Festimet për Diten e Verës, e diela kthehet në “Ditë pa makina”

18:37 | 15/03/2019

Me rastin e festimeve për Ditën e Verës, që do të zhvillohet këtë të diel, Bashkia e Tiranës ka organizuar më shumë se 50 aktivitete, lojëra, dhe muzikë në zona të ndryshme të kryeqytetit. Që kjo ditë të jetë një festë e madhe për të gjithë, Bashkia e Tiranës ka vendosur që 17 Marsin ta shpallë edhe Ditë pa Makina, duke e kthyer Bulevardin “Dëshmorët e Kombit” në pedonale. Sipas bashkisë, të dielën do të ndalohet qarkullimi i automjeteve në bulevardin kryesor duke filluar nga ora 08.00 deri në 17.00, ndërsa në Sheshin nënë Tereza, ndalimi i qarkullimit do të nisë që pasditen e nesërme, deri mesnatën e 18 marsit. Ndërkaq, në rrugën “Pjetër Bogdani” dhe “Brigada e 8-të” dhe në segmentin e rrugës midis “Vaso Pashës” dhe “Ibrahim Rugovës” do të ndalohet qarkullimi i mjeteve deri në mëngjesin e 18 Marsit. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono