xhafaj

IMG_6164-1280x853.jpg
ent ela11:49 | 14/10/2018

Dokumentat e prokurorisë së Përgjithshme në dosjen për Fredi Alizotin i erdhën sërisht në ndihmë demokratëve për denoncimin e radhës. Nga foltorja e selisë blu, Enkelejd Alibeaj publikoi pjesë të transkrimptimeve, të marra nga policia e shtetit nën varësi të ministrit Fatmir Xhafaj, të bisedave që Alizoti ka patur në datën kur ka dëshmuar në prokurori se ishte ai zëri i denoncuar si i Agron Xhafajt në video-përgjimin e dosjes “Babalja”.

“Dokumente zyrtare të Prokurorisë së Përgjithshme, që provojnë se Fredi Alizoti, aktori i Edi Ramës, është sajesë e vetë Fatmir Xhafës”.

Biseda zhvillohet mes Fredi Alizotit dhe drejtorit të përgjithshëm të policisë Fier më 1 qershor në orën 5 pa 8 minuta.
____________________________________________________

Drejtori pol. Fier: Përshëndetje
Alizoti: Përshëndetje si ja kalon?
Drejtori pol. Fier: Si je? Kush jeni ju zotëri?
Alizoti: Unë jam Fredi Alizoti
Drejtori pol. Fier: O Fredi, unë jam Drejtori i Policisë së Qarkut Fier
Alizoti: Unë jam te QTU-ja dhe po të pres
Drejtori pol. Fier: Te QTU-ja?
Alizoti: Po
Drejtori pol. Fier: Unë jam në Lushnje
Alizoti: Dëgjo vëllanë
Drejtori pol. Fier: Po
Alizoti: Të flas nga afër unë dhe ti spjegoj të gjitha rrethanat dhe do ikim në Tiranë
Drejtori pol. Fier: Po ti ku rri me shpi?
Alizoti: Unë po të them te QTU-ja.
Drejtori pol. Fier: He
Alizoti: Po të pres te QTU-ja

17 MINUTA MË VONË
ora 5 e 13 min

Alizoti: Do ta zgjidhësh ti ktë punë apo ta zgjidhi shefi lartë e vlla, se unë po marr taksi tani e po iki lart
Drejtori pol. Fier: Do vi të marr unë thashë ore
Alizoti: Me ça do vish ti?
Drejtori pol. Fier: U ktheva nga rruga, do vi të marr unë
Alizoti: Po në rregull hajd po të pres ktu

7 MINUTA MË VONË
Ora 5 e 20 min

Alizoti: Hë o vëlla ç’bëre
700: Hiç
Alizoti: Ej mbaroi ky muhabet
700: Mirë boll e vlla, ça të them vllai
Alizoti: Dëgjo mua ej, 5 minuta vjen më merr drejtori i përgjithshëm i Fierit ktu, pesë muhabete i ka bërë, mora një pako të mirë
700: Ok lali
Alizoti: Ej do ta dëgjosh do ta dëgjosh
__________________________________________________

6 ditë pas deklaratës së dhënë në prokurori, ku Alizoti prentendoi se ishte zëri i regjistruar në audio përgjimin që pretendohej të ishte i vëllait të ministrit të brendshëm nga akuzuesit…

Enkelejd Alibeaj: “Aktori i vetëshpallur nga Edi Rama, telefonohet përsëri, personalisht nga Drejtori i Policisë Qarku Fier, i cili e pyet se çfarë po bën dhe ku ndodhet, dhe Alizoti i përgjigjet “lart ku më lartë”. Alizoti i kërkon Drejtorit të Policisë Fier që të takojë “Shefin e madh” me patjetër atë ditë, duke e garantuar se “nuk ka më kthim mbrapa, ato që janë bërë nuk kthehen më mbrapa”.

Për këtë Partia Demokratike shtroi këto pyetje:

• Çfarë “pako” ka marrë Fredi Alizoti? Kush ia ka dhënë atë?
• Kush është Taulanti nga Librazhdi që i ka thënë Fredi Alizotit “hap gojën sa do”?
• Çfarë shërbimi ka ofruar Fredi Alizoti dhe sa është paguar për këtë?
• Pse e ka telefonuar përsëri në datën 7 Qershor 2018 Drejtori i Policisë së Qarkut Fier shtetasin Fredi Alizoti?
• Cili është “shefi i madh” i Drejtorit të Policisë së Qarkut Fier që kërkon të takojë Fredi Alizoti?

Por për demokratët, çdo shqiptar i ka të qarta përgjigjet dhe Edi Rama dhe Fatmir Xhafaj nuk mund të fshihen më përballë fakteve që kanë fabrikuar dëshmitar për të mbrojtur një trafikant droge, përfundoi Alibeaj./abcnews.al

KRONIKE-VENDIMI-BABALE-MOTIVET.mpg_snapshot_00.04-1280x720.jpg
G. P.19:21 | 09/10/2018

“ABC News” ka siguruar një kopje të vendimit të Gjykatës për Krimet e Rënda, që la në qeli Fredi Alizotin, personin që paraqitet në audiopergjimin e Babales si Agron Xhafaj. Vendimi hedh dritë mbi deklarimet e Alizotit, arsyet pse pranoi të aktrojë zërin e Agron Xhafës, si edhe motivet që shtynë atë dhe personat e tjerë të përfshihen në këtë inskenim.

Një telefonatë e bërë në 1 qershor 2018 nga Fredi Alizoti drejt sallës Operative të Policisë së Fierit ka qenë surprizuese për Prokurorinë për Krimet e Rënda, që përgjonte prej dy javësh komunikimet e tij. Në këtë telefonatë 45 vjeçari pranonte para një zyrtari policie se dëshmia e Babales ishte false. Dy minuta më vonë ai ka pranuar të njëjtin fakt në një telefonatë me drejtuesin e Policisë së Fierit.

“Ajo që është bërë në përgjime. Ajo që është bërë me Babalen në përgjime. Kam qënë unë që e kam bërë. Unë kam qenë në vend të Agronit. Na premtuan 200 mijë euro. Unë s’i kam marrë asgjë. Mori Berti 70 mijë euro dhe iku, e kupton. Jam i sigurt dhe me dorën në zjarr”.

Bisedat që i kanë dhënë një kthesë të fortë hetimit zbardhen në vendimin e Gjykatës për Krimet e Rënda që caktoi masat e sigurisë për Alizotin dhe Olldashin, një kopje e të cilit u sigurua nga “ABC News”.

Vendimi hedh dritë mbi dëshmië e dhënë nga Fredi Alizoti në Prokurorinë për Krimet e Rënda. Sipas gjykatës, rreth muajve tetor-nëntor 2017 Babalja i ka thënë se donte t’i bënte një regjistrim shtetasit Agron Xhafajh, por nuk po i gjendet doitë anën sepse ai nuk e afronte. Babalja i kishte thënë gjithashtu të bënin një regjistrim ku Alizoti të hiqej sikur ishte Agron Xhafaj dhe si shpërblim do të merrnin 200 mijë euro nga deputeti me mbiemrin Salianji. Alizoti ka deklaruar më tek se biseda është regjistruar tek një lokal në Vlorë, përballë me atë të Agron Xhafatj dhe zëri në regjistrim ishte i tij, por nuk i kishte marrë paratë e premtuara.
Në pjesën arsyetuese të vendimit, Gjykata vlerëson edhe motivin që ka shtyrë të hetuarit e çështjes në atë që dyshohet të jetë inskenim i një audio-përgjimis.

Sipas gjykatës, Albert Veliu, Babalja, dyshohet se ka pasur motiv përfitimin financiar dhe përfitimin e statusit të azilantit për vete dhe familjen. Përfitimi financiar ka qenë motiv i dukshëm, sipas gjykatës, edhe për Fredi Alizotin. Ndërsa për gazetarin Olldashi, gjykata ngre dyshime se motivi i tij ka qenë denigrimi i figurës së Ministrit të Brendshëm, Fatmir Xhafaj./abcnews.al

XHAFAJ-PER-VRASJEN-NE-BLLOK-1280x720.jpg
ent ela14:10 | 05/10/2018

Ministri i Brendshëm Fatmir Xhafaj i pyetur për ngjarjen e mbrëmshme në Tiranë, nuk bëri ndonjë koment konkret. Por ministri garantoi për luftën pa kompormis të policisë ndaj krimit.

“Këtu ne po flasim për shumë më tepër se një kriminel, apo një grup i tillë kriminal, me të cilët jemi futur në një luftë pa kompromis”.

Kaq tha Ministri i Brendshëm për ngjarjen që ndodhi mbrëmjen e së enjtes në zonën e ish bllokut ku mbeti i vrarë një person.

Sipas kësaj përgjigje qëndrimi i ministrit ndaj situatës kriminale në vend duhet lexuar në bilancet operacionit forca e ligjit.

“Në 11 muaj në Shqipëri janë goditur 9 grupe kriminale me mbi 130 të arrestuar dhe janë sekuestruar 17-18 milionë euro vetëm nga këto grupe kriminale”.

Në konferencën e përbashkët për shtyp me me homologun austriak, Herbert Kickl dhe Komisionerin Evropian Dimitris Avramopoulos, ministri Fatmir Xhafaj deklaroi se në javët në vijim të tjera rezultate positive do të publikohen mbi goditjet e grupeve kriminale.

Duke saktësuar se ministrat drejtojnë në nivel strategjik politik dhe institucional çështjet operacionale i përkasin Drejtorisë së Përgjithshme të Policisë u shpreh ministri i Brendshëm, duke mos pranuar të bëjë deklarata të drejtpërdrejta mbi ngjarjen që ndodhi në zonën e ish bllokut.

 “Besoj që përgjigja që dhashë pak më lart është e vlefshme”. /abcnews.al

 

 

SALIANI-1280x720.jpg
ent ela13:34 | 05/10/2018

Për gati dy orë, deputeti i PD, Ervin Salianji, u mor në pyetje në Prokurorinë për Krimet e Rënda lidhur me akuzat e hedhura nga PD drejt vëllait të ministrit të brendshëm për çështjen “Babalja”.  Deputeti u pyet për disa mospërputhje mes dëshmisë së tij të parë të dhënë në Maj 2018 dhe fakteve të reja të dala në dritë nga hetimi.

Deputeti i Partisë Demokratike, Ervin Salianji, u paraqit paraditen e së premtes në Prokurorinë për Krimet e Rënda. Për gati 120 minuta ai dha shpjegime për prokurorët që po hetojnë mbi audio-përgjimin e publikuar nga Partia Demokratike mes Albert Veliut të njohur si “Babalja” dhe një personi tjetër të pretenduar si Agron Xhafaj, vëllai i ministrit të Brendshëm, Fatmir Xhafaj.

Jashtë godinës së qelqtë, Salianji tha se depozitoi prova të reja për çështjen që sipas tij po zvarritet.

“Është e qartë që Fatmir Xhafaj nuk mund ta hetojë veten, drejton hetimet për vëllain e kapur me trafik droge. Bashkë me Ramën po përdorin të gjithë infrastrukturës shtetërore dhe pushtetin politik për të varrosur këtë ngjarje. Nuk kam besim tek prokuroria dhe kam arsye të forta”, tha ai.

Edhe pse pa besim në institucionin e akuzës ai nuk dha detaje për deklarimet e tij apo faktet e paraqitura, në respekt të sekretit hetimor.

“Kam çmontuar për dy orët të gjitha të pavërtetat që janë bërë ne media… për të treguar dy standardet”.

Kjo ishte hera e dytë që Salianji pyetet në prokurori për llogari të këtij hetimit. Burime të rezervuara pranë prokurorisë, konfirmuan se deputetit i janë kërkuar sqarime me disa mospërputhje mes thënieve të tij të mëparshme, me fakte të dala në dritë gjatë hetimit./abcnews.al

xhaf-933x445.jpg
ent ela10:53 | 03/10/2018

Ministri i Brendshëm Fatmir Xhafaj priti Sekretarin e Shtetit në Ministrinë e Brendshme Federale të Gjermanisë, z.Stephan Mayer. Sekretari i Shtetit, duke nënvizuar nivelin e lartë të bashkëpunimit policor, theksoi nevojën për ta thelluar atë në vijim, duke deklaruar se bashkëpunimi me Shqipërinë mbetet një prioritet strategjik.

Mayer prezantoi një sërë projektesh të rëndësishme që do të paraqiten në javët në vijim, sidomos asistencë teknike, infrastrukturore e teknologjike për Policinë Kriminale dhe Policinë Kufitare shqiptare.

Nga ana e tij ministri Xhafaj i shprehu mirënjohjen Qeverisë gjermane për mbështetjen e ofruar Shqipërisë në rrugën drejt integrimit evropian dhe vlerësoi me nota shumë pozitive marrëdhëniet ndërmjet dy vendeve.

“Marrëdhëniet mes dy Ministrive reflektohen në marrëdhëniet e shkëlqyera policore, e shprehur kjo në operacione të përbashkëta, shkëmbim intensiv informacioni, si dhe disa aksione në proces. Më tej, Ministri i Brendshëm shprehu synimin dhe objektivin për të thelluar dhe forcuar edhe më shumë këtë bashkëpunim sidomos në fushën policore, qoftë në nivel operacional, ashtu edhe në nivel institucional”.

Gjatë ekspozesë së bërë mbi veprimtarinë e Ministrisë së Brendshme, z. Xhafaj u ndal në disa çështje kyçe, si: lufta kundër krimit të organizuar, lufta kundër terrorizmit, ekstremizmit  dhe radikalizmit të dhunshëm, çështjet e migracionit të paligjshëm dhe azil kërkimit, si dhe procesi i Vetting-ut në Polici.

Sekretari i Shtetit i konsideroi shumë të rëndësishme dhe pozitive rezultatet e arritura nga Shqipëria gjatë vitit të fundit, rezultate të cilat dëshmojnë qartë për progresin dhe hapat që ka hedhur vendi ynë në rrugën drejt Bashkimit Evropian. /abcnews.al

PROVOKACIJA-MONOLOGU-DHE-FATMIR-XHAFAJ-1280x720.jpg
ent ela21:04 | 21/09/2018

Ministri i Brendshëm i është përgjigjur edhe akuzave të opozitës për rritje të kriminalitetit në vend dhe më konkretisht në qytetin e Vlorës. Me shifra dhe statistika Xhafaj informoi se janë më shumë ngjarje të zbardhura se në kohën e PD-së.  Ai hodhi poshtë pretendimin e opozitës dhe theksoi se:

“Po të marrim Vlorën që opozita e quajti qyteti i krimit, i kapur nga terrori i vrasjeve. Nga 2006-2009 në Vlorë ishin 9 vrasje në vit, 36 vrasje 28 të zbuluara. Nga 2010-2013, 11 vrasje në vit, 42 vrasje 32 të zbuluara. 2014-2017, 32 vrasje me 22 të zbardhura,  8 vrasje në vit. Në 2018 në Vlorë janë 6 vrasje 5 të zbuluara”.

Ministri Xhafaj përjashtoi masakrën në fshatin Resulaj, ku u vranë 8 përsona, pasi sipas tij këto janë ngjarje atipike që ndodhin në çdo vend të botës dhe asnjë polici nuk mund t’i mendojë.  /abcnews.al

 

XHAFAJ-BUSHATI-PER-ARMET.mpg_snapshot_00.14-1280x720.jpg
ent ela14:08 | 20/09/2018

Brenda tremujorit të parë të vitit të ardhshëm në vendin tonë do të jetë ngritur një strukturë e posaçme për grumbullimin e armëve pa leje që ndodhen në duart e qytetarëve. BE organizoi një takim në Tiranë për këtë qëllim.

“Keqpërdorimi i armëve dhe trafikimi i tyre përbën problem serioz për të gjithë rajonin”.

Kështu u shpreh ministri i Brendshëm, Fatmir Xhafaj gjatë një takimi kundër trafikimit të armëve, e lançuar nga Gjermania dhe Franca.

“Vitet e fundit qeveria ka ndërmarrë një sërë masash për një kontroll më rigoroz të qarkullimit të armëve. Gjithashtu Shqipëria ka kërkuar një zgjidhje për mbajtjen pa leje apo trafikimin e armëve. Ministria e Brendshme mbetet tërësisht e angazhuar për ngritjen e Njësisë Qendrore te Armëve të Zjarrit, si strukturë organike, brenda tremujorit të parë të vitit 2019”.

Ndërkohë ministri i Jashtëm Ditmir Bushati, theksoi se armët e zjarrit dhe trafikimi i tyre kanë një përhapje të gjërë në Ballkan dhe në këtë pikë duhet të jetë një sfidë rajonale e jo vetëm të një shteti.

“Ne i mëshojmë domsdoshmërisë së bashkëpunimit rajonal në këtë fushë siç nënvizohet në strategjinë për Ballkanin Perëndimor që u publikua në shkurt të këtij viti ky rrezik nuk mund të adresohet individualisht se para se të jetë një sfidë kombëtare është një sfidë për rajonin tonë”.

Takimi i së enjtes u organizua nga BE dhe lançuar nga, ku kërkohet  ngritja e një strukturë të posaçme për pikëgrumbullimi e armëve pa leje të, cilat gjendet me shumicë në vendin tonë pas hapjeve të depove të armative në vitin 1997. /abcnews.al

Gazetar i ABC News: Andi Qosja

basha-deklata-e-jahstezakonshme-1280x608.jpg
ent ela19:14 | 18/09/2018

Në një deklaratë të jashtëzakonhsme për mediat kreu demokrat Lulzim Basha paralajmëroi kryeministrin Edi Rama se do të mbajë përgjegjësi me kokën e tij nëse i preket qoftë edhe një fije floku përfaqësuesve të opozitës në Jalë.

“Një fije floku po iu prek çdo deputeti apo përfaqësuesi të opozitës nga banditi yt Fatmir Meta përgjegjësinë do ta mbash ti dhe vetëm ti Edi Rama në kokën tënde”.

Reagimi i kreut demokrat erdhi pas shembjes së banesave të banorëve në Jalë, ku ishin të pranishëm edhe deputetët e opozitës  Meçorapja dhe Agron Shehu, të cilët sipas Bashës iu bashkuan banorëve pasi shpërtheu konflikti. Basha akuzoi kryeinspektorin Fatmir Meta për dhunën e ushtruar ndaj banorëve dhe kërcënimin ndaj deputetit demokrat Shehaj. Ai tha se Partia Demokratike depozitoi kallëzim penal ndaj tij.

Sipas Bashës prania policore në Jalë ka vetëm një qëllim për të grabitur trojet e çmuara të Jalë.

“Prania policore në Jalë ka vetëm një qëllim për të grabitur trojet e çmuara të Jalës. Kjo ishte e dhunshme, akte të rënda si shoqërimi i të miturve. Dëshmitarët kanë dëshmuar se toka do i kalojë Ministrisë së Mbrojtjes për t’u shndërruar në pasuri të miqve të Ramës.

Shembja e banesave është bërë pa paralajmërim, ndërkohë që kompleksi i Xhillarit, mirëbërësit e donatorit të Ramës që ka zaptuar bregdetin e Jalës nuk e preku fare ku operacion.

Deputetë tanë u nisën pasi shëprtheu konflikti. Policia dhe IKV janë sjellë si banditë me banorët e përfaqësuesit tanë

Kryeinspektori Fatmir Meta kërcënoi deputetin e PD Agron Shehaj, ndërsa ai ishte në detyrë duke i kërkuar llogari inspektori”.

Basha solli në vëmendje se Fatmir Meta, ka qenë ish-shefi i Komisariatit të Tropojës periudhën më të errët . Me makinën e tij udhëtoi banda që ekzekutoi Azem Hajdarin.

“Për ata që nuke njohim Fatmiri i Nasibesë është ish- shefi i komisariatit të Tropojës në periudhën më të errët. Me makinën e tij udhëtoi banda që ekzekutoi Azem Hajdarin”.

Kreu demokrat akuzoi kryeministri Rama dhe ministrin Xhafa se e kanë hedhur policinë në sulm për të mbrojtur grabitjen dhe kriminelët, ndërsa vendi nuk ka siguri.

“Rama e Xhafaj e kanë hedhur policinë në sulm për të mbrojtur grabitjen, kriminelët, për të ndarë paratë. Nga Kukësi në Jalë e gjithë  Shqipërinë po ushtrojnë dhunë. Policia është kthyer në bandë pa tru, nuk ka siguri për askënd përveç krimineleve që bëjnë ligjin me bekimin e Edi Ramës”. /abcnews.al

BASHA-SINKRON.mpg_snapshot_00.06-1280x720.jpg
ent ela11:23 | 16/09/2018

Kreu i Partisë Demokratike Lulzim Basha përmes një video-mesazhi të postuar në rrjetin social facebook e ka quajtur aksionin e parë të qeverisë Rama 1, atë ndaj lojrave të fatit të quajtur “Fundi i Marrëzisë”, si lëvizje për kontrollin e biznesit të bixhozit i cili jo vetëm nuk u mbyll si ishte premtimi elektoral i kryeministrit, por u rrit me 4 here, thekson Basha. 4230 të tilla numëron sot Partia Demokratike, përballë 928 pika bastesh në 2013-ën kur Edi Rama mori mandatin e kryeministrit.

Videoja kujton deklaratën e kryeministrit Rama më 31 Tetor 2013 kur deklaronte se ky aktivitet kriminal sipas tij ka domosdoshmërinë e mbështetjes së ministrit të brendshëm dhe Kryeministrit personalisht. Përmes kësaj videoje, Lulzim basha ka përsëritur akuzën se 1 nga 3 kompanitë në industrinë e bixhozit është e kontrolluar nga vëllai i ministrit të brendshëm Xhafaj, ndërsa ai i kryeministrit, Olsi Rama sipas selisë blu ka monopolin e monitorimit të pikave të basteve. 500 milion dollarë qarkullon kjo industri, e cila kontrollohet nga krimi i organizuar – përfundon mesazhi i Paartisë Demokratike. /abcnews.al

XHAFAJ-ME-HOMOLOGUN-AUSTRIAK-1280x720.jpg
ent ela19:26 | 13/09/2018

Këtë vit në vendin tonë kanë hyrë pesë herë më shumë emigrantë të paligjshëm se vitin e kaluar. Deklarata vjen nga ministri i Brendshëm Fatmir Xhafaj në një dalje për mediat me homologun austriak në Vjenë. Në mbyllje të konferencës së ministrave të Brendshëm të vendeve të Ballkanit, pjesëtare të Konventës për Bashkëpunimit Policor për Evropën Juglindore, ministri Xhafaj theksoi se Shqipëria eshte duke u përballur me këtë gjë. Ndërkohë mirepret kontributin e Brukselit, Austrisë dhe vendeve të tjera anëtare për të zgjeruar kapacitetet teknike në mënyrë që ta përballojë më së miri këtë fluks migrator në rritje. Ndërsa ministri austriak Kickl foli mbi shkëmbimin e informacioneve për çështje të sigurisë mes vendeve të BE-së e zgjerimin dhe në Ballkanin Perëndimor. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono