zgjidhja

zgjedhje-kosova-1280x853.jpg
G. P.11:31 | 06/10/2019

Edhe mediat ndërkombëtare raportojnë për zgjedhjet e parakohshme në vend ku kryesisht konsiderohen si një mundësi e mirë për rifillimin e dialogut me Serbinë.

Në ditën e zgjedhjeve të parakohshme në Kosovë dhe mediat ndërkombëtare kanë kthyer vëmendjen duke bërë një pasqyrim të shkurtër kryesisht të kandidatëve për kryeministër.

Rrjeti televiziv, Euronews, shkruan se zgjedhjet erdhën pasi Ramush Haradinaj dha dorëheqje nga posti i kryeministrit pas ftesës që mori nga Gjykata Speciale.

Ndërsa BBC, i ka kushtuar një artikull të gjatë situatës politike në vend duke prezantuar kandidatët për kryeministër.

BBC shkruan edhe për zhvillimet e fundit politike në vend, duke përmendur tensionet midis Prishtinës dhe Beogradit si dhe taksën prej 100 për qind që është vendosur ndaj produkteve që vijnë nga Serbia dhe Bosnje e Hercegovina.

Ndërsa televizioni indian News18 tregon për rrugëtimin që Kosova ka bërë që nga koha e luftës e deri te shpallja e pavarësisë./ABC News Albania 24/7

lulzim-bashaaaa.jpg
G. P.13:32 | 02/10/2019

Opozita e bashkuar i ka dërguar një plan me 5 pika kryeministrit Rama për zgjidhjen e krizës politike, ku në fokus është Reforma Zgjedhore.

Sipas opozitës, diskutimet mbi reformën zgjedhore duhet të jenë transparente, gjithëpërfshirëse dhe publike, duke përfshirë në hartimin e saj edhe përfaqësues të të gjitha grupeve të interesit dhe shoqërisë civile.

Gjithashtu opozita propozon që procesi të drejtohet nga një strukturë e përbërë nga përfaqësues të organizmave ndërkombëtar (OSBE/ODIHR, BE, SHBA, etj.), një përfaqësues i parlamentit dhe një përfaqësues i opozitës së bashkuar.

Ndërkohë ditën e sotme, kreu i selisë blu Lulzim Basha tha se këtë plan ia ka dërguar kryeministrit Rama dhe nëse nuk e zbaton duhet të hapë krahun.

“Nuk është çështje për Bashën e Ramën. Shqipëria është në krizë. Ne kemi një plan për të nxjerrë vendin nga kriza dhe propozim për reformën zgjedhore. Ia kemi dhënë Ramës ta zbatojë nëse nuk e zbaton të hapë krahun se e zbatojmë ne”, u shpreh Basha.

5 pikat e platformës:

  1. Opozita e Bashkuar i përgjigjet pozitivisht ftesës së partnerëve ndërkombëtarë, si tregues i mirënjohjes për përpjekjet e tyre për forcimin e demokracisë funksionale në Shqipëri dhe bashkëpunimit ndër vite për reformimin e kuadrit ligjor për zgjedhjet në Shqipëri.

1.1. Duke qenë se Reforma Zgjedhore është një nga kushtet për ecurinë e mëtejshme të Shqipërisë në procesin e integrimit europian, Opozita e Bashkuar angazhohet të mbështesë realizimin e saj.

1.2. Opozita e Bashkuar rithekson nevojën për Reformë të vërtetë Zgjedhore, që mund dhe duhet të realizohet e zbatohet vetëm nga institucione apo subjekte zgjedhore që kanë vullnet për të garantuar zgjedhje të lira dhe të ndershme. Në këtë drejtim, personat, subjekt të hetimeve penale nr. 184/2016 apo nr. 339/2017, janë në kushtet e konfliktit të interesit me zgjedhjet e lira dhe të ndershme, si dhe me Reformën e vërtetë Zgjedhore për të cilën ka nevojë vendi.

1.3. Diskutimet mbi Reformën Zgjedhore duhet të jenë transparente, gjithëpërfshirëse dhe publike, duke përfshirë në hartimin e saj edhe përfaqësues të të gjitha grupeve të interesit dhe shoqërisë civile. Opozita e Bashkuar angazhohet për të diskutuar një reformë për ligjin e partive politike, përfshirë transparencën e financimit të tyre dhe fushatave zgjedhore, vendimmarrjen demokratike brenda partive politike, si dhe një sistem zgjedhor që u jep mundësi qytetarëve të shprehen për përfaqësuesit e tyre dhe një reformë kushtetuese që synon forcimin e llogaridhënies dhe kontrollit ndaj pushtetit.

1.4. Komisioni Parlamentar për Reformën Zgjedhore nuk gëzon legjitimitetin e nevojshëm për realizimin e reformimit të kuadrit ligjor zgjedhor dhe nuk është organ përfaqësues i vullnetit të qytetarëve. Ai është produkt i zgjedhjeve parlamentare të vitit 2017, të diktuara gjerësisht nga krimi i organizuar dhe blerja e votave me paratë e pista të krimit. Për pasojë, asnjë Komision që ka në përbërje dhe drejtim individë që duhet të ishin në burg për krime elektorale, nuk gëzon legjitimitetin për realizimin e Reformës Zgjedhore. Asnjë Komision që ka në përbërje dhe drejtim individë që nuk përfaqësojnë opozitën, nuk mund të përcaktojë rregullat për pjesëmarrje në zgjedhje të partive politike opozitare.

1.5. Opozita e Bashkuar propozon që procesi të drejtohet nga një strukturë e përbërë nga përfaqësues të organizmave ndërkombëtar (OSBE/ODIHR, BE, SHBA, etj.), një përfaqësues i Parlamentit monopartiak dhe një përfaqësues i Opozitës së Bashkuar. Produkti i dakordësuar nga kjo strukturë, pasi i nënshtrohet konsultimit me publikun, nëpërmjet formave dhe metodave që mundësojnë marrjen e mendimit të qytetarëve, miratohet pa ndryshime.

  1. Reforma Zgjedhore është e nevojshme për përmirësimin e aspekteve teknike të organizimit të zgjedhjeve, por e pamjaftueshme për të garantuar zgjedhje të lira dhe të ndershme.

2.1. Ligji elektoral dhe legjislacioni penal që mbron zgjedhjet demokratike më së pari janë të nevojshme të zbatohen. Asnjë Reformë nuk mund të jetë e suksesshme nëse nuk ekziston vullneti politik dhe institucional për të zbatuar ligjet në fuqi. Reformat Zgjedhore marrin kuptim vetëm atëherë kur krimet elektorale të së shkuarës të jenë hetuar në mënyrë profesionale dhe të pavarur, dhe autorët e krimeve të jenë përballur me ligjin.

2.2. Opozita e Bashkuar mbështet qëndrimin e Misionit të OSBE-ODIHR se “Kuadri ligjor aktual mund të ofronte një bazë të shëndoshë për zgjedhje demokratike, nëse do të zbatohej në mënyrë të paanshme dhe me një vullnet të sinqertë politik”. Për pasojë, organet e zbatimit të ligjit duhet të hetojnë në mënyrë të plotë, të menjëhershme dhe transparente çdo akuzë për shkelje zgjedhore:

  • shitblerja e votës;
  • presioni mbi zgjedhësit në administratë publike;
  • abuzimi me burimet njerëzore dhe financiare shtetërore, pra mos ndarja e shtetit nga partia në pushtet;
  • cënimi i sekretit dhe lirisë së votës;
  • manipulimi dhe falsifikimi i rezultatit.

2.3. Duhet vullnet politik dhe një mekanizëm konkret të zbatueshëm për të realizuar ndarjen e plotë të politikës nga krimi. Kapja e shtetit nga krimi përmes përfshirjes së individëve me rekorde kriminale apo me lidhje me krimin e organizuar, në Kuvend, në Qeveri, në pushtetin vendor, në funksione të larta apo funksione kyçe të administratës publike dhe organeve ligjzbatuese, përbën një kërcënim të rëndë për integritetin dhe funksionimin e demokracisë dhe institucioneve demokratike dhe për vetë sigurinë kombëtare.

2.4. Zbatimi i Rekomandimeve teknike të OSBE-ODIHR kërkon ndërhyrje në legjislacionin në fuqi, duke përfshirë Kodin Zgjedhor, ligjin e administratës publike, ligjin për Policinë e Shtetit, Ligjin për Mediat Audio-Vizive, etj.

  1. Diskutimi për Reformën Zgjedhore duhet të kryhen sipas një rendi përparësish, me qëllim zgjidhjen e problematikave që kërkojnë vullnet politik për të garantuar zgjedhjet demokratike dhe qeverisjen përfaqësuese dhe kushtetuese, dhe më pas me zgjidhjen e çështjeve me karakter teknik.
  2. Ofrimi i garancive shtetërore për barazi të subjekteve zgjedhore dhe zhvillimin e zgjedhjeve demokratike që garantojnë ushtrimin efektiv të së drejtës kushtetuese për të zgjedhur dhe për tu zgjedhur. Në këtë kuadër, konstatohet se:
  • Qeveria aktuale nuk ofron asnjë garanci për ndarjen e shtetit nga partia apo politikës nga krimi.
  • KQZ nën kontrollin politik të partisë në pushtet nuk garanton paanshmërinë dhe pavarësinë e administratës zgjedhore, duke anulluar të gjitha garancitë që ofron ligji për subjektet zgjedhore.
  • Organet e zbatimit të ligjit (Prokuroria, Policia e Shtetit dhe Shërbimi Informativ i Shtetit) nuk kryejnë dot funksionet e tyre sipas ligjit, për shkak të kontrollit nga partia në pushtet dhe Qeveria.
  • Gjykatat janë jofunksionale dhe nën presionin politik të Qeverisë, siç evidentoi OSBE/ODIHR, duke pamundësuar ushtrimin e garancive që Kushtetuta dhe ligji ofrojnë në rast shkeljesh nga Qeveria apo administrata zgjedhore.
  1. Ofrimi i garancive për vendimmarrje të drejtëpërdrejtë nga qytetarët, përmes bërjes efektive të Referendumeve.

Zgjedhjet nuk janë e vetmja forme e shprehjes së vullnetit të qytetarëve. Kushtetuta i garanton qytetarëve shprehjen e vullnetit dhe pjesëmarrjen e  drejtpërdrejtë në vendimmarrje, nëpërmjet Referendumeve. Kodi Zgjedhor aktual, i pandryshuar për këtë çështje që nga viti 2000, pamundëson zhvillimin efektiv të Referendumeve. Referendumet janë e vetmja formë që përveç mundësisë për vendimmarrje të drejtëpërdrejtë nga qytetarët për një çështje, garantojnë edhe të drejtën e qytetarëve për të ndikuar drejtpërdrejtë në politikbërje, nga Qeveria, Parlamenti dhe partitë politike./abcnews.al

INTERVISTE-GRIDA-DUME.mpg_snapshot_00.22-1280x720.jpg
ent ela15:10 | 01/10/2019

Anëtarja e Kryesisë së PD, Grida Duma është e bindur se 9 kushtet gjermane do ta detyrojnë kryeministrin Rama të ulet për zgjidhur krizën politike. Në një intervistë për ABC News, Duma thekson se PD mund të vijë në pushtet përmes një procesi të koordinuar dhe transparent brenda së djathtës.

Grida Duma është e bindur se opozita pas 6 vitesh e ka arritur qëllimin e saj. Imponimi që Bundestagu gjerman ka bërë përmes kushteve te vendosura për çeljen e negociatave, për anëtëren e kryesisë së Partisë Demokratike janë sinjal i qartë se Edi Rama nuk mund të refuzojë më zgjidhjen e krizës politike.

Llogaridhënien e kërkon nga forca e saj politike. Pas 6 vitesh beteja opozitare brenda dhe jashtë institucioneve, Duma e sheh ardhjen në pushtet përmes një procesi të kordinuar dhe transparent brenda vetë të djathtëve.

Kontributin në reformën zgjedhore e sheh si një hap pjekurie të Partisë Demokratike, por edhe në këtë rast sygjeron që garancia në proces të sigurohet nga ndërkombëtarët.

Bindjen e ka se ndryshimi i sistemit zgjedhor do të ishte një hap pozitiv, por vendimarrjen për këtë nismë e lë në gjykimin e opozitës së bashkuar.

Rikthimin e ish-funksionarëve të lartë të PD nuk e sheh si problem, por kërkon që për hir të aksionit opozitar të ketë një përpjestim të drejtë mes kontributit dhe vlerës që gjithësecili ka në parti.

Kryetari i Partisë Demokratike, Lulzim Basha mblodhi fundjavën që lamë pas strukturat më të larta të PD dhe kërkoi nga të gjithë mobilizim për zgjedhje të parakohshme, pasi sipas tij kriza politike është në fazën finale të zgjidhjes së saj. /ABC News Albania 24/7

ambasadori-italian.jpg
G. P.14:59 | 25/09/2019

Ambasadori italian në Tiranë, Alberto Cutillio ka deklaruar nga Gjirokastra se zgjidhja e krizës politike është një objektiv kryesor për një vend që kërkon të aderojë në Bashkimin Europian. Cutillio u shpreh se Shqipëria i ka përmbushur disa kushte dhe negociatat duhen hapur sa më parë.

“Përfitoj nga ky rast që të ftoj të gjitha partitë politike që të ulen në tavolinë të zgjidhin ato probleme të përbashkëta që kanë duke filluar nga reforma zgjedhore. Për sa i përket hapjes së negociatave Shqipëria i ka përmbushur kushtet prej disa kohësh tashmë dhe nuk e kuptoj pse u vendosën këto kushte.

Ne mendojmë se negociatat duhet të hapen sa më parë. Dua gjithashtu të them që hapja e negociatave nuk do të thotë që je pjesë e BE-së, por thjesht hap një shteg që Shqipëria duhet të ndjekë. E përgëzoj Shqipërinë që mori këtë hap drejt këtij shtegu. Është një shteg që kërkon shumë angazhim dhe kërkon që palët politike të jenë bashkë drejt një misioni të përbashkët”, tha Cutillio./ABC News Albania 24/7

KRONIKE-BASHA-SHKODER.mpg_snapshot_00.22-1280x720.jpg
ent ela15:13 | 17/09/2019

Kryetari i opozitës, Lulzim Basha është i bindur se zgjidhja e krizës politike do të vije nga brenda, pavarësisht takimeve dhe vizitave të vazhdueshme të ndërkombëtarëve. Në një takim me strukturat e PD në Shkodër, kreu i demokratëve theksoi se platforma që opozita e bashkuar do të paraqesë do të jetë zgjidhje për krizën e thellë që, sipas tij, po kalon vendi.

Ndërkombëtarët do të jenë të mirëpritur të japin kontributin e tyre për krizën politike, por zgjidhjen opozita e bashkuar e pret vetëm nga një dialog i brendshëm mes forcave politike. Ky ishte qëndrimi që kryedemokrati Basha mbajti në Shkodër në një takim që zhvilloi me strukturat e Partisë Demokratike dhe kryebashkiaken në detyrë, Voltana Ademi.

Platforma që partitë e opozitës do të paraqesin pritet të jetë edhe rruga e daljes nga kriza dhe oferta e hapur për dialog me qeverinë për të gjitha çështjet për të cilin u bojkotuan institucionet dhe zgjedhjet vendore.

Nga Shkodra, Basha tha se të gjithë kryebashkiakët e veriut janë me precedent penalë dhe të lidhur me grupe kriminale ndaj edhe premtoi që opozita të jap zgjidhje përmes alternativës së saj.

Partia Demokratike pritet të publikojë javët e ardhshme platformën e saj për daljen nga kriza, të cilët e ka dakordësuar dhe do ta hartojë në bashkëpunim me aleatët e saj opozitarë. /ABC News Albania 24/7

INTERVISTA-MEDIU.mpg_snapshot_00.38-1280x720.jpg
ent ela15:27 | 06/09/2019

Kreu i Partisë Republikane, Fatmir Mediu kërkon që opozita të mos humbë kohë por të ulet me maxhorancën për të dhënë idetë e saj për reformën zgjedhore dhe atë në drejtësi. Në një intervistë për ABC News, Mediu zbulon edhe kërkesat e aleatëve sa i takon reformës zgjedhore dhe përpjekjeve të ndërkombëtarëve për zgjidhjen e krizës. 

Platforma për daljen nga kriza që opozita prezantoi një ditë më parë mund të jetë edhe ura e parë e komunikimit mes maxhorancës dhe opozitës për zgjidhjen e krizës. Kreu i Republikanëve, Fatmir Mediu në një intervistë për ABC News kërkon që opozita të mos presë kur bëhet fjalë për reforma të rëndësishme si ajo zgjedhore por të ngrerë një grup negociator dhe të ulet në tryezë me shumicën.

Tentativat e ndërkombëtarëve nuk kanë munguar dhe nuk do të mungojnë, por sipas Mediut ata më parë duan të shohin vullnetin e shqiptarëve për tu ulur në tryezë për zgjidhjen e krizës.

Leximin që kryeministri Rama i bën raportit të ODIHR për kreun e republikanëve është delirant, madje kur bëhet fjalë për delir Mediu nuk kursehet duke bërë një krahasim me Hitlerin.

Mediu ia lë historisë gjykimin mbi vendimin e opozitës për djegien e mandateve por duke bërë një reflektim për atë që ndodhi 7 muaj më parë thekson se Parlamenti është vendi ku duhen kryer vendimarrjet e rëndësishme.

Dokumenti përfundimtar i OSBE/ODIHR  mbi skanimin e zgjedhjeve të 30 qershorit, sipas Mediun duhet të jetë dosja e prezantimit të opozitës në çdo takim me ndërkombëtarët kur bëhet fjalë për t’i prezantuar aftësitë e qeverisë së Edi Ramës për të organizuar një proces zgjedhor. /ABC News Albania 24/7

INTERVISTA-DASH-SHEHI.mpg_snapshot_00.28-1280x720.jpg
ent ela15:40 | 03/09/2019

Aleati i PD Dashamir Shehi i kundërvihet Bashës për listat e deputetëve që hartoi 2 vite më parë, duke përfshirë në to emra sipas tij joserioze dhe jopërfaqësues. Kreu i LZHK tha në një intervistë për ABC News se zgjidhja e krizës aktuale duhet të vijojë nga shqiptarët, jo nga ndërkombëtarët.

Vendimi i Presidentit të Republikës, Ilir Meta për të zgjidhur krizën politike përmes dekretimit të një date të re zgjedhjesh për kreun e LZHK, Dashamir Shehi ishte një përpjkje për t’i dhënë frymëmarrje klas politike në kushtet e një krize të thellë. Duke e vlerësuar si një datë të pamundur 13 tetorin për  të zhvilluar zgjedhjet, Shehi tregon se vendimin për të mos u regjistruar në KQZ e kishte në sinkron me Bashën.

Shehi kërkon që zgjidhja e krizës të vijë përmes një dialogu të brendshëm, duke mos kërkuar që të tregohemi të dobët përpara ndërkombëtarëve.

Parlamentin aktual e sheh grotesk, por për të shumë përgjegjësi ka edhe kreu i demokratëve Basha që përfshiu në lista njerëz jo seriozë dhe që nuk përfaqësojnë asgjë në rrafshin opozitar.

Kryedemokrati Basha do të takojë të enjten në selinë blu, aleatët e tij, menjëherë pas takimit që do të zhvillojë me zyrtarin e DASH, Kostelancik që do të jetë në Tiranë. /ABC News Albania 24/7

1-23-770x433.jpg
Sej rie12:45 | 05/08/2019

Kryetari i Partisë Demokratike nuk tërhiqet nga kërkesa e tij për largimin e kryeministrit Rama dhe krijimin një qeveri tranzitore për zhvillimin e zgjedhjeve të lira dhe të ndershme. Në një takim me strukturat në Krujë, Basha foli edhe për zgjedhjet e 13 tetorit, të drekretuara nga Presidenti Meta. “Zgjedhjet nuk janë çështje datash, por standardesh. Dhe beteja për zgjedhje të lira nuk është kauzë partiake, por është betejë e çdo shqiptari”, theksoi kreu i opozitës duke sqaruar se zgjidhja nuk është vetëm rotacioni i pushteti por një Shqipëri e standardeve evropiane. Kryedemokrati Basha tha para demokratëve të Krujës se zgjidhja e krizës në Shqipëri do të nis me dënimin e politikanëve të kapur në blerje votash dhe në bashkëpunim me krimin e organizuar për pushtetin dhe pasurinë e tyre./ABC News Albania 24/7

astrit-patoziii.jpg
G. P.21:36 | 14/06/2019

Astrit Patozi ishte i ftuar këtë të premte në emisionin “Provokacija” në Abc News. Koordinatori i Bindjes Demokratike u pyet se kush do të ishte zgjidhja sipas tij e krizës ku ndodhet vendi.

E para do bëja ç’është e mundur që kurrë të mos shkonte puna në këtë pikë, por në rast se do shkonte pastaj, do ndiqja instiktin tim për interesin që ka ky vend dhe ky popull për këto zgjedhje dhe për shumë më tepër se sa këto zgjedhje. Shqipëria ka nevojë për t’u ndarë nga ky sistem i kalbur politik dhe ky do ishte rast i mirë për të filluar kthesa sipas meje. Në rast se kjo nuk do ndodhë do të ketë arnime të vazhdueshme dhe ne do të biem në kriza të tjera dhe të shpeshta, madje dhe më të këqija në të ardhmen sepse do ishte thjesht kapërcime i momentit. Ne kemi nevojë të ikim nga ky sistem. Kryetarokracia është një sistem i pisët politik, i cili na ka sjellë në këto nivele, të shpifura do thoja, dhe për të dalë nga kjo Shqipëria ka nevojë për një marrëveshje të madhe. Nuk ka nevojë për një marrëveshje për zjedhje lokale. Pas kësaj në rast se ne nuk ikim nga ky lloj sistemi, nga listat e mbyllura, nga kjo që tre vetë në Shqipëri vendosin për 3 milionë të tjerët, ku sulltani vendos shumë më tepër se dy të tjerët, kjo është një gjë që duhet të përfundojë një orë e më parë përndryshe nuk do të ketë qetësi”, tha Patozi.

Për krijimin e Bindjes, Patozi nuk ka asnjë pendim. Ai shprehet se me të i solli vendit një ofertë të re.

“Për ne ka qenë vendimi i duhur dhe nuk i heqim asnjë presje. Një mijë herë të kthehemi mbrapa, një mijë herë do ta kishim bërë të njëjtën gjë. Pse? Sepse ne i sollëm vendit një ofertë të re, e cila ishte e ndryshme nga çfarë është parë deri tani, i sollëm një model të ri. Mbi të gjitha këtë gjë e bëmë në ditën, kur ata ndjeheshin më të dobët. Pra sistemi politik që është krijuar në Shqipëri dhe është në grahmat e fundit sipas nesh ishte në pikën e tij më të dobët prandaj ne bëmë gjënë e duhur dhe nuk pendohemi. Në këtë situatë ne jemi të disavantazhuar. Që në çastin  që gjithë debati është përqendruar që kush është më i fortë, Ilir Meta apo Edi Rama, apo Lulzim Basha nuk ka shumë vëmendje, shumë veshë për të dëgjuar se çfarë themi dhe çfarë jemi ne. Sigurisht që kjo na penalizon, por më mirë të bëjmë një sakrificë të vogël, por të shpëtojë vendi dhe të ketë një zgjidhje afatgjatë”, tha Patozi./abcnews.al

KONGRESI-KOCO-KOKEDHIMA-ABC-M5-T1.mpg_snapshot_00.43-1280x720.jpg
ent ela15:21 | 11/05/2019

Partitë e vjetra e ruajnë pushtetin përmes korrupsionit. Kështu është shprehur kryetari i Partisë Zgjidhja Koço Kokëdhima. Në kongresin e parë të kësaj force politike kryetari Kokëdhima ka prezantuar platformën e kësaj partie si e para anti-sitem në Shqipëri, siç e cilëson ai.

Nuk i ka ndalur akuzat Koço Kokëdhima për partitë e vjetra siç i quan ai forcat kryesore politike në vend.

“Partitë e vjetra ruajnë pushtetin përmes korrupsionit. Ne do të bëjmë zgjidhjen falë punës së palodhur”.

Zgjidhja është platforma e parë anti-sistem në Shqipëri- ka deklaruar kryetari kësaj partie në kongresin e parë që zhvilloi këtë të shtunë

“Zgjidhja denoncoi ujdinë PS-PD. Projekti i partisë Zgjidhja i vetmi që ka populli jonë për mirëqenie dhe progres”.

Anëtarët e Partisë janë zgjedhur nga ky kongres me një mandat katër vjeçar. /ABC News Albania 24/7

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono