Zyrtari i PS

48959212bb9225388f609b0b58ad0d4e-rennes-une-famille-albanaise-menacee-d-expulsion_1.jpg
ad min11:30 | 06/05/2019

Arian Kuti dhe bashkëshortja e tij Suzana nuk e fituan dot statusin e refugjatëve në Francë. Çifti, i cili ka dy fëmijë, duhet të kthehet në Shqipëri.  Por premtimet për punësim janë e vetmja shpresë që ka çifti për të qëndruar në Francë.

Kuti, infermier me profesion, u largua nga Shqipëria bashkë me gruan, pasi sipas tij ishte kërcënuar. “Unë ndihmova një kushëri, të cilit i binte në qafë një zyrtar i Partisë Socialiste. Jeta ime ishte në rrezik”, tha shqiptari, raporton ouest-france.fr. 

Kështu bashkë me Suzanën, ai bëri gati valixhet dhe në vitin 2016 niset drejt Francës. Pse Franca?

“Sepse në Shqipëri, Franca ka imazhin e një vendi pritës, demokratik, i cili respekton të drejtat e njeriut, Kjo është arsyeja pse unë dua të jetoj këtu”, tha Kuti.

Për fat të keq, edhe pse ata ndoqën procedurat të ndryshme nuk arritën të fitonin statusin e refugjatëve. Për dy vjet, përpjekjet e çiftit nuk ishin marrë në konsideratë.

Çifti i bashkëshortëve kishte ndjekur kurse për të mësuar gjuhën edhe pse kur kishin shkuar në fillim nuk dinin të flisnin. Ata tani e flasin saktë gjuhën frënge. Por çiftit lumturinë ua shtoi edhe ardhja në jetë e dy fëmijëve, njëri i moshës 2-vjeçare dhe tjetri i porsalindur.

Por, disa javë më parë, familja Kuti mësoi se ai nuk mund të qëndronte më në Francë.

Ariani kishte bërë kërkesë për leje qëndrimi sepse Suzana do sillte në jetë fëmijën. Infermierja shkonte tri herë në javë për të parë shëndetin e nënës së re në qendrën e ndalimit të Saint-Jacques-de-la-Lande.

Familjet franceze do mobilizohen sot në mënyrë që çifti të lejohet të qëndrojë në Francë dhe të fitojë të drejtën për të punuar. Familja shqiptare aktualisht ka gjetur strehim në Rennais. Më 19 Maj, një takim për familjen shqiptare do mbahet  nga autoritetet e rrethit Paul-Bert.

“Çështja është t’i bëjmë pjesëmarrësit të kuptojnë se këta mund të qëndrojnë në Francë”, thotë një vullnetar nga komuniteti mbështetës.

Albus Deux pohoi se do të jetë e gatshme të nënshkruajë një kontratë pune më kohë të plotë për Arian Kutin. Një tjetër shoqatë do të propozojë të njëjtën zgjedhje për Suzanën.

“Për fat të mirë kemi gjetur miq këtu. Kemi shumë njerëz që na ndihmojnë, përndryshe nuk do ishim këtu. Jeta është e bukur, shpresoj që fati do të na buzëqeshë”, tha më tej Kuti./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono