zadrime

sadrime-1280x700.jpg
ent ela13:51 | 19/03/2019

Autoritetet vendore në Lezhë po tentojnë që festat tradicionale t’i kthejnë në atraksione turistike. Një ndër to, e njohur si dita e Shën Jozefit, u organizua në Zadrimë si një festë masive me banorët e zonës dhe me emigrantë.

Jo të gjithë vendasit mund ta dinë që është vallja më e vjetër në Ballkan. E kërcejnë vetëm gratë dhe vajzat e Zadrimës, për çdo rast festë ose në dasma.

Lëvizje të thjeshta, shoqëruar me vargje, pa muzike, por që kualifikohet si vallja më bukur autoktone. Kështu e priten edhe ditën e Shën Jozefit, festën tradicionale që kremtohet çdo vit në zonën e Zadrimës.

Kësaj here vendorët synuan që Shën Jozefin të kalohet përmes një organizimi në qendër të fshatit Gjadër në Lezhë. Banorë të shumtë, nxënës shkolla, të veshur tradicionalisht, u afroi mysafirëve një ditë të jashtëzakonshme.

Festes i janë bashkuar edhe emigrantë të ardhur posaçërisht pranë familjeve të tyre. Ata i vlerësojnë iniciativa të tilla si një domosdoshmëri për t’i dhënë fshatit edhe më shumë gjallëri.

Shën Jofezi është një nga ditët e kalendarit katolik, që zadrimorët i kanë kremtuar edhe në diktaturë, fshehurazi brenda mureve. Por sot këto festa po i shërbejnë  Zyrës së Turizmit në Bashkinë e Lezhës si ditë atraktive që do të joshin më tepër vizitorë dhe turistë, vendas dhe të huaj.

Gazetar: Gjergj Figuri

Operator: Gac Hila

nxenesit.jpg
G. P.14:52 | 18/09/2018

Fëmijët në Krajn dhe në Fishtë të Zadrimës në Lezhë nuk e kanë nisur akoma procesin mësimor. Shkollat e tyre janë mbyllur dhe atyre u duhet të shkojnë në shkolla të tjera larg vendbanimit. Por problemi i transportit nuk është zgjidhur akoma.

Pasi shkollat e tyre u mbyllën për të shmangur klasat kolektive, fëmijët e Krajnit dhe Fishtës në Njësinë Administrative Blinisht të Lezhës nuk e nisën mësimin.

Mungesa e transportit ka detyruar prindërit që t’i ndalojnë në shtëpi fëmijët e tyre. Ata thonë se distanca e vendbanimit me shkollë tjetër është e largët. Kurse mjeti që bën linjën është i vogël dhe i vjetër.

“Ne jemi dakord, por nuk na plotësohen kushtet e transportit”, tha një prind.

“Sikur të jetë edhe 25 vendësh, ai nuk mundet t’i përballojë që fëmijët të transportohen në kushte normale”, tha një tjetër.

“Nuk ka kushte edhe pikon brenda”, tregoi një nxënëse.

“Fëmijët nuk shkojnë në shkollë, po nuk u morën të gjitha këto masa”, u shpreh një prind.

Probleme me transportin kanë edhe mësuesit e shkollës së Blinishtit. Por ata nuk pranojnë të dalin për të folur mbi shqetësimet. Kjo ndoshta u rrezikon vendin e punës. Drejtori i Arsimit në Lezhë, Bardhok Pulaj, e konfirmon faktin se transporti ka patur probleme në Zadrimë. Por sipas tij do të gjendet zgjidhja.

“Kemi biseduar më prindërit dhe me kompaninë e transportit dhe gjithçka do të zgjidhet nesër. Ndërsa për mësuesit e blinishtit, ata kanë shkuar me mjete të tjera sot. Do të shohim kushtet e autobusit dhe do të zgjidhet”, tha Bardhok Pulaj, drejtor i Arsimit Lezhë.

Transferimi i nxënësve të shkollave që mbyllen në shkolla të tjera pranë tyre duhej të ishte shoqëruar edhe me sigurimin e transportit. Mesa duket kësaj nuk i është kushtuar vëmendja e duhur dhe shumë nxënës jo vetëm ne Zadrimë, vazhdojnë të mos marrin pjesë në mësim./abcnews.al

LEZHA-VADITJA-SEZON-1280x720.jpg
ent ela17:53 | 12/06/2018

Në Zadrimë të Lezhës fermerët nuk do të vuajnë më nga thatësira për vaditjen. Këto ditë është bërë ndërhyrja për hapjen e kanalit vaditës.

Mungesa e ujit për vaditje ishte bërë shkak për uljen e sipërfaqeve të mbjedha nga fermerët në Zadrime të Lezhës. Kanali vaditës ishte mbyllur thuajse plotësisht duke krijuar probleme për zonën.

“Uji është i tmerrshëm, po nuk ke ujë nuk bën asgjë”.

Uji vaditës do të jetë i mundur për këta fermerë brenda pak ditësh.

Vëmendja ndaj bujqësisë kërkon edhe ndërhyrje në vaditje. Për drejtorin e bujqësisë në Bashkinë Lezhë, Luigj Frangaj, kjo ështe një zonë që e shfrytëzon maksimalisht tokën ndaj edhe ndërhyrja ishte e domosdoshme. Ai thotë se do të ketë vijimësi dhe planifikim më të madh të fondeve për investime të tilla.

“Besoj se do fusim ujin për dy ditë në këto kanale që janë 6 km, dhe në zona të tjera, Kallmeti e Piraj”.

Fermerët e Zadrimës në Lezhë thonë se kanali vaditës ishte mbuluar nga dheu, ndërsa tani pretendojnë të marrin edhe më shumë nga toka e tyre.

“Kanali ka pasur 2 metra dhe ka 11 vjet që nuk ëhstë pastru, tani është bërë një punë e kënaqshme”.

Për të realizuar vaditjen e tokave bujqësore në Zadrimë të Lezhës është bashkëpunuar edhe me Bashkinë e Vaut të Dejës, zonë nga e cila rrjedh edhe uji për vaditje. /abcnews.al

Gazetar i ABC News, Lezhë: Gjergj Figuri


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono