zjarr

fire.jpg
G. P.22:26 | 18/09/2019

Të paktën 27 persona, shumica e të cilëve fëmijë, kanë humbur jetën në një zjarr që përfshiu një shkollë në periferi të kryeqytetit të Liberisë, Monrovia. Zjarri dyshohet të ketë rënë në orët e mëngjesit kur fëmijët e shkollës së Kuranit po flinin në godinën që ndodhet pranë një xhamie.

Policia vendase ka deklaruar se skuadrat e shpëtimit po kërkojnë ende për trupa në ndërtesë. Presidenti i vendit, ish-futbollisti i njohur Xhorxh Ueah ka vizituar vendin e ngjarjes dhe i ka shprehur ngushëllimet e tij familjarëve të të ndjerëve.

Ndërkohë, një zëdhënës i policisë ka thënë për agjencinë e lajmeve “Reuters” se zjarri mund të ketë rënë për shkak të një problemi elektrik, por hetimet vazhdojnë./ABC News Albania 24/7

zjarri-kraste-elbasan-1280x702.jpg
nev ila14:27 | 16/09/2019

Një zjarr i fuqishëm ra në Parkun Kombëtar të Krastës në Elbasan. Për shuarjen e tij u angazhuan jo vetëm zjarrfikëset e Elbasanit, por edhe ato të qyteteve fqinje.

Pylli me pisha në Krastë të Elbasanit shpërtheu në flakë.

Vatra  u pa mesditën e kësaj të hëne në majën e kodrës.

Për pak minuta zjarri u përhap me shpejtësi, ndihmuar nga thatësira dhe era.

Në vendin e ngjarjes shkuan punonjës të repartit zjarrfikës, emergjencat civile në bashki dhe ato  të shërbimit pyjor.

Zjarrfikëset e patën  të pamundur të depërtonin deri në vatër për shkak të terrenit të thyer. Ndaj për të fikur flakët u punua me mjete rrethanore, kazma, lopata dhe pompa dore.

Në ndihmë të repartit zjarrfikës në Elbasan ishin  edhe zjarrfikëse të qyteteve fqinje. Kjo vatër konsiderohet e rrezikshme, jo vetëm për faktin se po dëmton kurorën e gjelbër, por edhe pse aty pranë ndodhen depot e ujit që furnizojnë gjysmën e qytetit të Elbasanit.

Kurse  në disa gropa dhe tunele mendohet se ka edhe municione të hedhura gjatë vitit 1997 të cilat përbëjnë rrezik shpërthimi.

Krasta konsiderohet mushkëria e qytetit të Elbasanit. Por gjatë viteve të fundit fatkeqësisht është goditur nga disa zjarre.  Më i madhi ishte ai i gushtit të vitit 2017 kur pothuaj e gjithë kurora u përfshi nga flakët duke shkaktuar dëme të pariparueshme./ABC News Albania 24/7

zjarr-ne-autostrade.mp4_snapshot_00.04-1280x720.jpg
ent ela10:29 | 16/09/2019

Një ngjarje e pazakontë ka ndodhur paraditen e sotme në superstradën Fushë Krujë – Laç. Flakë dhe ty mbuluan rrugën për disa ore me radhë. Kjo për shkak se poshtë urës ku kalon lumi Droje në Thumane iu është vënë flaka plehrave që hidhen nga fshatrat përreth. Nuk dihet se kush e ka ndezur këtë zjarr, por mjetet zjarrfikëse shkuan në vendin e ngjarjes. Në këtë lumë hidhen pa ndërprerje mbetje urbane, të cilat përfundojnë në bregdet në zonën e Gotullës. Por kësaj here siduket dikush u ka vënë zjarrin poshtë urës dhe e tërë zona është mbuluar nga tymi, flakët dhe aroma e rëndë. /ABC News Albania 24/7

zjarr-ne-diber.mp4_snapshot_00.05-1280x720.jpg
ent ela12:52 | 15/09/2019

Pyjet e Dibrës e Bulqizës janë përfshirë nga flakët. Bëhet fjalë për dy vatra të mëdha zjarri që kanë nisur prej tri ditësh në masivin pyjor me pisha në fshatin Vlashaj të Njësisë Administrative Lurë në Bashkinë Dibër.  Zjarri ka marrë përmasa të mëdha, ndërsa flakët janë në një zonë që është pranë me banesat. Banorët thonë se sipërfaqja e djegur deri tani shkon në 10 HA. Ata kërkojnë ndërhyrje nga ajri pasi shuarja e zjarrit nga toka është e pamundur. Vatra tjetër e zjarrit është aktive në Njësinë Administrative Shupenzë. Flakët kanë përfshirë pyjet me dushqe në fshatin Mazhicë. Deri tani besohet se janë djegur rreth 5 HA. Edhe në këtë fshat vatra e zjarrit po ju afrohet banesave. Banorët kërkojnë ndërhyrje të instancave pasi vetë e kanë të pamundur shuarjen e zjarrit. /ABC News Albania 24/7

magazina.jpg
G. P.15:03 | 14/09/2019

Një magazinë me materiale ndërtimi u përfshi nga flakët mesditën e sotme në zonën industriale të Kukësit.

Dy zjarrfikëse prej disa orësh po punojnë për shuarjen e zjarrit. Në magazine ndodhen edhe materiale të ndryshme si goma makinash apo bojëra e kimikate që nxisin zjarrin të përparojë akoma më shumë.

Aktualisht situata është nën kontroll. Nuk dihen ende shkaqet e rënies së zjarrit në magazinë./ABC News Albania 24/7

zjarri-ne-pallat.jpg
G. P.10:46 | 14/09/2019

Një zjarr që ra në katin e fundit të një pallati në Fushë-Krujë shkaktoi dëme të shumta materiale. Fëmijët që ndodheshin në banesë u shpëtuan pa lëndime nga fqinjët. Shkak i zjarrit dyshohet të ketë qenë një shkëndije elektrike.

Pallati në fshatin Zallë të Fushë Krujës ka mbetur pa çati pas zjarrit që përfshiu në mëngjes herët katin e fundit. Tymi që doli nga dritaret e apartamentit alarmoi banorët të cilët vrapuan për të dalë jashtë.

Në banesën që ra zjarri ndodheshin edhe katër fëmijë. Prindërit e tyre ishin në punë. Nëna e të vegjëlve tregon se ata u shpëtuan nga fqinjët. Mjekët që ishin në vendngjarje tregojnë se nuk ka patur raste që kërkonin ndihmë të parë as te lënduar nga zjarri.

“Ambulanca ka shkuar bashkë me stafin dhe në vendngjarje nuk ka pasur nevojë për ndihmë të parë. Në ambulancën tonë nuk ka ardhur asnjeri me shenja të asfiksisë nga zjarri”.

Kurse banorët pretendojnë se zjarrfikësja erdhi me vonesë, ndryshe dëmet materiale nuk do të ishin kaq të mëdha.

“Po të kishin ardhur me kohë nuk kishte vajtur në këtë gradë”.

Shkak i zjarri dyshohet një shkëndije elektrike./ABC News Albania 24/7

zjarr-1.jpg
G. P.14:06 | 26/08/2019

Një pulari është përfshirë nga flakët gjatë ditës së hënë. Ngjarja ka ndodhur rreth orës 13:30 në Fushë-Farkë, në afërsi të Surrelit. Mësohet se ambienti ku ranë flakët janë në pronësi të shtetasit D.T.

Mësohet se si pasojë e zjarrit nuk ka persona të lënduar, por vetëm dëme materiale.  Rrethanat e zjarrit mbeten ende të paqarta.  Ndërkohë është ngritur një grup hetimor dhe po kryen veprimet në lidhje me zbardhjen dhe sqarimin e rrethanave të ngjarjes./abcnews.al

ZJARRI-SHENGJIN-MBULIM_ABC-M2-T1.mpg_snapshot_00.01-1280x720.jpg
ent ela20:03 | 23/08/2019

Mali i Shëngjinit vazhdon të digjet edhe pas angazhimit të forcave të ushtrisë krahas atyre zjarrfikëse dhe shërbimit pyjor. Vëmendja më e madhe ka qenë për të mbajtur flakët larg zonës së banuar ndërsa lufta me Zjarrin vijon pa ndërprerje.

Dëmet janë të konsiderueshme në masivin pyjor të malit të Shëngjinit, ndërsa kanë nisur edhe hetimet pasi ka dyshime për zjarrvënie të qëllimshme.  Zjarri në malin e Shëngjinit ka nisur që prej pasdites së djeshme. Në tre vitet e fundit në këtë zone ka patur zjarre të vazhdueshme.

Ministria e Mbrojtjes ka njoftuar se asnjë banesë nuk është e rrezikuar. Aktualisht janë 200 efektivë nga Forcat e Armatosura me mjete e trupa nga Tirana e Shkodra dhe Bashkia Lezhë të angazhuar për situatën në Shëngjin./ABC News Albania 24/7

zjarr-ne-fier.mp4_snapshot_00.04-1280x720.jpg
ent ela17:00 | 21/08/2019

Zjarri në fshatin Peshtan të Fierit vazhdon të përhapet me shpejtësi, i favorizuar edhe nga erërat e forta. Të dhënat paraprake bëjnë të ditur se deri tani janë përfshirë nga flakët, rreth 13 hektarë me ullishte.

Për shuarjen e zjarrit janë angazhuar punonjës të shërbimit zjarrfikës nga Fieri, Patosi, Roskoveci dhe Lushnja. Në ndihmë të tyre janë edhe banorët, të cilët po punojnë me mjete rrethanore.

Ende nuk dihen shkaqet e këtij zjarri. Ky është zjarri i tretë brenda një jave në zonën me ullishte të këtij fshati.

/ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono