Franca akuzon Italinë dhe tërheq ambasadorin nga Roma pas akuzave

16:14 | 07/02/2019

Franca tërheq ambasadorin e saj nga Roma pasi e konsideroi si të paprecedentë sulmin dhe akuzat e Italisë. Por ministri i brendshëm Italian Salvini reagoi menjëherë duke thënë se synimi ishte mbrojtja e italianëve.

Ministria e jashtme franceze deklaroi se ka tërhequr ambasadorin e saj në Itali, Kristian Maset, për shkak të sulmeve të paprecedenta. Vendimi sipas Parisit erdhi pas një seri deklaratash ofenduese, sulmesh të pabaza dhe të paprecedentë. Sidomos deklaratat e fundit të cilat përbëjnë një provokim të ri dhe të papranueshëm.

Fakti që shkaktoi reagimin e ashpër të Francës ishte takimi në Paris i Alessandro Di Battista dhe Luigi Di Maio me një nga liderët e jelekëve të verdhë Kristof Shalenson. Më pas lëvizja me Pesë Yje shprehej me një deklaratë për media se janë të shumta qëndrimet dhe vlerat e përbashkëta që vendosin në qendër të betejave qytetarët, të drejtat sociale dhe demokracinë e drejtëpërdrejtë.

Zëvendës kryeministri Mateo Salvini ka qenë i pari që ka reaguar duke thënë se Italia nuk do konflikte mes asnjë vend, pasi italianët janë persona konkretë dhe politikanët në pushtet synojnë mbrojtjen e interesave të italianëve. Ai bëri apel për një takim të drejtpërdrejtë me qeverinë franceze dhe presidentin Makron për të diskutuar tre çështje të rëndësishme: e para për 60 mijë persona të braktisur në pyje në kufi me italinë nga policia franceze, mes të cilëve shumë gra dhe fëmijë; 15 terroristët italianë që Parisi nuk pranon të ekstradojë; dhe pezullim të kontrolleve të tejzgjatura të italianëve që kalojnë kufirin për të punuar në Francë.

Ministria e jashtme franceze nga ana e saj reagoi duke thënë se mosmarrëveshjet janë një gjë, ndërsa instrumentalizimi i marrëdhënieve për qëllime elektorale është diçka tjetër. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono