“Finalja” e Interit, Moratti tregon se si mposhtet Barcelona

16:58 | 09/12/201916:580

Nesër në mbrëmje Interi pret Barcelonën në ‘San Siro’, e cila vjen në Milano si fituese e grupit. Interistëve iu duhen me patjetër tre pikët nëse duan të vazhdojnë rrugëtimin në Champions League. Presidenti i nderit i Interit, Massimo Moratti, pret spektakël nesër dhe deklaron se kjo ndeshje për të do të jetë gjithmonë si një finale.

”Inter-Barcelona është gjithmonë speciale për historinë, prestigjin si dhe për kualitetet që kanë dy ekipet. Ngjan si një finale, jo si një ndeshje grupi. Asnjë nuk do të dështojë, pritshmëritë nga të dy ekipet janë të mëdha, por ajo çka mund të them me siguri është se nesër ne do të shikojmë spektakël,” deklaron ish-presidenti për një gazetë sportive në Spanjë.

”Interi duhet të futet në fushë vetëm me një objektiv, për të fituar. Nuk duhet ta humbasim kohën për të menduar se si do të jetë rezultati i Dortmundit. Ne duhet të përsërisim performancën që zhvilluam në ndeshjen e parë në ‘Camp Nou’. Besoj shumë te Conte pasi duket se i ka dhënë një tjetër marsh skuadrës. Lukaku dhe Martinez po bëjnë mirë, shënojnë si dhe kanë një marrëdhënie të shkëlqyer mes tyre. Unë besoj tek një rezultat pozitiv edhe pse nuk do të jetë aspak e lehtë,” mbyll Moratti. /abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono