zjarr

zjarr-bashkia-durres.mp4_snapshot_00.17-1280x720.jpg
ent ela20:17 | 06/07/2019

Bashkia e Durrësit është përfshirë nga flakët pasditen e sotme. Zjarri i cili ka rënë një nga nga zyrat katit të pare të këtij institucioni, është pikasur nga roja i godinës dhe kalimtarë të rastit të cilët kanë njoftuar policinë dhe zjarrfikësen.

Pas njoftimit, menjëherë në vendngjarje kanë mbërritur zjarrfikëset të cilët punuan për neutralizimin e flakëve.

Paraprakisht thuhet se zjarri ka rënë në pjesën e arkivës, por kjo ende nuk është konfirmuar nga zyrtarë të bashkisë.

Ende nuk dihen dëmet e shkaktuara nga zjarri apo edhe shkaqet, edhe pse paraprakisht thuhet se flakët mund të jenë shkaktuar nga ndonjë shkendije elektrike.

/abcnews.al

jim-beam.jpg
G. P.13:58 | 05/07/2019

45 shishe burbon, thënë ndryshe 9 milionë litra alkool i fortë, janë djegur në Kentucky. Zjarri u shkaktua nga një rrufe që ra në magazinën e distilerisë Jim Beam, markë e njohur për alkoolin e fortë e që aktualisht menaxhohet nga japonezë.

Zjarrfikësit e kanë pasur shumë të vështirë të shuajnë zjarrin, duke u përballur me temperaturat e larta dhe avujt e alkoolit. Por kompania me anë të një deklarate për mediat qetësoi klientët e saj duke thënë se Whiskey që ishte djegur ishte vetëm 1 për qind e prodhimit./ABC News Albania 24/7

helikopteri-1280x960.jpg
G. P.13:36 | 18/06/2019

Një zjarr i fuqishëm rrezikoi jetën e banorëve në një pallat 12 katësh në qendër të qytetit të Elbasanit. Por zjarrfikësit e këtij qyteti u treguan profesionistë dhe arritën të shpëtojnë vajzën e izoluar në banesën e saj si dhe të shuajnë plotësisht flakët.

Shtatë vjeçarja e izoluar nga tymi brenda banesës e saj në katin e 10 të pallatit ku ra zjarri në qendër të Elbasanit, u shpëtua pas afro dy orësh. Pak kate më poshtë ishte vatra ku shpërthyen flakët, por aty nuk ndodhej njeri.

Banoret u përfshinë të gjithë në panik. Një helikopter i ushtrisë shkoi në ndihmë për çdo rast emergjent. Zjarrfikësit e Elbasanit mundën të shuanin zjarrin pas një beteje të fortë me flakët

Ngjarja ndodhi mesditën e kësaj të marte. Gjithçka u kuptua vetëm kur tymi dhe flakët shpërthyen nga ballkoni dhe dritaret e apartamentit. Edhe në brendësi të pallatit situata u bë kritike. Zbritjen e banorëve, të cilët i kapi paniku u bë e pamundur.

Gjate operacionit të shpëtimit  2 zjarrfikës u afsikuan, por pa rrezik për jetën. Paraprakisht dyshohet se shpërthimi ndodhi për shkak të një shkëndijë elektrike brenda apartamentit që u shkrumbua./ABC News Albania 24/7

fire.jpg
G. P.15:43 | 08/06/2019

Një zjarr i madh ka përfshirë katet e fundit të një qiellgërvishtëseje në kryeqytetin e Polonisë, Varshavë. I gjithë qyteti ka qëndruar në izolim për disa orë, ndërsa autoritetet evakuuan banorët e zonës.

Ndërtesa e papërfunduar është 25 katëshe, dhe janë pikërisht katër katet e fundit që janë përfshirë nga flakët.

Rreth 60 zjarrfikës janë angazhuar për fikjen e zjarrit të shpërthyer në orën 11 të mbrëmjes së të premtes. Për faktin që ndërtesa ka qenë e papërfunduar, nuk besohet që brenda saj të ketë pasur njerëz. Ndërtimi i saj ka nisur në vitin 2016./ABC News Albania 24/7

uleza.jpg
G. P.08:38 | 07/06/2019

Dy makinat në pronësi të kryetares së PD-së në Ulëz, njëkohësisht edhe administratore e njësisë janë djegur gjatë natës.

Makinat e Gjelina Kalthit kanë qenë parkuar pranë shtëpisë së saj kur kanë marrë flakë. Megjithëse zjarrfikësja ka mbërritur në kohë, ato janë dëmtuar plotësisht.

Nuk dihen ende rrethanat e kësaj ngjarjeje, por dyshohet se është zjarrvënie e qëllimshme.  Policia po heton për zbardhjen e saj./ABC News Albania 24/7

zjarr-ne-fier.mp4_snapshot_00.05-1280x720.jpg
ent ela14:23 | 26/05/2019

Shkëndija në një sobe elektrike ka shkrumbuar një banesë në lagjen “15 Tetori” me vendin e njohur si “Kryqëzimi i grecallisë” në Fier. Mësohet se nga flakët nuk pasur dëme në njerëz por banesa është djegur thuajse totalisht. Burimet nga vendi i ngjarjes treguan se një shkëndi elektrike në sobën e cila ndodhej në kuzhinë ka bërë që të shpërthejë zjarri i cili ka djegur të gjitha orenditë. Menjëherë sapo u konstatua rënia e flakëve, në banesën e shtetasit Tomorr Sila shkuan zjarrfikësit të cilët lokalizuan flakët dhe bënë shuarjen e tyre. /ABC news Albania 24/7

 

makine-djegur5-520x330.jpg
Sej rie18:52 | 23/05/2019

Një zjarr ka rënë në një garazhd tek rruga  e “Elbasanit”,  në Tiranë.  Sipas policisë rrethanat janë ende të paqarta. Si pasojë është përfshirë nga flakët dhe është djegur një mjet në pronësi të shtetasit  me inicialet E.L. Paraprakisht dyshohet se zjarri ka rënë aksidentalisht. Vijon puna për zbardhjen e plotë të rrethanave të ngjarjes./abcnews.al

 

burgu.jpg
G. P.13:33 | 02/05/2019

Një i dënuar për grabitje i ka vënë flakën qelisë së tij në burgun e Fushë-Krujës. Sipas policisë, ai është Dragut Skana, i dënuar për grabitje me dhunë dhe armë.

Për fat nuk ka persona të lënduar dhe vetë të burgosurin e shpëtuan gardianët dhe zjarrfikësit. Flakët ishin të mëdha, por ndërhyrja e shpejtë bëri që ato të mos përhapeshin në qelitë e tjera.

Skana është marrë në pyetje nga policia e burgut për qëllimin e kësaj ngjarjeje. Sipas policisë, ky është një veprim i përsëritur nga ana e tij, pasi 8 vjet më parë, ai i ka vënë flakën dyshekëve në shtretërit e qelisë së burgut të Shënkollit./ABC News Albania 24/7

notre-dame-1.jpg
G. P.21:44 | 24/04/2019

Punëtorët e angazhuar në restaurimin e pjesës së sipërme të katedrales Notre Dame kanë pranuar se kanë pirë duhan në vendin e punës. Megjithatë, kompania përgjegjëse ka përjashtuar mundësinë që duhani të jetë bërë shkak i zjarrit në objektin shekullor të kultit.

Përfaqësues të kompanisë së ndërtimit që ishte angazhuar në punimet për pjesën e sipërme të katedrales Notre Dame të Parisit kanë pranuar përpara hetuesve se punonjësit konsumonin duhan në kantierin e punës.

Dhe në fakt, sipas mediave franceze, në vendin e ngjarjes, hetuesit kanë gjetur 7 bishta cigaresh. Por kompania “Le Bras Frere”, pasi është shprehur e hidhëruar për këtë episod ka përjashtuar çdo lidhje mes cigareve dhe zjarrit që përfshiu objektin e kultit të hënën e javës së kaluar.

“Mesa duket ka punëtorë që herë pas here kanë shkelur rregullat, por në asnjë rast shkak i zjarrit nuk mund të jetë bërë një bisht cigareje i fikur keq”, ka deklaruar zëdhënësi i kompanisë.

Sa i takon pistës së një zjarri të shkaktuar nga motorët elektrikë të ashensorëve, zëdhënësi i grupit ka siguruar se motorët nuk kanë paraqitur asnjë problem.

“Ata janë larg majës së katedrales dhe tashmë është konfirmuar se zjarri ra në brendësi të ndërtesës”, ka vijuar zëdhënësi.

Për momentin pista e privilegjuar për ngjarjen e rëndë është ajo e zjarrit aksidental, shkaktuar nga një qark i shkurtër, por kjo nuk është konfirmuar zyrtarisht dhe mbetjet e godinës do të analizohen një për një për gjetjen e indicieve./abcnews.al

zjarr-1.jpg
nev ila16:49 | 23/04/2019

Përfshihet nga flakët një sipërfaqe me shkurre dhe ullishtë në zonën e quajtur rërëz Patos. 

Menjëhërë drejt vendit të ngjarjes janë nisur forcat e shumta të zjarrfikëseve, të cilat po bëjnë të pamundurën për shuarjen e flakëve.

Nga informacionet paraprake bëhet me dije se zjarri po përhapet me shpejtësi për shkak të erës së fortë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono