zgjehdje

atrben-imami.jpg
ad min20:55 | 15/10/2019

“Lulzim Basha po mobilizon partinë për zgjedhje të përgjithshme dhe lokale. Kur ishin zgjedhjet i shpërndau”.

Ish-deputeti Arben Imami u shpreh i ashpër këtë të enjte në lidhje me kryetarin e Partisë Demokratike Lulzim Basha. Gjatë një interviste në ABC News me gazetaren Mirela Milori, ai tha se Basha është në pakicë brenda partisë.

Madje sipas ish-ministrit, kreu i selisë blu nuk e ka pasur kurrë në plan të fitojë zgjedhjet.

“Ka sondazhe këtu të përhershme edhe përbrenda partive. Të përafërta. Tregojnë që Lulzim Basha është pakicë në PD. 17-19% e mbështesin Lulzim Bashën. Nëse nuk të mbështesin për kryetar partie anëtarët e partisë tënde, mirëpo ne nisemi nga një perspektivë e ndryshme. Çfarë duhet të bëjë Basha të fitojë zgjedhjet? S’e ka në plan. Është e thjeshtë. I gjithë gjykimi jonë racional është krejtësisht absurd që në pandemën fillestare se nuk e ka pasur atë plan”, tha Imami.

Imami theksoi se anëtarët e PD-së duhet të reagojnë pasi po e çojnë vendin në dekadencë të plotë. Sipas ish-deputetit, Basha shumicën që ka është parlamentit nuk është në gjendje ta institucionalizojë për shkak të djegies së mandateve.

“Padyshim ato që thotë i thotë për të gënjyer, për të mbajtur ca burokratë afër. Që të imponosh zgjedhje duhet të kesh fuqi. Nuk imponohen me dëshirë. Për mua do të hyjë në Komision. Mos sot, nesër. Megjithë ka këtë shumicë jashtë nuk e mbledh dot brenda. Nuk e merr këtë shumicë ta fusë në PD. Në politikë nuk ka dy herë. Më falni se ju tradhtova dhe lashë një kryeminister si Rama edhe katër vjet të tjera dhe në zgjedhje lokale në vend që të marr pjesë në zgjedhje bëj të kundërtën. Sa më tepër iu rrit pritshmëritë e tyre negative, që nuk do bëj zgjedhje, kur zgjedhjet bëhen ata demoralizohen”, tha Imami./abcnews.al

leonard-olli.jpg
ad min17:42 | 27/06/2019

Kandidati i Bindjes Demokratike për Bashkinë e Korçës, Leonard Olli, deklaroi këtë të enjte se është futur në garë për të fituar. Ai ishte i ftuar në studion e ABC News dhe theksoi se Bindja Demokratike ka hyrë me pretendime për të fituar dhe jo thjesht sa për të shërbyer si legjitimues i zgjedhjeve.

Ka qenë koha e shkurtër sipas Ollit ajo që nuk i dha mundësinë BD-së që të ketë kandidatë në çdo bashki të vendit. Është ky fakti që rrëzon çdo pretendim sipas tij që Bindja shërben si legjitimues i zgjedhjeve.

“Të paktën për aq sa më njihni nuk kam pranuar të hyj sa për garniturë as kur kam qenë jashtë tyre. Problemi është që unë nuk kam qenë nga ato natyra që jam mjaftuar me atë frazën e famshme se nuk jemi në konkurset e bukurisë ‘e rëndësishme është të marrësh pjesë’.  Ne kur hymë, hymë shumë serioz dhe me pretendimet për të fituar. Nuk shkova në Korçë për të qenë garniturë e zotit Filo as ndonjë Filoje tjetër. Hyra në Korcë sepse kam pasur me dhjetëra herë ftesën e miqve të mi dhe shumë bashkëqytetarëve të mi për të qenë në garë për bashkinë e Korçës, herë si anëtar i PD-së dhe në rastin konkret përtej të qenit anëtar i PD-së.

Beteja ime është për të marrë Bashkinë e Korçës jo për të marrë pjesë në garë dhe për t’u rritur në mënyrë elektorale. Po të ishte ashtu konkurronim vetëm në Këshillat Bashkiakë. Nuk kishim të nevojshëm të vinim emra të përveçëm. Koha e shkurtër në dispozicion na pamundësoi për të patur kandidat në çdo pjesë. Kjo. Kjo rrëzon çdo pretendimi që thotë se shërbejmë si legjitimues. Nëse do shërbenim si legjitimues do të kishim ndihmuar të plotësonim të 61 bashkitë që funksionojnë. Nuk ka qenë ky qëllimi, qëllimi ka qenë të bëjmë diferencën”, tha Olli./abcnews.al

 

181203084757-01-spain-far-right-vox-andalucia-intl-exlarge-169.jpg
ad min13:50 | 27/04/2019

Spanja i rikthehet qendrave të votimit. Analistët dhe sondazhet parashikojnë një parlament të ri, ku nuk do të ketë mazhorancë. Liderët politikë në kërkim të aleancave kanë bërë apelet e fundit në mbylljen e fushatës elektorale.

Një apel për votën që duhet. Ka përfunduar në këtë mënyrë fushata elektorale në Spanjë, ku të dielën votohet për parlamentin e ri të vendit. Një votë që sipas sondazheve do të sjellë një gjysmë fitore për këdo që renditet i pari, pasi nuk do të ketë një mazhorancë të qartë. Gjithashtu qeveria e re mund të jetë sërish jetëshkurtër, dhe pse janë socialistët e Pedro Sançez ata që shihen si fitues.

Mbrëmjen e së premtes të gjithë liderët përmbyllën fushatat e tyre elektorale. Iglesias, Kasado e Abaskal në Madrid; Sançez e Rivera në Valencia, ku do të mbahen dhe zgjedhjet rajonale. Kryeministri socialist në largim Pedro Sançez, paraljmëroi për rrezikun që ekstremi i djathtë mund të marrë më shumë vota se sa parashikojnë sondazhet, si ndodhi së fundmi dhe në Finlandë. Cdo votë vlen, theksoi Sabnçez i cili la hapur mundësinë e një koalicioni qeverisës me Podemos. Sondazhet e rendisin në krye por jo në gjendje për të krijuar një qeveri i vetëm, në këtë mënyrë çdo gjë do të varet nga numrat. Deri tani Sançez refuzonte të përjashtonte një aleancë me Siudadanos, lideri i të cilës Rivera u shpreh i gatshëm. Por Podemos kritikoi socialistët për paqartësi për atë që synon, duke detyruar kryeministrin që në një intervistë të shprehej qartë se nuk kishte refuzuar asnjëherë një aleancë me Podemos.

Paqëndrueshmëria politike në vend e ka origjinën që në dhjetor të 2015-ës, që shënoi fundin e qeverisjes dypartiake në Spanjë me daljen në skenë të Podemos e Siudadanos. Zgjedhjet e parakohshme u mbajtën në qershor të 2016-ës dhe konservatori Rajoi, i rrëzuar nga posti pas mocionit të votëbesimit në lidhje me një skandal korrupsioni që përfshiu partinë e tij, u pasua nga Sançez. Por ky I fundit u kundërshtua nga separatistët katalanas dhe u detyrua të shpallë sërish zgjehdje të parakohshme.

Risia në këto zgjedhje quhet VOX. Për herë të parë partia ultranacionaliste, anti emigrante, anti feministe, mund të hyjë në parlament.

Sipas sondazheve VOX mund të ketë 30 deputetë nga 350 që ka parlamentit spanjoll.

Një vit e gjysmë pas përpjekjes për pavarësi të Katalonjës në tetor të 2017-ës, kjo është kriza politike më e keqe në Spanjë në këto 40 vitet e fundit. Çështja katalanase mbetet në qendër të debateve. Socialisti Sancez theksoi se nuk do të lejohet më një referendum I dytë për pavarësinë e Katalonjës, por nga ana tjetër premtoi më shumë autonomi. Pikërisht për këtë arsye e djathta dhe ekstremi i djathtë e akuzojnë për tradhti. Si dhe për faktin se u përpoq të dialogojë me ata që mbështesin pavarësinë.

37 milionë spanjollë do të vendosin të dielën për herë të tretë në katër vjet, për parlamentin e ri. Ndërkohë që në sfondin e panoramës politike është kriza katalanase por dhe mundësia e një krize të re politike./abcnews.al

kqz.jpg
ad min15:04 | 11/04/2019

Komisioni Qendror i Zgjedhjeve ka shpallur regjistrimin për zgjedhjet e 30 qershorit të Partisë Socialiste dhe tre partive të vogla, përkatësisht Partisë Aleanca për Demokraci dhe Solidaritet e Gaqo Apostolit, asaj Bashkimi Demokrat Shqiptar me në krye z. Ylber Valteri, si dhe partisë ora e Shqipërisë e kryetarit Zef Shtjefni. Por ndërsa asnjë nga partitë e opozitës së bashkuar nuk është regjistruar në zgjedhje, krerët e dy partive të regjistruara në zgjedhje, Ylber Valteri dhe Zef Shtjefni janë aleatë të Partisë Demokratike në zgjedhjet e fundit parlamentare. Te dy figurojnë në listat shumë-emërore të kryetarit Lulzim Basha, i cili pas marrëveshjes së 17 majit  e cila ndaloi koalicionet për zgjedhjet e qershorit 2017, përfshiu në listat e tij krerët e partive aleate. E ndërsa asnjë nga partitë e mëdha në opozitë nuk është regjistruar për zgjedhjet vendore, afati përfundimtar skadon më 21 Prill./abcnews.al

akademia-e-shkencave.jpg
ent ela17:29 | 10/01/2019

Njëzet akademikë të pranishëm nga 30 me të drejtë vote miratuan ngritjen e komisionit të zgjedhjeve në Akademinë e Shkencave, në mbledhjen e parë të Asamblesë së këtij institucioni. Sekretari i Përgjithshëm zoti Vaso Tole thotë se gara për postin e kryetarit, nënkryetarit dhe sekretarit të përgjithshëm, do të hapet pas miratimit të projektligjit nga qeveria.

Mbledhja e Asamblesë së Akademisë së Shkencave të Shqipërisë  në mbledhjen e parë të këtij viti miratoi ngritjen e komisionit të zgjedhjeve  të Akademisë së Shkencave që përbëhet nga 3 anëtarë akademikët  Neki Frashëri, Shaban Sinani dhe Jani Vangjeli anëtarët vendosën si kryetare Jani Vangjelin.

Skënder Gjinushi konfirmon se projektligji do të reformojë Akademinë e Shkencave të Shqipërisë, sipas tij ky do të përkojë edhe me zgjedhjet e reja, pasi institucioni prej më shumë se një viti nuk ka pasur, as kryetar, as nënkryetar dhe në fund të shkurtit i mbaron mandati i të vetmit anëtar të kryesisë dhe njëherësh i të vetmit funksionar me fuqi juridike sekretarit të përgjithshëm zotit Vaso Tole.

Vetë Tole i pyetur nëse do të kandidojë për këtë post, jep këtë përgjigje. Gjinushi  lidhur me platformën e akademikut Artan Fuga thotë se ajo është kthim prapa në vitin 2008. Grupi i punës me kryetar Skënder Gjinushin  ka hartuar 2 projektligje, një për Akademinë e një për Kodin e Etikës, të cilat janë mbështetur edhe nga grupet e interesit, dhe ministritë përkatëse. Dhe tashmë presin miratimin në Kuvendin e Shqipërisë.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono