zjarr

eight_col_orphans.jpg
eri Ida08:14 | 15/02/2020

Një ngjarje e rëndë ka ndodhur në Haiti, ku si pasojë e një zsjarri të rënë në një jetimore kanë humbur jetën 15 fëmijë.

Ngjarja e rëndë ka ndodhur në një jetimore, që ndodhet në jug të kryeqytetit Port-au-Prince, ku si pasojë e zjarrit dy fëmijë janë shkrumbuar ndërsa 13 të tjerët vdiqën në spital si rezultat i thithjes së tymit.

Mediat ndërkombëtare bëjnë me dije se akoma nuk ka asnjë informacion në lidhje me shkaqet e zjarrit në jetimore. /abcnews.al

banoreeeee.jpg
eri Ida10:17 | 11/02/2020

Një ngjarje e rëndë ka ndodhur mëngjesin e së martës në lagjen “Ilira” në Shkodër, ku jetojnë disa familje të komunitetit rom, ku si pasojë e flakëve që përfshiu njërën nga barakat, ka humbur jetën një e mitur 13-vjeçe. Ngjarja e rëndë ndodhi në momentin e zjarrit vajza ishte në gjumë. Të afërmit rrëfejnë se 13 vjeçarja vuante nga probleme të shëndetit mendor.

E kemi pas të shtëpia e fëmijës, e kemi pas edhe në Tiranë. Po shkuam e morëm para vitit të ri që të festonte me familjen. Ajo ka pas probleme mendore, ka qenë gjyshja e vet që ka ndezur zjarrin në barake. Edhe kjo ka qenë në gjumë. Në momentin që është ndez zjarri ka shkuar në banjë, kur ka dal ka pa flakën. Vajza ka qenë në gjumë. Unë i kam njerëzit e gruas,” ka thënë i afërmi i të miturës.

Të mbetur në qiell të hapur, këta njerëz kërkojnë ndihmë që ngjarje të tilla mos të përsëriten.

Vit për vit ne digjemi, se si do na vejë puna unë nuk e di.U dogj në orën 6:30 ne ishim duke pirë kafe, dhe pa flakën plaku e tha dilni jashtë se u dogjëm, e nuk kam nxjerrë asgjë”, është shprehur një tjetër banore të cilës i është djegur banesa këtë të martë.

Dyshohet se shkak i zjarrit ka qenë pakujdesia. Mësohet se gjyshja e vajzës ka ndezur një zjarr për t’u ngrohur.. Për të bërë shuarjen e zjarrit, në vendngjarje u angazhuan forca të shumta zjarrëfikëse.

Ndërkohë një tjetër banor thekson se në momentin e zjarrit ka qenë në gjumë. “Unë isha në gjumë sdhe dola jashtë sapo pashë flakën, nuk kam mundur dot që të marr dot asnjë rrobë. Çdo gjë ndodhi shumë shpejt.”

Si pasojë e zjarrit, mësohet se jane shkrumbuar 3 baraka të komunitetit rom. Të ndihmuar nga materiali prej së cilës ishin ndërtuar këto banesa të vjetra, zjarri është përhapur me shpejtësi dhe ka djegur gjithçka. /abcnews.al

zjarri.jpg
eri Ida09:28 | 11/02/2020

Një ngjarje  e rëndë ka ndodhur këtë të martë në Shkodër ku si pasojë e një zjarri të rënë në në çadrat e komunitetit rom ka humbur jetën një 13 vjeçare.

Burime për abcnews.al bëjnë me dije se ngjarja ka ndodhur, në lagjen “Liria”, ka humbur jetën Gj.D, 13 vjeç, e cila në momentin kur ka rënë zjarri ka qenë në gjumë.

Gazetari i ABC News Simon Shkreli ka bërë me dije se shkak i kësaj ngjarje të rëndë ku si pasojë ka humbur jetën 13 vjeçarja e sëmurë është bërë një zjarr  i ndezuar nga gjyshja e saj.

13 vjeçarja kishte disa ditë që kishte ardhur nga shtëpia e fëmijës në Tiranë tek familjarët e saj për të qëndruar. Dyshohet se zjarri ka ardhur nga një sobë, që dyshohet që është ndezuar nga gjyshja e vajzës, por nuk dihet nëse vajza për shkak të problemeve mund të ketë ndikuar në përhapjen e flakëve. Vajza qëndronte me gjyshen ndërsa familjarët e saj nuk ndodheshin në shtëpi. Nga zjarri janë djegur tre barake, ku banorët theksojnë se zjarri ka shkaktuar dëme tek kursimet e pakta që ato kishin arritur të siguronin”, tha gazetari Shkreli.

Ngjarja ka ndodhur rreth orës 7:30 minuta ku kanë mbërritur dhe zjarrfikësit, por nuk kanë pasur mundësi që të shpëtojnë adoleshenten.

Njoftimi policise:

Më datë 11.02.2020, rreth orës 07:10, në lagjen “Salo Halili”, Shkodër, ka rënë zjarr në barakat e komunitetit rom dhe si pasojë ka gjetur vdekjen shtetasja e mitur S. D., 13 vjeçe.

Shërbimet e zjarrfikëses dhe shërbimet e Policisë kanë bërë të mundur shuarjen e zjarrit.

Në vendngjarje po kryhen veprimet nga grupi hetimor, për sqarimin e rrethanave të rënies së zjarrit./abcnews.al

 

18ba32d3-13f3-4f9e-9aa9-8fc68be64e74.jpg
R D22:34 | 10/02/2020

Një zjarr me përmasa të mëdha ra mbrëmjen e së hënës në një pallat në qytetin e Bilishtit.

Burime nga bashkia dhe policia thanë për Abc News se nuk ka njerëz të lënduar por vetëm dëme materiale. Mësohet se është djegur çatia e pallatit, por me ndërhyrjen e zjarrfikëseve flakët janë lokalizuar, duke mos u përhapur nëpër banesa.

Dyshohet janë se flakët kanë nisur nga oxhaku, por shkaqet e sakta ende nuk dihen. Policia tha se po e heton ngjarjen./ abcnews.al

 

nena-femijet.jpg
ger ta14:40 | 09/02/2020

Një nënë me gjashtë fëmijët e saj, njëri prej tyre vetëm 1 vjeç, humbën jetën pasi zjarrri përfshiu shtëpinë e tYrë, në  Mississippi të SHBA-ve, thonë zyrtarët.

Babai ishte i vetmi që u ka mbijetuar flakëve që përfshinë shtëpinë prej druri në qytetin e Clintonit. Ai u dërgua në spital i asfiksuar dhe me djegie të shkallës së dytë.

Zyrtarët lokalë thanë për mediat vendase se shkak i zjarrit mund të jetë bërë një shkëndijë elektrike. Shtëpia në Clinton , e cila është rreth 16 km nga kryeqyteti i shtetit, Xhekson,  ishte ndërtuar rreth vitit 1951.

Nëna, 33 vjeçe ishte mësuese e shkollës fillore dhe fëmijët, pesë djem dhe një vajzë, ishin  nga 1 një deri në 15 vjeç.

“Ata ishin vërtet njerëz të mirë … E gjithë lagjja është e tronditur për këtë  ngjarje,” tha një fqinj./abcnews.al

zjarri-durres-servisi.jpeg
nev ila21:21 | 01/02/2020

Është vënë nën kontroll zjarri i rënë në një servis makinash në rrugën Durrës-Shijak, në vendin që njihet si “Mulliri i Bullgarit”.

Edhe pse zjarrfikëset e kanë patur të vështirë të ndërhyjnë për shuarjen e flakëve, pasi në brendësi të këtij servisi, dëgjoheshin shpërthime, është bërë i mundur neutralizimi i flakëve.

Një numër i madh automjetesh janë djegur, për shkak se vetë servisi është ndër më të mëdhenjtë dhe shërben edhe si pikë grumbullimi në Durrës.

Sipas burimeve policore shkak për provokimin e zjarrit, dyshohet se është bërë një shkëndijë elektrike në kabinën e rojës, nga një ngrohës elektrik.

Siç raporton për abcnews.al gazetari Leonidha Musaj, zjarrfikëset që kanë marrë pjesë në aksionin për shuarjen e flakëve kanë ardhur nga Durrësi, Kavaja dhe Shijaku.

Për shkak se servisi i përfshirë nga flakët ndodhet në një zonë rurale dhe banesat ndodhen larg nuk ka patur rrezik për lëndime në njerëz por tashmë raportohet vetëm për dëme materiale pasi disa makina janë djegur plotësisht.

Policia ndodhet pranë servisit dhe ka filluar punën për dokumentimin e plotë të ngjarjes ndërsa ka dhënë dhe detajet e para për ngjarjen.

Njoftimi i policisë: 

“Durrës/Informacion paraprak

Më datë 01.02.2020, rreth orës 19:55, në Rrushbull, sa kalon shinat e trenit, ka rënë zjarr në një servis për shitje pjesë këmbimi për automjete.

Në vendngjarje kanë shkuar 5 makina zjarrfikëse ku aktualisht është bërë e mundur izolimi i përhapjes së mëtejshme të flakëve.

Forcat e Ndërhyrjes së Shpejtë të  Tiranës, shërbimet e Drejtorisë Vendore të Policisë dhe të Komisariatit të Policisë Durrës po evakuojnë banorët përreth, duke i larguar nga jashtë perimetrit të sigurisë .

Shërbimet e Policisë rrugore të Durrësit kanë marrë masa për devijimin e qarkullimit dhe mos lejimin e kalimit të asnjë automjeti në afërsi të servisit të përfshirë nga flakët.

Në vendngjarje ndodhet dhe grupi hetimor, ku vijon puna për zbardhjen e rrethanave të rënies së zjarrit në këtë servis.

Vijon puna për shuarjen e plotë të zjarrit”./abcnews.al

 

zjarr-magazina.jpg
R D00:14 | 28/01/2020

Një zjarr i përmasave të mëdha ka rënë pak para mesnate ne lagjen Shënkoll të Elbasanit. Nga të dhënat paraprake mësohet se zjarri ka përfshirë një magazinë me metrazhe dhe copa të ndryshme që përdoreshin për tapiceri.

Magazina në është në pronësi të Leonard Mustafait dhe është djegur plotësisht, raporton gazetari i Abc News, Aldo Kozaria. Sipas tij dëmi material është i madh ndërsa nuk ka persona të lënduar. Forcat zjarrfikëse kanë shuar flakët dhe policia po punon për të përcaktuar shkaqet e zjarrit./abcnews.al

*foto ilustruese

Screenshot_2-12.png
R D18:13 | 25/01/2020

Disa bombola gazi shpërthyen njëra pas tjetrës në zonën e “Myslym Shyrit” në Tiranë duke shkaktuar flakë të mëdha dhe tym të zi. Dy makina zjarrfikëse shkuan menjëherë duke bërë të mundur vendosjen e zjarrit nën kontroll.

Siç shihet edhe në pamjet e siguruara nga Abcnews.al zjarri ka shpërthyer rreth orës 16:40 në mes të pallateve, duke ngjallur panik tek banorët e zonës.

Burimet thanë se bombolat 5 litershe shpërthyen në një pikë tregtare që shërben për mbushjen e bombolave që përdoren për gatim.

Fatmirësisht nga kjo ngjarje nuk ka persona të lënduar.

Gjithsesi edhe pse flakët janë vendosur tashmë nën kontroll dhe nuk ka rrezik, herë pas here shihen vatra të vogla zjarri./abcnews.al

 

abc-5.jpg
in a14:14 | 25/01/2020

Një zjarr i fuqishëm ka rënë ditën e djeshme në zonën pyjore në fshatin Skënderbegas, në Gramsh. I favorizuar nga era e fortë, flakët kanë shkrumbuar sipërfaqe pyjore, por dhe drurë pishe.

Burime për abcnews.al bëjnë me dije se për ti ardhur në ndihmë, epike të zjarrfikëse janë nisur nga  Elbasani. Për shkak se zona është e thellë është bërë e pamundur ndërhyrja nga zjarrfikësit të cilët janë afruar në këmbë për të bërë të mundur shuarjen e zjarrit.

Mësohet se flakët kanë përfshirë 10-15 hektarë, ndërsa në fshatin Vidhan është përfshirë nga flakët një sasi e konsiderueshme pylli me pisha./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono