zagreb

zagreb-bosnje.jpg
ent ela16:48 | 02/09/2019

Ministri i Brendshëm i Kroacisë deklaroi se vendi I tij nuk do të pranojë refugjatë që hyjnë në këtë vend nga Bosnjë e Hercegovina. Paralajmërimi vjen ndërkohë që Sarajeva zyrtare ka akuzuar Zagrebin për cënim të tërësisë tokësore të Bosnjë e Hercegovinës. Ditët e fundit, BE-ja i ka akorduar Bosnjë e Hercegovinës dhjetë million euro në përpjekjet për t’u përballur me sukses me valën e migrantëve  të cilët e shfrytëzojnë këtë vend për të kaluar në ndonjërin nga shtetet anëtare të Bashkimit Evropian.

Vjeshta dhe dimri që po afrojnë duket se kanë për të shpërfaqur sërish problemin e refugjatëve nga Lindja e Mesme. Krahas Greqisë e Italisë si trambolinë për të kaluar në Perendim, Bosnjë e Heregovina – mbetet destinacioni i parë.Ëndrra, por edhe problemet nisin që këtu: Republika Serpska  nuk pranon kurrfarë hapjeje të ndonjë qendreje për vendosjen e tyre. Sllovenia ka vazhduar ngritjen e gardhit me tela gjemborë përgjatë  kufirit me Kroacinë, ndërkohë që kjo e fundit akuzon autoritet në Bosnjë e Hercegovinë se po ndihmojnë migrantët të kalojnë në këtë vend, duke i vendosur në afërsi të kufirit:

‘Bosnjë e Hercegovina, në të vërtetë autoritetet e saj, i vendosin migrantët në afërsi të drejtpërdrejtë të kufirit kroat me mesazhin: ‘Shkoni atje, atje është Kroacia’! Mesazhi ynë është: ‘Kur të vini atje ku mendoni, aty është policia kroate dhe nuk do të kaloni’! Kroacia nuk do të lejojë migrime ilegale!’- tha për televizionin kroat, të dielën në mbrëmje, ministri i Brendshëm Davor Bozhinoviq.

Fundjavën e kaluar, ministri i Sigurisë, i Bosnjë e Hercegovinës, Dragan Mektiq, kishte akuzuar Kroacinë për kthim të jashtëligjshëm të refugjatëve, por edhe për cënim të tërësisë tokësore të vendit të tij, pas njoftimeve se herë-herë policët kroatë depërtojnë pa problem edhe në brendi të territorit të Bosnjës, madje edhe duke përdorur armët në përpjekje për të penguar hyrjen e të huajve: “Migrantët që Kroacia i pranon në bazë të riatdhesimit nga Sllovenia ilegalisht i kalon në territorin e Bosnjë e Hercegovinë. Ky është bërë një një incident serioz para së gjithash  dhe ne tani jemi në një situate që seriozisht të mendojmë si të mbrojmë para së gjithash tërërsinë tokësore” – ka deklaruar ministri i Brendshëm, Dragan Mektiq për median në  Sarajevë duke hedhur poshtë pretendimet kroate për dëbim të organizuar të migrantëve nga Bosnja në Kroaci.

Sipas autoriteteve në Sarajevë, nga janari i vitit 2018 e deri muajin e kaluar  në Bosnjë  kanë hyrë rreth 36 mijë refugjatë e migrantë. Organizata Ndërkombëtare për Migrantët thotë se aktualisht ka afro 7.500 migrantë, kurse 4.500 prej tyre janë të strehuar zyrtarisht. Me qëllim të zbutjes së problemit Bashkimi Evropian i akordoi këtij vendi një ndihmë prej dhjetë million eurosh. /ABC News Albania 24/7

emigrante-1.jpg
ad min10:18 | 15/07/2019

Kishte kohё qё Kroacia i mohonte njoftimet pёr kthimin e refugjatёve ilegalё nё vendin fqinj Bosnje-Hercegovinё. Por presidentja kroate pranoi nё njё intervitё televizive, se ka tё ashtuquajtura push-backs.

Kroacia si vend anёtar i BE-sё ka njё qёllim tё rёnёdёsishёm – ajo do tё bёhet pjesё e hapёsirёs Shengen. Por kush e paguan ҁmimin pёr udhёtimin e lirё nga Hamburgu deri nё Dubrovnik? Gjatё 12 muajve tё fundit kjo ёshtё bёrё vazhdimisht e qartё: Ka shumё raportime pёr qendrimin brutal tё policёve kroat tё kufirit ndaj refugjatёve, qё janё pёrpjekur tё kalojnё pёrtej pikёkalimeve kufitare zyrtare. Mbrojtёsit kroatё tё kufijve tё jashtёm tё BE-sё duket se nuk stepen prej mizorisё. Mediet njoftojnё, se refugjatёt ndёr ta edhe fёmijё janё treguar para kamerave me plagё, qё u janё shkaktuar atyre nga policia pёr t’i ndaluar tё kalojnё nё anёn kroate.

Shumica e mediave kroate e kanё injoruar kёtё tragjedi, qё luhet vetёm 150 km larg kryeqytetit Zagreb. Ministria e Brendshme e Kroacisё i ka mohuar njoftimet pёr keqtrajtime tё refugjatёve nё kufirin me Bosnje-Hercegovinёn gjatё tё ashtuquajturave  push-backs, pra dёbimin e atyre qё udhёtojnё ilegalisht.

DW-Interview mit der kroatischen Staatspräsidentin olinda Grabar-Kitarovic (DW)

Mohim nё Zagreb, heshtje nё Bruksel

Amnesty International kritikoi ёshtё heshtjen e Brukselit ndaj kёtyre rasteve. “Shtetet europiane mbyllin sytё kundrejt sulmeve dashakeqe tё policёve kroatё dhe madje i financojnё aksionet e tyre”, shkruan organizata humanitare nё njё deklarim tё saj.
Qёkurse gazetarёt e televizionit SRF nga Zvicra nё maj i kanё filmuar dёbimet ilegale tё refugjatёve nё kufirin kroato-boshnjak, pёr autoritete nё Kroaci ёshtё bёrё e vёshtirё, qё t’i minimizojnё apo t’i heshtin kёto zhvillime.
Edhe presidentja e Kroacisё, Kolinda Grabar-Kitaroviq, nё fillim tё korrikut tha para gazetarёve vendas nё kufirin kroato-boshnjak, se “Nёse dikush kalon nё kёtё territor tё vёshtirё, ёshtё normale qё tё pёrballesh me gёrvishtje, hematoma dhe plagё. Duhet ta mendoni edhe kёtё, nёse herёn tjetёr dёgjoni pёr historitё mbi brutalitetin e policёve tanё. Ata nuk janё brutalё, ju garantoj pёr kёtё.”

Askohe u tha se nuk ka dёbime, push-backs. Presidentja shtoi edhe se nuk kemi tё bёjmё me refugjatё, por me migrantё ekonomikё.
Por vetёm pak ditё mё pas Grabar-Kitaroviq nё intervistё pёr televizionin SRF, nё kuadёr tё vizitёs nё Zvicёr pranoi, se policёt kroatё zbatojnё push-backs.

“Jam interesuar tek ministri i Brendshёm, shefi ipolicisё nё vend, dhe ata mё siguruan, qё nuk ushtrojnё dhunё tё ekzagjeruar. Natyrisht pak dhunё duhet, kur ata zbatojnё push-backs”, tha Kolinda Grabar-Kitaroviq para kamerave. Ajo konfirmoi pikёrisht atё, qё prej muajsh e mohonin politikanёt kroatё.

Jelena Sesar nga Amnesty International e cilёson si “shokuese” deklaratёn e presidentes kroate dhe nё bisedё pёr DW thekson, se: “Sipas sё drejtёs ndёrkombёtare dёbimet kolektive dhe push-backs janё gjithmonё ilegale.”

Eshtё skandaloze se si presidentja kroate pёrpiqet t’i paraqesё push-backs si masa legale dhe justifikon “pak dhunё” pёr zbatimin e tyre. Amnesty International kёrkon, qё Komisioni Europian tё ushtrojё presion ndaj Kroacisё, pёr t’u dhёnё fund kёtyre veprimeve nё kufirin kroato-boshnjak.

Komisioni i BE-sё i pyetur nga DW lidhur me deklarat e presidentes Kitaroviq, u pёrgjigj, se nuk ka koment pёr kёtё. /DW

REAGIMI-SERB-PER-RAMEN-1280x720.jpg
ent ela15:50 | 05/12/2018

Deklarata e kryeministrit Edi Rama në Zagreb lidhur me taksën e vendosur nga Kosova ngjalli reagime të ashpëra në Beograd. Homologia e tij serbe tha se Rama e shtrembëron me qëllim të vërtetën.

Kryeministrja e Serbisë, Ana Brnabic, ka reaguar ndaj fjalimit të kryeministrit Edi Rama gjatë samitit të mbajtur në Kroaci. Brnabic, në një konferencë për gazetar, tha se ka menduar se Rama është një politikan i përgjegjshëm. Ajo tha se nuk ka dëshirë t’u përgjigjet “gënjeshtrave pa fakte”, por kësaj radhe është e detyruar ta bëj një gjë të tillë. Rama, tha Brnabiç, ka për qëllim shtërembërimin e së vërtetës.

Ana Brnabiç, Kryeministre e Serbisë: “Ka qenë për shkak të Interpolit apo për shkak të CEFTA-s tani? Është e pabesueshme që Edi Rama tani ka shkuar një hap tutje duke thënë se Prishtina është ankuar, por nuk ka patur reagim nga ana tjetër. Na e tregoni një dokument ku thuhet ose është evidentuar një kërkesë zyrtare”.

Kryeministrja serbe tha se Prishtina se parë është dashur të bie dakord se cili është sqarimi I tyre për vendosjen e taksës.  Por, sipas saj, nuk ekziston asnjë dëshmi se Kosova është ankuar ndonjëherë tek CEFTA.

Ana Brnabiç, Kryeministre e Serbisë: “Mendoj se puna e një kryeministri të përgjegjshëm, siç e kam menduar edhe kolegun Edi Rama, është të merreni me gjëra konkrete dhe të krijoni një mundësi për jetë cilësore për qytetarët tuaj dhe të rajonit. Por, duket se jam zgjënjyer dhe qëllimi i vetëm i Ramës është të bëj spin politik dhe të fajësojë Serbinë për të gjitha vendimet e pakuptimta të Prishtinës”.

Serbia është ankuar zyrtarisht tek CEFTA pas taksës së Kosovës me 27 nëntor, ku ka kërkuar të nisin negociatat ose në të kundërtën do të bëj padi tek Gjykata e Arbitrazhit. /abcnews.al

RAMA-NE-SAMITIN-E-KRYEMINISTRAVE-1280x703.jpg
ent ela15:37 | 04/12/2018

Kryeministri Edi Rama ka marrë pjesë në Samitin e Kryeministrave të Iniciativës së Europës Qendrore, që po zhvillohet në Zagreb.

Në fjalën e tij ai ka deklaruar se prioriteti i qeverisë Shqiptare është Bashkimi Evropian.E ardhmja e të gjithë vendeve të Ballkanit Perëndimor duhet të jetë e ankoruar fort në perspektivën e Bashkimit Europian- ka nënvizuar kryeministri Edi Rama. Punimet e Samitit të Kryeministrave te Iniciativës se Europës Qendrore kanë nisur ditën e hënë dhe përfundojnë sot. Kryministri Edi Rama shoqërohet nga Ministri i Brendshëm Sandër Lleshaj. /abcnews.al

kroacia-2.jpg
ad min10:38 | 17/07/2018

Me brohoritje dhe urime për suskesin e arritur në Botërorin 2018 janë pritur dhe djemtë e kombëtares kroate. Rreth 250 mijë tifozë u mblodhen në sheshe e rrugë duke mirëpritur lojtarët.

Me një brohoritje të fuqishme krenarie dhe gëzimi, lojtarët e kombëtares kroate të futbollit kanë kaluar në tapetin e kuq të shtruar posaçërisht për ta në Zagreb. Disa dhjetëra mijëra njerëz të veshur me ngjyrat simbolike kombëtare të kuqe e të bardhë ngritën flamurin kroat në kryeqytetin e vendit për të përshëndetur ekipin.

Futbollistët, të cilët përshkuan rrugën kryesore të Zagrebit deri në sheshin qendror me një autobus të hapur, shtrënguan duart me tifozët dhe nënshkruan autografë. Policia deklaroi se mbi 250 mijë vetë ishin mbledhur në qendër të qytetit dhe shumë të tjerë përgjatë aksit nga aeroporti deri në shesh.

Autobusi udhëtoi për disa orë, shpesh herë duke u ndalur pasi bllokohej nga turma. Disa mijëra fansa, pjesa dërrmuese të cilëve vinin nga zonat e tjera të vendit, kishin mbërritur në Zagreb që në orët e para të mëngjesit dhe shumë prej tyre i zuri gjumi nga lodhja. Autoritetet u detyruan të dërgonin autobotë me ujë për t’u ardhur atyre në ndihmë.

Kroacia arriti për herë të parë në finalen e një botërori dhe pavarësisht humbjes përballë Francës, shpirti i saj luftarak spikati në ndeshjet e luajtura. “Bravo, ju lumtë”, “Jeni krenaria jonë”, apo “Jeni krenaria e Kroacisë” ishin parullat e sportdashësve të mbledhur në rrugët e qytetit./abcnews.al

vlcsnap-error090-1280x720.jpg
ent ela09:23 | 12/01/2018

Presidenti i Republikës Ilir Meta, zhvilloi sot një takim me Presidenten e Republikës së Kroacisë, Kolinda Grabar-Kitarović, në Zagreb.

Kreu i shtetit shqiptar shprehu mirënjohjen e thellë për mbështetjen e fortë që Presidentja Grabar-Kitarović dhe Kroacia i kanë dhënë Shqipërisë veçanërisht në kuadër të procesit të integrimit evropian.

Duke iu referuar lidhjeve të forta historike dhe marrëdhënieve të shkëlqyera midis dy vendeve, si dhe vizionit të përbashkët euroatlantik, Presidenti Meta theksoi se, ka ardhur koha që këto marrëdhënie të ngrihen në nivelin e Partneritetit Strategjik.

Presidenti shqiptar vlerësoi në mënyrë të veçantë rolin dhe kontributin e komunitetit shqiptar, që jeton në Kroaci si urë lidhëse në forcimin e marrëdhënieve miqësore midis dy vendeve.

Të dy Presidentët ranë dakord që, në kuadrin e vitit të Skënderbeut, të zhvillojnë një vizitë të përbashkët tek komuniteti 300-vjeçar i Arbanasve të Zarës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono