zgjedhje te parakohshme

kryemadhi.jpg
R D15:50 | 18/01/2020

Monika Kryemadhi njësoj si Lulzim Basha është e bindur që ulja e palëve në një tryezë konsensuale për reformën zgjedhore ishte një fitore për opozitën. Në një takim me strukturat e LSI-së në Korçë, Kryemadhi foli me bindje se reforma do të pasohet nga zgjedhjet e parakoshhme.

“Opozita e Bashkuar e detyroi Rilindjen e Rames te pranojë zgjidhjen tonë për reformën zgjedhore”, u shpreh ajo.

Kur opozita e ka përmbushur të vetmen kërkesë nga Bundestagu, Kryemadhi thirrjen e ka për qeverinë të cilës i kërkon që të dorëzojë para drejtësisë vjëdhësit e votave.

“Pas dakordësimit për reformën i duhet kësaj qeverie që te mos mbaj peng të ardhmen e vendit. Duhet të zbatoje 8 kushtet e tjera të Bundestagut, mes tyre vënia në pranga të të korruptuarve”, vijoi kryetarja e LSI.

E bindur se vendi do të ketë një proces të afërt zgjedhor, thirrjen e ka për një bashkim kombëtar përballë Edi Ramës. Partitë opozitare krahas angazhimit të tyre në tryezën e reformës zgjedhore dhe Këshillin Politik i kanë bërë thirrje strukturave të bëhen gati për zgjedhje. /abcnews.al

dashiiii.png
R D21:50 | 19/12/2019

Kreu i LZHK-së, Dashamir Shehi pjesë e kampit opozitar i ftuar në “Mbrëmje në Abc” me Mirela Milorin foli reformën zgjedhore, duke theksuar se nuk është plotësisht dakord, por e ka pranuar për hir të PD-së.

I pyetur nga Mirela Milori, nëse është dakord me ndryshimet që po i bëhen ligjit të zgjedhjeve, ai tha se “kjo është një çështje që mbahet zvarrë prej vitesh. “Asnjëra prej partive të mëdha s’ka dëshirë ta bëjë reformën zgjedhore. Është e kot tu themi sot shqiptarëve se kjo quhet “reformë zgjedhore”, është një arnim i asaj që është bërë më parë. Për të qenë i sinqert ne e kemi pranuar për hir të PD-së. Arsyeja pse e kemi pranuar është se shpresojmë të shkojmë në zgjedhje të jashtëzakonshme me një ligj të jashtëzakonshëm. Duhet si fillim një marrëveshje e madhe në tavolinë dhe më pas rishkimi i sistemit zgjedhor. Nëse shkojmë në zgjedhjeve në pranvere, ia vlen të shkojmë me këtë lloj ‘reformë’. Nëse shkojmë në zgjedhje në kohën normale, në 2021 atëhere ka kohë për të bërë një reformë të plotë zgjedhore”, tha Shehi.

I pyetur se pse opozita e bashkuar kërkon me ngulm zgjedhjet e parakohshme, ai tha se “çdo ditë që rrimë në këtë lloj qeverisje nga ky grup politiko-oligark është një hall më shumë dhe vuajtje për popullin e varfër. Në këtë skenë s’po dominon e majta, por një grup kapitalistësh të egër që po pasurohen në kurriz të popullit”, u shpreh Dashamir Shehi.

Për ta ilustruar ai tha se këto qitë qeveria qetësisht kaloi një vendim në funksion të ligjit të koorporatës. “Për çfarë e bën këtë për të ndarë pasurinë publike tek aleatët e vet. I kanë edhe projektet gati për hotele me 5 yje. Kjo tregon se sa perfide është. Ndaj dua t’ju them shqiptarë mos shihni ç’bën në mëngjes ky njeri (Rama) që shfaqet sikur është në merak për ata që janë dëmtuar nga termeti, por shihni se çfarë vendimesh merr në darkë për ndarjen e pasurisë apo për ti mbyllur gojën medias”, theksoi ai./abcnews.al

basha-seli-1280x853.jpg
ger ta12:56 | 19/11/2019

Kreu i PD, Lulzim Basha ka vënë sot sërish theksin tek zgjedhjet e parakohshme.

Gjatë një prononcimi për gazetarët pas takimit me Presidentin Ilir Meta dhe aleatët Basha tha se e vetmja zgjidhje për daljen nga kiza është mbajtja e zgjedhjeve të parakohshme dhe vendore në të njëjtën ditë.

Nuk ka asnjë alibi për opozitën dhe shqiptarët për të vonuar zgjedhjet e parakohshme parlamentare dhe zgjedhjet vendore kushtetuese në një ditë si e vetmja rrugë për daljen nga kriza. Do marrim hapat e nevojshëm si opozitë për zgjidhjen  krizës që po shkatërron shpresën e shqiptarëve”, tha Basha.

Po ashtu Basha nënvizoi se mazhoranca po e përdor shtyrjen e afatit të Reformës Zgjedhore për tu hedhr hi syve shqiptarëve.

Shtyrja e afatit të komisionit të Reformës zgjedhore është për ti hedhur hi syve shqiptarëve dhe faktorit ndërkombëtar. Opozita nuk e mbështet shtyrjen për kalendat greke të Reformës zgjedhore. Javën e ardhshme opozita do të paraqesë propozimin e plotë për reformën zgjedhore. Për opozitën propozimet do jenë gati jo më vonë se fillimi i dhjetorit”, tha kryedemokrati.

Domosdoshmëria e zgjidhjes së krizës. Prej më shume se 2 muajsh opozita ka shprehur gatishmërinë për të kontribuuar përmes një dialogu transparent për një reformë zgjedhore dhe zbatimin e saj siç e kërkon Bundestagu.  Prej më shumë se 4 muajsh Rama e ka refuzuar dialogun dhe ndërmjetësimin ndërkombëtar të ofruar se paku në 8 raste nga afati ndërkombëtar”, shtoi Basha./abcnews.al

meta.jpg
nev ila12:19 | 04/11/2019

Kreu i Shtetit Ilir Meta ka marrë pjesë sot në ekspozitën e artistit Avni Delvina tek Teatri Kombëtar. I pyetur nga gazetarët, për çështjen e zgjedhjeve të parakohshme dhe situatën në bashkinë e Vorës, Meta u tregua mjaft i rezervuar, duke mos dhënë një pëgjigje konkrete.

Meta tha se në këtë ditë është vendosur ti delegohet vetëm ekspozitës.

“Kjo është një mesazh, në interes të të gjithë qytetarëve. Miqtë e vërtetë që nuk bëjnë kompromis edhe me vlera e artit janë ai zëri që e con popullin drejt një të ardhmeje të sigurtë”, tha Meta për veprën e Delvinës.

Po ashtu Presidenti refuzoi ti përgjigjej edhe pyetjes për prokurorin Ndoj.

“Nuk kam asnjë koment për asnjë çështje përveç ekspozitës”, tha ai./abcnews.al

0_Brexit.jpg
nev ila21:59 | 29/10/2019

Mbretëria e Bashkuar do të zhvillojë zgjedhje të parakohshme  në 12 dhjetor. Ky vendim erdhi pasi deputetët votuan për të mbështetur zhvillimin e ketyre zgjedhjeve  pas disa muajve të bllokimit mbi Brexit.

Me një diferencë prej 438 votash deri në 20, Commons miratoi legjislacionin duke i hapur rrugën zgjedhjeve të dhjetorit të cilat janë të parat e këtij lloji që nga viti 1923.

Projektligji duhet të miratohet nga Lordët por mund të bëhet ligj deri në fund të javës. Nëse kjo ndodh, do të ketë një fushatë pesë-javore deri në ditën e votimit.

Kryeministri Boris Johnson ka thënë se publikut duhet t’i jepet “një zgjedhje” mbi të ardhmen e Brexit dhe vendit.

Johnson shpreson se zgjedhjet do t’i japin atij një mandat të ri për marrëveshjen e tij në Brexit dhe do të thyejnë bllokimin e deritanishëm parlamentar, gjë që ka vonuar daljen e  Mbretërisë së Bashkuar nga BE.

Ai pritet t’i drejtohet së shpejti deputetëve konservatorë./abcnews.al

pendarovski-1280x853.jpg
ad min15:42 | 26/10/2019

Ilir Meta e quajti pjekuri politike vajtjen e Maqedonisë në zgjedhje të parakohshme për shkak të mos hapjes së negociatave dhe kërkoi reflektim të thellë në Tiranë. Presidenti priti homologun fqinj Pendarovski, dhe të dy krerët e shteteve refuzuan propozimin e Francës për një partneritet special me Ballkanin, pa u anëtarësuar në BE.

Në konferencën për shtyp, Presidenti Meta e duartrokiti vendimin e Maqedonisë së Veriut për të shkuar në zgjedhje të parakohshme.

Presidenti i Maqedonisë së Veriut, e quajti ndëshkim për dy vendet, vendimin e BE-së për të mos hapur negociatat. Të dy liderët përjashtuan një ide të Francës, që në kushtet kur dy vendeve nuk po ju hapen negociatat, t’u jepen disa të drejta të veçanta në bashkëpunimin ekonomik.

“Ne nuk na mjafton të jemi vetëm pjesë e tregut të përbashkët evropian. Në duhet të jemi patjetër edhe e institucioneve politike të BE-së. Të gjitha vendet e rajonit duhet të jenë në një qëndrim të përbashkët dhe t’i thonë jo çdo lloj alternative tjetër veç anëtarësimit të plotë në BE”, tha Pendarovski.

Pendarovski u takua edhe me kryetarin e Kuvendit, Gramoz Ruçi./ABC News Albania

zoran-zaev.jpg
ad min14:02 | 19/10/2019

Pas dështimit me negociatat, Maqedonia e Veriut pritet të shkojë në zgjedhje të parakohshme. Vendimi është marrë nga Kryeministri Zoran Zaev, i cili tha se pavarësisht gabimit historik të BE, çdo politikan duhet të marrë përgjegjësi para qytetarëve.

Kryeministri i Maqedonisë së Veriut, Zoran Zaev, në fjalën e tij në selinë e qeverisë në Shkup, tha se vendi duhet të shkojë në zgjedhje të parakohshme.

Deklarata vjen pasi një ditë më parë nuk u pranua hapja e negociatave për anëtarësimin e vendit në Bashkimin Europian. Ndër të tjera ai u shpreh se duke parë zhvillimet që ndodhën dhe pas konsultimeve të zhvilluara, zgjidhja më e mirë dhe për të mos humbur kohë ishin zgjedhjet e parakohshme.

Ai tha se me këtë propozim do të shkojë edhe në takimin e së dielës, të liderëve, të kërkuar nga presidenti Pendarovski. Zaev u shpreh se Brukseli kishte bërë një padrejtësi pasi vendi i ka kryer të gjitha detyrat.

“Ata nuk e mbajtën fjalën dhe nuk dhanë datë. Ky është një gabim historik i Evropës. Falënderojmë shumicën e liderëve të Evropës. Ky është një vendim i Evropës dhe problemeve të tyre të brendshme. Ne jemi përgjegjës dhe kjo kërkon nga ne vendim serioz, secili politikan duhet të jetë përgjegjës, dal me përgjegjësi para qytetarëve. Ëndrra evropiane e Maqedonisë së Veriut nuk do të shuhet. Për këtë marr përgjegjësi, organizojmë zgjedhje të parakohshme parlamentare, ky do të jetë edhe propozimi im në mbledhjen e liderëve”, tha mes të tjerash Zaev.

Ai theksoi se fokusi i tij do të jetë për reforma, integrimin euroatlantik dhe përmirësimi i jetës së qytetarëve./ABC News Albania

pdiu-1.jpg
ad min09:52 | 19/10/2019

PDIU ka reaguar për mos-hapjen e negociatave nga Këshilli Europian për Shqipërinë. PDIU bën përgjegjës për këtë vendim Kryeministrin Rama, duke theksuar se alibia e problemeve të brendshme të Europës është e papranueshme.

PDIU thotë se familja europiane e ka të pamundur të pranojë një vend që eksporton vetëm krim të organizuar, drogë dhe emigrantë.

Gjysmë milioni shqiptarë që ikin nga sytë këmbët janë treguesi më domethënës për gjendjen në vend. Për gjithë situatën ku është katandisur vendi ka vetëm një përgjegjës, kryeministri Edi Rama dhe politikat e tij në mbrojtje të krimit, shkatërruesit të demokracisë funksionale dhe ekonomisë, të cilat po detyrojnë shqiptarët të braktisin masivisht vendin dhe po i vënë Shqipërisë një vulë turpi të pamerituar në familjen Europiane”, deklaron PDIU.

Sipas kësaj force politike, ka tre vite që shqiptarët po gënjehen me zë dhe figurë nga vetë kryeministri i tyre çdo Tetor kur hap shishen e shampanjës për hapjen e negociatave.

PDIU thekson në fund të reagimit se i vetmi hap që kryeministri duhet të mendojë sot dhe pa humbur asnjë minutë është dorëheqja e tij dhe hapja rrugë e normalizimit të klimës politike në Shqipëri dhe zgjedhjeve te parakohshme./ABC News Albania 

zgjedhje-ne-kosove.jpg
ad min16:58 | 05/10/2019

Përgatiti Dorina Kurtaj – Është hera e katërt që vendi shkon në zgjedhje të parakohshme që nga shpallja e pavarësisë në vitin 2008. Asnjë qeveri deri tani nuk ka arritur të përfundojë të plotë mandatin.

Vajtja sërish në kutitë e votimit u shkaktua si pasojë e dorëheqjes së kryeministrit Ramush Haradinaj në Korrik dhe shpërndarjes së parlamentit. Haradinaj është kryetar i partisë konservatore Aleanca për Ardhmërinë e Kosovës. Ish-komandanti i Ushtrisë Çlirimtare të Kosovës në konfliktin e 1998-1999 kundër forcave serbe, 51 vjeç, dha dorëheqjen pasi u thërrit nga një gjykatë ndërkombëtare rreth dyshimeve për krime lufte. Dhe në të kaluarën ai ka qenë në qendër të akuzave të tilla, por në fund është shpallur i pafajshëm.

Pavarësia e Kosovës njihet nga më shumë se 100 vende: mes të cilave dhe Shtetet e Bashkuara të Amerikës, të cilat i shohin zgjedhjet e radhës si një mundësi për rifillimin e një dialogu paqësor me Serbinë. Gjithsesi, Rusia, Kina dhe pese vende europiane si Greqia, Qipro, Rumania, Sllovakia dhe Spanja, mbështesin Serbinë, e cila në nivel ndërkombëtar ka ndërmarrë një aktivitet lobues për të bindur vendet anëtare të Kombeve të Bashkuara që të tërheqin njohjen e Kosovës. Vendi i fundit që ka tërhequr njohjen sipas Beogradit, është Togo.

Mes Serbisë dhe Kosovës, tensionet në këto vite nuk janë ulur asnjëherë me të dyja vendet që synojnë anëtarësimin në Bashkimin Europian. Kosova nuk është anëtare as e NATO-s dhe as e Bashkimit Europian, dhe qytetarët e Kosovës janë të vetmit në  të gjithë Ballkanin Perëndimor që kanë nevojë ende për vizë për të udhëtuar në Europë. Gjithsesi sipas analistëve në vend, çështja e Serbisë nuk është në qendër të shqetësimeve të votuesve. Prioritetet e qytetarëve në Kosovë janë:

Masa konkrete për të ndaluar largimin e popullsisë nga vendi dhe papunësia;

Përmirësimi i sistemit të arsimit;

Shërbime shëndetësore të garantuara për të gjithë qytetarët;

Luftë ndaj korrupsionit dhe nepotizmit;

Një standard jetese më të pranueshëm pasi në disa zona mes 25% dhe 40 % e popullsisë nuk përfiton ende nga rrjeti i kanalizimeve;

Ndërsa prioritet politik mbetet rifillimi i dialogut me Serbinë dhe Bashkimin Europian për liberalizimin e vizave;

Ndërsa analistë ndërkombëtarë mendojnë se këto zgjedhje janë të rëndësishme sepse dialogu Beograd-Prishtinë për momentin mbetet i bllokuar. Rifillimi i tij është një kusht thelbësor për të arritur në normalizimin e marrëdhënieve. Një pikë e rëndësishme për Kosovën mbetet përmbushja e kritereve të Bashkimit Europian në luftën kundër korrupsionit. Pa këtë të fundit të rinjtë në Kosovë nuk do të mund të përfitojnë nga liberalizimi i vizave për të gjetur një vend pune në zonën Shengen, në mënyrë që të kenë më shumë të ardhura, në një moment që ekonomia në vend nuk është ende e qëndrueshme.

Kosova ka popullsinë më të re në moshë në Europë, mosha mesatare është 29 vjeç, më pak se një e dhjeta e popullsisë është më shumë se 65 vjeç. Dhe pavarësisht kësaj më shumë se një e treta e popullsisë nuk punon, një përqindje që arrin në 60% mes të rinjve. Më shumë se 200 mijë qytetarët të Kosovës janë larguar nga vendi i tyre duke kërkuar azil në vende të Bashkimit Europian që nga moment që vendi shpalli pavarësinë.

Në vitin 2013, Kosova dhe Serbia pranuan të ulen në tryezën e negociatave nën vëzhgimin e Bashkimit Europian, por atëherë nuk u shënuan progrese të rëndësishme. 90% e politikës në Kosovë refuzon çdo lloj kompromisi i cili përfshin lëshim territori në favor të Beogradit, apo një autonomi më të madhe të komunave me minoritet serb, që jetojnë në veri të vendit.  Ideja e rishikimit të kufijve, e propozuar fillimisht nga presidenti i Kosovës Thaçi dhe nga homologu i tij serb Aleksandër Vuçiç, përballet dhe me kundërshtimin e vendeve si Gjermania, me frikën se çdo lloj shkëmbimi territoresh mund të shkaktojë paqëndrueshmëri në Ballkanin Perëndimor.

Në Nëntor të vitit 2018, Prishtina vendosi një tarifë prej 100 për qind në importin e produkteve serbe, në kuadër të reagimit për sulmim diplomatik serb në nivel ndërkombëtar. Bashkimi Europian ka kërkuar që t’i jepet fund kësaj lufte tregtare, pasojat e së cilës janë ende të diskutueshme. Çmimi i disa produkteve të konsumit është rritur në kurriz të shtresës më të varfër të popullsisë. Jo vetëm, pjesa më kontroverse politikisht e kësaj mase, është se në vend nuk lejohet tregtimi i produkteve që vijnë nga Serbia dhe Bosnje e Hercegovina, të cilat nuk kanë në etiketë emrin kushtetues të Republikës së Kosovës. Të gjitha produktet të etiketuara “Kosovo i Metohija” – emri zyrtar serb i Kosovës apo “Kosovo/UNMIK” –  administrata e OKB-së, janë hequr nga tregu. Disa analistë në Kosovë parashikojnë se kjo luftë tregtare do të vazhdojë dhe në të ardhmen

Duhet theksuar, se të gjithë analistët e konsultuar nga Euronews, bien dakord për faktin se negociatat mes Serbisë dhe Kosovës nuk do të rinisin as me qeverinë e re, dhe nëse fiton një parti si Vetëvendosje, që ka një qëndrim më të ashpër në krahasim me Haradinaj, si dhe është kundër çdo lëshimi kur bëhet fjalë për territoret. Kjo sepse negociatat drejtohen nga dy presidentët dhe forcat parlamentare janë të përjashtuara nga ky dialog. Haradinaj e ka të ndaluar të hyjë në Serbi dhe për të është lëshuar një urdhër arresti ndërkombëtar nga Beogradi. Analistë ndërkombëtarë mendojnë se qeveria është e përjashtuar nga negociatat dhe se politika e jashtme drejtohet ende nga presidenti Thaçi.

Ndërkohë mendohet se nga pothuajse 800 mijë qytetarë të Kosovës të cilët jetojnë jashtë vendit, vetëm 35 mijë prej tyre kanë kërkuar të votojnë me anë të postës. Numri i vogël i kosovarëve në diasporë që vendosin të votojnë tregon se si brezi i dytë dhe i tretë ndihen gjithnjë e më pak të lidhur nga jeta e përditshme kosovare. Madje konsiderohet si një komunitet jo shumë i lidhur nga pikëpamja politike sepse kanë lënë një vend që nuk ishte në gjendje t’u garantonte kushte të pranueshme jetese. Pavarësisht partisë fituese, do të jetë shumë e vështirë që qeveria e re të përmbushë të gjitha prioritetet.

Mundësia e punësimit shpesh kërkon një shumë të caktuar parash ose lidhje politike. Ky mekanizëm është një presion në rritje për brezat e rinj në Kosovë. Të rinjtë e lindur pas luftës e kanë kuptuar vlerën e luftës për çlirim, por janë të lodhur nga papunësia, nga pamundësia për të lëvizur në Europë për të kërkuar një vend pune dhe nga shërbimet e pamjaftueshme në vend.

Qytetarët e Kosovës do të mund të zgjedhin mes 25 listave, mes të cilave dhe ajo serbe e mbështetur nga serbët të cilët duan tërheqjen e autonomisë së vendit. Pragu elektoral është 5%. Asnjë analist nuk mund të parashikojë se kush do të qeverisë pasi nuk ka asnjë parti politike e cila mund të synojë mazhorancën e plotë. Shumë të rëndësishme do të jenë aleancat pas zgjedhjeve. Në vitin 2017 koalicioni qeverisës u krijua nga tre ish liderë të Ushtrisë Çlirimtare të Kosovës: Haradinaj, Kadri Veseli dhe Fatmir Limaj. Por këtë herë ata garojnë si rivalë.

Forcat politike grupohen në katër pole kryesore dhe pse vendimtare do të mund të jetë një forcë e pestë – iniciativa socialdemokrate, Nisma, e cila sipas sondazheve mund të marrë 6 për qind të votave.  Lidhja Demokratike e Kosovës, partia më e vjetër në vend, konservatore dhe me qëndrime pranë nacionalizmit shqiptar është një nga partitë kryesore. Pas një dekade në rënie, në zgjedhjet e përgjithshme të vitit 2017 mori numrin më të madh të bashkive. Për momentin ajo është në opozitë me 25 deputetë në parlament nga 120. Kandidatja e kësaj partie për postin e kryeministrit është Vjosa Osmani e cila sipas sondazheve mund të marrë 25 për qind të mbështetjes.

Vetëvendosja është një tjetër forcë politike në opozitë. Nacionalist, por i majtë, lideri i saj Albin Kurti dëshiron bashkimin e Kosovës me Shqipërinë. Ai mund të përsërisë rezultatin e 2017-ës duke marrë 27.4 për qind të votave dhe të qeverisë së bashku me LDK nëse të dyja partitë do të gjejnë një marrëveshje për emrin e kryeministrit. Partia demokratike e Kosovës, partia politike e presidentit Hashim Thaçi, dhe e drejtuar nga Kadri Veseli, ish-luftëtar i Ushtrisë Çlirimtare të Kosovës, i cili shënon dy mandate si kryetar i parlamentit, vendosi pikërisht emrin e tij për kryeministrin e ardhshëm të vendit. Veseli në fjalimet e tij elektorale ka premtuar luftë ndaj korrupsionit dhe nepotizmit, ndërsa sondazhet i japin 22 për qind të votave.

Aleanca për Ardhmërinë e Kosovës është partia e kryeministrit të dorëhequr Haradinaj, aleat me social demokratët e PSD-së. Pas mbylljes së qendrave të votimit pritet që mëngjesin e të hënës të jetë gati një pjesë e mirë e rezultateve përfundimtare. Partia që do të marrë më shumë vota do të jetë dhe ajo që do të propozojë emrin e kryeministrit të ri. Një  tjetër ditë e rëndësishme do të jetë dhe ajo e zgjedhjes së kryetarit të parlamentit pasi vetëm atëherë do të kuptohet se cila mazhorancë do të qeverisë vendin./ABC News Albania 24/7

selia-PD-1280x713.jpg
nev ila19:16 | 05/08/2019

 

Ndryshe nga sa kërkon presidenti  Ilir Meta, partia më e madhe opozitare nuk do të regjistrohet në zgjedhjet e 13 tetorit. Sakrificat presidenciale për të caktuar një datë të re në kulmin e krizës politike, nuk do të përdoren nga Partia Demokratike, e cila kërkon paraprakisht largimin e Kryeministrit Edi Rama.

Partia Demokratike nuk i përgjigjet thirrjes së Presidentit Meta për tu regjistruar në zgjedhjet e 13 tetorit. Ndryshe nga aleatët e saj, ajo nuk i drejtohet me kërkesë KQZ-së, edhe pse nënkryetari Edi Paloka shpjegon se 13 tetori është data kushtetuese dhe PD e njeh dekretin e Metës.

“Për ne dekreti i presidentit është i detyrueshëm për t’u zbatuar nga institucionet, pjesëmarrja apo jo e PD lidhet me rrethana te tjera. Për ne nuk është e rëndësishme data e zgjedhjeve, për ne të rëndësishme janë standardet”, tha Paloka.

Pikërisht tek standartet, vihet re diferenca tjetër e PD-së, si ndaj LSI-së, ashtu edhe ndaj Presidentit. Demokratët kanë kusht të panegociueshëm largimin e kryeministrit Edi Rama.

“Pozicioni i PD nuk ka ndryshuar ne asgjë, dhe as i opozitës ne përgjithësi. Sot kërkesa per largimin e Edi Ramës nuk është me vetëm e PD dhe e opozitës, janë mbi 85% e shqiptareve qe kërkojnë largimin e Ramës. Rama si kryeministër nuk mund te ulet ne tavoline me PD dhe me opozitën”, deklaroi Paloka.

Edhe pse vetë nuk do të marrë pjesë në zgjedhje, PD nuk i kursen akuzat ndaj shumicës së KQZ-së, të cilës i kërkon të organizojnë zgjedhjet në 13 tetor, ku do të marrin pjesë aleatët e saj.

“Kryetari i Komisionit Qendror të Zgjedhjeve në bazë të kërkesës së disa partive për pjesëmarrje në zgjedhje kërkoi të zhvillonte mbledhjen e KQZ. Dhe cila ishte përgjigja e Denar Bibave? Përgjigja ishte ajo e Edi Rames, që ne jemi në plazh. Dmth jo vetëm nuk zbatohet ligji dhe kushtetuta, por sfidohet me arrogancë dhe cinizëm”, tha Paloka.

PD dogji mandatet në muajin shkurt dhe prej 6 muajsh është jashtë çdo institucioni duke vendosur kusht largimin e kryeministrit, si dhe organizimin e zgjedhjeve të parakohshme nga një qeveri tranzitore./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono