zbardhet

lazer5.jpg
nev ila14:47 | 22/10/2019

Policia ka zbardhur ngjarjen e rëndë që ndodhi një ditë më parë në Dukagjin ku u gjet i vrarë Lazër Pjetrushi, 55 vjeç.

Blutë e Shkodrës njoftojnë se për krimin në fjalë kanë arrestuar autorin e dyshuar të ngjarjes së rëndë, i cili është 26 vjeçari Marash Arra.

Policia dyshon se ngjarja ndodhi për shkak të konfliketeve familjare mes asaj të autorit dhe viktimës. Por abcnews.al ka mësuar se një tjetër pistë ku prokuroria po heton, është edhe ajo për çështje droge.

“Arrestimi i tij u bë pasi dje më datë 21.10.2019 dyshohet se ka vrarë me armë zjarri shtetasin L. A., në fshatin Palaj, Njësia Administrative Shosh, Shkodër”, bën me dije policia.

Njoftimi i policisë:

“Zbardhet dhe dokumentohet ngjarja e ndodhur dje, ku mbeti i vrarë me armë zjarri shtetasi L. A.

Arrestohet autori i dyshuar i kësaj ngjarjeje.

Nga strukturat e D. V. P. Shkodër nën drejtimin e Prokurorisë së Rrethit Gjyqësor Shkodër, falë një pune intensive hetimore dhe në bazë të informacioneve të marra në rrugë operative është bërë dokumentimi ligjor dhe arrestimi në flagrancë i autorit të dyshuar, shtetasit:

M. A., 26 vjeç, banues në fshatin Shtoj i Ri, Shkodër.

Arrestimi i tij u bë pasi dje më datë 21.10.2019 dyshohet se ka vrarë me armë zjarri shtetasin L. A., në fshatin Palaj, Njësia Administrative Shosh, Shkodër.

Kjo ngjarje dyshohet të ketë ndodhur për konflikte të mëparshme mes familjeve.

Materialet iu referuan Prokurorisë së Rrethit Gjyqësor Shkodër, për veprat penale “Vrasja me paramendim” dhe “Armëmbajtja pa leje”./abcnews.al

 

policia-vrasja-1280x719.jpg
nev ila10:16 | 28/09/2019

8 persona janë shpallur në kërkim për vrasjen e Santiago Malkos mbrëmjen e 27 gushtit në Kryeqytet. Gjykata e Tiranës caktoi masën “arrest në burg” në mungesë, dhe më pas e referoi çështjen në Gjykatën e Krimeve të Rënda.

Policia e Tiranës ka shpallur në kërkim 8 persona, të dyshuar si të implikuar në vrasjen e ish-efektivit Santiago Malko, mbrëmjen e 27 gushtit të këtij viti. Burime policore bëjnë të ditur se të dyshuarit janë: vëllezërit Leonard dhe Elis Duka, Fatmir Hyseni, Xhoni Nica, Oltian Loka, Ilir Selmani, Aleksandër Maxhaku dhe Dritan Agaj.

Policia bën të ditur se ka sekuestruar në cilësinë e provës materiale 8 automjetet e përdorura nga autorët për të kryer krimin, si dhe sendet e gjetura në brendësi të tyre.

Ndërkohë Gjykata e Shkallës së Parë Tiranë ka vendosur si masë sigurimi personal “Arrest me burg” në mungesë, ndaj 8 personave të dyshuar si autorë të këtij atentati. Gjykata Penale i ka kalsifikuar këta persona si grup i strukturuar kriminal dhe akuzohen për kryerjen e veprave penale “Vrasja me paramendim”, “Mbajtja pa leje e armëve shpërthyese dhe municionit” dhe “Vjedhja” kështu çështja i ka kaluar për veprime të mëtejshme Krimeve të Rënda.

Burime nga grupi hetimore kanë bërë të ditur se , Leonard Duka dhe Dritan Agaj janë shoqëruar natën e ngjarjes por më pas janë lënë të lirë. Më herët po për këtë ngjarje është ndaluar me urdhër të Prokurorisë së Rrethit Gjyqësor Tiranë dhe shtetasi Blendi Teta, i akuzuar për “moskallëzim krimi” .

Teta i ka mohuar akuzat dhe nuk pranon të këtë pasur dijeni për atentatin pasi është larguar nga vendi i ngjarjes disa minuta para se të kryhej vrasja.

Organi i akuzës është shprehur se përvec pamjeve filmike, disponojnë edhe përgjimet midis tij dhe bashkjetueses, të cilës Blendi Teta i shpreh shqetësimin se mund ta akuzojnë për vrasje. 26-vjeçari Santiago Malko u ekzekutuat më breshëri automatike mbremjen e 27 gushtit, në rrugën Xhanfize Keko.

Autorët u larguan nga vendi i ngjarjes më një maktin tip benc që më pas u gjet e djegur së bashku me dy armët që dyshohet se u përdorën në atentat. /ABC News Albania 24/7

Arben-Malaj.jpg
nev ila12:59 | 16/07/2019

Zbardhet kërkesa që deputetët e partisë socialiste i kanë dërguar Kryetarit të Kuvendit, Gramoz Ruçi, në lidhje me shkarkimin e Arben Malaj si anëtar i Këshillit Mbikëqyrës të Bankës së Shqipërisë.

Kërkesa për shkarkimin e Malajt bazohet në qëndrimet e tij publike, që sipas deputetëve të PS, dëmtojnë imazhin e  Bankës së Shqipërisë./abcnews.al

 

 

bilali-770x433.jpg
ad min08:30 | 31/05/2019

Bie në pranga autori i dyshuar i vrasjes se ish-policit Arben Bilali në Tiranë, 4 muaj më parë. Sipas policisë ai është Gjergj Cukali, një emër i skeduar për krime të ndryshme nga blutë e kryeqytetit.

Ky është momenti i arrestimit të 40-vjeçarit Gjergj Cukali nga policia e Tiranës. I prangosuni nuk ka bërë rezistencë, ndërsa ishte duke udhëtuar në automjetin e tij. Përveç njësisë speciale“Shqiponja”, për arrestimin e të ashtuquajturi i forti i rrugës së “Myslym Shyrit”, u angazhuan edhe Forcat e Ndërhyrjes së Shpejtë.

Policia ka arritur në gjurmët e Gjergj Cukalit, pas sekuestrimit automjetit, tip “Mercedes-Benz CLS”, i cili u përdor në ekzekutimin e ish-efektivin e Arben Bilali, mesditën e 30 Janarit. I njëjti mjet u gjet pas krimit i braktisur në Mjull Bathore, afër rreth-rrotullimit të Saukut. Në këtë mjet janë gjetur dhe gjurmë e prova, të cilat pas ekspertizës kriminalistikë kanë çuar hetuesit tek autori i dyshuar i vrasjes, Gjergj Cukali. Dyshimet për hetuesit janë shtuar edhe më tej, pas përftimit të profilit të ADN-së, së Cukalit nga Laboratori i  Policisë së Shtetit. Gjurmët e papilare u gjetën pikërisht në sediljen e pasme të krahut të shoferit të automjetit nga ku u qëllua për vdekje me 17 plumba Bilali.

Mbi 40-vjeçarin Cukaili, rëndon akuza; “Vrasje me paramendim e kryer në bashkëpunim” dhe “Prodhim dhe mbajtje pa leje te armeve luftarake”. Cukali, është një emër i skeduar për krime të ndryshme nga blutë e kryeqytetit i dënuar më parë për një sërë veprash penale. Ai u akuzua në vitin 2004 dhe u dënua në vitin 2006 nga Gjykata e Krimeve të Rënda me akuzën e heqjes së paligjshme të lirisë Fajton Demirlika. Dënimi i dhënë ndaj Cukalit ishte dhjetë vjet burg, ndërkohë fajtorë u deklaruan edhe pesë persona të tjerë të pandehur në lidhje me ngjarjen e pengmarrjes së ndodhur në rrugën “Myslym Shyri”.

Por në vitin 2016 Cukali do të arrestohej sërish por ketë herë sipas policisë së Tiranës, si kreu i një organizate kriminale që merrej  me shpërndanin heroinës dhe kokainës. Organizata përbëhej nga 16 anëtarë, të cilët u arrestuan në saj të  operacionit të koduar “Tangent”.

Por, Cukali fitoi një vit më vonë lirë, duke vendosur ndaj tij masë sigurie “arrest shtëpie” për shkak të gjendjes së tij shëndetësore. Cukali vuan nga astma bronkiale dhe ka kriza të shpeshta. Për këtë arsye, Gjykata e Lartë vendosi që Gjergji Cukali nuk mund të mjekohej në Institutin e Kujdesit të Veçantë Shëndetësor të të burgosurve Tiranë./ABC News Albania 24/7

autostrada-milot-balldren.jpg
nev ila20:53 | 30/05/2019

Zbardhet projekti i ndërtimit të rrugës Milot – Balldren që ka një gjatësi prej 17 kilometrash dhe që do kushtojë 159.5 milionë euro. Ajo do të jetë një autostradë e standardeve të kategorisë A ku janë të parashikuara 6 vepra arti dhe 2 tunele.

Autostrada e re Milot-Balldren e cila është nënshkruar nga qeveria shqiptare dhe pritet të ratifikohet edhe në parlament, do të ketë një kosto ndërtimi prej 159,5 milionë euro.

Kjo do të jetë një autostradë e kategorisë A, cilësia më e lartë e rrugëve të standartit evropian. Ajo fillon tek kryqëzimi i rrugës së Kombit në Milot dhe përfundon në afërsi të fshatit Balldren, në dalje të qytetit të Lezhës, në rrugën që të çon në Shkodër.

Kjo autostradë do të ketë një gjatësi prej 17 km, dhe do të jetë tërësisht e mbyllur në të dy krahët jo vetëm për hyrje daljet e automjeteve dhe këmbësoreve por e mbyllur në të gjithë gjatësinë me rrjetë teli për të penguar edhe hyrjen e kafshëve.

Gjerësia e saj do të jetë nga 3 korsi në të dy krahët e lëvizjes dhe do të mundësojë ecjen me një shpejtësi prej 120 km në orë.

Ky segment prej 17 kilometrash do të ketë shume vepra arti si,  urën mbi lumin Mat  me një gjatësi 625 m, urën mbi lumin Drin me gjatësi prej 225 m. Veç dy urave të mëdha, kjo autostradë do të ketë edhe një tunel me dy porta me gjatësi nga 850 metër secili krah, në malin e Rencit që do të shërbejë si bay pass i qytetit të Lezhës për ta devijuar futjen e trafikun të veriut nga kalimi përmes këtij qyteti.

Veç këtyre veprave të artit do të ketë edhe 6 mbikalime, në kryqëzimin e fushë Milotit, në kryqëzimin e burgut të Shenkollit, në kryqëzimin e rrugës Zejmen – Tale, në kryqëzimin e Rriles, në kryqëzimin me rrugën e Hotelit të gjuetisë dhe një nyje e madhe mbikalimi  në rrethrrotullimin e Lezhës, pranë ish fabrikës së Letrës.

Gjithashtu në këtë projekt, meqenëse autostrada do të jetë krejtësisht e mbrojtur nga hyrjet anësore, parashikohet edhe ndërtimi i rrugëve paralele të dy krahët në zonat e banuara, rrugë këto secila me nga 2 korsi me një gjerësi prej 9 metra asfalt.

Gjerësia e korsive të autostradës do të jetë nga 3,75 m secila duke bërë të mundur ecjen me 120 km në orë dhe përshkimin e kësaj gjatësie Milot-Balldre vetëm për 8.5 minuta nga 28 minuta që bëhet aktualisht.

Ky projekt parashikon edhe gjelbërimin e autostradës si dhe ndriçimin në të gjitha nyjet.

Kosto e ndërtimit të kësaj autostrade, duke zbritur kostot e ndërtimit të veprave të artit, tunelit dhe rrugët dytësore, do të jetë 6 milionë euro për kilometër dhe do të ndërtohet për 3 vjet./ABC News Albania 24/7

rama-me-merkel.jpg
nev ila17:54 | 28/04/2019

Zyra e shtypit e kancelares gjermane Angela Merkel ka publikuar agjendën e samitit të Berlinit që mbahet të hënën, në prani të presidentit Emanuel Makron dhe liderëve të vendeve të Ballkanit.

Sipas njoftimit të zyrës së kancelares, fillimisht zonja Merkel do të takohet me kryeministrin e Maqedonisë së Veriut, Zoran Zaev. Një takim ky kokë më kokë që do të ketë formën e një interviste.

Më pas kancelarja gjermane do të zhvillojë një bisedë me kryeministrin e Shqipërisë, Edi Rama, që do të pasohet nga një tjetër bisedë dypalëshe mes saj dhe presidentit Makron e që më pas do t’ia lërë vendin konferencës së përbashkët për shtyp.

Ndërkohë, pasi të mbërrijnë krerët e shteteve nga Bosnje-Hercegovina, Kroacia, Kosova, Mali i Zi, Serbia, Sllovenia dhe shefja e Politikës së Jashtme të BE Federika Mogerini do të nisë në tërësi samiti i Ballkanit Perëndimor, me një sesion pune dhe më pas një darkë pune.

Takimi do të shërbejë për të shkëmbyer pikëpamje mbi zhvillimet e fundit dhe stabilitetin në rajon, me theks të veçantë tek marrëdhëniet Kosovë-Serbi./abcnews.al

Astrit-Bilali-Brahim-Bilali-933x445.jpg
ad min09:13 | 26/04/2019

Dy persona janë arrestuar dhe dy të tjerë janë në kërkim për vrasjen e vëllezërve Bilali në Shkodër.  Kapja e tyre u bë gjatë operacionit “Livadhe”  dhe urdhër arrestet dolën nga Prokuroria. Sipas policisë, të dyshuar për vrasjen Ibrahim dhe Atsrit Bilali janë 29-vjeçari Arsen Stojku  dhe 23-vjeçari Myslym Rama nga Vau i Dejës. Te shpallur në kërkim janë Ibrahim Lici 26 -vjeç dhe D. B 29-vjeç.

Pas hetimeve intensive të kryera në drejtimin e Prokurorisë Pranë Gjykatës së Shkallës së Parë Shkodër, rezulton se këta personat kanë planifikuar, organizuar dhe kryer në bashkëpunim këtë vrasje. Janë siguruar provave materiale dhe shkencore, të cilat çuan në dokumentimin ligjor të kësaj ngjarjeje.

Gjatë veprimeve hetimore u bë sekuestrimi i një automjeti, tre aparateve telefonike celulare, të cilët janë përdorur nga autorët gjatë kryerjes së veprimeve të tyre. Por policia ende nuk ka përcaktuar motivin e ngjarjes ndërsa janë dhe persona të tjerë të përfshirë në atentat. Vëllezërit Bilali u vranë në datë 30 Mars në rrugicën e lagjes së tyre ndërsa ishin duke shkuar tek motra./abcnews.al
 

policia-naten-aksident-933x445-933x445-2.png
nev ila14:30 | 22/04/2019

Zbardhet ngjarja e ndodhur mbasditen e djeshme ku në Fushë Mëzez në Kashar u plagos me armë zjarri shtetasi E. M., 28 vjeç.

Policia shpall në kërkim një shtetas për veprën penale “Vrasje me dashje e mbetur në tentativë”.

Shpallen në kërkim dhe dy të tjerë për “Përkrahje e autorit në krim”.

Shërbimet e policisë të komisariatit nr.6 pas një pune intensive hetimore shpallën në kërkim shtetasin:

M. G., 26 vjeç, banues në Tiranë.

Mbasditen e djeshme në Fushë Mëzez, Kashar ka qëlluar me armë zjarri në drejtim të shtetasit E. M., i cili mbeti i plagosur dhe ndodhet në spital jashtë rrezikut për jetën.

Nga veprimet hetimore të kryera rezulton se në mjetin që drejtonte autori i dyshuar shtetasi M. G., ndodheshin dhe shtetasit A. M., 29 vjeç dhe F. Gj., 35 vjeç, të cilët janë shpallur në kërkim për veprën penale “Përkrahje e autorit në krim”.

Materialet iu referuan për veprime të mëtejshme Prokurorisë së Rrethit Gjyqësor Tiranë./abcnews.al

55a9b832c04c6d52fedb29fbc803e76d.jpg
ad min18:15 | 04/04/2019

Kryeministri grek dhe ai shqiptar kanë zhvilluar një bisedë telefonike. Sipas agjencisë greke të lajmeve IN.gr është ka qenë Kryeministri Edi Rama ai që i ka telefonuar homologut Aleksis Cipras. Edhe agjencia zyrtare greke e lajmeve ANA-MPA, pasqyron komunikimin, me burime nga diplomacia greke. Kjo agjenci bën të ditur se Kryeministri Cipras është fokusuar në komunikimin e tij, në çështjen e pronave në bregdet dhe në ligjin për minoritetet. Sipas të njëjtit burim, Cipras e Rama kanë diskutar mbi reformat e nevojshme për hapjen e negociatave për anëtarësim të Shqipërisë në BE. Dy kryeministrat diskutuan edhe për zhvillimet politike dhe ekonomike në rajon, thuhet në informacionin e agjencisë greke të lajmeve për këtë bisedë telefonike mes kryeministrit grek dhe atij shqiptar./abcnews.al

policia-tiranes6-933x445.jpg
ent ela11:01 | 26/10/2018

Identifikohet dhe shpallet në kërkim autori i plagosjes së 50 vjeçarit Elez Bodisha në Kamëz. Policia njofton se ai është 47 vjeçari me iniciale B. B., banues në Tiranë. Ngjarja mbrëmjen e djeshme në rrugën “Nato” në Laknas

Njoftimi i Policisë Tiranë

Zbardhet ngjarja e ndodhur mbrëmjen e djeshme ku në Kamëz mbeti i plagosur me armë zjarri shtetasi E. B.

Policia identifikon dhe shpall në kërkim autorin për veprat penale  “Vrasje me paramendim e mbetur në tentativë” dhe “Mbajtja pa leje dhe prodhimi i armëve, armëve shpërthyese dhe i municionit”.

Specialistët për Hetimin e Krimeve ndaj Jetës dhe Pronës pas një pune intensive hetimore bën identifikimin dhe shpalljen në kërkim të shtetasit :

– B. B., 47 vjeç, banues në Tiranë.

Ky shtetas mbrëmjen e djeshme në rrugën “Nato” në Laknas, Kamëz ka qëlluar me armë zjarri në drejtim të shtetasit E. B., 50 vjeç, i cili ndodhet në spital jashtë rrezikut për jetën.

Materialet iu referuan Prokurorisë së Rrethit Gjyqësor Tiranë në ngarkim të shtetasit të lartpërmendur për veprat penale “Vrasje me paramendim e mbetur në tentativë” dhe “Mbajtja pa leje dhe prodhimi i armëve, armëve shpërthyese dhe i municionit”, parashikuar nga nenet 78/25 dhe 278 të Kodit Penal.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono