zgjidhja

IDRO-VUCIC-ABCM4T2.mpg_snapshot_00.09-1280x720.jpg
ent ela19:01 | 03/05/2019

Presidenti serb Aleksandar Vuçiç ka deklaruar se ndarja e Kosovës është një opsion tashmë i dështuar për gjetjen e zgjidhjes së kontestit dypalësh. Duke komentuar samitin e Berlinit, Vuçiç ka nënvizuar se ndarja nuk është mbështetur nga faktori ndërkombëtar.

Presidenti serb, Aleksandar Vuçiç, ka thënë se ideja e përkufizimit me Kosovës ka dështuar, pavarësisht idesë së tij për të zgjidhur një problem historik e sidomos jo për të lënë pasoja në të ardhmen. Por, ka theksuar se nuk ka patur mbështetje as në Serbi për idenë e tij. Vuçiç, i ka kushtuar ditën deklaratave për samitin e Berlinit duke theksuar se shtet që kanë njohur Kosovën duan njohjen e plotë të pavarësisë së Kosovës. Serbia e ka të vështirë të negocioj në këto kushte. Në Serbi ka theksuar se zgjidhja më e mirë ka qenë kompromisi.

Aleksandër Vuçiç, president i Serbisë: “Populli ynë ka menduar ndryshe se shumica e botës dhe unë e kam kuptuar këtë. Kjo do t’i kushtojë shumë popullit tonë 20, 30 apo 50 vite më vonë, që nuk e kemi bërë përkufizimin”.

Presidenti serb, ashtu siç edhe ka shkruar në tekstin e tij autorial për të përditshmen Kurir, ka thënë se Serbia duhet të fokusohet tek ekonomia dhe zhvillimi, kurse në të ardhmen dikush tjetër do të duhet ta thotë të vërtetën. Vuçiç ka thënë se Serbisë i nevojiten miqtë nërkombëtarë, por ka përsëritur se është i gatshëm të bisedoj. Thaçi dhe Haradinaj, siç ka thënë, nënvlerësuan kancelaren Merkel dhe presidentin Makron.

Aleksandër Vuçiç, president i Serbisë: “Kur të heqin taksën ne mund të flasim dhe ata mund ta gjejnë daljen si të duan, por nuk duan. I kam thënë edhe Merkel dhe Markon që ata nuk do të lëshojnë pe, ata nuk më besonin si mund ta refuzojnë Francën dhe Gjermaninë. E dija pasi ua njoh mentalitetin edhe pse s’e kam takuar më parë Haradinajn”.

Prsidenti serb ka theksuar se në Berlin ka qenë një sulm i organizuar kundër Serbisë dhe Republikës Serbe të Bosnjës nga shumë shtete dhe kjo ka qenë e vështirë. /ABC News Albania 24/7

basha-live1.jpg
ent ela12:56 | 06/03/2019

Kryetari demokrat Lulzim Basha shprehet edhe njëherë i vendosur për të mos dialoguar me kryeministrin Edi Rama. Në përfundim të takimit me zv.ambasadoren amerikane, Basha tha se marrëveshja e 17 majit, rezultoi kundër interesit publik.

Duket se kreu i demokratëve Basha kërkon të mos përsërisë, historinë që për të rezultoi tragjedi elektorale, një herë të dytë në formën e një farse. Ndaj ftesës së përsëritur të kryeministrit i vë përballë eksperiencën.

“Dialogu midis meje dhe Ramës provoi të ishte i dëmshëm për interesat e Shqipërisë në mënyrën si u keqpërdor nga një njeri që hiqet si kryetar i Partisë Socialiste, por është reduktuar në një bashkëpunëtor të krimit të organizuar dhe të oligarkëve grabitqarë që dëmtojnë interesat e shqiptarëve, dëmtojnë dhe interesat e socialistëve, dëmtojnë dhe interesat e demokracisë. Populli ka folur dhe dje dhe do flasë në çdo protestë. Rama bën mirë të dëgjojë zërin e popullit, t’i hapë rrugë zgjidhjes politike dhe t’i hapë rrugë hetimit të dosjes 339  dhe 184. Zgjidhja mbetet në dorë të popullit”.

Deklaratat kreu i demokratëve i bëri në përfundim të takimit me zëvendës ambasadoren amerikane Leyla Moses One, përmbajtjen e të cilit refuzoi ta bënte publike.

“Nuk bëj komente mbi deklaratat dhe takimet në këtë rast me partnerin strategjik të Shqipërisë, SHBA”.

Takimi që zgjati rreth një orë, erdhi një ditë pas protestës së katërt të thirrur nga koalicioni opozitar dhe është i pari mes kryeopozitarit dhe përfaqësueses më të lartë të Shteteve të Bashkuara të Amerikës në Tiranë, që pas nisjes së sezonit të protestave opozitare më 16 shkurt dhe djegies së mandateve të deputetëve, edhe pse në qëndrimet e saj në mënyrë të vazhdueshme Ambasada amerikane është shprehur kundër këtij veprimi politik të opozitës, por edhe përdorimit të dhunës në protesta. /abcnews.al

BALLUKU-ME-TREGETARET-E-MAKINAVE.mpg_snapshot_00.00-1280x720.jpg
ent ela13:32 | 12/02/2019

Tregtarët e automjetetve të përdorura kanë kërkuar rishikim të vendimit të qeverisë për importimin e automjeteve mbi 10 vjet përdorim. Në dëgjesën publike që zhvilloi me ta, Ministrja e Energjisë dhe Infrastrukturës Belinda Balluku ka premtuar gjetjen e një zgjidhjeje që jo vetëm mos dëmtohet biznesi i tregtarëve por edhe të mbrohet mjedisi.

Me këtë ftesë u ul përballë  tregtarëve të makinave të përdorura Ministrja e Energjisë dhe Infrastrukturës Belinda Balluku. Vendimi i Këshillit të Ministrave ka dëmtuar biznesin e tyre i thanë tregëtarët duke filluar që tek ndalimi i autoveturave që janë prodhuar jo më shumë se 10 vjet para datës së regjistrimit të parë në Shqipëri.

Arsyeja e ndalimit të makinave mbi 10 vjet prodhim është vendosur për të mbrojtur shëndetin e njerëzve. Por kjo nuk qëndron sipas importuesëve të automjeteve të përdorura, pasi problem kryesor është karburanti që tregëtohet në Shqipëri.

Sa i përket detyrimit për të targuar automjetet që sjellin nga jashtë, kjo i duket e paarsyeshme tregëtarëve pasi nuk mund t’i vendosin targa një makine që nuk qarkullon.

Ashtu siç premtoi në fillim të fjalës së saj ministrja Balluku i dëgjoi dhe i mbajti shënim ankesat e importuesëve të automjeteve dhe u premtoi se një zgjidhje të mesme do t’ua japin shumë shpejt.

Në tetor të vitit të kaluar këshilli i ministrave vendosi të mos lejojë  nga 1 janari i vitit 2019 importimi i makinave të përdorura mbi 10 vjet prodhim. /abcnews.al

46464138_303.jpg
ent ela09:40 | 10/02/2019

Ka 20 vjet që “kriza e Kosovës” shfaqet në titujt e gazetave. Gjendja e staus quo-së ngjan më shumë me një paqe të bllokuar se sa me një paqe të vërtetë. Një prezantim i fakteve.

Si këto ditë 20 vjet më parë, në Rambouillet të Francës filloi konferenca ndërkombëtare e paqes për konfliktin që zgjaste disa dekada midis Serbisë dhe Kosovës, të banuar nga shqiptarët. Beogradi nuk pranonte asnjë propozim që i prezantohej. Më 24 mars 1999, NATO filloi ndërhyrjen ushtarake, të parën ndërhyje gjatë ekzistencës së saj. Bombat e NATO detyruan ushtrinë serbe dhe shumë njësi paramilitare, që të tërhiqeshin nga Kosova, pasi kishin detyruar dëbimin e 800 mijë shqiptarëve. Që prej asaj kohe, Kosova, e cila u bë më 2008 shteti më i ri i Europës dhe u nda nga Serbia, u vendos pak a shumë nën vëzhgimin ndërkombëtar. Trupa mbrojtëse e Kosovës, e drejtuar nga NATO, KFOR-i, u bë garanci për sigurinë. BE u përpoq për dhjetë vjet me radhë, që të formonte me misionin e saj më të madh jashtë BE-së, EULEX-in, një shtet juridik demokratik.

Gjendja

Kosova vazhdon të jetë një nga shtetet më të korruptuara. Mediat dhe drejtësia kanë ngelur varur në klanet e politikës. Kontrabanda e armëve, drogës dhe qenieve njerëzore janë „sektorët ekonomikë” më të rëndësishëm. Papunësia është e madhe. Kush ka mundësi të largohet migron në Europën Perëndimore. Në Serbi gjendja është e njëjtë, megjithëse vendi është zyrtarisht kandidat për t’u pranuar në BE. Komisioni i BE-së, ka parashikuar madje vitin 2025, si datë e mundshme pranimi. Megjithëse BE është duke ndërmjetësuar prej vitesh midis fqinjëve të armiqësuar, përparime për qetësimin e konfliktit të vazhdueshëm nuk janë bërë. Parlamenti serb sapo u tall me BE-në, duke e quajtur „tigër pa dhëmbë”.

Pse nuk janë duke u arritur përparime në këtë krizë, megjithëse SHBA dhe BE kanë vënë në dispozicion ushtri me diplomatë dhe ekspertë, si dhe miliarda euro? Gjendja është ashpërsuar madje javët e fundit. Linjat e bisedave midis Beogradit dhe Prishtinës janë shumë larg njëra-tjetrës.

Shqiptarët e Kosovës kanë marrë vendim të krijojnë ushtrinë e tyre. Reagimet e Serbisë luhaten midis indinjatës dhe mungesës së fuqisë. Prishtina vuri taksa 100 përqind për mallrat serbe, sepse Beogradi nuk do që ta njohë Kosovën, nga pikëpamja e së drejtës ndërkombëtare. Dëmet ekonomike të Serbisë vlerësohen mbi 100 milionë euro. Javën e kaluar, parlamenti i Kosovës nxorri ligjin që e bën minierën e Trepçës kombëtare, megjithëse kjo sipërmarrje e rëndësishme është prej kohësh një pikë e diskutueshme midis dy vendeve fqinjë.

Mungon interesi në arritjen e përparimeve në konfliktin e Kosovës

Ekzistojnë disa pengesa të rëndësishme, që e pengojnë zgjidhjen e krizës së Kosovës. Sepse praktikisht askush nuk ka interes në zbutjen e shpejtë dhe afatgjatë të konfliktit. Presidenti i gjithëpushtetshëm serb, Aleksandar Vuҁiҁ, është një aktor shumë i mirë. Nuk dihet nëse ai është po aq i apasionnuar me shahun sa kolegu i tij rus, Vladimir Putin. Sidoqoftë, të dy politikanët e nivelit të lartë janë mjeshtra taktike në shahun politik të Ballkanit.

Sipas studimeve të fundit ka dalë se Moska nuk ka interes që t‘ i japë një përgjigje përfundimtare çështjes së Kosovës. Sepse nëse do ta bënte do të humbiste ndikimin në rajon. Prandaj pengon me veton e saj Këshillin e Sigurimit të OKB, që të marrë vendime për Kosovën, kundër interesave të aleatit të ngushtë, Serbisë. Dhe kështu qëndron e lidhur ngushtë me Serbinë, si vendin më të madh dhe më të rëndësishëm të Ballkanit Perëndimor.

Serbia

Vuҁiҁi i Serbisë është rritur me temën e Kosovës. Fillimisht ai ka qenë një nga mbështetësit e partisë së Slobodan Millosheviçit, që vdiq në Hagë, në Gjykatën ndërkombëtare për krimet e luftës, dhe që iu ngarkuan luftërat që çuan në shpërbërjen e Jugosllavisë. Vuҁiҁi ka shtatë vjet që qëndron në pushtet. Kjo falë premtimeve që i ka bërë Berlinit, Uashingtonit dhe Brukselit se do të punojë për një zgjidhje në çështjen e Kosovës. Për këtë Perëndimi i la dorë të lirë në politikën e brendshme. Askush nuk ka ushtruar kritika të ashpra që Vuҁiҁi ka ndërtuar një sistem autokratik pushteti. Nëse presidenti i jep vërtet fund konfliktit të Kosovës, atëherë ai nuk do trajtohej më në mënyrë speciale nga Perëndimi. Vuҁiҁi do të duhej të merrej me kritikat për mosrespektimin e institucioneve demokratike si dhe vënin nën kontroll të drejtësisë dhe mediave. Përveç kësaj, sipas të dhënave të veta, Beogradi i jep çdo vit 500 milionë euro pakicës serbe në Kosovë. Paratë administrohen pa kontrollin e askujt. Kështu që gjithnjë mund të mbetet diçka për xhepat e veta.

Kosova

Edhe në Kosovë udhëheqësit politikë nuk janë të interesuar në ndonjë paqe afatgjatë me fqinjin, Serbinë. Presidenti Hashim Thaçi dhe kryeministri Ramush Haradinaj janë rritur në luftën e armatosur kundër Serbisë. Edhe sot ata marrin simpatinë nga populli nëpërmjet antiserbizmit. Si në Serbi ashtu edhe në Kosovë, opozita është shumë më radikale se sa qeveritarët. Në Beograd opozita nacionaliste akuzon Vuҁiҁin për tradhëti kombëtare, për shkak të gatishmërisë për bisedime me Prishtinën. Partia opozitare nacionaliste në Kosovë, Vetevendosje, do donte që sot të ndërpriste çdo lloj kontakti me Serbinë, derisa pavarësia të njihej nga Beogradi.

Vështrim

SHBA ka nën presidentin Donald Trump probleme krejt të tjera botërore, që e lënë Ballkanin mënjanë. BE duket se e ka ulur angazhimin, pas shumë proceseve të pasuksesshme ndërmjetësimi. Askush nuk beson se duke pasur parasysh zgjedhjet për Parlamentin Europian në maj, e ngarkuara me politikën e Jashtme të BE, Federica Mogherini, do të përdorë gjithë fuqinë që ka për të ofruar një zgjidhje të konfliktit të Kosovës. Çdo gjë tregon për ngrirjen e konfliktit të Kosovës. Kjo gjendje nuk e minimizon rrezikun e konflikteve të dhunshme.

VLADIMIR-PUTIN-NE-SERBI-DHE-KONFERENCA-ABC-M-4-T-2-HD.mpg_snapshot_01.19-1-1280x720.jpg
ent ela21:12 | 17/01/2019

Presidenti rus Vladimir Putin ka deklaruar se Rusia do të jetë një protagoniste absolute në zgjidhjen e çështjes së Kosovës. Në konferencën për shtyp nga Beogradi, Putin ka nënvizuar se duhet një zgjidhje e negociuar në mënyrë që në Ballkan të ketë stabilitet.

Zgjidhje për Kosovën pa Rusinë nuk mund të ketë. Presidenti rus, Vlladimir Putin, gjatë qëndrimit të tij në Serbi, ka theksuar se problemi i Kosovës mund të zgjidhet vetëm në kuadër të së drejtës ndërkombëtare.

Vladimir Putin, president i Rusisë: “Ne e konsiderojmë të padrejtë dhe të rrezikshme atë që po ndodh në Kosovë dhe me vëmendje e ndjekim situatën në rajon. Bashkë me partnerët do të punojmë dhe vetëm një zgjidhje e drejtë mund të jetë e qëndrueshme. Nëse duam stabilitet në rajon duhet të gjejmë kompromis dhe kur kjo të ndodh të respektohet”.

Putin i dha çmimin e madh rus presidentit serb dhe tha se të dyja vendet ngelen mike. Presidenti serb, Aleksandar Vuçiç, tha se për cdo vendim do të konsultohet me Moskën.

Aleksandar Vuçiç, president i Serbisë:  “Ne duam kompromis për çështjen e Kosovës, por duket se dikush nuk e do një gjë të tillë. Natyrisht, unë do të konsultohem me presidentin Putin, por nuk jam shumë optimist për zgjidhjen”.

Serbia dhe Rusia firmosën 21 marrëveshje me interes për të investuar deri në 660 milionë euro vlerë. Putin u prit me ceremoni të vecantë me të shtëna, kurse në rrugët e kryeqytetit kanë dalë mijëra vetë për ta pritur gjatë lutjes në tempullin e Shën Savës. /abcnews.al

RAMA-BASHKEQEVERISJA-1280x720.jpg
ent ela12:32 | 09/01/2019

Kreu i qeverisë Edi Rama në takimin e përjavshëm të bashkëqeverisjes përsëriti premtimet e materializuara në vendime të këshillit të ministrave për tarifat studentore. Financim i ciklit të parë të studimeve për të gjithë, por jo për ata që studiojnë në master.

Takimin e përjavshëm të bashkëqeverisjes, kryeministri Rama  e nisi duke adresuar të vetmin shqetësim që nuk e mori përmes portalit shqipëriaqëduam.

“Kam pasur një “shkëmbim zjarresh” deri rreth orës 3 të mëngjesit me një masë studentësh që më mësynë në Ëhastapp me fjalinë e përsëritur se kur do plotësohen kërkesat. Përgjigjia është: kërkesat do plotësohen një për një sipas afateve të publikuara zyrtarisht. Në harkun e muajit janar do publikohet edhe dokumenti i paktit për universitetin, një dokumnet jo përfundimtar por për diskutim të brendshëm të universitetit”.

Këmbëngul se masteri nuk është investim i shoqërisë tek studenti, por i tiji për vetveten.

“Mbi të gjitha një investim i lidhur me punën, nuk ka asnjë mundësi dhe nuk është e drejtë që të ndërhyhet me mbështetje nga taksapaguesit. Ne do të paguajnë 50% ata me 9-10 gjithë të tjerët do të paguajnë”.

Shpejt ju kthye ritualit të përjavshëm.

“Gjithkush e ka rrugën tek “shqipëriaqëduam.al” dhe nëse ajo që kërkon është e drejtë merr atë që të takon dhe ndërkohë ne vijojmë hetimet administrative nëse vonesa ka qenë e qëllimshme, e në këtë rats ndëshkohëen ata që mbajnë përgjegjësi”.

Edhe ata që treguan si përfituan nga portali i bashkëqeverisjes, rastisi të tregojnë histori jete studentore në vështirësi dhe pa ndihma shtetërore.

“Unë jam student ekselent, dy shkolla, dy pune që të mbaja veten”.

Rama: “Nuk mund të jetë jeta universitare një jetë që kërkohet të gjitha nga prindërit dhe nga shteti. Këtë mund ta dëshmonte dhe djali, se për mastera ka punuar se dy punë, nuk po e përsëris se do thonë je i FRESH-it”

60 minuta zgjati dëshmia e problemeve të zgjidhura nga portali i bashkëqeverisjes, probleme që variuan nga llampat e djegura të rrugës deri tek marrja e dokumentacionit për të fituar të drejtën në gjykatë. /abcnews.al

PLATFORMA-E-BASHKEQEVERISJES-EDHE-PER-JASHTE-1280x720.jpg
ent ela15:33 | 14/11/2018

Platforma  e bashkëqeverisjes nuk ofron zgjidhje vetëm për shqiptarët brenda territorit të Shqipërisë, por edhe ata që jetojnë jashtë vendit. Kryeministri Rama i ftoi  te gjithe t’i drejtohetn portalit “Shqipëria që duam”, për të zgjidhur problemet me administratën në Shqipëri.

Me një klik në platformën e bashkëqeverisjen nuk gjejnë një mik vetëm qytetarët brenda territorit të Shqipërisë por edhe ata që janë jashtë.

Çdo javë, titullarët e ministrive angazhohen për t’i dhënë zgjidhje problemeve të njerëzve nga të katër anët e vendit, jo vetëm të atyre që banojnë në Shqipëri, por edhe atyre që janë jashtë atdheut dhe përmes një kliku komunikojnë menjëherë me qeverinë.

Megjithatë ata që dëshmojnë zgjidhjen e problemeve këtë të mërkurë vijnë nga qytete të ndryshme të cilët pai janë sorrollatur për shumë vite kanë marrë përgjigje brenda 10 ditëve. Më së shumti ankesat janë për mos pajicje me çertifikatën e pronësisë.

Moszgjidhja në kohë nga punëonjësit e administratës ka pasur prapavaijë korruptive tregojnë koordinatorët e platformës së bashkëqeverisjes, të cilët i pret hapi i radhës, ndëshkimi. /abcnews.al

 

shbaa.png
ad min10:29 | 11/10/2018

Presidenti amerikan ka kërkuar përgjigje nga Arabia Saudite lidhur me zhdukjen e gazetarit në konsullatën saudite në Stamboll. Ai thotë se do t’i shkojë deri në fund këtij rasti.

Presidenti amerikan Donald Trump ka premtuar se do t’i shkojë deri në fund çështjes së gazetarit saudit të zhdukur, Jamal Khashoggi. Kreu i Shtëpisë së Bardhë u tha reporterëve se ka biseduar me autoritetet saudite në nivelet më të lartë lidhur me rastin e bashkëpunëtorit të Uashington Post.

Khashoggi, resident në SHBA dhe kritik i monarkisë së Arabisë Saudite, hyri në konsullatën e këtij shteti në Stamboll më 2 Tetor dhe që prej asaj kohe nuk është parë. Autoritetet turke besojnë se ai është vrarë brenda selisë diplomatike. Megjithatë Arabia Saudite e mohon këtë.

“Ne nuk mund të lejojmë që kjo t’u ndodhë gazetarëve, apo çdo njeriut tjetër. Ne po kërkojmë gjithçka. Ne dëshirojmë të marrim vesh se çfarë po ndodh”, u shpreh Trump.

Shtëpia e Bardhë bëri me dije se Sekretari i Shtetit, Mike Pompeo dhe zyrtarë të tjerë kanë biseduar me Princin e Kurorës Saudite, Mohammed Bin Salman dhe kanë kërkuar detaje lidhur me situatën. Si Turqia ashtu edhe Arabia Saudite janë vende aleate me Shtetet e Bashkuara.

Ndërkohë, gjatë të mërkurës, mediat turke publikuan pamje të kamerave të sigurisë, për të cilat shkruajnë se tregojnë prova për një komplot që lidhet me zhdukjen e gazetarit. Gjithashtu treguan prova se 15 agjentë të shërbimit të inteligjencës Saudite kanë hyrë dhe janë larguar po me 2 Tetor nga Turqia përmes aeroportit të Stambollit.

Mes tyre ishte edhe një ekzpert forenzike. Dyshohet se Khashoggi është vrarë brenda konsullatës saudite, e më pas është transportuar trupi i pajetë me anë të një minifurgoni të zi. Gazetari po vizitonte konsullatën për të finalizuar divorcin e tij në mënyrë që të martohej me të fejuarën turke, Hatice Cengiz. Kësaj të fundit i ka thënë se nëse nuk kthehej të telefononte një këshilltar të presidentit turk, Rexhep Tajip Erdogan./abcnews.al

POMPEO-KOREA-_ABC-M2-T1.mpg_snapshot_00.02-1280x720.jpg
ent ela23:29 | 27/09/2018

Shtetet e Bashkuara duket se kanë hequr dorë nga opsioni ushtarak për zgjidhjen e çështjes koreano-veriore pavarësisht ngërçit që ka përfshirë procesin e çarmatimit bërthamor. Administrata amerikane ka bërë me dije se, nëse Peniani del nga zotimet e tij do të përballet me presione dhe izolim të mëtejshëm.

Sekretari amerikan i Shtetit, Mike Pompeo ka deklaruar të enjten në Këshillin e Sigurimit të OKB-së se, nëse Korea e Veriut del nga zotimet e saj për çarmatimin bërthamor ajo do të përballet me një izolim më të theksuar dhe një presion ndërkombëtar më të fortë. Pompeo ka nënvizuar se, sanksionet e Këshillit të Sigurimit duhet të vazhdojnë të zbatohen me seriozitet deri në çarmatimin e plotë bërthamor të vendit aziatik. “Vendet anëtare të Këshillit të Sigurimit duhet të japin shembullin në këtë drejtim”, ka deklaruar më tej Pompeo. Deklarata e shefit të diplomacisë amerikane ndryshon nga ajo e bërë pak kohë më parë nga zëvendës presidenti Mike Pence, se në rast dështimi Korenë e pret skenari libian. Pompeo pritet të vizitojë së shpejti Penianin për një takim me lidershipin politik koreano-verior. Ndërkohë, në mediat amerikane flitet se administratat e dy vendeve janë në kontakt për një takim të dytë mes presidentit Donald Trump dhe liderit Kim Jong un, pas atij të zhvilluar në Singapor. Uashingtoni akuzon regjimin në Penian se nuk po përmbush detyrimet që rrjedhin nga marrëveshja e arritur në takimin e qershorit. Për administratën amerikane, kjo manovër i është kërkuar Koresë së Veriut nga Kina, e cila ndodhet në vështirësi për shkak të tarifave të larta tregtare që presidenti Trump ka vendosur ndaj produkteve të saj. /abcnews.al

KRYETARI-BUJANOVC-1280x720.jpg
ent ela13:11 | 09/08/2018

Sipas kryetarit të Bujanovcit Shaip Kamberi, çdo zgjidhje për Luginën e Preshevës do të shkaktonte tragjedi. Ai shton se Lugina e Preshevës nuk është vetëm Presheva, e aq më pak disa vendbanime kufitare në ish-Zonën Tokësore të Sigurisë, por përfshin tri komunat: Preshevën, Medvegjën dhe Bujanovcin me 1 264 kilometra katrorë.

Ideja për shkëmbimin e territoreve mes Serbisë dhe Kosovës ka ardhur pas një raporti të Fondacionit për Shoqëri të Hapur, në të cilin propozohet shkëmbimi i Preshevës me katër komunat me shumicë serbe në veri të Kosovës. Deklarata është bërë nga kryetari i Bujanovcit, Shaip Kamberi, në një intervistë për gazetën “Zëri” në Kosovë. Ai shtoi se raporti në fjalë është sponsorizuar nga vetë kreu i shtetit serb Vuçiç.

Kamberi, i cili ka qenë deputet në Parlamentin e Serbisë, ku ka pasur përplasje të ashpra në atë kohë me ish-kryeministrin Aleksandër Vuçiç, tashmë president i Serbisë, tha se Lugina e Preshevës nuk është vetëm Presheva e aq më pak disa vendbanime kufitare në ish-Zonën Tokësore të Sigurisë, por përfshin tri komunat: Preshevën, Medvegjën dhe Bujanovcin me 1 264 kilometra katrorë.

I pari i Bujanocit këmbëngul se çdo zgjidhje e pjesshme për Luginën e Preshevës do të shkaktonte tragjedi humanitare. Gjatë intervistës për “Zërin” Kamberi tha se Lugina e Preshevës nuk kërkon zgjidhje, e cila cënon integritetin territorial të Kosovës e as që Kosova për hatër të Luginës të heqë dorë nga ndonjë prej kërkesave të saj ndaj Serbisë.

Sipas Kamberit, Serbia ka angazhuar edhe ekspertë të jashtëm për t’i bërë “llogaritë” e skenarëve të zgjidhjeve të mundshme të çështjes së Kosovës. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono