xhuzepe konte

giuseppe-conte-premier.jpg
ent ela12:22 | 05/06/2018

Kryeministri i ri Italian Xhuzepe Konte, paguhet 6700 euro në muaj. Shifra dhe pse e konsiderueshme, është më e vogël se ajo e disa deputetëve apo senatorëve në Itali.

Reduktim i shpenzimeve të politikanëve. Lëvizja me pesë yje në Itali me anë të kryeministrit Konte mund ta bëjë një gjë të tillë, edhe pse jo si pasojë e zgjedhjes së saj. Kryeministri I ri Italian fiton në një vit shumën neto prej 80 mijë eurosh, pra paguhet 6700 euro në muaj. Një shifër e konsiderueshme edhe pse gjithësesi më vogël se ajo e deputetëve të thjeshtë apo senatorëve. Konte duke mos qenë në fakt nëj I zgjedhur nga populli nuk mund të përfitojë nga përfitimet parlamentare.

Një pagë e mirë por më e ulët se ajo e kreut të shtetit i cili fiton 239 mijë euro në vit dhe shumë deputetëve dhe senatorëve që mund të përfitojnë dhe më shumë se 13 mijë euro falë dhe dietave, apo rimbursimeve për transferimet, udhëtimet dhe telefonin.

Por kryeministri Italian fiton dhe më pak në krahasim me krerë të tjerë shtetesh. Për shembull kancelarja gjermane Angela Merkel ka një pagë prej rreth 369 mijë dollarësh në vit, ndërsa kryeministri zviceran paguhet 482 mijë dollarë në vit. Por kreu i ekzekutivit më i paguar është ai i Australisë Malkolm Turnbull i cili merr 527 mijë dollarë në vit. /abcnews.al

KRYEMINISTRI-SHKOLLA-1280x720.jpg
ent ela10:56 | 22/05/2018

Kandidati për kryeministër i Italisë nga Lëvizja me Pesë yje dhe Lega, Xhuzepe Konte, deklaron se ka studiuar në Shtetet e Bashkuara të Amerikës por në univrsitetin e Nju Jorkut nuk rezulton asnjë e dhënë e tij.

Avokat, dhe pedagog në degën e Juridikut, autor i publikimeve të ndryshme në revista juridike në Itali dhe një eksperiencë në komisionin e Konfindustrisë, është ky profili i Xhuzepe Kontes, i propozuar nga Luixhi di Majo e Mateo Salini si kryeministër u qeverisë së drejtuar nga Lëvizja me pesë yje dhe Lega. Por mediat italiane shkruajnë se ka një mister të vogël për sa u përket CV-së së tij ku deklarohet se ka kryer studime juridike në Universitetin e Nju Jorkut në periudhën 2008 – 2012. Por në këtë universitet nuk rezulton asnjë e dhënë për të.

Mishel Tasi një zëdhënëse e universitetit amerikan deklaroi për Nju Jork Tajms se nuk ka gjetur asnjë gjurmë të pranisë së Kontes në arkiva, as si mësues dhe as si student apo ndjekës kursesh. Gjithsesi sipas saj Konte mund të ketë frekuentuar kurse dy ditore për të cilat nuk ruhen dokumente.

Në CV-në e dorëzuar nga Konte, prej 18 faqesh renditen tituj dhe specializime në universitetet më prestigjioze të planetit nga Jeil, ku Konte ka studiuar në 1992-shin, në universitetin Dukuesn të Pittsburgh po në 1992-shin, në Sorbon të Parisit në vitin 2000 dhe në Kembrixh në 2001-shin. Në CV tregohet dhe për një master për sa i përket të drejtës ndërkombëtare në Vjenë, por në fakt rezulton të jetë vetëm një kurs i gjuhës gjermane. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono