam, ndërsa gjysma tjetër do të zbulohet pas gjysmëfinales Angli-Kroaci. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono