Flusk aplikimesh për të përfituar nga subvencionet në bujqësi


15:14 | 07/03/2018

Interes të lartë kanë paraqitur fermerët për të perfituar mbështetje financiare nga qeveria me qëllim zhvillimin e investimeve në bujqësi. Vetëm javën e parë kanë aplikuar mbi dy mijë fermerë.

Një javë pas çeljes së aplikimeve rreth dy mijë fermerë kanë shprehur interesin për të perfituar nga subvencionet e qeverisë për bujqësinë, blegtorinë dhe agropërpunimin.

Drejtoresha e Agjencisë së Zhvillimit Bujqësor dhe Rural tregon se skemat e mbështetjes financiare kanë nxitur fermerët të formalizohen.

“600 fermerë kanë aplikuar për kartën e fermerit dhe NIPT, janë ndërgjegjësuar që duhet të pajisen për t’u mbështetur. Fushat me interes janë bletaria, matrikullimi, teknikat e ujitjes”.

Për të aplikuar këtë vit fermerëve iu duhet vetëm një numër NIPTI dhe karta e identitetit, ndërkohë fushat prioritare për t’u mbështetur janë disa.

“Është thënë prej fillimit që nuk mbështet kopshtaria, por bujqësia për këtë janë vënë pragje 5 ha mbjellje ose 100 krerë të imta.

Për herë të parë mbështetja orientohet drejt agroturizmit. Mbështeten investet për ngritje bujtinash nga 6 në 10 dhoma. Start –up-et e reja kanë vëmendje të veçante, peshkimi gjithashtu. Ngritja e kapaciteteve për ruajtje frigoriferike, apo kapia e açugeve”.

Fermerët mund të aplikojnë pranë Agropikave apo Drejtorive Rajonale të Bujqësisë deri më 28 mars. Të dhënat e tyre do të shërbejnë gjithashtu për krijimin e një regjistri i cili pas këtij procesi do të orientojë institucionet për të adresuar si duhet mbështetjen për zhvillimin e bujqësisë. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono