zhdukja

ZHDUKJA-NE-SHKODER_ABC-M2-T1.mpg_snapshot_00.58-1280x720.jpg
G. P.15:06 | 13/09/2018

Policia e Shkodrës nuk ka gjetur asnjë gjurmë për ekzistencën e burrave të zhdukur në Shkodër. Një burim i tha ABC News që ka dyshime se dajë e nip nga Dobraçi i Shkodrës mund të jenë vrarë.

Tre javë nga zhdukja e dy personave nga Dobraçi i Shkodrës dhe nuk ka asnjë gjurmë. Gëzim Hysaj dhe Agron Mollaj, dajë e nip nuk u panë më qe prej 23 gushtit. Një burim i policisë i tha ABC News që gjasat janë të vrarë. Kjo për shkak se hetueset nuk kanë mundur të kapin asnjë të dhënë mbi ekzistencën e tyre. Motorri i Gezim Hysaj 57 vjeçi, u gjet rreth 4 ditë më vonë në një godinë të braktisur tek Ura e Spatharit në Vaun e Dejës. Por akoma nuk është mësuar se si ka arritur motorri i tij në atë vend. Ai më herët i kishte thënë bashkëshortes se do të shkonte në Shkodër për të pirë kafe me një shok.

Fillimisht u dyshua për ndonjë hakmarrje të mundshme mbi konfliktet e nipit të tij Agron Mollaj dhe vrasjen e kryer në vitin 1997. Dhe ndoshta Gëzim Hysi u përdor si karrem për të nxjerrë nga shtëpia 47 vjeçarin, nipin e tij. Por kjo pistë hetimi është vënë në dyshim nga dëshmitë e familjareve Mollaj. Ata kanë treguar se Agron Mollaj u thirr nga jashtë shtëpisë, “Dil shpejt se po të vrasin dajën. Ai ka nxituar me një motorr dhe prej atij momenti nuk dihet asgjë për të dy personat. Përkundër kqyrjes së kamerave të sigurisë në disa zona të qytetit, por edhe gjurmimit përmes telefonit celular, nuk është arritur të lokalizohet vendndodhja e Gëzim Hysenit para humbjes. Policia vazhdon ti ketë në kërkim si të zhdukur dajë e nip Gëzim Hysaj dhe Agron Mollaj./abcnews.al

2_Silhouette-of-male-hand-typing-on-laptop-keyboard-at-night-810x445.jpg
ent ela19:54 | 08/09/2018

Pas disa javësh, interneti do të bllokohet për miliona përdorues në mbarë botën. Bllokimi do të ndodhë më 11 Tetor, pasi do të ndërrohen “çelësat e sigurisë” që mbrojnë një pjesë të rëndësishme të internetit.

Ky proces quhet “KSK Rollover”, dhe në këtë pikë shumë përdorues mund të shikojnë një njoftim “probleme me serverin”. Për përdoruesit që do të preken nga ky “blackout”, problemet do të shfaqen më 11 Tetor ose 48 orë me vonesë.

Kjo do të ndodhë për shkak se shumë nga serverat që menaxhojnë internetin ruajnë një kopje për dy ditë. Për herë të fundit, ky proces u bë në vitin 2010 dhe ky sistem sigurie i quajtur KSK-2010 nuk do të jetë më i vlefshëm, ndërsa “çelësi i ri i sigurisë” do të quhet KSK-2017.

“Çelësat e sigurisë” janë të projektuar që të mos keqpërdoren dhe të mos sulmohen pjesë të caktuara të internetit. Këto të dhëna sigurie ndërrohen për shkak se në ditët e sotme është teorikisht e mundur që kompjuterët e fuqishëm të gjejnë kodet e enkriptuara. Përveç rënies së serverit, përdoruesit e internetit nuk do të shohin asnjë ndryshim tjetër gjatë navigimit në internet. Koorporata e internetit thotë se nuk do të preket e gjithë bota nga ndryshimi i kodeve të sigurisë, por vetëm një pjesë e përdoruesve, rreth 36 milionë në të gjithë  botën nga 3.58 miliardë. /tvklan.al

web-0309binkamphuis2jpg20411224-1280x970.jpg
G. P.21:05 | 03/09/2018

Rritet alarmi në Norvegji për fatin e Arjen Kampuis, magjistarit holandez të informatikës, i cili ka bashkëthemeluar Uikiliks së bashku me Juliaj Asanzh. Ai është zhdukur prej dy javësh në Norvegji.

Gjurmët e tij kanë humbur në 20 gusht në Bodo ne veri të vendit. Policia norvegjeze bëri të ditur se ka nisur hetimet. Sipas burimeve të Uikiliks, Kampuis kishte prerë një biletë për një fluturim Brenda vendit në 22 gusht, por ai nuk u ngjit asnjëherë në avion./abcnews.al

ZHDUKJA-E-TREGTARIT-PEQIN-1280x720.jpg
ent ela17:22 | 17/05/2018

Një ditë pasi policia arrestoi laçjanin Aleksandër Fadili për zhdukjen e tregtarit nga Peqini, të afërmit e tij tregojnë çfarë kishte bërë nipi i tyre kohët e fundit. Që nga marrja e një kredie deri tek puna e përbashkët me shokun e tij nga Laçi.

Kanë ditë që marrin lekë borxh dhe kërkojnë qytet më qytet. Janë të afërmit e tregtarit të perdeve në Peqin, Fation Fejzillari.

Policia arrestoi të mërkurën shokun e tij të ngushtë nga Laçi, Aleksandër Fadilin, por pa përcaktuar se cili është roli i tij në zhdukjen e Fejzillarit.

Tezja Fetije Kanani tregon se nipi i saj para disa kohësh kishte marrë 5 milionë lekë kredi. Kishte blerë një makinë dhe më pas u furnizua me mall. Meqë nuk kishte patentë, ai punonte bashkë me 30 vjeçarin Aleksandër Fadili.

“Po 100% te ai, se ai ishte me atë bashkë, vinte te motra ime dhe thoshte që unë e kam mbi kurriz, jam pa shkollë thoshte” – thotë Fetije Kanani tezja e të zhdukurit Fation Fejzillari.

Të afërmit dyshojnë se ai e ka Fatjonin.

“Dua vëllain, unë dyshoj te shoku, se me shokun vajti ai”.

Fejzillari u pa për herë të fundit pasditen e 29 Prillit në qytetin e Laçit. Aty kishte shkuar me shokun e tij Aleksandër Fadili për të shitur perde dhe çarçafë. Ky i fundit u vendos ne pranga pas dy jave kërkimi.  Zyrtarisht është i dyshuari kryesor për zhdukjen e djalit nga Peqini. /abcnews.al

meksike-1280x660.jpg
G. P.21:21 | 13/03/2018

Zhdukja e 43 studentëve në Meksikë 4 vjet më parë është rikthyer në qendër të vëmendjes. Policia meksikane ka arrestuar një të dyshuar që mund të hedhë dritë mbi ngjarjen.

Policia federale në Meksikë ka arrestuar një person që konsiderohet i dyshuari kyç për zhdukjen e 43 studentëve nga qyteti i Igualasë, në vitin 2014. Erick Uriel Sandoval akuzohet se ka formuar bandën që dyshohet se ka vrarë studentët dhe më pas ka djegur trupat e tyre.

Ai u arrestua në Kokula, qyteti pranë pikës së grumbullimit të mbetjeve ku u gjet trupi i pajetë i njërit prej studentëve të zhdukur. Zhdukja e 43 studentëve shkaktoi një reagim masiv, kombëtar dhe ndërkombëtar. Një burim pranë zyrës së prokurorit që po drejton hetimet mbi ngjarjen ka deklaruar se Sandoval ka luajtur një rol të rëndësishëm në krimin e shumëfishtë ndaj studentëve.

Mediat lokale aludojnë se ai ishte një ndër anëtarët e bandës që kishte për detyrë të ekzekutonte studentët para se të digjnin trupat e tyre. 43 të rinjtë ishin pjesë e një grupi të madh që po trajnoheshin për t’u bërë mësues dhe kishin udhëtuar nga kolegji i tyre në qytetin e Igualasë për të protestuar kundër praktikave diskriminuese për zgjedhjen e mësuesve.

Në kthim, autobusi i tyre fillimisht u qëllua me armë dhe u ndalua nga policia, e cila më pas ua dorëzoi të rinjtë anëtarëve të bandës së zonës, Luftëtarët e Bashkuar. Këta të fundit i çuan studentët në një pikë të mbledhjes së mbeturinave dhe pasi i vranë dogjën trupat e tyre./abcnews.al

vlcsnap-error400-1280x721.jpg
us er17:17 | 23/11/2017

Marina Ushtarake e Argjentinës ka konfirmuar se është dëgjuar një shpërthim në vendin ku është zhdukur nëndetësja “Ara San Huan” në Atlantik. Ky zbulim zbeh dhe më tej shpresat për të shpëtuar 44 personat që ishin në bordin e mjetit lundrues.

Zhurma e regjistruar të mërkurën e 15 nëntorit në zonën ku gjendej “Ara San Huan”, nëndetësja argjentinase e zhdukur që prej asaj dite në Atlantik, ishte një shpërthim. Kjo është njoftuar nga një zëdhënës i marinës ushtarake, Enrike Balbi. Në bordin e mjetit lundrues ishin prezentë 44 anëtarë të ekuipazhit.
Në një komunikatë zyrtare, të mërkurën marina argjentinase konfirmoi se kishte marrë informacionin e kërkuar nga Shtetet e Bashkuara, i cili ishte në përputhje me një sinjal zanor “i cili korrespondon me ditën e fundit, në të cilën janë verifikuar komunikimet e fundit nga “Ara San Huan”.

Kjo “anomali hidro-akustike”, domethënë “zhurma” që zëdhënësi ka konfirmuar tani është “një ngjarje jonormale, e vetme, e shkurtër, e dhunshme dhe jo-nukleare, domethënë një shpërthim”. Zhurma u regjistrua në orën 11:00 të paradites së 15 nëntorit, tre orë e gjysëm pasi komandanti i nëndetëses kishte sinjalizuar vendodhjen e mjetit lundrues në bazën operative.
Sinjali u verifikua në itenerarin që “San Huan” kishte për të përshkruar deri në “Mar del Plata”. Pavarësisht këtij zbulimi të fundit, vazhdojnë kërkimet për gjetjen e nëndetëses. Megjithatë autoritetet po humbasin shpresën për të shpëtuar 44 anëtarët e ekuipazhit, pasi edhe oksigjeni në nëndetëse ka përfunduar./abcnews.al

vlcsnap-error536-1280x720.jpg
us er12:49 | 19/11/2017

Ministria e Mbrotjes argjentinase ka bërë me dije se ka ende shpresë për të gjetur nëndetësen e zhdukur me 44 persona në bord. Autoritetet bëjnë me dije se kanë marrë 7 tentativa për komunikim nga nëndetësja.

Nëndetësja e zhdukur që prej të mërkurës në argjentinë dyshohet se ka tentuar që të bëjë thirrje telefonike satelitore për tu lidhur me bazën detare. Kështu kanë njoftuar autoritetet vendase të cilat vijojnë që prej mesjavës kontrollet për gjetjen e nëndetëses me 44 antarë ekuipazhi në bord.
“Thirrjet, që kanë zgjatur nga 4 deri në 36 sekonda, u bënë në orën 10:52 dhe 3:42 në baza të ndryshme detare, por komunikimi nuk mund të vendosej”, tha ministria e Mbrotjes argjentinase. “Po punojmë që ta gjejmë saktësisht transmetuesin. Këto përpjekje dëshmojnë se ekuipazhi po përpiqet të rivendosë kontaktin”, tha ministria.
Pozicioni i fundit e njohur e anijes, ishte pikërisht 432 km larg nga brigjet e Patagonisë.
Autoritetet thanë se nëndetësja ndoshta ka pësuar një defekt në sistemet e komunikimit, por sipas procedurave ushtarake ajo duhej të kishte dalë në sipërfaqe. Janë duke u zhvilluar operacione të shumta kërkimore, me mbështetje logjistike nga Kili, Shtetet e Bashkuara dhe Britania e Madhe./abcnews.al

vlcsnap-error491-1-1280x720.jpg
us er12:13 | 14/11/2017

Pas denoncimit të vëllait, edhe prokuroria e Durrësit u vu në lëvizje për zhdukjen e avokatit Besnik Muça, që nga data 2 nëntor. Më herët prokuroria e Barit kishte nisur hetimet pas denoncimit të bashkëshortes së tij që e priste në Itali. Organi i akuzës ka disa dyshime për zhdukjen e avokatit, që nga rrëmbimi i tij deri tek mbytja në det.  Sipas burimeve të policisë sonë thuhet se personeli në tragetin ku ai kishte hipur për të shkuar në Itali,  gjeti një xhup, kartë qëndrimi italiane, çantë me sendet personale, por jo pasaportën shqiptare të avokatit. Këto janë sekuestruar nga Policia e Barit si provë materiale. Për herë të fundit Muça kishte kontaktuar me bashkëshorten ku e njoftonte se po hipte në traget në Durrës për të shkuar tek ata në Itali. 54 vjeçari Muça kishte dokumente të rregullta qëndrimi në Itali, ku jetonte prej vitesh me bashkëshorten dhe fëmijët. Kurse kohët e fundit ai kishte nisur punën si avokat i lirë në Tiranë. Në datën 2 nëntor, Besnik Muça rezulton të ketë kryer të dyja procedurat në portin e Durrësit si atë të check-in dhe regjistrimin në sistemin TIMS./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono