zjarret

australia-1.jpg
ger ta08:36 | 18/01/2020

Shirat e rrëmbyeshëm dhe stuhitë kanë përfshirë pjesë të bregdetit lindor të Australisë, duke shuar shumë zjarre, por duke sjellë edhe një kërcënim të ri për përmbytje në disa zona.

Reshjet e shiut kanë qenë prezente në shtetet Victoria, New South Wales (NSW) dhe Queensland, të cilat u goditën edhe nga zjarret.

Rrugët e mëdha u mbyllën në Queensland dhe ndërprerjet e energjisë janë raportuar në pjesë të NSW si rezultat i motit. Por zyrtarët e zjarrit thanë se shiu po ndihmonte për të shuar flakët.

Zjarret kanë përfshirë Australinë që nga shtatori, duke vrarë të paktën 28 njerëz, duke shkatërruar mijëra shtëpi dhe duke djegur miliona hektarë tokë./abcnews.al

Capture-24.jpg
So Nila08:33 | 07/01/2020

Situata në Australi nga zjarret është gjithnjë e më serioze. Është shpallur  gjendja e jashtëzakonshme në Uellsin e Ri Jugor dhe Victori, vendi po përballet me disa nga zjarret më të rrezikshme dhe katastrofike që Australia ka parë ndonjëherë.

Vetëm në Uellsin e Ri Jugor, më shumë se 4 milion hektarë janë djegur, dhe numri sa po vjen e po rritet. Sipas vlerësimeve të fundit nga Universiteti i Sidneit, rreth 480 milion gjitarë, zogj, zvarranikë dhe kafshë të tjera u vranë nga zjarret shkatërruese të pyjeve të vitit 2019, ndërsa në Malet Blu vetëm 50% të rezervave natyrore u dogjën në nëntor dhe dhjetor .

Ambjentalistët thonë se për shkak të ndryshimit të klimës, zjarret do të bëhen edhe më të shpeshta dhe ekziston frika se gjithë kafshët endemike dhe speciet bimore të Australisë mund të zhduken përgjithmonë.

Ishulli Kangaroo, ishulli i kangurëve dhe një destinacion shumë i njohur nga turistët është gjithashtu i evakuuar nga emergjenca e zjarreve

Isabella Pratesi, drejtore e programit ‘WWF Italy Conservation’, e cila aktualisht ndodhet në Tasmania, thotë se atje, më shumë se 400 kilometra larg bregdetit Australian, qielli është i mbuluar nga tymi.

Një raport i qeverisë Australiane që daton që nga viti 2009 tregon se “parashikimet e klimës tregojnë se pjesa më e madhe e Australisë jugore mund të bëhet më e ngrohtë dhe më e thatë dhe se tani është i nevojshëm një angazhim i fortë dhe urgjent nga qeveritë e botës për të luftuar ndryshimin e klimës dhe, për të parandaluar që ndikimet të mos jenë edhe më katastrofike dhe se duhet të kufizohet ngrohja globale në 1.5 ° C dhe emetime zero te CO2 shumë përpara vitit 2050 “./abcnews.al

fire.png
ger ta08:35 | 02/01/2020

Në Australi është shpallur gjendja e jashtëzakonshme njëjavore për shkak se është përshkallëzuar situata nga zjarret.

Temperaturat e larta dhe erërat e forta qe janë parashikuar për fundjavën, mund të çojnë në rritjen e rrezikut  për përhapjen e zjarreve, në pjesën lindore të Australisë.

Që nga shtatori, zjarret kanë lënë të paktën 18 të vdekur dhe kanë shkatërruar më shumë se 1200 shtëpi nëpër NSW dhe Victoria.

Të paktën 17 persona mbeten të zhdukur pas zjarreve vetëm këtë javë. Mijëra njerëz tashmë janë duke ikur nga kjom zonë mjaft e frekuentuar për turizëm.

Gjendja e jashtëzakonshme do të fillojë në 08:00 të Premten në mëngjes dhe do të zgjasë për shtatë ditë, njoftoi të enjten kryetarja e NSW, Gladys Berejiklian.

“Kjo do t’i lejojë autoriteteve lokale të kryejnë evakuime të detyruara, mbyllje të rrugëve “dhe gjithçka tjetër që duhet të bëjmë si shtet për të mbrojtur banorët tanë”, tha ajo./abcnews.al

australia-zjarret-1280x688.jpg
nev ila14:07 | 30/12/2019

Dhjetëra mijëra banorë në Australi janë urdhëruar të largohen nga banesat e tyre si pasojë e situatës së zjarreve. Të hënën temperaturat kanë arritur deri në 40 gradë, ndërsa aktualisht 100 zjarre janë aktive në të gjithë vendin.

Nuk përmirësohet aspak situata në Australi. Me dhjetëra mijëra banorë dhe turistë në shtetin e VIktorias janë urdhëruar të largohen nga banesat e tyre, teksa e hëna është cilësuar si një ditë shumë e rrezikshme.

Temperaturat janë deri n 40 gardë, stuhitë dhe një ndryshim I drejtimit të erës, kanëbërë që autoritetet të japin alarmin për përkeqësim të situatës. Sipas BBC, një numër I madh lagjesh duhet boshatisur.

Aktualisht janë më shumë se 100 zjarret ende active në të gjithë Australinë.

Më të mëdhenjtë janë pranë qytetit të SIdnej, ku rreth 250 mijë persona kanë firmosur nëj petciion për të kërkuar anulimin e festivait të fishekzjarreve natën e ndërrimti të viteve. Ata kërkojnë që paratë e destinuara për këtë natë të përdoren në luftën kundër zjarreve./abcnews.al

morrison.jpg
ger ta07:47 | 20/12/2019

Kryeministri australian Scott Morrison ka kërkuar falje që shkoi me pushime në Hawaii këtë javë ndërsa kriza e zjarrtë e vendit u përkeqësua.

Ekipet janë duke luftuar mbi 100 zjarre mes një vale nxehtësie që ka shënuar rekordin me dy ditët më të nxehta në vend.

Morrison tha që ai do të përfundojë pushimin e tij herët. Mungesa e tij këtë javë ka shkaktuar zemërim dhe protesta.

“Më vjen keq thellësisht për çdo ofendim të shkaktuar ndaj shumë australianëve të prekur nga zjarret e tmerrshme nga marrja e pushimit me familjen në këtë kohë,” tha ai të Premten.

Zjarret në Australi kanë shkaktuar tetë viktima, shkatërroi më shumë se 700 shtëpi, ndërsa janë djegur miliona hektarë që nga shtatori./abcnews.al

 

sidney-australi-1280x666.jpg
nev ila14:56 | 19/11/2019

Zjarret që kanë përfshirë prej ditësh Australinë kanë krijuar një re alarmante tymi që ka mbështjellë qytetin e Sidnej. Autoritetet kanë paralajmëruar banorët të qëndrojnë në shtëpi, ndërsa ekspertët shprehen se tymi do të qëndrojë disa ditë.

Qyteti i Sidnej në Australi është mbështjellë nga një re gjigande tymi e sjellë nga erë mbrëmjen e së hënës. Kjo pas disa ditësh zjarresh në pyje që vijojnë të jenë ende jashtë kontrollit në Nju Sauth Uells.

Autoritetet i kanë bërë apel banorëve të qëndrojnë në shtëpitë e tyre dhe të shmangin aktivitetin fizik sepse niveli i ndotjes së ajrit në qytet është tetë herë më I lartë se standartet e sigurisë kombëtare të Australisë.

Përveç se me tymin, 5 milion banorët e Sidnej, përballen dhe me temperature deri në 37 gradë Celsius. Shërbimi anti zjarr në Nju Sauth Uells, paralajmëroi se tymi do të qëndrojë në qytet për disa ditë.

Zjarret e shpërthyera në tetor në very të vendit, si pasojë dhe të një pranvere të nxehtë, kanë shkaktuar të paktën 6 viktima. Sipas shërbimit rural anti zjarr, zona e djegur në Nju Sauth Uells shtrihet oër më shumë se 1 milion e 650 mijë hektarë, më shumë se në tre sezonet e fundit të nxehta, të marra së bashku.

Aktualisht janë 63 vatra zjarri aktive në këtë shtet, 35 prej të cilave ende jashtë kontrollit./abcnews.al

AUSTRALIA-BUSHFIRES.jpg
nev ila11:33 | 09/11/2019

Në Australi është gjendje e jashtëzakonshme si pasojë e zjarreve që kanë përfshirë një zonë të gjerë pyjore. Autoritetet konfirmuan dy viktima dhe e cilësuan situatën si të paprecedentë.

Vijon gjendja e emergjencës në pyjet e New South Në Australi. 1500 zjarrfikës po punojnë pa pushim për të shuar 70 vatra zjarri në të gjithë vendin. Për momentin janë konfirmuar dy viktima, dhe pse janë disa që janë shpallur të zhdukur.

Më shumë se 100 shtëpi janë shkatërruar plotësisht, dhe më shumë se 350 koala kanë ngordhur si pasojë e zjarrit, një masakër e vërtetë sipas autoriteteve

Kolonia e koalave jetonte në rezervën natyrore të liqenit Ines dhe u dogj ie tëra nga flakët, ndërkohë që drejtori i spitalit veterinary u spreh se para zjarrit atje ndodheshin 600 koala. Sipas tij kjo është një tragjedi kombëtare pasi kjo popullsi koalash është vërtet unike.

Flakët kanë përfshirë një zonë të gjerë pyjore, ku aktualisht janë shkrumbuar 2 mijë hektarë bimësi. Banorët e zonave të ndryshme janë paralajmëruar të kenë kujdes nga ajri i ndotur si pasojë e tymit, që mund t’i shkaktojë problem sidomos fëmijëve, të moshuarve, dhe personave me patologji kardiake apo në frymëmarrje.

Shumë nga zjarret kanë shpërthyer në zona që po përjetojnë një periudhë të gjatë thatësie, dhe favorizohen nga erërat e forta dhe temperature deri në 35 gradë Celsius./abcnews.al

california-wildfire-2019-10-28t020359z.jpg
ent ela11:30 | 30/10/2019

Shpallet gjendje e jashtëzakonshme në jug të Kalifornisë si pasojë e zjarreve që kanë detyruar autoritetet të evakuojnë 200 mijë banorë. Zjarret ushqehen dhe nga era me një shpejtësi prej 128 kilometrash në orë.

Përkeqësohet situata në jug të Kalifornisë, duke detyruar autoritetet të shpallin gjendjen e jashtëzakonshme.

Kjo është hera e parë që ndodh një gjë e tillë, shenjë kjo që tregon dramën që po përjetojnë zjarrfikësit dhe banorët e zonave pyjore në Los Anxheles, Ventura dhe San Bernardino. Deri tani janë 200 mijë personat e evakuuar.

Flakët avancojnë duke shkrumbuar cdo gjë, të ushqyera nga era që arrin një shpejtësi prej 128 kilometra në orë. Puna e palodhur e zjarrfikësve po zbehet si pasojë e kushteve klimaterike që nuk lejojnë shuarjen e zjarreve.

Përballë numrit të lartë të të evakuuarve, ndërprerjes së energjisë elektrike dhe shtëpive të shkatërruara, guvernatori i Kalifornisë kërkoi shpalljen e gjendjes së jashtëzakonshme. Ajo që po ndodh në jug të shtetit po jep pasoja dhe në veri.

Sipas të dhënave zyrtare të publikuara janë rreth 1.5 milionë personat e prekur nga zjarret, nga të cilët të paktën 1 milion janë ende pa energji elektrike. Pamundësia për të karikuar telefonat celularë, mjetet elektrike, është dytësore përballë pamundësisë për t’u ngrohur apo për të mbajtur ushqimet e freskëta.

Ndërkohë në qendra tregtare shpërndahet ujë, ushqime dhe llampa diellore falas. /abcnews.al

download-1-1.jpg
ent ela11:42 | 27/10/2019

Kalifornia pritet të shpallë gjendjen e jashtëzakonshme si pasojë e zjarreve që kanë përfshirë shtetin prej disa ditësh. Ndërkohë, me miliona banorë do të jenë pa energji elektrike për 72 orët e ardhshme.

Guvernatori i Kalifornisë Gevin Njusom ka kritikuar kompaninë PG&E e cila ka paralajmëruar se do të ndërpresë furnizimin me energji elektrike për milliona banorë, në atë që konsiderohet si black out më i madh në historinë e shtetit. Një vendim i marrë si pasojë e erërave të forta të cilat rrezikojnë të krijojnë problem për rrjetin e furnizimit si dhe ushqejnë flakët e zjarrit që kanë përfshirë kaliforninë.

Njusom u shpreh se po punohet për shpalljen e gjendjes së jashtëzakonshme në të gjithë shtetin. Kjo pasi 72 orët e ardhshme do të jenë shumë të vështira.

Guvernatori i shtetit premtoi se dhe pa energji elektrike spitalet do të jenë në funksion falë gjeneratorëve autonomë, ndërsa autoritetet po negociojnë me supermarketet në mënyrë që të vazhdojnë të qëndrojnë hapur.

Njusom u shpreh se PG&E nuk ka rinovuar rrjetet dhe se ndërprerja e energjisë elektrike nuk është një gjë normale. Por kompania ka kërkuar shpalljen e falimentimit të asistuar pas zjarrit të një viti më parë ku humbën jetën 11 persona, dhe kompania u shpall përgjegjëse për këtë. /ABC News Albania 24/7

EA200E90-0C77-4FE3-85CD-686F31D28853_w1023_r1_s.jpg
ent ela19:07 | 26/10/2019

Zjarrfikësit në Kaliforni po luftojnë njëkohësisht zjarret në veri dhe jug të atij shteti. Dy zjarret më të mëdha, nga nëntë vatra që u njoftuan të premten, ndodhen në pjesën veriore të qytetit Los Ageles dhe Sonoma, që njihet për vreshtarinë dhe prodhimin e verës.

Guvernatori i Kalifornisë Gavon Newsom deklaroi gjendjen e jashtëzakonshme të premten në dy kontetë Sonoma dhe Los Ageles. Nuk ka patur njoftime për lëndime nga zjarret. Gjatë një vizite në komunitetet e prekura nga zjarri të premten, guvernatori Newsom shprehu zhgënjim me kompaninë më të madhe për shpërndarjen e gazit dhe energjisë elektrike në Kaliforni.

“Nuk duhet të kishim arritur këtu ku jemi. Vite të tëra keqmenaxhimi dhe babëzie, kryesisht me kompaninë më të madhe në pronësi të investitorëve që merret me shpërndarjen e gazit dhe energjisë elektrike. Kjo babëzi ka çuar në mungesë të qëllimshme të përmirësimit të rrjetit dhe linjave nëntokësore të trasmetimit. Thjeshtë, ata nuk bënë detyrën e tyre.”

Kompania ka thënë se pajisjet e saj mund të kenë shkaktuar zjarrin pranë qytetit Los Angeles, pavarësisht ndërprerjes paraprake të energjisë me qëllim shmangien e zjarrit.

Zjarri në pjesën jugore të qytetit Los Angeles ka shkaktuar evakuimin e më shumë se 40 mijë banorëve. Zjarri shpërtheu të enjten pranë qytetit Santa Clarita dhe ka djegur një sipërfaqe prej 17 kilometrash katerorë.

Zjarrfikësit thonë se mbi 10 mijë struktura kërcënohen nga zjarri, që është vënë nën kontroll vetëm 5 përqind e tij. Zjarri ka shkaktuar mbylljen e shkollave në atë zonë si dhe autostradave kryesore.

Zjarri tjetër i madh në pjesën veriore, në Sonoma, ka djegur të paktën 49 ndërtesa dhe një sipërfaqe prej 65 kilometrash katërorë. Erërat me shpejtësi rreth 80 kilometra në orë po i përhapin zjarret edhe më shumë. /VOA


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono