zaev

zoran-zaev-1280x698.jpg
Sej rie17:30 | 14/08/2019

Kryeministri i Maqedonisë së Veriut Zoran Zaev është vënë në qendër të kritikave për shkak se ka etiketuar si homoseksual një gazetar kritik ndaj qeverisë të tij. Shoqata e Gazetarëve ka reaguar duke kërkuar që Zaev të kërkojë falje.

Zoran Zaev, kryeministër i RMV:  “Unë jam Zoran Zaev, kam ardhur falë votës së qytetarëve duke luftuar. Duke luftuar për liri dhe për demokraci, për shtet të së drejtës dhe për sundim të së drejtës, dhe për shtet normal. Unë jam luftëtar dhe do të vazhdoj të luftoj deri në fund. Sigurisht që nuk do të lejoj që disa kriminelë, një gazetar koti dhe i kërkoj falje komunitetit LGBTI një “homoseksual” t’ia rrëzojnë nga pushteti këtë qeveri”.

Fjalë të ashpra në deklaratën e kryeministrit ose defokusim nga rasti “Zhvatja”. Këto janë dilemat kryesore një ditë pas deklaratës së kryeministrit Zoran Zaev, në shënjestër të së cilës ishin protagonistët në rastin për zhvatjen e parave, i cili pret zgjidhje gjyqësore. Shoqata e gazetarëve paralajmëron se në këtë mënyrë nxitet dhuna ndaj punëtorëve mediatikë dhe kufizimi I lirisë së fjalës, duke sugjeruar në autorin e teksteve në të cilat për herë të parë u zbardhën detaje për rastin.

Grafik Shoqata e Gazetarëve të Maqedonisë: “I bëjmë thirrje Kryeministrit Zoran Zaev që menjëherë t’u kërkojë falje gazetarëve, para së gjithash kolegut Branko Geroski, në qoftë se kjo deklaratë i ishte drejtuar atij, dhe në të ardhmen të përmbahet nga diskreditimi i këtillë i gazetarëve”.

Këshilli për etikë në media deklaratën e vlerëson si të pahijshme dhe të papërshtatshme për bartës të detyrës publike.

Grafik Këshilli për Etikë në Media: “Roli i pushtetit në demokraci në asnjë rast nuk d.m.th. përzierje në punën e gazetarëve, ndërsa deklaratat e tilla mund të llogariten si presion I hapur dhe përpjekje për diskreditim publik të profesionit”.

Nga Këshilli për etikë e dënojnë, siç thonë, deklaratën jo-shembullore të kryeministrit me të cilën drejtpërdrejt paragjykohet komuniteti LGBTI në vend. Në reagimin e parë të Uranija Pirovskës, drejtoresha ekzekutive e Komitetit të Helsinkit për të drejta të njeriut, në rrjetet sociale sugjerohet në dyfytyrësi të politikanëve.

Uranija Pirovska, Komiteti i Helsinkit: “Kaq nga pranimi i dallimeve dhe respektimi i tyre! Demagogji e rëndë do të ishte gjithçka që është thënë dhe është bërë më parë!”.

Kryeministri u përpoq të dalë nga situata, gjithashtu nëpërmjet rrjeteve sociale, në Tuiter, ka shkruar.

Zoran Zaev, Twiter:  “Komuniteti LGBTI ka respektin tim. Për këtë arsye, para se t’ia përdorim fjalën “homoseksual” kërkova falje. Këtë fjalë e përdora që të përshkruaj një tipar karakteri, jo të theksoj përkatësi seksuale. Ju kërkoj falje personave LGBTI. Do të luftoj për të drejtat e tyre, siç kam bërë deri tash”.

Për deklaratën e kryeministrit Zaev shkruajnë edhe një pjesë e madhe e mediave në rajon.

zhvatja-1280x695.jpg
Sej rie15:45 | 10/08/2019

Gazeta italiane “La Verita’” ka publikuar videon e tretë të aferës “Zhvatja”, që ka tronditur opinionin publik në Maqedoninë e Veriut. Këtë herë, në bisedën mes të dyshuarit Bojan Jovanovski dhe biznesmenit Orçe Kamçev përmendet edhe emri i kryeministrit Zoran Zaev.

Edicioni i internetit i gazetës italiane “La Verita” edhe sot ka publikuar xhirime të bisedave mes të dyshuarve në rastin “Zhvatja”. Në xhirimet e sotme bisedohet për procedurat për lëndën ‘Perandoria” të Prokurorisë Speciale Publike ku është i dyshuar biznesmeni Orce Kamçev.

Në një bisedë kyçet edhe Prokurorja Speciale Katica Janeva, e cila në bisedë e sipër sqaron disa procedura gjyqësore. Bojan Jovanovski dhe biznesmeni Kamçev në një pjesë të xhirimit përmendin edhe Kryeministrin Zaev, kurse Jovanovski paralajmëron se do të takohet me të dhe do të provojë ta imponojë Kamçevin. Por, nuk ka detaje ku dhe kur do të organizohet ky takim.

Kryeministri Zoran Zaev ashpër i ka hedhur poshtë lidhjet me Bojan Jovanovskin, të dyshuarin në aferën “Zhvatja”. Siç thotë, në publikimin më të ri, disa nga të dyshuarit përmendin dhe keqpërdorin emrin e tij. Po thuhen gënjeshtra me qëllim që njëri bashkëbisedues ta përforcojë pozitën e tij të fuqisë dhe autoritetit para bashkëbiseduesit tjetër – thotë Kryeministri duke përgënjeshtruar informacionet përçfarëdo bashkëpunimi apo komunikimi me të dyshuarin Jovanovski. Duket se mediat serbe shfaqin interesim të shtuar për aferën më të re në Maqedoninë e Veriut.

Do të bien shumë politikanë, kam dëshmi për kreun shtetëror. Këtë në polici e ka thënë i dyshuari Bojan Jovanovski – shkruan në edicionin e sotëm gazeta serbe Kurir. Siç transmeton kjo gazetë, Jovanovski ka thënë se nëse i ndodh diçka në burg, ai ka dëshmi të sigurta tek nëna e tij dhe në adresë tjetër, me të cilët, siç thuhet, do të shkaktojë “tërmet politik” në Maqedoninë e Veriut, çka do të shkaktonte rënien e Qeverisë.

“Bombat” e reja vazhdojnë ta tronditin opinionin në Maqedoninë e Veriut, kurse pas publikimeve të mëparshme të bëra nga Ilija Gromovnik nga Rusia dhe El Cheka nga SHBA-të në opinionin e këtushëm imponohet pyetja nëse “bombat” janë rastësi apo gjithçka bëhet për ndonjë qëllim.

Simptomatike – siç thonë mediat e Shkupit është se këto përgjime publikohen në një gazetë italiane, që pretendohet se është e afërt me të djathtën, menjëherë pasi Qeveria e Maqedonisë së Veriut paralajmëroi luftë të hapur me mediat e vendit që shpërndajnë lajme të rrejshme. “Bombat” e fundit që shpërthyen në Maqedoni, disa prej tyre edhe nga Rusia, sipas vlerësimeve të ekspertëve kanë një mesazh të fshehtë dhe mund të interpretohen si përpjekje për t`i bërë obstruksione anëtarësimit të Maqedonisë së Veriut në NATO./ABC News Albania 24/7

Zaev-Janeva-1280x718.jpg
nev ila16:30 | 17/07/2019

Kryeministri i Maqedonisë së Veriut Zoran Zaev tha se ai nuk ka biseduar në telefon me Katica Janevën, pas lajmeve se ka pasur urdhër për arrestimin e Katica Janevës. Sipas tij ajo ka shpëtuar për shkak se ka telefonuar një ish diplomat dhe një zyrtar të lartë të qeverisë. Zaev u shpreh se shënjestër e zhvatjeve kanë qenë edhe biznesmenë tjerë.

Biznesmenë të caktuar iu kanë ankuar edhe kryeministrit se po shantazhohen.

“Po, janë drejtuar deri tek unë biznesmenë që nuk janë nga Shkupi se kanë qenë të shantazhuar  dhe dihet, siç vepron çdo qytetar, ashtu veprova edhe unë… E paraqita rastin. E theksoj edhe një herë, Kryeministri e ka paraqitur rastin”, tha Zaev. 

Kryeministrin e kanë kontaktuar biznesmenët, e sipas informacioneve jo zyrtare, edhe Janeva ka kontaktuar një funksionar të lartë.

“Unë nuk jam dëgjuar me Katica Janevën”, tha Zaev.

Por kryeministri nuk tregoi se nga cilët janë ankuar. Tha se të gjitha përgjigjet duhet ti japin personat e përfshirë në këtë rast, si dhe Prokuroria.
E opozita edhe sot parashtroi pyetje publike, se pse Janeva nuk është në paraburgim? 

“Duhet patjetër të ketë përgjigje përse Katica Janevës iu mor telefoni dhe iu lejua që ta udhëheqë PPS-në? 
Nëse ajo është e përzier në këtë rast, përse nuk janë përcaktuar masa kujdesi kur ajo mundet drejtpërdrejtë të ndikojë tek dëshmitaret në këtë rast.  A është e lirë Janeva vetëm për shkak se Zaev personalisht po e mbron?”, tha Bllagica Llasovska e VMRO/DPMNE.

Kryeministri ishte njëri nga funksionarët që me çdo kusht mbronte Prokurorinë Speciale, e veçanërisht shefen e këtij institucioni, Katica Janevën. Ai tha se do të vazhdoj ta mbështetë, deri sa nuk provohet se ka qenë e përfshirë në akte të paligjshme./ABC News Albania 24/7 

ZAEV-PER-PERGJIMET-_ABC-M1-T1.mpg_snapshot_00.17-1280x720.jpg
ent ela15:20 | 12/07/2019

I ftuar në emisionin Klan Debat Kryeministri Zoran Zaev është ka folur për aktualitetin politik në vend, sidomos rreth integrimeve Euroatlantike dhe Marrëdhënieve me fqinjët. Zaev u pyet rreth skandalit të fundit ku u mashtrua nga dy komedianë rus. Ndjenja nuk është e mirë – pranoi ai.

Kryeministri Zoran Zaev në Klan Debat fillimisht theksoi se ka qenë viktimë e transparencës së tij ndaj të gjithëve. Ai pranon se duhej të kishte kontrolle më të mëdha të bisedave të zhvilluara telefonike, por siguron se nuk ka ndarë sekrete shtetërore. Duke komentuar bisedën telefonike me dy komedianët rusë për çështjen e Kosovës ai thotë se është sqaruar me autoritetet e Kosovës dhe Serbisë. Por, për Maqedoninë e Veriut – siç tha me interes është dialogu dhe zgjidhja paqësore e dialogut Prishtinë-Beograd.

Zoran Zaev, Kryeminister, RMV: “Duhet të gjendet një zgjidhje që do të jetë e mirë për shqiptarët, serbët dhe të tjerët që jetojnë në Kosovë, por zgjidhja duhet të sigurojë paqë të përhershme drejt integrimeve evropiane të Kosovës dhe gjithë Ballkanit Perëndimor që të përforcohet bashkëpunimi rajonal. Këto janë dëshirat tona”.

Kryeministri është shprehur optimist se do të zgjidhet cështja e PSP-së. Siç tha, opozita duhet të ketë më shumë guxim për kompromise. Ai tha se i di qëndrimet e partive politike shqiptare rreth kësaj çështjeje, por se vijat e kuqe nga ana e VMRO-DPMNE-së nuk do të jenë pengesë që më në fund të arrihet një marrëveshje.

“Nuk do të presim deri në “5 deri në 12″, mandati i PSP-së skadon më 15 shtator. Çështja e vetme që jemi bllokuar është Katica Janeva dhe emri i saj. Ne duhet ta zgjidhim këtë, jo për Bashkimin Evropian, sepse ne duhet ta zgjidhim atë në shtëpi. Kompromiset nuk do të bëhen në kurriz të drejtësisë. Grupet e punës do të punojnë, ka vullnet në të dyja palët, duhet që të ulet dhe të gjendet një kompromis një orë e më parë. Sistemi i drejtësisë në Maqedoninë e Veriut nuk funksionon me kapacitete të plota për shkak të kësaj çështjeje të pazgjidhur. Jo me kapacitet të plotë dhe të ardhme të pasigurt”.

Duke folur për marrëdhëniet me Shqipërinë Kryeministri Zoran Zaev se Kryeministri Rama ka pranuar sqarimin e Pendarovskit rreth deklaratës për të vecuar dy vendet drejt datës së negociatave. Interesi i vendit tonë është që të shkojmë bashkë me Shqipërinë – tha Zaev.

Nëse hyjmë bashkë do të ndihmohemi me njëri-tjetrin. Mund ta konfirmoj se ekziston një miqësi e fortë mes Ramës dhe kancelares gjermane Merkel. Ajo është përkrahëse e fuqishme e integrimeve të RMV-së dhe Shqipërisë.

Duke folur për marrëdhëniet me fqinjët Kryeministri Zaev  tha se pas fitores në zgjedhjet në Greqi ka kontaktuar me Kryeministrin Micotakis dhe se është vendosur së shpejti të realizojnë një takim. Zaev nuk saktësoi se kur do të ndodh ky takim, por se punohet në këtë drejtim. Sa i përket çështjes që ngriti shqetësime në Shkup dhe Sofje rreth asaj se kujt i takon personaliteti historik Goce Dellcevi  Zaev njoftoi se komisionet përkatëse në bashkëpunim me politikën shumë shpejt do të gjejnë zgjidhje për cështjen Goce Dellcev. “Do të thirremi në dokumentet dhe do të gjejmë zgjidhje. Ne shikojmë drejt të nesërmes” – tha Zaev. /ABC News Albania 24/7

zaev-1-1-1280x700.jpg
ent ela14:50 | 11/07/2019

Rusia nuk është vendi që zhvillon luftë speciale kundër Maqedonisë së Veriut. Kështu ka deklaruar Kryeministri Zoran Zaev gjatë një takimi me ambasadorin rus në Shkup Sergej Bazdnikin. Zaev ka lënë të kuptohet se Rusia zyrtare është haptazi kundër hyrjes së vendit në NATO, por se nuk është e përfshirë në kurdisjen me bisedat telefonike.

Pasi kërkoi falje nga presidentet e Kosovës dhe Serbisë, i erdhi rendi ta ulë topin edhe me ruset. Kryeministri Zoran Zaev, u paraqit sot në hapjen e pompës së benzinës në hyrje të Haraçinës, kur prezent ishte edhe ambasadori rus, Sergey Bazdnikin.

“Pasi të përfundojmë këtu shkojmë në takim që e kemi aranzhuar para 10 dite, për shkak se komunikim të rregullt me të gjithë ambasadorët, ashtu është edhe me ambasadorin rus. Federata ruse është mik i Republikës së Maqedonisë së Veriut. Këto performaca të rrejshme që janë bërë edhe ndaj meje për fat të keq, janë punë private, nuk janë akt i Federatës Ruse”.

Zaev tha se anëtarësimi i Maqedonisë së Veriut në NATO, nuk do të thotë se do të jemi armiq të Federatës Ruse. Një shtet i vogël si Maqedonia e Veriut, dëshiron miqësi me të gjitha shtetet.

“Ka shumë qendra të fuqisë që nuk u shkon në dobi të tyre që Republika e Maqedonisë së Veriut të bëhet anëtare e NATO-s, dhe këtë e thonë qartë shumë shpesh. Unë i kuptoj argumentet që i kanë për këto qëndrime, por edhe në herë e përsëris se alternative përveç anëtarësimit në NATO dhe BE nuk ka dhe kjo është përcaktim i qytetarëve”. 

Përveç audio xhirimeve, portale të afërta me opozitën, filluan të publikojnë edhe fotografi nga mesazhet që i kanë ndërruar Zaev dhe Poroshenko i rrejshëm.

/ABC News Albania 24/7

hashim-thaci.jpg
ent ela11:20 | 11/07/2019

Pas takimit të lamtumirës me shefen e EULEX-it në Kosovë, Alexandra Papadopulu, Presidenti i Kosovës Thaçi është pyetur rreth bisedës së Kryeministrit të Maqedonisë, Zoran Zaev me komikët rusë, të cilëve u kishte thënë se ka një plan për ndarje të Kosovës.

Thaçi konfirmoi se kishte zhvilluar një bisedë telefonike me Zaev dhe se ai i kishte thënë se lajmet e publikuara rreth bisedës bazohen në thashethemet ruse.

Në bisedën 20 minutëshe, Zaev ka këmbëngulur se ka rënë pre e mashtrimit. I pyetur se si do të jenë tani raportet me vendin fqinj, Thaçi është shprehur se ato do të vazhdojnë të jenë të mira. /ABC News Albania 24/7

zaevv-1280x715.jpg
Sej rie19:50 | 23/06/2019

Kryeministri i Maqedonisë së Veriut, Zoran Zaev konfirmoi të dielën ndryshimet në qeverinë e tij. Mes lëvizjeve në radhët e kabinetit spikat ajo e ministrit të Financave, post që do të mbulohet nga vetë Zaev, si dhe ato të 3 ministrave shqiptarë.

Kryeministri Zoran Zaev konfirmoi ndryshimet në riformatimin e Qeverisë, duke njoftuar se personalisht do të ushtrojë funksionin e Ministrit të Financave dhe se Ministri i deritanishëm Tevdkovski do të vazhdojë të punojë si këshilltarë i tij në po të njëjtën ministri.

Zoran Zaev, kryeministër i RMV:  “Ministri i Bujqësisë, Pyjeve dhe ujërave, Trajan Demkovski, i cili është nga vetë ministria dhe është pjesë e stafit të ministrit Lubco Nikollovski, Ministri i ambientit jetësor dhe planifikimit hapësinor Naser Nuredini, Ministri i Kulturës Husni Ismaili, Ministër i Vetëqeverisjes locale Goran Milevski, Ministër për Sistem Politik dhe Marrëdhënie midis Bashkësive Sadulla Duraku, obligimin e ministrit të Financave do ta mar personalisht unë, do të jem në këtë funksion për një periudhë të caktuar, në të njëjtën kohë edhe Kryeministër”.

Pritet që Zoran Zaev sot në parlament do të propozojë emrat e ministrave, propozim i cili pritet të miratohet javën e ardhshme në Kuvendin e Maqedonisë së Veriut. Pas rikonstruktimit të qeverisë, kryeministri Zaev njoftoi që do të vazhdojë me ndryshime edhe në nivelin e dytë dhe tretë qeverisës, duke përfshirë drejtorët dhe anëtarët e bordeve drejtuese dhe mbikëqyrësit në ndërmarrjet publike. Në lidhje me ndryshimet që do të bëhen brenda në LSDM, Zaev informoi që kanë ngelur për tu caktuar edhe nënkryetarët e partisë dhe 20 kryetarët e degëve komunale në parti. Zaev deklaroi se deri në fund të muajit, LSDM do t’i marrë vendimet për zgjedhjen e nënkryetarëve në parti dhe një pjese të vogël të kryetarëve të degëve komunale./ABC News Albania 24/7

zaev-1-1-1280x700.jpg
ent ela19:56 | 21/06/2019

Emrat e rinj të ekzekutivit të Zoran Zaev dhe ato të krerëve të institucioneve kryesore të Maqedonisë së Veriut do të publikohen ditën e diel. Sipas paralajmërimeve të bëra nga vetë kreu i qeverisë, do të jenë 8 ministra dhe 20 drejtues të rinj institucionesh që së shpejti do të marrin detyrën.

Kryeministri i Maqedonisë së Veriut Zoran Zaev dielën do ta dorëzojë në Kuvend propozimin për rikonstruimin e Qeverisë, e jo sot ashtu sic ishte paralajmëruar. Sic ka thënë Kryeministri, vendimet tashmë janë marrë, duke mos zbuluar detaje se cilët ministra do të ndërrohen. Shkaku i anulimit, sipas kryeministrit Zaev, është vizita e mysafirëve të huaj dhe përfaqësuesve të Fondit Monetar Ndërkombëtar dhe Bankës Botërore në Shkup.

Zoran Zaev, kryeministër i Maqedonisë së Veriut: “Vendimet janë marrë. Të dielën pasdite do të dorëzojmë në Kuvend materialet për të gjitha ndryshimet që do të bëhen në qeveri dhe atëherë do të bëj publike të gjitha detajet lidhur me emrat, për shkak se është parimore dhe e ndershme që kur të publikohen të bëhen komentet”.

Sipas paralajmërimeve të tij do të të ketë gjithsej tetë ndërrime ministrash e zv/ministrash dhe rreth 20 drejtuesve të ndërmarrjeve publike. TV Klan Macedonia mëson se në ekipin përfaqësues të BDI-së do të ketë dy ndryshime në rang ministror: Ekonomisti me përvojë evropiane Naser Nuredini është emër i ri në kabinetin qeveritar dhe do të drejtojë Ministrinë e Mjedisit e të Planifikimit Hapësinor, kurse Sadulla Duraku, që deri tash ishte në ballë të këtij dikasteri, do të drejtojë Ministrinë e re për Sistem Politik. Paralajmërohet se integristët do të propozojnë edhe emra të rinj të drejtuesve të disa drejtorive të ndërmarrjeve publike. Ndërkohë, ende nuk është e qartë nëse Kryeministri ka rënë dakord për ‘rokadën’ me Rilindjen Demokratike Kombëtare që PLD-ja të marrë Ministrinë e Pushtetit Lokal kurse kësaj partie t’i jepet ndonjë dikaster tjetër. Pas dorëheqjes së Asaf Ademit nga posti i ministrit të Kulturës, mësohet se në vend të tij, po nga Alternativa, do të vijë profesori universitar Hysni Ismaili. /ABc news Albania 24/7

 

zaev-1-1-1280x700.jpg
ent ela13:00 | 17/06/2019

Në apelin e tij të radhës, kryeministri i Maqedonisë së Veriut Zoran Zaev, u shpreh se nuk kërkonte anëtarësim të menjëhershëm të vendit të tij në Bashkimin Europian, por hapjen e negociatave.

Kryeministri i Maqedonisë së Veriut, Zoran Zaev, i bëri apel vendeve anëtare të Bashkimit Evropian që të caktojnë datën e nisjes së bisedimeve për anëtarësim, proces ky nëpër të cilin duhet të kalojë vendi në rrugën e anëtarësimin të plotë në union. Ai theksoi se po kërkonte datën e bisedimeve dhe jo anëtarësim të menjëhershëm. Kjo si një formë vlerësimi për angazhimin e vendit të tij. “Ne ndryshuam emrin dhe ruajtëm identitetin”, shtoi ndër të tjera Zaev në një forum ndërkombëtar në Austri, ku morën pjesë edhe përfaqësues të lartë europianë. Zaev u takua me komisionerin për zgjerim, Johannes Hahn, të cilit i tha se “marrja e datës për fillimin e negociatave do të jetë e rëndësishme për vendin, sepse do të jetë motiv shtesë për vazhdimin e zbatimit të reformave në të gjitha fushat me ritëm më të shpejtuar”.

Ndërkohë opozita në Shkup tha se është në pritje të përgjigjes së Zaevit lidhur me gatishmërinë e saj për të kontribuar në marrjen e datës së bisedimeve. /ABC News Albania 24/7

merkel-zaev-1280x707.jpg
Sej rie11:00 | 13/06/2019

Maqedonia e Veriut ka marrë garanci nga Gjermania se në shtator do të marrë dritën jeshile për hapjen e negociatave të anëtarësimit. Në një takim me kryeministrin Zaev, kancelarja Angela Merkel ka deklaruar se vendi ka realizuar reforma të rëndësishme që i mundësojnë nisjen e bisedimeve.

Premtime se Bundestagu në shtator do të jep dritë jeshile për fillimin e negociatave të Maqedonisë së Veriut me BE-në dhe urime për rezultatet e arritura të Qeverisë. Këto janë mesazhet që Kryeministri Zoran Zaev, sipas delegacionit të Maqedonisë së Veriut, sot i ka marrë nga kancelarja gjermane Angela Merkel në takimin e Berlinit.

Nga Qeveria e Maqedonisë thonë se janë të kënaqur me atë që kanë dëgjuar nga Kancelarja Merkel në këtë takim. Në komunikatën zyrtare të Qeverisë thuhet se shtatori mbetet muaji kur Bundestagu do të debatojë dhe me siguri, do ta miratojë fillimin e negociatave.

“Kryeministri Zaev në takim ka theksuar se Republika e Maqedonisë së Veriut ka besim të plotë në kancelaren gjermane Merkel dhe përkrah politikën e saj për procesin e zgjerimit të BE-së, si dhe politikën e saj ndaj Ballkanit Perëndimor”, bëri me dije qeveria e RMV-së.

Konfirmimi për këtë paralajmërim paraprakisht kishte arritur edhe nga Deputeti i CDU-së në Bundestagun gjerman Johan Vadefull i cili në një deklaratë për Frankfurter Allgemajne Cajtung ka theksuar se në shtator do të miratohet fillimi i negociatave.

Komunikatë ka lëshuar edhe Kabineti i kancelares gjermane Merkel, por në të nuk ka asnjë fjalë për perspektivat evropiane të vendit. Për këtë takim njoftohet përvec marrëdhënieve dypalëshe është biseduar edhe për cështje evropiane dhe të jashtme politike./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono