FOTO / Roja u tremb nga tërmeti, bie nga pallati dhe gjen vdekjen 62 vjeçari

10:00 | 29/01/202010:000

Një ngjarje e rëndë u shënua mbrëmjen e djeshme në Durrës. Një burrë ka rënë nga objekti në ndërtim, duke gjetur vdekjen.

Gazetari i ABC News Leonidha Musai raporton se viktima rezulton të jetë roje i një pallati në ndërtim.

Ngjarja ka ndodhur mbrëmjen e së martës në zonën e Currilave.

Dyshohet se i ndjeri, Thoma Ruçi , 60 vjeç ka rënë nga kati i 6-të, pasi është trembur nga termeti.

Siç thanë burimet, trupi i pajetë është gjetur tek gropa e ashensorit.

Ndërkohë ditën e sotme, Policia e Durrësit ka vënë në pranga administratorin dhe inxhinierin e firmës ndërtuese të pallatit, ku humbi mbrëmë jetën roja 62-vjeçar.

Në pranga kanë rënë, -A. J., 47 vjeç,  banues në Durrës, administratori i firmës dhe E. R., 43 vjeç, banues në Durrës, inxhinier i firmës që ndërton objektin.

Këta shtetas akuzohen për shkelje të rregullave në punë, pasi më datë 28.01.2020, rreth orës 23:18, në një objekt në ndërtim, humbi jetën aksidentalisht shtetasi Th. R., 62 vjeç, i punësuar si rojë pranë këtij objekti.

Sipas policisë rrezikojnë të dënohen deri në 10 vjet burg./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono