xhelal mziu

lul-basha-.jpeg
nev ila19:55 | 06/02/2020

Këtë pasdite nga zyra e tij, kreu i Partisë Demokratike Lulzim Basha i është përgjigjur pyetjeve të qytetetarëve live në Facebook-un e tij.

“Po të dëgjoj” është fushata më e re e ndërmarrë nga kreu i PD.

Gjatë komunikimit të tij Basha është ndjekur nga audienca të ndryshme. Ajo që vumë re është se kreu i PD ndërsa komunikon live me qytetarët ndiqet nga fillimi i bisedës deri në fund, nga personazhe të ndryshëm.

Ervin Koçi ish-deputet i Partisë Socialiste, tashmë Kreu i AMF (Autoritetit të Mbikqyrjes Financiare) ka ndjekur videomesazhin e kreut të opozitës nga fillimi deri në fund.

Po ashtu epike ishte edhe pyetja e ish-kreut të Bashkisë Kamëz Xhelal Mziu i cili nuk ka hezituar të pyesë kreun e PD:

“Zoti Basha, sa do rritet rroga e një punonjësi, pensioni, dhe ndihma ekonomike”, ka pyetur Mziu tashmë në cilësinë e një qytetari të thjeshtë dhe jo më si përfaqësues nga radhët e PD të cilët janë të informuar për programin që PD ofron.

Por ish- kryebashkiaku i Kamzës nuk është ndalur me kaq. Më tej ai ka pyetur Bashën:

“Zoti kryetar, cili është plani juaj që të riktheni rininë nga emigracioni?”, shkruan Mziu.

 

Edhe deputetja e PS Blerina Gjylameti nuk e ka mposhtur dot kuriozitetin për të ndjekur videomesazhin e kreut të PD.

Gjylameti tashmë e tërhequr paksa nga strukturat drejtuese në PS, e ka ndjekur deri në fund komunikimin e Bashës me qytetarët.

Më tej gjatë vëshgimit të ABC News vumë re se ndjekës gjithashtu i videomesazhit të Bashës ishte Deputeti i opozitës parlamentare, i cili pranoi mandatin për të qenë pjesë e Kuvendit, Korab Lita.

Duket se Lita edhe pse doli jashtë vijës politike së Partisë Demokratike është tepër i interesuar se cfarë thotë ish-kryetari i tij.

Valbona Mezini, me herët anëtare e kryesisë në PD dhe më pas kritike e ashpër e Lulzim Bashës, më pas kandidate për kreun e bashkisë Vlorë si propozim i Bindjes Demokratike, është një tjetër ndjekëse e videomesazhit që ka përcjellë kreu i PD Basha ditën e sotme.

Me sa duket Partia Demokratike dhe kryetari i saj Lulzim Basha ka rritur audiencën jo vetëm nga radhët e simpatizantëve të saj, por edhe nga ish-anëtarë të saj, e për më tepër edhe nga përfaqësues të partisë kundërshtare, Partisë Socialiste./abcnews.al

 

MBULIM-BASHKIA-KAMEZ-BUXHETI-ABC-M-4-T-2-HD.mpg_snapshot_00.24-1280x720.jpg
ad min19:28 | 10/10/2018

Bashkia Kamëz nisi dëgjesën publike me qytetarët për buxhetin e ri. Në aktivitetin e mbajtur në kuadër të “Javës Evropiane për Demokracinë Vendore”, morën pjesë qytetarë të Kamzës e përfaqësues të arsimit, biznesit, pensionistëve, të fermerëve, por edhe të delegacionit të Bashkimit Europian në Shqipëri, një nga partnerët financues të Bashkisë Kamëz.
Sipas kryebashkiakut të Kamzës Xhelal Mziu, fokusi është hartimi i një buxheti social me shpërndarje të investimeve aty ku qyetarët kanë nevojë./abcnews.al

xhelal-mziu.jpg
ad min14:38 | 30/04/2018

Një tjetër rezultat i Superligës, i gjetur saktë nga kryetari i Bashkisë së Kamzës, Xhelal Mziu. Përballja Vllaznia-Laçi përfundoi 1-0 ashtu siç ishte shprehur kryebashkiaku.

Mund të parashikosh dhe të jesh i saktë.

Ndodhi me ndeshjen Vllaznia-Laçi të Superligës, për të cilën kryetari i Bashkisë së Kamzës, Xhelal Mziu, pati një parandjenjë.

Mziu ishte shprehur që përpara se takimi në “Loro Boriçi” do të përfundonte 1-0 për shkodranët, dhe kështu ndodhi, me golin e shënuar nga Xhevahir Sukaj me penallti.

Rastësi apo diçka më shumë?

Shumëkush beson për të dytën, edhe pse do të duhen prova si ato të “kalçopolit” në Itali që të dalë versioni i saktë.

Gjithsesi, ky ishte parashikimi i dytë i saktë i Mziut në këto javët e fundit, pas atij për ndeshjen Teuta-Laçi.

Xhelal Mziu: “Jam i sigurtë që në ndeshjen me Teutën do të humbi, kështu që të gjithë ata, kështu që i ftoj të gjithë ata që vendosin bast për të vendosur bast që humb Laçi dhe fiton Teuta”.

Kryetari i Bashkisë së Kamzës nuk kursehet aspak në akuzat e tij duke deklaruar se javën e ardhshme do të bëjë një parashikim tjetër.

Ai mendon se ka trukime në Superligë, ndërsa akuzon se skuadra e qytetit të tij po pengohet qëllimisht.

Kamza, sipas Mziut, mori 26 pikë në gjysmën e parë të sezonit, ndërsa tani e ka shumë më të vështirë, edhe pse ka marrë përforcime.

Gjithsesi, barazimi 3-3 në fushën e Teutës, bëri që kamzalinjtë të hidhnin një hap të madh drejt mbijetesës, pasi morën pikë në fushën e një rivali direkt, ndërsa kanë 38 pikë, ndaj 36 të Vllaznisë e 34 të Teutës kur duhen edhe 5 ndeshje deri në përfundim./abcnews.al

xhelal-mziu-1280x652.jpg
ad min15:34 | 19/03/2018

Ka dyshime për ndershmërinë e garës në Superligë, pas ndeshjeve të javës së 26-të. Kryebashkiaku i Kamzës, Mziu, deklaron se Teuta do të favorizohet në garën për mbijetesë.

Kjo ndeshje u përfol jo pak.

Ishte Lushnja-Teuta përballja më e diskutuar e javës në Superligë, ndaj të cilës pati dyshime dhe akuza. Nëse pati media që e quajtën teatër rezultatin final 3-2 për durrsakët, pasi lushnjarët kryesuan 2-0, më i drejtpërdrejtë ishte kryebashkiaku i Kamzës, Xhelal Mziu, në emisionin sportiv “Fair Play”.

Pas akuzave nuk mungoi reagimi i Teutës. Klubi durrsak doli me deklaratë zyrtare ku hodhi poshtë aludimet për tolerim të bërë nga lushnjarët, dhe mbrojti ndershmërinë e skuadrës dhe drejtuesve të vet.

“Do t’u vërtetojmë të gjithëve se nuk kemi nevojë të blejmë ndeshje, por që i mundim kundërshtarët që kemi përballë”, përfundon deklarata.

Gjithsesi, interesante për Teutën janë fjalët e trajnerit të Vllaznisë, Ernest Gjoka, ekip që lufton për mbijetesë pikërisht me durrsakët. Besohet pra se e rrezikuar për të rënë nga Superliga është Kamza, diçka që e nënvizon edhe kryebashkiaku i saj, Mziu, ndonëse skuadra e trajnerit Ndreu është 8 pikë larg vendit të parafundit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono