zgjedhjet vendore

KQZ-drilona.jpg
nev ila21:12 | 14/06/2019

Edhe KQZ reagoi pas kërkesës së disa bashkive per lirimin e mënjëhershëm të ambienteve ku janë vendosur selitë e KZAZ-ve dhe Vendet e Numërimit të Votave, si edhe ndërprerjen e veprimeve për afishimin e listave të zgjedhësve.

Sipas KQZ-së këto kërkesa dhe veprime janë në shkelje të Kodit Zgjedhor dhe i ngarkojnë kryetarët e këtyre bashkive me përgjegjësi penale e administrative./ABC News Albania 24/7

protesta-dritat.jpg
nev ila18:46 | 14/06/2019

Protesta e ardhshme kombëtare e opozitës do të zhvillohet të premten, në datë 21 qershor, në orën 20.00. Vendimi u mor në mbledhjen e jashtëzakonshme te Kryesisë së PDSH, Grupit Parlamentar, Kolegjit të Kryetarëve dhe Kryetarëve të Bashkisë, ku rendi i ditës ishte caktimi i detajeve të vijimit të aksionit politik, si dhe reagimi i PD pas arrestimeve politike të drejtuesve lokal demokratë në qarkun Elbasan.

Kreu i PD-se Lulzim Basha mësohet të ketë deklaruar gjatë kësaj mbledhje se Edi Rama i ka shpallur luftë opozitës.

Duhet të mbrojmë vendin dhe qytetarët, kushtetutën. Jemi në të drejtën tonë t’i përgjigjemi me çdo çmim dhe me çdo mjet. Nuk ka zgjedhje pa opozitën. Është krim veçanërisht në kushtet e dekretit të presidentit”, ka deklaruar Basha.

Sipas tij strukturat e PD-së duhet të zhvillojnë takime me qytetarët për t’iu shpjeguar se Rama po bën grusht shteti.

Ai është rrezik kombëtar, duhet ndalur menjëherë. Vendi rrezikon rikthimin e vizave, izolimin, regjim represiv përmes arrestimeve”, ka deklaruar kreu i PD-së./ABC News Albania 24/7

edi-mallakaster-1280x526.jpg
nev ila18:21 | 14/06/2019

Pas kërkesës për të liruar ambientet nga Komisionet  Zonalë të Administrimit Zgjedhorë  dhe heqjes së listave të zgjedhësve nga ambientet e përcaktuara si qendra Votimi, kryeministri Edi Rama i ka kërkuar 11 bashkive të djathta që të mos nxjerrin pengesa për zgjedhjet. Mesazhin kryeministri Rama ia dha nga takimet elektorale në qarkun e Fierit.

Patosi është ndalesa e radhës e fushatës elektorale të Partisë Socialiste jo thjesht për të prezantuar kandidaten Rajmonda Balilaj që e drejton këtë Bashki prej vitit 2011, por për ti dërguar mesazhe atyre që duan të bllokojnë qendrat e votimit në 30 qershor.

Dhe këtë kryeministri Rama zgjedh t’ua transmetojë jo vetëm me zërin e tij.

Kushdo që të dali përpara që ne të vemi në qëndrat e votimit, me forcën tonë, ti mposhtim të votojmë në datën 30”.

Ty stë dal dot unë përpara do të dalin të tjerët”.

Kryebashkiakëve të djathtë që kanë kërkuar lirimin e ambienteve nga Komisionet Zonalë të Administrimit Zgjedhor dhe heqjen e listave të zgjedhësve nga qendrat e përcaktuara për votim, i këshillon të mos bien pre e opozitës dhe presidentit Meta.

Mos shikoni hallin e katërshes, shikoni ligjin. Mos iu referoni zhurmave të kota të Lulit e të Monikës dhe as kapsollave të Ilir Metës. Ata kanë një hall të madh që nuk është halli i tyre, që nuk është halli juaj, i kryebashkiakëve demokratë.

Ligji nuk do ti kursejë paralajmëron ai.

Jo vetëm mos iu përgjigjni kërkesave të tyre absurde që të bëheni ju viktima të ligjit por ata duhet të përgjigjen para jush, pse u nxorën nga gara dhe pse e katandisën partinë demokratike në një karrocë që në cdo hap humbet shpejtësi dhe hap pas hapi bie copa copa rrugëve”.

Pas Patosit kryeministri Rama udhëtoi drejt Mallakastrës.

Në Ballsh e pati një pritje të pakëndshme nga një grup mbështetësish të opozitës.

Bashkia Mallakastër është e vetmja në qarkun e Fierit që drejtohet prej të djathtëve në dy mandatet e fundit. Mazhoranca ka përzgjedhur si kandidat të sajin Qerim Ismailin. Në këtë Bashki zgjedhja e tij do të tregojë ndryshimin midis forcave politike.

“Kush na dëgjoi dhe na votoi, Fitoi. Këtu nuk na dëgjuan shumica, dhe nuk më duket se fituan. Mallakastriotë të majtë e të djathtë, se dallimi mes cfarë ka ndodhur në këtë bashki 4 vjet, është i dukshëm”.

Mallakastriotëve u kërkoi që 30 qershorin ta shohin si ndarjen e së shkuarës nga e ardhmja.

30 qershori, nuk mund të lëvizë. duhet të jetë dita kur kushdo që e do këtë vend duhet të bëhet pjesë e frontit të madh popullor për ti thënë të shkuarës IK dhe për ti thënë të ardhmes Eja!”, tha kryeministri Rama./ABC News Albania 24/7

erion-brace.jpg
nev ila21:36 | 13/06/2019

Në Mbrëmje ABC me gazetaren Mirela Milori, mbrëmjen e sotme ka qenë i ftuar zv/kryeministri Erion Braçe. I pyetur nga gazetarja Mirela Milori se a po shkojnë drejt një regjimi për shkak të qeverisjes në shumicën e institucioneve qendrore dhe vendore, Braçe tha se:

Ne jemi në qeveri pa aleatë sepse kështu vendosën shqiptarët në 2017. për sa kohë njerëzit votuan që ne të qeverisim të vetëm, padiskutim që ne nuk i themi njerëzve JO. Ne njerëzve do u themi PO. Ne nuk kemi kërkuar të fitojmë 61 bashki, ne thamë që po shkojmë në një palë zgjedhje me kundërshtarë ata që kemi, madje të ashpër dhe të përgatitur. Gjatë gjithë kësaj kohe zoti Basha fushatë ka bërë por në momentin që vendosin të tërhiqen nga gara zgjedhore, kjo nuk është më përgjegjësia jonë, përgjegjësi e jona është standardi i zgjedhjeve”, tha Braçe./abcnews.al

edi-rama-divjake.jpg
nev ila19:21 | 12/06/2019

Kryeministri Rama gjatë takimit në Divjakë ditën e sotme, foli edhe për situatën e krijuar pas dekretit të presidentit Meta për anullimin e datës së zgjedhjeve. Sipas kryeministrit shqetësimi i Metës ka lidhje me reformën në drejtësi pasi pas celjes së negociatave reforma do të përshkallëzohet. Po ashtu Rama tha se një 97’të dytë vendi nuk do të ketë. sipas Ramës akti i fundit i Ilir Metës tregoi vërtetë planin e tyre.

Kam vendosur të bëj paqe dhe të mos flas për atë që e quaj kazan, ashtu ishte dhe do mbetet, cdo natë përpiqen të tmerrojnë njerëzit se do të ndodhë një ’97 e dytë, por pse do të ndodhë? Ata që e shkaktuan 1997 sot janë kaq të dëshpëruar dhe i gënjen mendja se mund të tundin fantazmën dhe të tmerrojnë dynjanë. Cilit popull i janë djegur të gjitha kursimet e jetës pasi është mashtruar me piramida? Kush është në rrugë në protesta popullore për të kërkuar djersën dhe gjakun? Ata që e shkaktuan 97 sot janë të dëshpëruar se mund të tundin para popullit fantazmën e 97. Saliu e ka treguar që është i gatshëm ta çojë deri në zjarrvënie politikën. Sa i takon shqetësimit të madhe të Metës do të përsërisja një këshillë që i dha Spiropali, (Mamica) ku i tha ke hall të shpëtosh Shqipërinë? Bind Monikën që të mos hakërrehet dhe bind Saliun për Lulin. Janë katër veta, dy kryesorët, Ilir dhe Saliu, Monika fallxhorja me artistin dhe e gjitha kjo një llum në filxhanin e fallxhores. Një përpjekje për të penguar Reformën në Drejtësi. Kam informacion thotë Iliri nga agjencitë ligjzbatuese, dmth nga filxhani i Monikës, ku duket një 30-të kokë poshtë. Këto janë agjencitë ligjzbatuese të Presidentit” tha ai.

Paniku i përshkallëzimit të reformës në drejtësi për çeljen e negociatave. Akti i fundit i Ilir Metës e ka zbardhur planin dhe na ka lënë të kuptojmë se ku “fle lepuri”. Ne kemi bërë shumë por jo aq shumë sa kemi dashur, e vërteta është se jo gjithçka që kemi bërë e kemi bërë mirë, ecuria e qeverisjes jo në ritmin e duhur, kemi patur momente të vështira. Ne nuk jemi të rënë nga qielli por padiskutim më të mirë se ne nuk ka patur dhe nuk ka për të patur. Në 30 qershor nuk do shkojmë thjesht për zgjedhjen e kryteraëve të bashkisë por për shkak të atij plani në dëm të shqipërisë, populli duhet të vendosi ndaljen e 30 vjetëve të shkuara me 30 vjetët e ardhshme, asnjë politikan nuk mund të marrë përsipër të zhbëjë të drejtën e popullit për të zgjedhur. Në 30 qershor populli do u japë atyre që janë mësuar keq atë që meritojnë. Përfundimisht ne duhet të vendosim që pas 30 qershorit ata që fitojnë zgjedhjet duhet të rrinë në detyrë. Kërcënimet se do bëhet nami duhet të mbarojnë njëherë e mirë. Është e drejta e tyre të vrasin veten por Shqipërinë me vete nuk mund ta marrin kurrë.

Ilir Meta ka kryer një akt të panjohur në historinë e qeverisjes së botës, firmos dhe ç’firmos. Kjo do të mbetet vetëm një vepër e shëmtuar dhe e papërgjegjshme dhe një vepër që s’mund të tolerohet. Ai e ka humbur të drejtën të qëndrojë në zyrën e presidentit të republikës. Për sa kohë që parlamenti ka të drejtën dhe ka detyrën të reagojë në emër të sovranit nëse presidenti çmendet. Nuk jam unë problemi i tyre, jam thjesht pengesa që ata nuk arrijnë të varrosin reformën në drejtësi”, deklaroi Rama./abcnews.al

 

mirela-xhacka.jpg
nev ila20:09 | 11/06/2019

Mbrëmjen e sotme në ABC News në emisionin, Mbrëmje abc me gazetaren Mirela Milori, ka qenë e ftuar Ministrja e mbrojtjes Olta Xhaçka. Xhaçka ka dhënë opinionin e saj në lidhje me situatën politike në vend. Ajo ka komentuar vendimin e presidentit Meta për shtyrjen e zgjedhjeve. Sipas Xhackës, Presidenti i Republikës ka bërë shkelje të kushtetutës dhe se zhvillimet politike nga ana e opozitës nuk janë modelet më të mira për demokracinë dhe integrimin e vendit. Xhaçka tha se kjo shkelje nga ana e presidentit duhet të ketë një kundërpërgjigje. E pyetur nga gazetarja Mirela Milori se nëse do të kishte një situatë ku forcat e armatosura do të duhej të ndërhynin, prej cilit do të merrnin urdhër, Xhaçka tha se kushtetuta e ka të shprehur qartë. Presidenti i Republikës i udhëheq forcat e armatosura në kohë lufte, ndërsa në kohë paqeje kompetencat i ka kryeministri dhe ministri i mbrojtjes.

Nuk janë modelet më të mira për demokracinë. Presidenti është zhveshur nga ajo vlerë që ja vesh kushtetuta sepse presidenti ka marrë një anë. Është antikushtetuese cenimi i të drejtës së votës. Në demokraci debatohet dhe teorikisht parlamenti është beteja e ideve, ne si mazhorancë do shtrojmë të gjithë argumentet tona pse ky vendim i presidentit është antikushtetues. Ky veprim i presidentit duhet të ketë një kundërpërgjigje. Kushtetua nuk thotë askund se presidenti mund të ç’dekretojë dekretet. Akti i presidentit është krejtësisht nul”, tha Xhaçka.

Gazetarja Mirela Milori e ka pyetur ministren Xhaçka se nëse do të krijohej një situatë si ajo e 97 si do të vepronin Xhaçka tha se asnjë situatë e tillë nuk do të ndodhte, por dhe nëse do të kishte tentativa për krijimin e këtyre situatave, organizatorët do të ndëshkoheshin.

Gjithë aktorët që kërkojnë ta risjellin situatën e 97 do të marrin ndëshkimin që meritojnë. Kushtetuta e ndan qartë,  presidenti drejton ushtrinë në kohë lufte ndërsa në kohë paqe është kryeministri dhe ministri i mbrojtjes. Gjithsesi nuk do të ketë situata të tilla”, theksoi ajo.

Ndërsa në lidhje me integrimin e Shqipërisë në Bashkimin Evropian, Xhaçka tha se qeveria i ka bërë detyrat e saj por opozita po bën çdo gjë që vendet të cilat janë skeptike në lidhje me integrimin e Shqipërisë, ta gjejnë justifikimin e mos hapjes së negociatave, te kriza politike në vend.

“Integrimi është proces i vështirë që nënkupton aspektin juridik, politik ekonomik. Opozita është duke i dhënë justifikimin skeptikëve për të menduar se ne nuk jemi gati për integrimin. E keqja është që humbja e këtij stacioni do të na çonte mbrapa nuk e di për sa kohë”, deklaroi Xhacka./abcnews.al

balla.jpg
nev ila18:45 | 11/06/2019

Taulant Balla kryetar i grupit parlamentar në PS, përmes një statusi në rrjetet sociale i ka drejtuar një mesazh presidentit Meta. Balla shkruan se zgjedhjet do të mbahen në 30 qershor dhe se Presidenti Meta nuk ka asgjë në dorë ta ndryshojë këtë. Duke i theksuar këtë Balla shkruan se Rezoluta e Parlamentit për presidentin do i bëhet me dije ditën e enjte.

Dëgjova nga Presidenti Meta që ka qenë i sëmurë në këtë periudhë dhe nuk dëgjon mirë!

I uroj në emër të Grupit Parlamentar shërim të shpejtë dhe meqë nuk dëgjon mirë po i’a shkruaj si Kryetar i Grupit:

Zoti President ju nuk keni asgjë në dorë lidhur me datën e zgjedhjeve të dekretuar prej Jush.
ZGJEDHJET DO TE MBAHEN MË 30 QERSHOR, në respekt të plotë të dekretit të nxjerrë prej Jush në respekt të detyrimit kushtetues që keni.

Ndërsa ç’dekreti Juaj është një lajthitje antikushtetuese, që meriton të gjithë vëmendjen e Parlamentit, të cilën do ta keni të plotë të enjten, ku do të miratojmë edhe Rezolutën përkatëse lidhur me lajthitjen në fjalë.

Të shkuara edhe njëherë Zoti President!”, shkruan Balla./abcnews.al

meta-presidenca.jpg
nev ila16:57 | 11/06/2019

Ndryshe nga dalja e parë ku firmosi drejtpërdrejtë dekretin që anulon zgjedhjet e 30 qershorit, Presidenti i Republikës, në këtë konferencë të dytë me gazetarët lidhur me situatën politike në vend, iu përgjigj pyetjeve të tyre edhe më i qetë e i relaksuar, siç u shpreh edhe vetë.

I pyetur nga gazetarët se a kishte frikë nga SPAK pasi kryeministri Rama është shprehur se lëvizjet e presidentit bëhen sepse ka frikë nga reforma në drejtësi, presidenti i Republikës Ilir Meta u përgjigj se nuk kishte frikë nga asnjë dhe se këtë gjë kryeministri Rama e di mire. Presidenti Meta u shpreh se faktin që ai nuk kishte frikë e dinte edhe ambasada amerikane duke iu referuar konkretisht ish-ambasadorit të SHBA Donald Lu.

“Unë nuk kam frikë nga asnjë dhe këtë e di shumë mirë Rama madje e dinë mirë edhe amerikanët sidomos zoti LU. Nëse ka një njeri që e di që unë s’kam frikë është Rama. Unë kam frikë vetëm nga përgjegjësia para popullit dhe nga detyrat që kam”, u shpreh Presidenti.

Presidenti Meta është pyetur nga gazetarët nëse do të inicionte ai një tryezë ku të ulte të gjithë palët në dialog. Meta u përgjigj me batutën se do e bënte këtë gjë në rast se nuk do të shkarkohet.

Do të inicioj një tryezë me palët vetëm në rast se nuk do të shkarkohem, patjetër”, tha ai./abcnews.al

Basha-selia-pd-1280x712.jpg
nev ila17:29 | 10/06/2019

Kreu i Partisë Demokratike Lulzim Basha në një dalje për mediat ditën e sotme deklaroi se Presidentin Ilir Meta nuk mund ta shkarkojë askush, pasi për shkarkimin e tij mund të shprehet vetëm gjykata kushtetuese, e cila është shkatërruar, sipas Bashës, nga Edi Rama. Më tej Basha deklaroi se zgjedhjet në 30 qershor nuk mund të mbahen. Kreu i demokratëve garantoi gjithashtu se nuk do të ketë kompromis me askënd dhe nuk do pushoj së luftuari derisa Rama të largohet.

“Kush do ta gjykojë dhe shkarkojë Presidentin? Ilir Ndrazhi përfaqësuesi politik i bandës së Avydylajve apo Jurgis Çyrbja, përfaqësuesi politik i bandës së Shullazit, Rrahman Rrahja apo Luan Harusha përfaqësuesi i bandës së Bajrave, apo Reme Lala, përfaqësuesja e familjes kriminale Lala? Kush do ta gjykojë dhe shkarkojë Presidentin, Damian Gjiknuri që donte të pastronte 30 milonë euro për llogari të Edi Ramës, duke fallsifikuar edhe dokumentat zyrtare të qeverisë amerikane? Apo Arben Ahmetaj përfaqësuesi i një klani mafioz ndërkombëtar të plehrave? Apo Taulanti i Begos dhe i Toyota Yaris? Vendimi i Presidentit i shërben opinionit publik. E mbështes atë, por fjala i takon vetëm Gjykatës Kushtetuese. Nuk më takon as mua të gjykoj vendimin e Presidentit, ndonëse e mbështes plotësisht. Politikisht unë mund të them që zgjedhjet moniste nuk janë zgjedhje. Politikisht unë mund të them se vendimi kushtetues dhe i përgjegjshëm i Presidentit i shërben njerëzve dhe interesit publik. Përtej cdo mendimi individual, ka një dhe vetëm një institucion që mund të shprehet: Gjykata Kushtetuese. Këtë Gjykatë e ka shkatërruar me krenari dhe mburrje Edi Rama, sikurse ka shkatërruar edhe Gjykatën e Lartë, dhe ajo sot nuk mund të shprehet“, tha Basha.

Më tej Basha tha se Edi Rama po luan bllofin kur flet për shkarkimin e presidentit dhe mbajtjen e zgjedhjeve në 30 qershor, sipas Bashës këto përbetime Kryeministri Rama, as nuk i mban dhe as nuk i provon dot.

Shkarkimi i Metës, bllof i Ramës. Ka 2 të vërteta. Zgjedhje më 30 qershor nuk do të ketë. Presidenti nuk do të shkarkohet. Është një periudhë e mjegullt politike, shqetësuese dhe ngatërruese për njerëzit, prandaj dua të ndaj me ju disa të vërteta dhe mendime.

Dua të them që në fillim dy të vërteta:

-Nuk do të ketë zgjedhje lokale në 30 qershor.

-Nuk do të shkarkojë kush Presidentin e Republikës.

Edi Rama po përpiqet të bombardojë opinionin publik me dy përbetime, që ai as nuk i mban dot, dhe as nuk ka interes t’i provojë:

-Ai po përbetohet se do t’i mbajë zgjedhjet edhe pa dekret presidencial, edhe pa pjesëmarrje politike.

-Ai po përbetohet gjithashtu se do të nisë procedurat për shkarkimin e Presidentit.

Janë të dyja bllofe dhe zhurmë me qëllim shpërqendrimin e vëmendjes tuaj. Edi Rama nuk do që të flitet për krimin, drogën dhe vjedhjet e tij të përditshme. Ai nuk do që të flitet për Avdylajt dhe Dakot, për Çyrbet dhe Shullazët, për Gjiknurët, Manjat dhe Lalët“, deklaroi Basha./abcnews.al

2019-06-08-at-20.41.55-1280x720.jpeg
nev ila23:25 | 08/06/2019

Ky vendim ndryshoi axhendën e protestës së tetë kombëtare të opozitës. Doli rreth gjysmë ore pas shfuqizimit të dekretit të zgjedhjeve në 30 qershor, por nuk pranoi të reagojë menjëherë.

Drita jeshile që i ndezi Presidenti i Republikës e detyroi kryetarin e Partisë Demokratike që të mos mbante fjalën e dhënë se në këtë protestë nuk do të fliste ai por vetëm populli.

“Presidenti i republikës ka marrë vendimin për anullimin e zgjedhjeve të 30 qershorit, datës së planifikuar nga regjimi kriminalo-autokratik i bandës së Edi Ramës”, tha Basha.

Me brohorima e pritën protestuesit vendimin e presidentit. Por dhe me mjete piroteknike.

Pavarësisht se e shohin si fitore shfuqizimin e zgjedhjeve, beteja vazhdon tha kryedemokrati Basha.

Largimi i kryeministrit Rama nuk negociohet përsëriti Lulzim Basha. Përgjigjet e publikuara nga gazeta gjermane Bild plotësojnë panoramën që opozita prezanton prej kohësh për këtë mazhorancë sipas kreut demokrat.

“BILD faktoi përmes përgjimeve zyrtare autentike të prokurorisë se Edi Rama është një kryeministër ilegjitim dhe qeveria e tij është qeveri ilegjitime”, tha kryedemokrati.

Në shenjë simbolike se fundi i kryeministrit dhe kryebashkiakut të Durrësit është prapa hekurave të rinjtë e forumit rinor demokrat improvizuan një qeli me numrin e njëjtë me atë të dosjes 339.

Shpresën nuk e kanë humbur opozitarët që kjo të ndodhë por edhe kërkesat e tyre të realizohen.

E me dritat ndezur nisën marshimin drejt parlamentit. Përsëri një ndërhyrje e presidentit Meta duket se e detyroi Kryedemokratin Basha të tërheqë protestuesit drejt selisë së Partisë Demokratike. Kryetari i shtetit ndërmjet një mesazhi i bëri thirrje udhëheqësve të opozitës të ndalojnë protestën para parlamentit dhe qytetarët të shpërndahen paqësisht.

Në mesazhin e tij të fundit në protestën e 8 kombëtare, Lulzim Basha nuk njoftoi për takimin e radhës por iu drejtua elektoratit socialist që të bashkohen në zgjidhjen krizës politike që po kalon vendi.

Arrestoni kupolën tuaj, uluni në dialog për zgjidhje politike, pa Ramën kryeministër. Qeveri tranzitore, zgjedhje të lira dhe të ndershme. Të vendosim së bashku standardin evropian të zgjedhjeve. Nuk është vonë për ta shpëtuar Partinë Socialiste nga krimi. Forcë që ta ndalë bashkimin popullor për rrëzimin e organizatës kriminale të rilindjes nuk ka. Zotimi ynë është ta vazhdojmë betejën deri në fitore“./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono