EVIDENTIMI I SHIFRAVE/ Kombëtaret e moshave, sa shumë prodhim vendas!

15:12 | 08/11/201915:120

Kombëtaret e moshave janë grumbulluar dhe po bëhen gati për ndeshjen që kanë në program. Elvin Beqiri, Nevil Dede dhe Alban Bushi kanë bërë përzgjedhjet e tyre dhe në listat e tyre bie në sy një numër i konsiderueshëm lojtarësh që luajnë në kampionatin shqiptar. Ditën sotme, trajneri i Shpresave ka marrë kryesimin për numrin më të madh të lojtarëve të ftuar nga ekipet vendase, teksa së bashku me Jurgen Çelhakën shkon në nëntë kjo shifër. Tetë janë pjesë e Shqipërisë U19 dhe shtatë te kuqezinjtë 17-vjeçarë, duke e çuar në total 24 numrin e lojtarëve të ftuar në kombëtaret e moshave nga kampionati shqiptar.

SUPERIORJA – Por sa prej lojtarëve janë marrë nga Kategoria Superiore? Sigurisht shumica e tyre, 16. Tirana është klubi me më shumë lojtarë te kombëtaret e moshave. Tre prej tyre janë pjesë e ekipit të parë: Çelhaka, Muçi dhe Ismajgeci. Melsi Cereni është më i vogli kuqezi i bardhebluve.

Teuta e Laçi kanë nga tre lojtarë. Maren Myftiu, Ledio Beqja dhe Sherif Kallaku janë përfaqësuesit e durrsakëve, kurse nga kurbinasit, veç Redon Xhixhës dhe Julian Shehut, është edhe i riu Arbër Bytyqi. Nga dy lojtarë janë marrë nga Partizani dhe Flamurtari. Esat Mala dhe Livio Malaj janë “demat e kuq” të kombëtareve, kurse nga Flamurtari të ftuar janë Arinaldo Rrapaj dhe portieri Aldo Bushi. Jorgo Pëllumbi (Skënderbeu) dhe Eridon Qardaku (Bylisi) janë dyshja që plotëson listën e lojtarëve të Superiroes me kombëtaret e moshave.

TË TJERA – Në listat e Bushit, Dedes dhe Beqirit ka edhe lojtarë nga Besa, Apolonia dhe Shënkolli, klube të Kategorisë së Parë. Tre prej tyre janë portierë, Harizaj, Dabjani dhe Simoni, ndërkohë që është fdtuar edhe shkodrani Shimaj, i cili luan si mbrojtës qendre. Akademia e Futbollit gjithashtu furnizon kombëtaret e moshave, me lojtarë si Eogen Sula dhe Ilir Gjuzi, ndërkohë që për çudi nga Shkodra vjen vetëm Marcelino Preka, pjesë e akademisë KF Shkodra.

LOJTARËT NGA KAMPIONATI SHQIPTAR TE KOMBËTARET E MOSHAVE

SHQIPËRIA U17
Simon Simoni (Portier, Shënkolli), Marcelino Preka (Mbrojtës, Shkodra), Arbër Bytyqi (mesfushor, Laçi), Eogen Sula (Mesfushor, Akademia e Futbollit), Maren Myftiu (Mesfushor, Teuta),  Melsi Cereni (Sulmues, Tirana), Ilir Gjuzi (Sulmues, Akademia e Futbollit)

SHQIPËRIA U19
Livio Malaj (Portier, Partizani), Ilir Dabjani (Portieri, Besa), Aldo Bushi (Portier, Flamurtari), Egzon Shima (Mbrojtës, Besa), Ledio Beqja (Mesfushor, Teuta), Arinald Rrapaj (Mesfushori, Flamurtari), Ergi Ajazi (Mesfushor, Shkëndija Tiranë), Ernest Muçi (Sulmues, Tirana)

SHQIPËRIA U21
Romeo Harizaj (Portier, Apolonia), Jorgo Pëllumbi (Mbrojtës, Skënderbeu), Marsel Ismailgeci (Mbrojtës, Tirana), Sherif Kallaku (Mesfushori, Teuta), Esat Mala (Mesfushor, Partizani), Julian Shehu (Mesfushor, Laçi), Jurgen Çelhaka (Mesfushor, Tirana), Redon Xhixha (Sulmues, Laçi), Eridon Qardaku (Sulmues, Bylis)

/abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono