Flet heroi i Liverpool: Champions-i më kishte munguar!

23:21 | 23/10/201923:210

Heroi i Liverpoolit në sfidën kundër Genk në transfertë, ishte padiskutim mesfushori Oxlade Chamberlain. Anglezi shënoi dy golat e parë në atë fitore 1-4 të besuarve të Jurgen Klopp, duke bërë një ndeshje të shkëlqyer. Për paraqitjen e tij dhe atë të skuadrës, Chamberlain tha:

“Nuk jam i sigurt nëse i kam munguar Champions Leagues, por Champions më ka munguar shumë. Ishte një ndjenjë fantastike të rikthehesha dhe të luaja në këtë kompeticion, i cili është shumë special. Shokët e skuadrës bënë një sezon të shkëlqyer, duke e fituar këtë kompeticion. Ishte e dhimbshme për mua ta ndiqja rrugëtimin e tyre me paterica.

Titullar? Klopp më besoi dhe dua ta falënderoj për këtë gjë. Nuk është një fushë e lehtë ajo e Genk, por arritëm të shënonim shumë shpejt dhe më pas gjithçka ishte më e lehtë. Do të përmirësohemi edhe më shumë dhe duam t’i shkojmë deri në fund këtij kompeticioni” përfundoi Chamberlain./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono