Forcat Speciale në Vlorë, kontrolle në hyrje dhe në dalje të qytetit

12:36 | 16/10/201812:360

Forcat Speciale kanë blinduar qytetin e Vlorës. Në hyrje nga fshatrat e Vlorës dhe në dalje të tij drejt autostradës janë vendosur postoblloqe të Forcave të Ndërhyrjes së Shpejtë. Kontrollet kanë nisur në orët e para të mëngjesit dhe sipas zyrtarëve të policisë lokale, do të vazhdojnë. Shtimi i forcave speciale dhe i kontrollove është pjesë e një plani masash për kapjen e personave në kërkim dhe atyre që qarkullojnë të armatosur. Hyrja e qytetit nga fshatrat e lumit cilësohet si zonë e nxehtë, ndaj mbetet një nga pikat ku kontrollet janë shumë të rrepta. Kontrolle janë duke u bërë edhe brenda në qytet. Kujtojmë se Forcat Speciale në Vlorë ishin vetëm disa ditë më parë, por pa ndonjë rezultat të dukshëm./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono