zgjedhjet

rumani.jpg
in a14:35 | 25/11/2019

Në Rumani presidenti në detyrë, konservatori pro europian Klaus Johanis, fitoi bindshëm në balotazhin e të dielës në kuadër të zgjedhjeve presidenciale në vend. Ai mori një mandat të dytë pesë vjeçar pas fitores në vitin 2014. Sipas rezultateve të publikuara ai ka marrë rreth 67 për qind të votave, dyfishin e votave të marra nga rivalja e tij, ish-kryeministrja socialdemokrate, Viorika Dansila, e cila rezultoi me 33 për qind të votave.

Një fitore e padiskutueshme e cila njëkohësisht tejkaloi çdo parashikim e madje me një rezultat më të thellë se ai i raundit të parë të zgjedhjeve.

Në fjalën e tij të parë Johanis u shpreh se kjo ishte një fitore e Rumanisë moderne, europiane dhe normale. Sipas tij rumunët ishin heronjtë e këtyre ditëve, pasi ishin të shumtë ata që dolën në votime dhe kjo ishte gjëja më e rëndësishme. Kreu i shtetit rumun njëkohësisht e vlerësoi këtë si një humbje të pastër për socialdemokratët në vend./abcnews.al

votat-kosove-1280x713.jpg
nev ila15:31 | 20/11/2019

Prokuroria e Shtetit në Kosovë ka ngritur akt-akuza ndaj 18 personave që kryen vepra penale gjatë ditës së zgjedhjeve në Kosovë.  Ata akuzohen për cënim të lirisë të votuesve, parandalim të ushtrimit të së drejtës për të votuar dhe cënim të fshehtësisë së votimit.

Prokuroria e shtetit në Kosovë ka ngritur 14 aktakuza ndaj 18 personave në të gjitha rajonet e Kosovës në lidhje me shkelje të ligjit gjatë procesit zgjedhor të 6 tetorit.

Zëdhënësi Ekrem Lutfiu i tha medias në ata akuzohen për cënim të përcaktimit të lirë të votuesve, parandalim të ushtrimit të së drejtës për të votuar dhe cënim të fshehtësisë së votimit.

Shumica e akt-akuzave janë ngritur në Gjakovë. Lutfiu tha se Prokuroria po heton edhe zarfat e ardhura nga Serbia, nga të cilët, disa janë marrë si provë materiale për t’u dërguar për ekzaminim më të detajuar.

Përfaqësues nga shoqëria civile kërkojnë që ata që bëjnë shkelje gjatë procesit zgjedhor të marrin dënime maksimale nga drejtësia. Betim Musliu nga Instituti i Kosovës për Drejtësi tha se politika e dënimeve jo të përshtatshme, ka ndikuar që komisionerët të vazhdojnë të manipulojnë me vota edhe në zgjedhjet e 6 tetorit.

Sipas tij deri tani asnjëherë nuk janë dënuar ata që i kanë nxitur komisionerët që të bëjnë vepra penale gjatë zgjedhjeve, qoftë liderët e partive politike apo edhe sponzorizuesit e fushatave zgjedhore të tyre.

Në zgjedhjet e parakohshme parlamentare të vitit 2017 Prokuroria e Shtetit kishte ngritur gjithsej 23 kallëzime penale për keqpërdorim në zgjedhje ku u përfshinë 27 persona./abcnews.al

TELEMMGLPICT000216717430_transDKGDQpemwFDOZcDYGh2bvgabHNDKKjNFhT9njmcUO7U-1280x800.jpeg
nev ila10:54 | 20/11/2019

Më 12 dhjetor Britania e Madhe shkon në zgjedhje të parakohshme, por që në fakt konsiderohet më shumë si një referendum i dytë për Brexit. Debati i parë televiziv mes dy rivalëve kryesorë, kryeministrit Xhonson dhe laburistit Korbib. Sondazhet e fundit tregojnë një rritje të mbështetjes për Korbib.

Zgjedhjet e përgjithshme në Britaninë e Madhe në fakt konsiderohen si një referendum i dytë për Brexit. Në debatin televiziv mes kryeministrit Boris Xhonson dhe liderit laburist Xhetemi Korbin, për zgjedhjet e 12 dhjetorit në Mbretërinë e Bashkuar u diskutua vetëm për një gjë: daljen e vendit nga Bashkimi Europian.

Xhonson mbrojti me cdo argument marrëveshjen e tij ndërsa Korbin tha se do të rinegocionte një marrëveshje të re me Bashkimin Europian dhe do të rivendosë sërish në duart e britanikëve një referendum për Brexit.

Xhonson u shpreh se nëse Londra merr atë që do nga Brexit, vendi do të dalë i paprekur – Angli, Skoci, Uells, Irlandë e veriut – dhe se ka një ndryshim të madh mes asaj që ai propozon dhe qëndrimit të Korbin i cili ende nuk thotë se në cilën anë do të bëjë fushatën elektorale.

Por ky i fundit këmbënguli në idetë e tij duke thënë se Brenda tre muajsh do të rinegociojë një propozim të besueshëm për daljen e vendit nga BE, dhe Brenda gjashtë muajsh do të mbahet një referendum i dytë. Pasi sipas tij do të jetë populli britanik që do të vendosë për daljen nga Bashkimi europian.

Në fund të dy kanë shtrënguar duart, ndërsa mediat britanike raportojnë se Korbin është rritur ndejshëm në sondazhe. Pas një ore debate, sondazhet treguan se publiku mbështeste 51% Xhohnson dhe 49% Korbin.

Ndërkohë janë parashikuar debate të tjera televizive para zgjedhjeve, si ai 60 dhjketorit sërish me Xhonson dhe Korbin. Ndërsa në fund do të ketë një debat mes të gjithë liderëve dhe ata të partive të vogla./abcnews.al

zogaj.jpg
ent ela17:51 | 19/11/2019

“Nuk mund të shkojmë në zgjedhje të parakohshme pa në reformë zgjedhore që të mbyllë ca korridore manipulimi e shkeljesh që janë reale”. Është ky qëndrimi që ndau në studion e ABC News me Juli Xokaxhi analisti Preç Zogaj. Sipas tij opozita duhet të shkojë drejt zgjedhjeve për t’i fituar, jo thjesht për të bërë zgjedhje.

“Zgjedhjet  e parakohshme janë të nevojshme në Shqipëri, duhet të analizojmë me profesionalizëm, të mos ecim kuturu, loja është e rëndë, duhet të shkojmë drejt zgjedhjeve për t’i fituar jo thjesht për ti bërë, se nëse nuk i fitojmë zgjedhjet i zgjasim mandatin Ramës.

Nuk mund të shkojmë në zgjedhje pa një reformë zgjedhore që të mbyllë ca korridore manipulimi shkeljesh që janë reale, te numërimi, administrimi i zgjedhjeve janë një mori elementësh që kërkojnë të marrin formë përfundimtare, pastaj të fillojë të funksionojë reforma në drejtësi tani ka dhe një artikulim në mëbshtetje të drejtësisë së re, fillimi i drejtësisë së re natyrshëm do të çojë në zgjedhje të parakohshme, duhet të startojmë nga vota e lirë. Për mua duhen zgjedhjet e parakohshme, jo sot e nesër. Nëse nuk jemi aty ku duhet më mirë të punojmë më shumë. Produkti i reformës ndihmon më shumë opozitën se qeverinë”.

I pyetur nëse jemi afër zgjidhjes së kësaj situate, Zogaj thotë se zgjidhjen në nivelin makro e kanë dhënë ndërkombëtarët.

“Ata nxisin dhe shtyjnë në suazën e këtyre kërkesave që kanë të bëjnë me reformën zgjedhore dhe vazhdimin e ngritjes së institucioneve të drejtësisësë re, që nuk varet nga partitë. Kuadrin e  zgjidhjes  në nivelin makro e kanë dhënë ndërkombëtarët dhe nuk e lëviz kush”. /abcnews.al

 

 

kqz-kosove-1-1280x693.jpg
nev ila15:03 | 19/11/2019

Në Kosovë, koalicioni Nisma ka vetëm 21 vota mbi pragun zgjedhor nderkohë që janë rinumëruar mbi 50 përqind e vendvotimeve të përcaktuara nga PZAP. Ndërkohë LVV e LDK nuk po vazhdojnë takimet pa u certifikuar rezultatet e zgjedhjeve dhe të dyja thonë se nuk dëshirojnë koalicion me Nismën.

Komisioni Qendror i zgjedhjeve deri ka arritur të rinumërojë mbi 50% të vendvotimeve. Pritet që ky proces të përfundojë  në fillim të javës së ardhshme.

Ndërsa Nisma për Kosovën sipas Ismet Krasniqit nga Demokracia në Veprim që është marrë me vëzhgimin e procesit zgjedhor aktualisht ka vetëm 21 vota mbi pragun zgjedhor. Ndërkohë LVV e LDK nuk po vazhdojnë takimet e tyre pa u certifikuar rezultatet.

Të dyja palët nuk kanë pranuar të flasim për media, zyrtarë të LDK-së thonë se po presin certifikimin e rezultateve, e ata të LVV-së  thonë se po e respektojnë këtë qëndrim të LDK-së.

Në rast të hyrjes së koalicionit Nisma AKR në Kuvend të dyja këto parti refuzojnë të bashkëqeverisin me këtë koalicion ani pse tashmë bashkë nuk arrijnë të kenë 61 deputetë, por mbeten me 57.

Edhe analisti Armend Muja thotë se koalicioni Nisma AKR duhet të qëndrojë në opozitë.

“Unë mendoj që këtë herë ka pas mesazh që qeverisja duhet të jetë e re dhe qëndrimi i sovranit të Kosovës ka qenë që tia japin mandatin opozitës. Në këtë rast Nisma duhet të tërhiqet nga procesi sepse nuk ka logjikë që të hyjë në qeveri“, deklaroi analisti Armend Muja.

LVV-ja tashmë ka zyrtarizuar se në grupin e saj parlamentar do të ketë deputetin e partisë egjiptinae  IRDK Elbert Krasniqi. Megjithatë do ti duhen edhe 3 vota të tjera për të arritur shumicën.

Këto dy parti mësohet se janë të interesuar të marrin në koalicion partitë e komunitetit joserb por jo edhe të Listës Serbe./abcnews.al

Zgjedhjet-ne-Kosove-640x440-600x360.jpg
nev ila11:53 | 18/11/2019

Në Kosovë, koalicioni i Nismës ka marrë deri tani vetëm 18 vota mbi pragun që i duhet për të hyrë në parlament dhe ky rezultat mund të ndryshojë. Ndërkohë, njohësit e politikës në Kosovë se nëse Vetëvendosje nuk fton Nismën për të hyrë në qeveri, vendi mund të shkojë përsëri në zgjedhje.

Koalicioni i Nismës vazhdon të luftojë për disa dhjetëra vota për të hyrë në parlamentin e Kosovës. Ndërkohë që në Qendrën e Numërimit dhe të Rezultateve vazhdon rinumërimi i mbi 1 mijë e 400 vendvotimeve, Nisma ka arritur deri tani të marrë vetëm 18 vota mbi pragun që do e lejonte të hynte në parlament, raportuan mediat në Prishtinë. Megjithatë, edhe kjo shifër pritet të rritet apo zvogëlohet pas rinumërimit të pjesës së mbetur të 834 vendvotimeve.

Ndërkohë debatet midis Nismës dhe dy partive fituese, veçanërisht me Lëvizjen Vetëvendosje, vazhdojnë. Ende nuk ka shenja që Lëvizja Vetëvendosje dhe Lidhja Demokratike e Kosovës të përfshijnë në koalicionin bashkë-qeverisës koalicionin e Nismës.

Ndërkohë, koalicioni Nisma – AKR pret certifikimin e rezultateve përfundimtare nga KQZ-ja për të ecur më tej. Njohësit e politikës në Kosovë thonë se nëse Vetëvendosja nuk e fton Nismën në Qeveri, atëherë gjasat janë reale që vendi të shkojë përsëri në zgjedhje.

Por deputeti i Lidhjes Demokratike të Kosovës, Haxhi Avdyli, ka thënë përmes një postimi në Facebook se problem i numrave nuk ekziston për qeverinë e re.

Mjaftojnë edhe 4 nga 10 deputetë të pakicave joserbe, por munden edhe deputetët Serbē, e ndoshta edhe deputetë të veçantë të opozitës të votojnë, prandaj problemi i numrave nuk egziston”, ka thënë ai.

Deputeti që fitoi edhe një mandat në Kuvend ka thënë gjithashtu se në zgjedhje mund të shkohet vetëm nëse vendosin dy partitë e para, LVV dhe LDK apo nëse nëse partia që ka të drejtën e mandatimit të kryeministrit, dmth LVV nuk dëshiron të mandatojë kandidatin e saj dhe të sigurojë edhe ata 4 deputetë të pakicave që me kushtetutë është i detyruar ti ketë në qeveri.

“Këto pakica kanë jo 4 por 20 deputetë, që dmth qeveria e re do ti ketë gjithsej 78 deputetë (jo 61 si ajo e kaluara) të cilët do duhej ta votonin Qeverinë e re”, ka thënë ai.

Avdyli ka theksuar se nuk ka rëndësi hyn apo nuk hyn NISMA në parlament sepse zgjdhje do të ketë në vitin 2023./abcnews.al

John-bel-Edwards-.jpg
nev ila09:53 | 18/11/2019

Demokrati Xhon Eduards është rikonfirmuar si guvernator i Luizianës. Një fitore që konsiderohet si një humbje e rëndë për Trump, i cili kishte organizuar dy takime elektorale në këtë shtet në mbështetje të kandidatit republikan.

Luiziana konfirmoi demokratin Xhon Eduards si guvernator. Eduards mundi kandidatin republican Edi Rispone, duke u bërë demokrati i vetëm në postin e guvernatorit në një shtet jugor amerikan.

Lajmi është konfirmuar nga mediat amerikane. Për Donald Trump i cili dhjetë ditët e fundit organizoi dy takime elektorale në mbështetje të Rispone në Luiziana, kjo është një goditje e rëndë.

Eduards ka fituar me një rezultat të thellë ndaj kandidatit republican të mbështetur nga kreu i shtëpisë së bardhë. Shumë persona mendonin se Eduards nuk do të merrte një mandate të dytë.

Gara elektorale ishte e ndezur që në fillim e deri ditën e balotazhit, që u vendos nga disa mijëra vota. Rispone përqendroi fushatën e tij elektorale tek Tramp, duke ia besuar presidentit fatin e tij.

Humbja është e rëndë për Tramp dhe partinë republikane në kuadër të zgjedhjeve presidenciale të 2020-ës. Votimi në Luizianë konsiderohej dhe një test për reagimin e zgjedhësve amerikanë për sa i përket iniciativës së demokratëve për të larguar Trump nga Shtëpia e Bardhë./abcnews.al

dualipa.jpg
ger ta19:13 | 14/11/2019

Teksa kanë mbetur edhe pak ditë nga zgjedhjet parlamentare që do të mbahen në Britani, këngëtarja e njohur Dua Lipa u është drejtuar me një thirrje qytetarëve britanikë.

Këngëtarja me origjinë shqiptare përmes një postimi në rrjetet sociale u bën thirrje britanikëve të dalin në votime dhe të mos e anashkalojnë këtë proces.

“Mos harroni të regjistroheni për votimin! Nëse jeni duke udhëtuar dhe nuk jeni në Mbretërinë e Bashkuar në ditën e votimit…sigurohuni të regjistroheni për votimin me anë të postës! Sigurohuni që vota juaj të dëgjohet. Mos harroni të votoni”, ka shkruar ajo.

Zgjedhjet parlamentare në Britani do të zhvillohen më 12 dhjetor. Këto zgjedhje u thirrën nga kryeministri Boris Johnson pas dështimit për të dalë nga BE më 31 tetor./abcnews.al

fatmir-limaj.jpg
ger ta17:32 | 11/11/2019

Paneli zgjedhor për ankesa dhe parashtresa, në Kosovë, PZAP, vendosi heqjen e votave të ardhura nga Serbia nga rezultati përfundimtar i zgjedhjeve dhe rinumërimin e pothuaj gjysmës së vendvotimeve.

Ky vendim, nëse mbetet kështu, pa u ndryshuar nga Gjykata Supreme, i heq Vetëvendosjes 3 deputetë dhe partive të tjera që u renditën pas saj, nga një deputet. Ndërkohë Nisma hyn në Kuvend me 6 deputetë.

Sakaq, Nisma Socialdemokrate përshendeti këtë vendimin të PZAP-së në Kosovë për të hequr votat e ardhura nga Serbia nga rezultati përfundimtar. Kreu i kësaj partie, Fatmir Limaj, tha në një konferencë shtypi se vendimi i PZAP-it ka treguar që në Kosovë ka institucione që respektojnë ligjin.

“Sot Kosova nga vendimi i PZAP-it për të anuluar ato kuti kontrabande të ardhura nga serbia, është më e sigurt, është ligjore. Është një Kosovë që ka institucione të cilat e mbrojnë ligjin. Besoj që të gjithë sot ne jemi shumë më të sigurt dhe kemi më tepër motiv në respektimin e ligjit. Kjo për shkaks e vendimi i PZAP-it ka treguar që në Kosovë ka institucione që respektojnë ligjin, institucione të cilat mbrojnë barazinë e qytetarit të Kosovës.”, tha Limaj.

Limaj tha gjithashtu se KQZ ka shpallur rezultate më herët rezultate të parregullta dhe shtoi se që nga sot, Nisma është parti parlamentare me 6 mandate në Kuvendin e Kosovës.

Vendimi i PZAP, Panelit Zgjedhor për Ankesa dhe Parashtresa u komentua edhe nga Lista Serbe, e cila tha se ky vendim është i motivuar politikisht dhe nuk ka asnjë bazë ligjore.

Lista serbe tha gjithashtu se edhe pa ato vota, Lista Serbe ka 10 mandate në Kuvend bazuar në vullnetin e shprehur në mënyrë demokratike.

Ndërkohë PZAP vendosi edhe rinumërimin e pothuaj gjysmës së vend-votimeve. Analistët kanë thënë për mediat në Kosovë se vendimet e somte të PZAP-së, nëse mbesin siç janë pa u ndryshuar nga Gjykata Supreme, do të ndryshojnë numrin e deputetëve që kanë fituar partitë politike. Njohësi i punës së Kuvendit, Albert Krasniqi i tha medias në Kosovë se koalicioni NISMA-AKR-PD do të përfaqësojet në Kuvend me 6 deputetë, ndërkohë që Vetëvendosje do të ketë 3 deputetë më pak, LDK 1 deputet më pak, PDK 1 deputet më pak dhe koalicioni AAK-PSD 1 deputet më pak.

Megjithatë të gjithë do të duhet të presin për vendimin e Gjykatës Supreme, pasi subjektet kanë të drejtë ankese./abcnews.al

 

 

 

51194933_303.jpg
ent ela09:32 | 11/11/2019

Partia Socialiste e Pedro Sanchez fiton zgjedhjet në Spanjë, por pa maxhorancë. Në vend të dytë dhe me rritje renditet Partia Popullore. Por ajo që shënoi fenomen është partia e ekstremit të djathtë VOX që, siç kishin parashikuar edhe sondazhet, u rendit forcë e tretë politike në Spanjë, duke dyfishuar numrin e deputeteve në parlament.

Pas fitores, kreu i socialistëve  Pedro Sanchez iu ka drejtuar një apel të gjitha partive për të punuar dhe gjykuar me përgjegjësi, për zhbllokimin e situatës politike.

Partneri i natyrshëm i Partisë Socialiste në pushtet do të ishte e majta Unidas Podemos. Por mes tyre ka një ngërç pas bisedimeve të dështuara pas zgjedhjeve të prillit dhe shanset e tyre për të pasur vende të mjaftueshme për të qeverisur së bashku janë të pakta.

Zgjedhjet e djeshme ishin të katërtat në Spanjë në 4 vite. /abcnews.al

 

 

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono