xhenova

Veliaj-gjate-Forumit-te-Mjedisit-ne-Genova-1-1280x720.jpeg
G. P.14:34 | 04/04/2019

Meritat për transformimin e Tiranës sipas kryebashkiakut Erion Veliaj i takojnë qytetarëve. Veliaj deklaratën e beri në Xhenova ku mori pjesë në Forumin e Mjedisit të Qyteteve Evropiane.

Erion Veliaj premton se transformimi i Tiranës do të vijojë dhe katër vitet e ardhshme nëse qyetarët i besojnë një tjetër mandat në krye të bashkisë së kryeqytetit. Deklaratën, kryebashkiaku e bëri nga Xhenova në Itali, ku mori pjesë në Forumin e Mjedisit të Qyteteve Evropiane.

Tirana sipas zyrës se shtypit të bashkisë ishte përzgjedhur si model për avancimin e projekteve për mbrojtjen e mjedisit dhe cilësinë e jetës.

“Nuk ka rëndësi çfarë bindjesh kemi, të majta ose të djathta, një gjë sot është e sigurt: me sheshin “Skënderbej”, me Pazarin e Ri, me korsitë e biçikletave, me çerdhet, kopshtet dhe shkollat e reja, Tirana është më e mirë. Nëse të gjithë bashkë, si një familje, bashkëpunojmë kështu edhe në katër vitet e tjera, sigurisht që edhe ato do të jenë një histori suksesi. Në kaq pak kohë të arrish kaq shumë dhe të vlerësohesh në të gjithë Europën është e gjithë merita e qytetarëve të Tiranës. Do të thotë se kur punojmë bashkë mund të ndryshojmë mentalitetin, mund ta lëmë histerinë mënjanë, të lëmë sherret me njëri-tjetrin dhe të fokusohemi në projekte që realisht rritin cilësinë e jetës”, tha ai.

Me ftesë të kryetarit të Bashkisë së Xhenovës, kryetari i Bashkisë së Tiranës mori pjesë në ceremoninë e nënshkrimit të marrëveshjes së kryebashkiakëve për objektivat e vitit 2030. Një mundësi bashkëpunimi kjo midis qyteteve për adresimin e sfidave që lidhen me ndryshimet klimatike./abcnews.al

cb20a8791f97dcd7567bb98bc4d9b24e.jpg
ent ela16:34 | 24/09/2018

Një adoleshente 13 vjeçare është zënë më nënën e saj dhe më pas është hedhur nga ballkoni, duke vdekur në vend. Ngjarja ndodhi paraditen e sotme në Borzoli në rrethinat e Xhenovas.

mediat italiane bëjnë të ditur se e ëma është shtruar në spital në gjendje shoku, ndërsa në vendngjarje shkuan ambulancat dhe zjarrfikësit. /abcnews.al

ITALI-URA.mpg_snapshot_00.00-1280x733.jpg
G. P.11:25 | 15/09/2018

Banorët e qytetit të Xhenovës kanë përkujtuar të premten viktimat e tragjedisë së urës Morandi, e cila u shemb muajin e kaluar duke marrë mbi 40 jetë njerëzish. Ndërsa zyrtarët lokalë kanë deklaruar se janë gati t’i përvishen punës për rindërtimin e urës, presidenti Matarela ka bërë thirrje të kalohet nga fjalët tek veprat.

Një muaj nga shembja e urës Morandi, qyteti i Xhenovës ka mbajtur një minutë heshtje në nder të 43 personave që humbën jetën. Të mbledhur në sheshin De Ferrari, të pranishmit janë përlotur kur drejtuesit e ceremonisë përkujtimore kanë lexuar emrat e viktimave. Kryetari i bashkisë Marko Buçi dhe guvernatori Xhovani Toti janë pritur me duartrokitje nga publiku. “Jam gati t’i përvishem punës, nuk mund të them jo kur bëhet fjalë për Xhenovën”, ka deklaruar kryebashkiaku. Ai e ka krahasuar tragjedinë e urës Morandi me atë të 11 shtatorit në Nju Jork, që u përkujtua pak ditë më parë. “Për ne kjo ishte një tragjedi e tmerrshme. Njësoj si “GRAUND ZERO” në Nju Jork, qytet që arriti të dilte nga tragjedia, edhe ne duam të bëjmë të njëjtën gjë”, ka vijuar Buçi.

Ndërsa guvernatori Toti është shprehur se shembja e një ure nuk do ta gjunjëzojë dot Xhenovën. “Nuk besoj se sot janë të rëndësishëm emrat. E rëndësishme është të nisim nga puna dhe t’i bëjmë gjërat mirë”, ka thënë Toti. Ndërkohë, ceremonisë i është bashkuar edhe kryeministri Xhuzepe Konte. Përballë mikrofonëve Konte ka deklaruar se qeveria nuk ka ndënjur duarkryq që prej muajit të kaluar, por ka hartuar një plan serioz të përbërë nga fakte dhe masa. Më i prerë në mesazhin e tij ka qenë presidenti Serxho Matarela. “Xhenova nuk pret urime apo ngushëllime, por konkretizim të vendimeve dhe premtimeve”, është shprehur Matarela në një shkrim të publikuar në një të përditshme./abcnews.al

gianluca-ardini.jpg
G. P.21:17 | 09/09/2018

“Orë të stërgjata, plot me dhimbje dhe mezi pret momentin që dikush të të shpëtojë”.

Kështu e ka nisur rrëfimin e tij për Newsmediaset, Gianluca Ardini. 28-vjeçari arriti t’i mbijetojë tragjedisë së Xhenovas, ditën kur ura Morandi u shkatërrua. Ai qëndroi për katër orë i varur me rripin e sigurimit në furgon derisa forcat e kërkim-shpëtimit arritën ta nxirrnin.

Në ato momente të tmerrshme Gianluca mendonte vetëm për një gjë… djalin që do lindte për disa ditë.

“Në një situatë të tillë mendon për familjen, fëmijën që do të lindë dhe si ia dola të shpëtoj.  Mund të shkonte edhe më keq”, tha ai.

Gianluca tregoi edhe momentet e para të tragjedisë. Atë se si filloi gjithçka.

“Më kujtohet që po binin disa shtylla dhe pastaj si në një film, asfalti u shkatërrua dhe u shembëm poshtë. Vazhdoj dhe pyes veten si është e mundur që furgoni u shkatërrua dhe unë jam akoma gjallë. Në ato momente mendova më të keqen, mund edhe të mbetesha i paralizuar, por gjithçka shkoi mirë”, tregon 28-vjeçari.

Atë ditë, Gianluca nuk ishte vetëm në furgon. Sëbashku me të ishte edhe kolegu i tij, Luigi, por nuk mundi t’i shpëtojë tragjedisë. Pavarësisht gjithçkaje në fund, i mbijetuari i Xhenovas falenderoi edhe personin që e nxorri nga furgoni.

“Ai është ëngjëlli im. Ishte me të vërtetë i jashtëzakonshëm”, përfundoi Gianluca Ardini.

Tragjedia në Xhenova, mori jetën e 41 personave, mes tyre dhe të dy të rinjve shqiptare./abcnews.al

BANORET-NE-GENOVA-ABC-1280x720.jpg
ent ela23:07 | 05/09/2018

Banorët e mbetur të pastrehë si pasojë e shembjes së urës në  Xhenova, protestuan gajtë mbledhjes së përbashkët të këshillit rajonal dhe atij komunal. Ata kanë kërkuar që shtëpitë e tyre të dëmtuara të mos shemben para se të gjendet një zgjidhje për strehimin e tyre.

Ka nisur me një minutë heshtje mbledhja e përbashkët e Këshillit Rajonal dhe atij Komunal për shembjen e urës Morandi në Xhenova të Italisë. Objektivi ishte miratimi unanim një rend dite që do të përcaktojë prioritetet për qeverinë. Para fillimit të mbledhjes një grup banorësh të mbetur të pastrehë nga shembja e urës kanë mbajtur në duar parulla ku kërkohej që shtëpitë e tyre të dëmtuara të mos shembeshin para se të gjendet një zgjidhje për strehimin e tyre. Ata kanë kërkuar përgjigje ndërsa kryebashkiaku Buçi ka kërkuar eliminimin e burokracisë për t’i lejuar atyre që të kthehen në banesat e dëmtuara për të marër sendet personale. Personat që rezultojnë të pastrehë janë 556 të ndarë në 225 familje. Ndërsa ndërtesat të cilat janë shënuar si në rrezik për shembje janë më shumë se 1200. Banorët i kanë kërkuar politikanëve respekt dhe u kanë bërë apel që strehimi i tyre të jetë prioritet para rimëkëmbjes së sipërmarrjeve të dëmtuara. /abcnews.al

ura-morandi.jpg
G. P.22:05 | 21/08/2018

Kompania “Autostrada për Italinë” ka lëvruar 500 milionë eurot e premtuara për riparimin e dëmeve të tragjedisë së urës Morandi. Ndërkohë, kryeministri Conte, përveç se e ka vlerësuar një shifër modeste ka deklaruar se qeveria ka marrë oferta të tjerë për rindërtimin e urës.

Kompania “Autostrada për Italinë” ka aprovuar të martën fondin prej 500 milionë eurosh, si dëmshpërblim për shembjen e urës Morandi. Lëvrimi i fondit ishte paralajmëruar javën e kaluar nga administratori Giovanni Castelluçi, por megjithatë, qeveria italiane duket e vendosur të vijojë me procedurat për tërheqjen e koncesionit të mirëmbajtjes së autostradave.

Në përfundim të mbledhjes së parë të bordit që nga dita e tragjedisë, kompania ka paralajmëruar se do të vendosë më vonë për përgjigjen e saj ndaj lëvizjes së qeverisë. “Autostrada për Italinë”, e kontrolluar nga kompania “Atlantia”, menaxhon rreth 3 mijë kilometra rrugë të Italisë dhe zotëron mbi 60 për qind të fitimeve të kompanisë mëmë.

Më herët gjatë së martës, kryeministri i Italisë, Giuseppe Conte deklaroi për të përditshmen “Corriere della Sera” se 500 milionë eurot e ofruara janë një shumë modeste. “Ata i kanë mundësitë ta katërfishojnë ose pesëfishojnë shumën”, tha Conte. Kryeministri theksoi se qeveria e tij po punon për përcaktimin e masave penalizuese ndaj “Atlantias” dhe shtoi se në Romë kanë ardhur oferta alternative për rindërtimin e urës.

“Atlantia”, që zotërohet nga familja Benetton, fitoi koncesionin për mirëmbajtjen e rrugëve të Italisë rreth 20 vjet më parë. Tani, disa anëtarë të qeverisë bëjnë thirrje që procesi i mirëmbajtjes së infrastrukturës rrugore të kthehet në duart e shtetit./abcnews.al

LAMTUMIRA-E-ADMIR-BOKRINES_ABC-M2-T1.mpg_snapshot_00.03-1280x720.jpg
ent ela10:58 | 21/08/2018

Ceremonia mortore për Admir Bokrinën u bë në vendlindjen e tij në Oblikë. 32-vjeçari shkodran humbi jetën në tragjedinë e urës Morandi në Xhenova të Italisë.

E përcollën për në banesën e fundit nga vendlindja e tij në Oblikë.  Admir Bokrina  humbi jetën një javë më parë nga shembja e urës në Itali. Miq, të afërm e familjarë morën pjesë në ceremoninë mortore të 32 vjeçarit i cili do të prehet në Shkodër.

Ruzhdi Podja, mësues: “Janë t’u shpërthy banda, banka, drogë, por t’u lyp punë 32 vjeç, është edhe krenari për tan Anën e Malit”

Lot dhe dhimbje jo vetëm për familjarët, por për këdo që e njihte Admirin. Ai emigroi në moshë të re, dhe gjithmonë sipas të njohurve të tij kishte lënë respekt. Disa prej atyre që punuan me 32-vjeçarin në Itali, u kthyen për t’i dhënë atij lamtumirën e fundit.

Muhamed Ceka, emigrant në Itali: “Unë e kam pas në puën babin edhe djalin s’ka dy tre muaj që e kam pas te puna. Fatkeqësi e madhe, Zot mos ia ço kuj”.

Sëbashku me Bokrinën humbi jetën edhe 22 vjeçari Marjus Djerri, i cili ndodhej në të njëjtën makinë duke shkuar për në punë.

Ura “Morandi’ ne Genova u shemb mesditën e 14 gushtit, duke shënuar tragjedinë më të rëndë të ndodhur ndonjëherë në Itali, me humbjen e të paktën 43 personave./abcnews.al

genova-1280x852.jpg
G. P.17:08 | 20/08/2018

Guardia di Finanza ka publikuar pamjet tragjike të kamerave të sigurisë, në të cilat shfaqen momentet e rrëzimit të urës Morandi. Ndërkohë, autoritetet kanë mbyllur zonën përreth nga frika e ndonjë shembje tjetër.

Janë publikuar pamje të reja të rrëzimit të urës Morandi në Xhenovë të Italisë që shkaktoi një tragjedi të rëndë. Momenti i shembjes së mbikalimit rrugor është kapur nga disa telekamera sigurie të vendosura poshtë urës.

Pamjet filmike janë shpërndarë të hënën nga Guardia di Finanza.

Në video shikohet fillimisht teksa bie një masiv i madh betoni. Gjithashtu vërehet pjesërisht edhe dalja e ishullit ekologjik nën urë ku ndodhet edhe kapanoni i fabrikës të riciklimit, e cila preket shumë pak nga shembja. Tashmë e gjithë zona përreth urës është mbyllur në një perimetër sigurie, pasi ekziston frika për shëmbje të tjera të pjesëve të betonit.

Ndërkohë, në Itali vijon debati lidhur me kalimin ose jo të kompanisë “Autostrada për Italinë” nën menaxhimin e shtetit. Ministri i Brendshëm, Matteo Salvini dhe disa pjesëtarë të qeverisë janë shprehur pro këtij propozimi. Por ka nga ata që mendojnë se kjo do të thellonte dhe më tej krizën në infrastrukturë.

Ura Morandi e ndërtuar mbi 50 vite më parë, u shemb të martën e kaluar me 14 Gusht dhe u mori jetën 43 persona, mes të cilëve dhe dy shqiptarë./abcnews.al

POLEMIKAT-SALVINI.mpg_snapshot_00.14-1280x720.jpg
G. P.13:28 | 19/08/2018

Ministri i Brendshëm Italian, Mateo Salvini është përfshirë në polemika pasi mori pjesë në funeralet shtetërore për viktimat e rrëzimit të urës në Gjenovë. Qytetarë të shumtë kanë kritikuar Salvinin pasi ka bërë fotografi gjatë funeraleve.

Një polemikë e re, në rrjete sociale por jo vetëm, ka përfshirë Ministrin e Brendshëm të Italisë Matteo Salvini, pasi ky i fundit bëri një selfie me një vajzë gjatë funeraleve shtetërore në Gjenovë për viktimat që humbën jetën për shkak të rrëzimit të urës Morandi. Fotografia është ripublikuar në Tuitër duke ngjallur mjaft debat.

Të menjëhershme ishin komentet e përdoruesve të shumtë, që shprehen të indinjuar dhe nënvizojnë se sa e papërshtatshëm ishte veprimi i zëvendëskryeministrit, i cili në këtë rast ka dashur të tregojë se është “afër qytetarëve” dhe se ka pranuar thjeshtë një kërkesë. Ka nga ata që shkruajnë se “ky veprim ishte një turp që nuk njeh limite”, ndërsa disa të tjerë shpresojnë dhe pyesin nëse imazhi është fals. Por ka nga ata që thonë se ky nuk është momenti për të diskutuar këtë çështje.

Nuk ka vonuar dhe kundërpërgjigja e Salvinit. “Një këngëtar budalla i cili nxit polemika pasi thotë se me disa persona kam bërë fotografi kur isha në Gjenovë. Këtë verë, opozitën e bëjnë reperët dhe këngëtarët. Jam krenar për të gjitha perqafimet që kam marrë në Gjenovë”, nënvizoi ministry i Brendshëm Italian./abcnews.al

ILIR-META-OBLIK.mpg_snapshot_01.16-1280x786.jpg
G. P.12:08 | 19/08/2018

Presidenti Ilir Meta ka shkuar në familjen e Admir Bokrinës, i riu shqiptar që humbi jetën në tragjedinë e Genovas pas shembjes së urës Morandi. Presidenti tha se kjo tragjedi duhet të shërbejë për të parandaluar ngjarje të tilla në vendin tonë.

“Do marrim masa të forta që tragjedi të tilla mos të ndodhin në vendin tonë.”

Presidentit Ilir Meta e tha këtë gjatë vizitës në familjen e Admir Bokrinas në Oblike, i cili humbi jetën si shkak i shembjes së urës Morandi në Xhenova të Italisë.

Ilir Meta, President i Shqipërisë: “Sigurisht që në raste të tilla fjalët janë të pafuqishme për të shprehur edhe dhimbjen edhe ngushëllimin. Shpresojmë që solidariteti i shprehur edhe me familjarët e viktimave, ti bëjë edhe më të fortë për të përballuar këtë dhimbje të pazëvendësueshme.”

Presidenti i vendit Meta tha se një tragjedi e tillë që as kush nuk e donte, do të shërbejë si reflektim për veprat tona që të marrim masat për sigurinë tyre.

“Sigurisht që duhet të na shërbejë edhe neve këtu për reflektim. Për të parandaluar çdo cënim të sigurisë së veprave publike, jo vetëm sa i takon urave por dhe sa i takon edhe veprave të tjera të cilat kanë nevojë të verifikohen, të cilat kërkojnë marrjen e masave parandaluese në kohë.”

Admir Bokrina 30 vjeç dhe Marjus Djerri 21 vjeç janë dy shqiptarët që kanë humbur jetën kur u shemb ura Xhenovas./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono