xhafaj

vlcsnap-error080-1280x720.jpg
ent ela14:29 | 16/01/2018

Sekretari i Përgjithshëm i Partisë Demokratike nga foltorja e selisë akuzoi kryeminsitrin dhe minsitrin e Brendshëm se jo vetëm nuk po pastrojnë policinë e shtetit, por po ndërrojnë një kupolë kriminale me tjetrën. Provë e kësaj për demokratët janë shefat e policisë të arratisur pasi shpallen në kërkim nga informacione të bëra publike në media./abcnews.al

vlcsnap-error547-1280x720.jpg
ent ela12:32 | 13/01/2018

Në 105 vjetorin e krijimit të Policisë së Shtetit Ministri i Brendshëm Fatmir Xhafaj deklaroi se procesi i reformave do të thellohet në këtë vit që sapo kemi nisur, ndërsa shtoi se sfida e policisë është kapja e ritmit të organizatave europiane.

“Procesi i reformave do të thellohet në këtë vit që sapo kemi nisur.

Kemi tashmë një polici më të përgatitur e reaguese. Jemi të përgjegjshëm për të qenë në standardet e BE”- theksoi ministri.

Rezultatet e arritura, sipas tij nxorrën Shqipërinë nga harta e vendeve që kultivojnë kanabis, në uljen e vrasjeve e aksidenteve.

“Rezultatet e arritura që nxorrën Shqipërinë nga harta e vendeve që kultivojnë kanabis, në uljen e vrasjeve e aksidenteve rrugore, janë tregues i qartë i kapaciteve që ka policia e shtetit”.

Në fajalën e tij ministri përmendi edhe rrezikun e punës së policisë që është në frontin e parë të luftës kundër krimit e paligjshëmërisë, ndërsa shprehu nderim [për të gjithë ata që kanë dhënë jetën në krye të detyrës

“Trupa  e policisë është fizikisht në frontin e parë të luftës kundër krimit e paligjshëmërisë dhe rreziku ëhstë më i lartë në krahasim em çdo organ tjetër ligjzbatues. Kujtojmë me respekt ata burra e gra që kanë dhënë jetën në detyrë. Misioni i tyre mbartet sot me dinjitet nga pjesa më e madhe e policisë së shtetit. Puna e tyre nuk mund të njolloset”.

Fjala e ministrit të Brendshëm Fatmir Xhafaj në ceremoninë për 105 vjetorit të krijimit të Policisë së Shtetit, organizuar në Lezhë
I nderuar zoti Kryeministër, Të nderuar punonjës dhe ish punonjës të Policisë së Shtetit, Të nderuar kolegë ministra, deputetë, Të nderuar përfaqësues të pushtetit vendor, Të nderuar drejtues të misioneve partnere, Data e krijimit të Policisë së Shtetit, 13 Janari 1913, përveçse një pikë referimi në historinë e kësaj organizate, na bën të gjithëve të hedhim vështrimin pas e të nderojmë ata mijëra punonjës Policie që ndër vite kanë shërbyer dhe sakrifikuar, për t’u siguruar rend dhe qetësi qytetarëve në të gjithë territorin e vendit, në përmbushje të një misioni sa civil aq edhe shtetar.
Më sëpari sot është dita t’u bëjmë homazh atij grupi atdhetarësh të kohës, të cilët në zbatim të vendimit të qeverisë së Ismail Qemal Vlorës, ngritën një strukturë, e cila do të merrej me detyra të mbrojtjes së rendit dhe qetësisë, pararendëse, kjo, e Policisë së Shtetit. Në rrugëtimin e saj 105 vjeçar, organizata e Policisë është përballur me vështirësi e sfida të panumërta, të cilat në raste të ndryshme kanë cënuar vetë ekzistencën e saj, si strukturë. Por sot, pas më shumë se 1 shekulli, kemi rastin të themi me krenari se Policia e Shtetit ia arriti t’u mbijetojë sfidave dhe rreziqeve, duke u ngritur e konsoliduar si një institucion ligj zbatues që siguron rendin, qetësinë, jetën dhe pronën e qytetarëve. Trupa e Policisë për vetë detyrën që kryen, është fizikisht në frontin e parë të luftës kundër krimit dhe paligjshmërisë. Për këtë arsye, edhe rreziku me të cilin ajo përballet, është thelbësisht më i lartë në krahasim me çdo organ tjetër ligj zbatues në vend. Me këtë rast, përkujtojmë dhe nderojmë me respekt ata burra dhe gra që kanë dhënë jetën gjatë kryerjes së detyrës në mbrojtje të ligjit, jetës dhe pronës së qytetarëve. I përjetshëm qoftë kujtimi i tyre! Misioni dhe ideali i tyre mbartet sot me dinjitet nga pjesa më e madhe dhe më e shëndetshme e Policisë së Shtetit. Për shkak të kësaj shumice të shëndetshme moralisht dhe të zotë profesionalisht organizata e Policisë së Shtetit gëzon sot një besim relativisht të lartë tek qytetarët. Jashtë çdo pragmatizmi të çdo lloji, deklaroj se kam bindjen që në radhët e Policisë së Shtetit gjenden shumë gra dhe burra, vajza e djem të cilët punojnë me përkushtim dhe me ndershmëri, në mbrojtje të të drejtave dhe interesave legjitime të qytetarit. Puna e tyre nuk mund të njolloset nga një grup i vogël, performanca e të cilëve bie ndesh me moralin e pjesës dërrmuese të Policisë. Policia e Shtetit ka dhënë prova të vitalitetit dhe jam besim plotë se do t’ja dalë të fitojë edhe këtë betejë me vetveten, më saktë me pjesën e padenjë që ende gjendet në radhët e saj. Sfida e ditës për Policinë e Shtetit është kapja e ritmit të organizatave europiane e të mbërrijë kësisoj në standardet e vendeve të BE-së. Me reformat e gjithanshme të ndërmarra vitet e fundit, qoftë ligjore, infrastrukturore, në burime njerëzore, kemi tashmë një Polici më të përgatitur dhe më reaguese, në mbrojtje të sigurisë publike, jetës dhe pronës së shtetasve. Jemi të përgjegjshëm për të qenë në lartësinë e standarteve të BE dhe jam i bindur se do ta përmbushim këtë detyrim brenda këtij mandati qeverisës. Rezultate e arritura në vitin që lamë pas, të cilat konsistojnë në nxjerrjen për herë të parë të Shqipërisë nga harta e vendeve që kultivojnë kanabis, në minimumin historik të numrit të vrasjeve, në numrin më të ulët ndër vite të aksidenteve rrugore, në vlerat e shumëfishuara të aseteve të sekuestruara të përfituara nga aktiviteti kriminal, në luftën kundër korrupsionit dhe në ndëshkimin e rasteve të evidentuara, janë tregues i qartë i kapaciteteve të Policisë. Të nderuar qytetarë, Në këtë fillim viti dhe në këtë ditë domethënëse për Policinë e Shtetit, dëshiroj të përcjellë qartë mesazhet se procesi i reformave të nisura me synim vendosjen e Policisë më pranë dhe në shërbim të qytetarit, do të thellohet në këtë vit, që sapo kemi nisur. Ne jemi duke realizuar, me mbështetjen e Kryeministrit Rama dhe kontributin aktiv të partnerëve ndërkombëtar një projekt ristrukturimi të policisë që do ta bëjë atë shumë më prezente dhe më eficente në kontrollin e territorit dhe do të mundësojë një lidhje më të drejtëpërdrejtë të punonjësit të policisë së zonave policore me komunitetin përkatës dhe kryesorja në shërbim të çdo familje e çdo qytetari banorë të atij komuniteti. Operacioni ‘Forca e Ligjit’, siç ka dhe emrin, do të vendosi autoritetin e Policisë së Shtetit dhe punonjësit të Policisë në luftë me krimin dhe organizatat kriminale. Vetëm në dy muaj ka shënuar rezultatet e para premtuese, duke dëshmuar se Policia është e vendosur të godasë intensivisht grupet kriminale, tashmë të identifikuara. Mbështetja e Qeverisë, bashkëpunimi aktiv me prokurorinë dhe agjensitë e tjera ligjzbatuese në vend si dhe me kontributi i drejtëpërdrejtë i partnerëve ndërkombëtarë në këtë sfidë madhore për të ardhmen e vendit, është një inkurajim dhe garanci e madhe për suksesin që duam të arrijmë. Procesi i Vetting-ut që nis së shpejti do të reformojë në kapacitetet e saj njerëzore Policinë e Shteti duke synuar të promovojë pjesën më të shëndetshme të saj, punonjësit më me integritet, ata më të trajnuarit, më të arsimuarit, të cilët për hir të së vërtetës janë shumicë në këtë organizatë. E gjithë historia e këtyre 27 viteve ka treguar qartësisht se ndikimi, apo më keq akoma përdorimi politik i policisë ka qenë një dështim i madh politik i vetë atyre që e kanë tentuar këtë sipërmarrje. Ne këtë mësim të historisë e dimë shumë mirë. Është shenjë e një sjellje politike jo të pjekur dhe jo në interes të publikut e të vendit sulmi politik që synon ta tregoj Policinë si një organizatë të inkriminuar. Ndaj nga kjo foltore, apeloj fuqishëm për të ndalur dhunën verbale ndaj Policisë së Shtetit. Ashtu sikurse, në çdo rast, kemi ndëshkuar veprimtarinë jo ligjore mes radhëve të Policisë së Shtetit, po aq jemi të vendosur për të reaguar ligjërisht ndaj kujtdo që ngre dorë apo dhunon punonjësit e policisë në ushtrimin e detyrës së tyre. Policia e Shtetit është e Shtetit, dhe jo e Ministrit të rradhës. Ndaj dua të ftoj qytetarët të mbështesin fort Policinë e Shtetit, sepse ajo është e qytetarëve dhe vetëm në shërbim të tyre. Policia ka qenë dhe do të mbetet me shërbimin e saj të sakrificës së përditëshme aleati kryesor i qytetarëve dhe i njerëzve të thjeshtë që dëshirojnë të jetojnë në këtë vend të qetë dhe të sigurtë. Ndaj si Ministër i Brendshëm, inkurajoj dhe mbështes fuqimisht të gjithë punonjësit në uniformë dhe civilë të Policisë së Shtetit të cilët me punën e tyre të mundimshme dhe fisnike u shërbejnë qytetarëve duke u përballur me sfidat e të sotmes dhe të ardhmes. Në këtë ditë të shënuar, dëshiroj të uroj të gjithë dhe secilin punonjës të Policisë së Shtetit: Gëzuar ditën e Policisë! Ju faleminderit judhe familjeve tuaja që ju mbështesin, për gjithçka bëni në mbrojtjes të rendit dhe sigurisë së qytetarëve të këtij vendi. Të gjithë së bashku duhet dhe do ta fitojmë betejën për një Shqipëri më të mirë dhe më të sigurt, si detyrim ndaj qytetarëve, ndaj të ardhmes Europiane të vendit dhe fëmijëve tanë. /abcnews.al

 

vlcsnap-error129-1280x720.jpg
us er13:43 | 10/01/2018

Kryeprokurorja e përkohshme Arta Marku zhvilloi një takim në Ministrinë e Brendshme me ministrin Fatmir Xhafaj. Mësohet se takimi mes tyre ka qenë larg vëmendjes së medias dhe ka zgjatur rreth 45 minuta duke u fokusuar te zbatimi operacionit “Forca e Ligjit”. Zyra për shtyp e ministrisë brendshme theksoi se të pranishem ishin edhe ministrja e Drejtësisë, Etilda Gjonaj dhe ministri i Financave dhe Ekonomisë, Ahmetaj, kreu i SHISH dhe ai i Policisë. Ministri i Brendshëm Fatmir Xhafaj, i njohu anëtarët e Task Forcës Qendrore Ndërinstitucionale me ecurinë e procesit gjatë muajit dhjetor te 2017operacionit Forca e Ligjit.

Takimi vjen në një kohë që në radhët e prokurorive, Marku ka bërë një sërë lëvizjesh, të cilat kanë shkaktuar edhe përplasje.

Ky është takimi i dytë mes Markut dhe Xhafajt, ndërkohë që takimi i parë mes tyre është bërë në zyrën e Kryeprokurores, pak kohë pasi ajo u votua në Kuvend./abcnews.al

 

 

25323695_10216160742718134_1648851668_n.jpg
us er09:54 | 29/12/2017

Për rreth 30 minuta Kryeprokurorja e përkohshme Arta Marku priti në zyrën e saj Ministrin e Brendshëm Fatmir Xhafaj. Takimi u mbajt me dyert të mbyllura. Sipas  njoftimit zyrtar të Prokurorisë së Përgjithshme tema e diskutimit ka qenë  realizimi i procesit të Vetingut dhe lufta kundër korrupsionit dhe trafikut të lëndëve narkotike në vend.

Dy titullarët u shprehën se Vetingu në drejtësi si edhe në radhët e policisë kërkonë një komunikim të vazhdueshëm ndëristitucional, pasi shumë shumë zyrtarë lartë të uniformave blu janë nën hetim nga prokuroria e krimeve të rënda si të lidhur me trafikun e lëndëve narkotike.

Për ministrin e Brendshëm Fatmir Xhadaj Policia e Shtetit, do të rrisë hetimet proaktive, ku prioritet do të jetë lufta kundër korrupsionit. Ndërsa kryeprokurorja Marku tehskoi se do të angazhohet maksimalisht për koordinimin me strukturat e policisë për të përmbushur prioritet e vendit në rrugën e integrimit drejt Bashkimi Europian.

Pak ditë më parë kryeprokurorja Arta Marku priti në një takim ambasadorin amerikan Donald Donald Lu. Ndërsa të enjten në zyrën e saj mbërriti kreu i SHISH, Helidon Bendo dhe ambasadorja e Gjermanisë në Tiranë, Sussane Schutz./abcnews.al

 

vlcsnap-error691-1-1280x720.jpg
us er11:27 | 28/12/2017

Gjatë një aktiviteti festiv me fëmijët e policëve të vrarë në krye të detyrës, Ministri i Brendshëm Fatmir Xhafaj dhe drejtori i Përgjithshem i Policisë së Shtetit Haki Çako premtuan më shumë vëmendje nga shteti për ta.

Duke  uruar familjarët e Dëshmorëve të Policisë për festat e fundvitit, Ministri Xhafaj garantoi mbështetjen e Ministrisë së Brendshme dhe të Policisë për to. Vitin  e ardhshëm sipas Xhafajt do te kete masa shtesë në trajtimin e kësaj kategorie.

 

”Është në detyrimin tonë për t’ua bërë jetën juve shumë më të lehtë dhe në mënyrë të veçantë këtyre fëmijëve të mrekullueshëm, prindërit e të cilëve kanë bërë një akt sublim në jetë.

Nuk janë sot këtu, pikërisht për të mbrojtur jetë, për t’i bërë jetët e të gjithëve dhe jo vetëm të fëmijëve të tyre shumë më të sigurt.

Gjatë vitit që vjen ne do të marim disa masa shtesë, ndër masat mbështetëse që janë marrë, që unë besoj që do i vijnë më shumë në ndihmë familjeve të policëve të rënë në krye të detyrës dhe në mënyrë të veçantë fëmijëve të tyre për t’jua bërë jetën edhe më të lehtë, edhe më të mirë edhe më të bukur”- theksoi Xhafaj.

”Në vëmendje të Ministrisë së Brendshme dhe Drejtorisë së Përgjitshme të Policisë së Shtetit ka qenë dhe mbetet kurdoherë trajtimi familjeve dhe fëmijëve të policëve të rënë në krye të detyrës. Pjesë e strukturave të Policisë së Shtetit është bërë një numër i kënaqshëm punonjësish policie nga familjet tuaja, ndër të cilët, 9 punonjës policie vazhdojë ende studimet në kolegjet e policisë dhe 13 të tjerë kanë dalë dhe vazhdojnë punën normal duke kontribuar për sigurinë dhe rendin” – u shpreh Çako.

Për fëmijët e punonjësve të policisë së shtetit, të vrarë në krye të detyrës, u shpërndanë në këtë ditë festash edhe dhurata, të mundesuara nga sipërmarrje të ndryshme private./abcnews.al

vlcsnap-error143-1-1280x720.jpg
us er14:05 | 26/12/2017

Ministri i Brendshëm Fatmir Xhafa nga Elbasani deklaroi se do të goditen grupet kriminale që veprojnë në këtë qytet. Ai ndodhej aty një seancë konsultimi i modelit pilot të ristrukturimit të Drejtorisë Vendore të Policisë së Elbasanit mbështetur nga projekti suedez.

 

Xhafaj ka nje paralajmërim për bandat kriminale që veprojnë në Elbasan. Ministri i Brendshëm përmendi me emrat edhe fiset e njohura me probleme me drejtësinë, si Çapjat apo Çelajt.

“Sa i përket kriminalitetit mbetemi të shqetësuar për Elbasanin. Jemi duke marrë masat e duhura. Kemi atashuar njerëzit më të mira dhe ekspertët më të mirë që po merren me hetimin e grupeve kriminale dhe provave dua të them se qoftë Çapajt apo Çelajt që nuk mund të simbolozijonë njërezit me vlera të Elbasanit.  Ata dhe të tjerë që janë përfshirë në këtë veprimtari kriminale do të marrin përgjigjen e merituar”.

Xhafaj theksoi se situata ishte shqetësuese dhe për këtë qëllim Policia e Elbasanit po reformohet

“Jo rastësisht ne u mblodhëm në Elbasan pasi Elbasani pati një situatë jo pozitive gjatë këtij viti që ende nuk ka marrë përgjigje dhe zgjidhjen e duhur. Por edhe masat e ashpra që morëm që janë të merituara sipas meje. Lind nevoja për rifarmotim të struktuarave dhe jo rastësisht sollëm Drejtorin e Departamentit e Sigurisë Publike”.

Në Elbasan u zhvillua një seancë konsultimi i modelit pilot të ristrukturimit të Drejtorisë Vendore të Policisë së Elbasanit mbështetur nga projekti suedez. Veç drejtuesve kryesorë të Policisë, ishin të pranishëm edhe ministri i Infrastrukturës dhe Energjisë Damian Gjiknuri dhe ministri i Turizmit dhe Mjedisit Blendi Klosi ku u trajtuan çështje të kontrollit të territorit dhe lufta kundër paligjshmërive, për vjedhjen e energjisë, ujit të pijshëm, dëmtime të mjedisit si dhe masat për sezonin turistik. Në takim u prezantua gjithashtu drafti për Vetting-un në Policinë e Shtetit dhe Gardën e Republikës./abcnews.al

vlcsnap-error427-1-1280x720.jpg
us er16:19 | 23/12/2017

Akademia e Sigurisë, institucioni arsimor që përgatit punonjësit e policisë do të reformohet. Rreth kësaj teme zyrtarë të lartë të Ministrisë së Brendshme,  të Arsimit, Drejtësisë dhe ekspertë të institucionee të tjera shfaqën gjate nje tryeze propozime konkrete për përmirësime në infrastrukturë, në stafin pedagogjik, apo dhe kurikula.

“Ne kemi nevojë që këtu të kemi më të mirët, më të zotët dhe më të ndërshmit”.

Janë këto cilësitë e kërkuara nga ana e Ministrit të Brendshëm, Fatmir Xhafaj, për pedagogët e Akademisë së Sigurisë, institucionit arsimor ku përgatiten punonjësit e policisë. I pranishëm në një tryeze diskutimi mbi reformimin e kësaj akademie ministri Xhafaj theksoi krijimin e kushteve për afrimin e tyre.

“Pres vetëm të shohë se cilat janë propozimet, qoftë për çështjen e pagave, qoftë për elementë të tjerë, që  ligjet i lejojnë apo që ne mund t’i përshtasim për të thithur kapacitetet më të mira në fushën e kriminologjisë dhe drejtësisë penale, por edhe në fushën e sigurisë”.

Ministrja e Arsimit, Lindita Nikolli rrëfeu hapat konkretë në shndërrimin e Akademisë së Sigurisë në një institucion me status të veçantë të arsimit të lartë dhe shtimin e studimeve master.

“Në momentin që përcaktojmë statusin, ne bëjmë riorganizimin konform statusit dhe ligjit të ri të Arsimit të Lartë, përcaktojmë tipologjinë e programeve të formimit të studimit duke u përafruar me standardet më të mira, që do të thotë kurikula dhe gjitha të tjerat. Ne ecim përpara me procesin e akreditimit’’.

Drejtori i Akademisë së Sigurisë, Bilbil Mema, shprehu nevojën që të gjithë punonjësit e institucioneve të sigurisë publike duhet të kalojnë në filtrat e akademisë.  “Pra të gjithë institucionet e sigurisë publike duhet të vijnë në akademi, të testohen dhe të seleksionohen për të mbajtur në punë ata që plotësojnë kriteret’’.

Të pranishit në diskutim ranë dakord për ngritjen e një grupi të përbashkët pune për të hartuar paketën ligjore me ndryshimet e propozuara./abcnews.al

 

xhafaj-te-ushtaraku-933x445.jpg
us er14:04 | 18/12/2017

Ministri i Brendshëm, Fatmir Xhafaj vizitoi gjatë mesditës punonjësin e policisë, që u plagos gjatë protestës së sotme.

Ministri Xhafaj mësohet se u interesua për shëndetin e tij dhe i uroi shërim të shpejtë. Efektivi i “Shqiponjave” O.M. u plagos gjatë protestës së opozitës para parlamentit.

Mjekët në Spitalin Ushtarak konfirmojnë se punonjësi i policisë është jashtë rrezikut për jetën dhe po merr ndihmën e duhur mjekësore./tvklan.al

 

vlcsnap-error110-1280x721.jpg
us er12:25 | 07/12/2017

Ministri i Brendshëm shqiptar Fatmir Xhafaj, gjatë vizitës në Bruksel, zhvilloi një takim me Komisionerin për Fqinjësinë dhe Negociatat e Zgjerimit, Johannes Hahn.

Xhafaj sipas njoftimit për shtyp të ministrisë së Brendshme,  i tha Hahn se Shqipëria nuk do të jetë më në listën e vendeve ku kultivohet drogë, pasi masat për vitin 2018 janë marrë që tani.

Gjithashtu ministri i Brendshëm i pohoi Komisionerit për Fqinjësinë dhe Negociatat e Zgjerimit, se janë skanuar grupet kriminale dhe asetet e tyre.

Hahn nga ana e tij ka deklaruar se “Periudha në vijim është shumë deçizive për Shqipërinë”. Ai  sugjeroi njohjen më të thellë të arritjeve të palës shqiptare, përmes medias së huaj, për të reduktuar efektet negative të stigmatizimit të padrejtë të vendit. /abcnews.al

vlcsnap-error805-1280x720.jpg
us er09:37 | 04/12/2017

Ministri i Brendshëm Fatmir Xhafaj ka thënë se operacioni “Forca e ligjit”, i ka dhënë frytet e tij, njëlloj si lufta kundër kanabisit dhe vettingu në polici.  Deklaratat janë bërë pas një konference mbi luftën kundër krimit të organizuar, ku ministri kërkoi bashkëpunimin e të gjithëve.

Ministri i Brendshëm, Fatmir Xhafaj, deklaroi se operacioni “Forca e Ligjit”, ku pjesë e planit të veprimit janë skanimi i grupeve kriminale, lidhjet e tyre brenda dhe jashtë vendit ka dhënë rezultatet e para.

Duke folur për bashkëpunimin mes institucioneve, Xhafaj u shpreh se më ndryshimet nga reforma në drejtësi marrëdhënia me prokurorinë do të jetë më e besueshme se sot.

Xhafaj u përgjigj shkurt kur u pyet se deri ku kanë arritur kërkimet për sa u përket tre ish-drejtuesve të lartë të Policisë së Shtetit për çështjen “Habilaj”.

Ministri i Brendshëm Fatmir Xhafaj i bëri këto deklarata gjatë konferencës rajonale për bashkepunimin ndërkombëtar kundër krimit të organizuar./abcnews.al

 

Fjala e ministrit Fatmir Xhafaj ne konferencen rajonale:

Të nderuar shkëlqesi Ambasadorë,

Miq të ftuar në këtë konferencë rajonale,

Zonja dhe zotërinj pjesëmarrës,

E vlerësoj shumë organizimin e kësaj konference rajonale në nivel ekspertësh si një shans e mundësi tjetër për forcimin e mëtejshëm të bashkëpunimit rajonal.

Tema e kësaj konference, lufta ndaj krimit të organizuar, është një sfidë e madhe për të gjithë ne.

Krimi i organizuar është një gangrenë që gërryen shoqëritë tona. Ai na detyron të paguajmë kosto të mëdha, demokratike, sociale dhe ekonomike.

Ky fenomen kriminal, nuk ka më karakter lokal apo thjesht ndërkufitar, ai është shndërruar në një fenomen global dhe, duke marrë karakter transnacional, ka treguar aftësi të mëdha adaptimi dhe zhvillimi ndaj ndryshimeve politike dhe shoqërore.

Qeveria shqiptare dhe Ministria e Brendshme e konsiderojnë Luftën Kundër Krimit të Organizuar si prioritet thelbësor.

Qeveria shqiptare muajin e kaluar ka miratuar një Plan Veprimi për Luftën Kundër Krimit të Orgnizuar – Operacioni “Forca e Ligjit”, i cili ka si objektiv pikërisht këtë, goditjen e grupeve kriminale dhe aseteve të tyre të paligjshme. Kjo nismë, ka një qasje gjithëpërfshirëse ndërinstitucionale dhe ndërkombëtare.

Ka përfunduar faza paraprake, ajo e  katalogimit të grupeve kriminale me të dhëna për persona, lidhjet e tyre kriminale, aktivitetet e rënda kriminale të dyshuara se kryhen prej tyre, pasuritë që zotërojnë, investimet ekonomike të bëra me të ardhura nga aktiviteti kriminal, zonat e ndikimit, lidhjet me grupe të tjera jashtë vendit apo mbështetjet e siguruara në vite për të lehtësuar veprimtarinë e tyre.

Tashmë ka filluar edhe veprimi konkret dhe rezultatet e para jane pozitive.

Operacioni “Forca e ligjit” nuk është i shkëputur nga nismat e tjera te Ministrisë së Brendshme dhe Policisë së Shtetit.

Operacioni Anti-kanabis gjatë 2017 me rezultatet tejet pozitive të arritura na ndihmoi të hedhim hapa konkretë në kufizimin e të ardhurave të këtyre grupeve nga kultivimi apo trafikimi i kanabisit.

Vetingu ne Policinë e Shtetit do na ndihmojë të pastrojmë Policinë e Shtetit nga individë të inkriminuar apo të paaftë.

Reformimi i sistemit të Policimit në Komunitet do të na ndihmojë të kthejmë besimin e qytetarëve te institucionet e sigurisë.

Të gjitha janë pjesë e një programi unik prioritetesh me një moto të vetme: Tolerancë zero në luftën kundër krimit, nga institucione të forta me njerëz të aftë dhe me integritet, në shërbim të qytetarëve.

Këto nisma vijnë në kohën e duhur, mbështeten dhe janë në sinkron me procesin e Reformës në Drejtësi që ka hyrë në fazën e saj më të rëndësishme: Vetingun në rradhët e gjyqtarëve dhe prokurorëve ku presim shumë shpejt të shohim rezultatet e para të këtij procesi, si dhe në fazën e ngritjes së institucioneve të reja të sistemit të drejtësisë.

Gjithsesi, çfarëdo nisme dhe sado iniciativë të ketë nga ana jonë, rezultatet do të jenë larg në mungesë të një bashkëpunimi të frytshëm midis nesh.

Kjo konferencë  ekspertësh në fushën e Krimit të Organizuar është një mundësi e mirë, për të gjetur alternativat më efikase për një përgjigje të përbashkët dhe të koordinuar ndaj Krimit të Organizuar.

Dëshiroj të falenderoj Prezencën e OSBE në Tiranë, për mbështetjen dhe bashkëpunimin në zhvillimin e këtij eventi.

Ne kemi propozuar gjithashtu edhe nisma të tjera bashkëpunimi ndërkombëtar për luftën ndaj këtij fenomeni.

Jo më larg se në fund të tetorit, në Trieste, në konferencën e organizuar nga Ministri i Brendshëm italian, patëm mundësinë të ndanim me partnerët tanë ballkanikë dhe mesdhetarë, idenë për një iniciativë të re: Krijimin e një Qendre Rajonale të Bashkëpunimit Policor, që përfshin vendet e Ballkanit por jo vetëm, e cila të ketë në fokus pikërisht këtë – luftën pa kufij ndaj krimit të organizuar.

Suksesi në këtë ndërmarrje të vështirë, si lufta ndaj krimit të organizuar, varet nga ne, varet nga sa do jemi në gjendje të shkëmbejmë informacion mbi çështje të veçanta, sa do jemi në gjendje të kryejmë hetime dhe operacione të përbashkëta, sa përkushtim dhe seriozitet do t’i kushtojmë kësaj lufte.

Ministria e Brendshme e Republikës së Shqipërisë shpreh vullnetin e plotë për intensifikimin e këtyre marrëdhënieve dy dhe shumëpalëshe në nivel politik dhe teknik, nëpërmjet identifikimit dhe zbatimit të sistemeve më të mira për shkëmbimin e eksperiencave dhe informacionit mes agjencive tona ligj-zbatuese.

Lufta ndaj Krimit të Organizuar transnacional është një kontribut që ne i bëjmë vendeve tona dhe qytetarëve tanë.

Përpjekjet tona të përbashkëta do të ndihmojnë në forcimin e ekonomive tona por edhe në krijimin e komuniteteve më të sigurta, duke iu dhënë qytetarëve tanë, mundësi dhe shpresë më të mirë për të ardhmen

Ne kemi një synim të përbashkët: Integrimin në Bashkimin Europian.

Le të ndihmojmë veten duke ndihmuar njëri – tjetrin.

Ju faleminderit !


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono