xhacka

57408114_2096955547006821_2210424138865049600_n.jpg
ent ela10:10 | 19/04/2019

Ministrja e Mbrojtjes, Olta Xhaçka zhvilloi një vizitë zyrtare në Pentagon, e dyta brenda një viti, ku u prit nga sekretari i Mbrojtjes në detyrë, Patrick Shanahan.

Ajo  i cilësoi SHBA një mik të madh dhe aleat të popullit shqiptar. Sipas saj, fati i rajonit të Ballkanit do të kishte qenë ndryshe pa mbështetjen e aleatit strategjik.

Gjatë bisedës me shefin e Pentagonit, ministrja Xhaçka foli për reformat kryesore për të ndërtuar institucione më të forta demokratike dhe për të forcuar sundimin e ligjit.

Ajo permendi edhe ngritjen e bazës ushtarake në Kuçovë, që do të jetë e para bazë ajrore e NATO-s në rajonin tonë.

Ky zhvillim e njeh rolin e Shqipërisë si një spirancë e stabilitetit në rajon dhe rrit rëndësinë tonë strategjike për Aleancën në tërësi”, tha ministrja Xhaçka.

Për sekretarin amerikan të Mbrojtjes Shanahan, Shqipëria është një partner i fortë, ndërsa nënvizoi ndër të tjera angazhimin e vendit tonë në misionet paqeruajtëse si dhe objektivin e qeverisë shqiptare për t’i dedikuar mbrojtjes, 2% të Prodhimit të Brendshëm Bruto.

Departamenti Amerikan i Mbrojtjes do të ndihmojë modernizimin e Forcave të Armatosura shqiptare, veçanërisht të Forcës Ajrore, edhe përmes disa helikopterëve “Black Haëk”.
Marrëveshja e arritur, gjithashtu parashikon edhe mirëmbajtjen e këtyre mjeteve si dhe trajnim të vazhdueshëm të pilotëve dhe teknikëve shqiptarë.

Sa i takon rrezikut rus në rajon, dy zyrtarët e lartë të mbrojtjes të Shqipërisë dhe Shteteve të Bashkuara të Amerikës deklaruan se dy vendet janë partnerë të fortë edhe përballë këtij rreziku.
/abcnews.al

rinas-2.jpg
ent ela17:25 | 11/04/2019

Siguria e aroporit të Rinasit është në plan të parë, duke angazhuar edhe trup të policisë ushtarake të cilët bëjnë patrullimin në të gjithë perimetrin e jashtëm të aeroportit.

ABC News ndoqi nga afër sesi janë marrë masat  shtetë, ndërsa janë udhëtarët shprehen të sigurt pavërësisht grabitjes së ndodhur ne terminal. Aeroporti i Rinasit ka marrë një tjetër pamje pas grabitjes të së martës të ndodhur brenda terminalit.

Forcat Ushtrake kanë marrë në ruajtje të gjithë perimetrin e jashtëm të aeroportit, cilat patrullojnë në intervale  të ndryshme kohore. Për të parë situatën nga afër ishin edhe dy anëtaret e qeverisë Rama, ministrja e Mbrojtjes Olta Xhaçka dhe ajo e Infrastrukturës dhe e Energjisë Belinda Balluku.

Pavarësisht grabitjes së ndodhur brenda pistës së aeroporit të Rinasit, udhëtarët shprehen të sigurt brenda dhe terminalit dhe jashtë tij. Madje ka edhe nga ata që shprehen skeptikë për sigurinë.

ABC News ndoqi nga afër një nga patrullat policisë ushtarake. Minitorimi bëhët çdo 10 minuta dhe brenda blindit ndodhen 6 efektivi të gatshëm për çdo situatë rreziku. Gatishmëria është plan të parë.

Pika më e dobët e sigurisë është pikërisht ana fundore e aeroportit të Rinasit, nga ku u larguan autorët pasi arritën në grabisnin një sasi të konsiderueshme parash. Po edhe në këtë drejtim janë shtuar disa disa masa shtesë.

Gazetar: Andi Qosja

SINKRON-OLTA-XHACKA.mpg_snapshot_00.41-1280x720.jpg
ent ela15:14 | 11/04/2019

Në Rinas policia ushtarake është vendosur në perimetrin e jashtëm të aeroportit Nënë Tereza. E pranishme ministrja e mbrojtjes e cila ka sqaruar se vendimi për të vendosur Forcat e Ushtrisë në zone ne aeroportit, pas grabitjes së parave në pistën e avionëve nuk ka nevojë për marrje leje nga Presidenti, pasi vendi nuk është në kohë lufte. /abcnews.al

MBULIM-DHURATA-CUPI-PER-XHACKEN-1280x720.jpg
ent ela16:23 | 01/04/2019

Jo vetëm qesharake, por edhe të përsëritura i sheh Partia Demokratike deklaratat e ministres së mbrojtjes Olta Xhaçka për zjarrëveniet.

Sipas  ish-deputetes demokrate Dhurata Çupi, ministrja përsëriti skenarin e akuzave të pabaza hedhur në drejtim të Partisë Demokratike.

“Nëse minisitrja e mbrojtjes ka informacione mbi aktet kriminale ajo ka detyrimin t’i depozitojë ato në prokurori,- thekson Çupi.

Në vend që të shpallë opozitën armik për çdo dështim të saj, qeveria duhet të përqëndrohet në identifikimin e zjarrvënësve, -thekson ish-deputetja demokrate./ abcnews.al

 

Olta-Xhacka-zjarret.jpg
ent ela15:06 | 01/04/2019

Në një deklaratë për median, ditën e sotme, Ministrja e Mbrojtjes Olta Xhaçka, ka vënë theksin te situata aktuale e zjarreve në vend. Sipas Xhaçkës, zjarret janë të qëllimshme, duke i cilësuar këto veprime si akte kriminale dhe vandale.

“Ajo që e bën këtë situatë edhe më të pashpjegueshme është fakti që këto zjarre janë akte kriminale, pra ato janë ndezur qëllimisht dhe në pjesën dërrmuese të rasteve pa asnjë arsye përfitimi prapa. Pra s’kemi të bëjmë me zjarre të vëna për të hapur kullota apo zjarre të vëna padashje duke djegur mbeturinat, në pjesën dërrmuese këto janë akte të pastra vandalizmi”, theksoi ajo.

Ministrja Xhaçka u shpreh se, në krahasim me vitin e kaluar, nuk ka patur zjarre të këtyre përmasave dhe kaq të shumta në numër. Pavarësisht se kushtet atmosferike kanë qenë të njëjta, sipas saj ky është një fakt që bën të mendosh për zjarrvënien e qëllimshme.

Unë dua t’ju jap sot disa fakte që edhe media, por edhe qytetarët të kuptojnë më mirë përse e quaj këtë një situatë të pazakontë.

Gjatë muajit Mars janë shënuar plot 243 vatra zjarri, të shpërndara gjeografikisht në pothuajse të gjithë territorin e vendit. Mesatarisht, 8 vatra zjarri në ditë, edhe pse temperaturat kanë qenë nën 20 gradë, e madje në shumë prej këtyre zonave shumë më poshtë se aq.

Vjet, në të njëjtën kohë ky numër ka qenë 0 edhe pse kushtet atmosferike kanë qenë të ngjashme. Dhe sado të kthehesh mbrapsht në vite nuk mund të gjesh një vit tjetër me këtë frekuencë zjarresh”, u shpreh në deklaratën e saj Xhaçka./abcnews.al

xhacka-1-1280x732.jpg
ent ela21:37 | 28/03/2019

Në vigjilje të festimeve për 10-vjetorin e anëtarësimit në Aleancën më të madhe ushtarake Ministria e Mbrojtjes ka zhvilluar ceremoninë e pritjes zyrtare të aleatëve dhe partnerëve nga 29 vende të NATO. Ministrja Olta Xhaçka në fjalimin e saj nënvizoi se sot Shqipëria është kthyer në një partner të besueshëm dhe aset strategjik në rajon./abcnews.al

xhacka-1280x724.jpg
ent ela10:43 | 21/03/2019

Arkivi Qendror i Forcave të Armatosura shënon 55-vjetorin e krijimit. Ai regjistron  516 fonde arkivore dhe një trashëgimi dokumentare prej 35 milionë fletësh. Në ceremoninë e organizuar me këtë rast, ministrja e Mbrojtjes Olta Xhaçka, e cilësoi arkivin kujdestar të kujtesës dhe vlerave historike të Forcave të Armatosura.

Arkivi Qendror i Forcave të Armatosura u nderua nga Ministrja e Mbrojtjes me medaljen e mirënjohjes, ndërkohë që u vlerësuan me medalje edhe dy punonjëset më të vjetra./abcnews.al

020.jpg
ent ela14:04 | 06/03/2019

Shqipëria vlerësohet edhe njëherë për rolin e saj kyç në sigurinë dhe stabilitetin në Ballkanin Perëndimor.Ministrja e Mbrojtjes, Olta Xhaçka zhvilloi një vizitë pune në Komandën e Forcës së Bashkuar të Aleancës së Atlantikut të Veriut me qendërnë Napoli (Allied Joint Force Command Naples), ku u prit nga komandanti i kësaj force, admiral James Foggo, i cili është njëkohësisht edhe komandant i forcave detare të SHBA për Europën dhe Afrikën. Një prej zonave të përgjegjësisë së JFC në Napoli është edhe Ballkani Perëndimor.

Gjatë takimit, ministrja e Mbrojtjes, Xhaçka nënvizoi drejtimin Strategjik të NATO-s në Jug të Aleancës, si kontribut vendimtar për paqen dhe stabilitetin në këtë zone të Aleancës.

Ajo siguroi admiralin amerikan se vendi ynë do të vazhdojë të promovojë politikën e dyerve të hapura dhe të bashkëpunimit mes vendeve të rajonit.

“Shqipëria është e vendosur të jetë qendër e paqes, sigurisë dhe stabilitetit në Ballkanin Perëndimor si dhe zëri kryesor për vlerat dhe aspiratat euroatlantike të vendeve të rajonit, duke përfshirë Kosovën. Në funksion të një rajoni më të sigurt e të mbrojtur nga kërcënimet që vijnë nga Rusia, për Ballkanin Perëndimor e ardhmja e vetme është orientimi drejt perëndimit”, tha ministrjaXhaçka në takimin me admiral Foggo.

Për komandantin e Forcës së Bashkuar, Shqipëria perms pjesëmarrjes në misionet paqeruajtëse të NATO-s si dhe rolin e saj aktiv në rajon, ka treguar se është një anëtare e denjë e Aleancës dhe kontribuese për paqen dhe sigurinë.

“Kontributi dhe roli i Shqipërisë për bashkëpunimin mes vendeve të rajonit është mbresëlënës”, tha admiral Foggo gjatë bashkëbisedimit me ministren shqiptare të Mbrojtjes.

Dëshmi e kësaj, përfundoi admiral, është edhe konferenca rajonale e Ballkanit Perëndimor dhe Detit të Zi që Komanda e Forcës së Bashkuar Aleate do të organizojë në Tiranë gjatë muajit maj. /abcnews.al

XHACKA-NE-DIBER.mpg_snapshot_00.32-1280x720.jpg
ent ela12:17 | 03/03/2019

Zgjedhjet vendore të këtij viti dhe ato parlamentare në verën e vitit 2021 nuk do të cënohen. Këtë garanci u dha banorëve të qarkut të Dibrës Ministrja e Mbrojtjes Olta Xhaçka. Ndërsa opozitën e paralajmëroi se shqiptarët nuk do të lejojnë një ’97 të dytë.

Ministrat dhe deputetët socialistë kanë filluar të shpërndajnë nëpër Shqipëri të njëjtën njoftim: Nuk do të ketë ndryshim të kalendarit të zgjedhjeve në vend. Thonë se këtë e bazojnë në raportin që kanë me qytetarët.

“Raporti ynë kryesor dhe final është ai me qytetarët, është besimi që ata na kanë dhënë, është puna që ne duhet të bëjmë për të shpërblyer besimin e tyre. Është shumë e rëndësishme që ne të intensifikojmë komunikimin me ta. Jo thjeshtë për të folur me ta për sukseset e qeverisjes sonë por, është me rëndësi tu tregojmë atyre sikundër edhe opozitës e partnerëve tanë ndërkombëtare, që janë mbështetja jonë dhe flasin se çfarë duhet të jetë e ardhmja e Shqipërisë, se ne jemi të gjithë bashkë e flasim të gjithë njëzëri”.

Ministrja e mbrojtjes Olta Xhacka, në cilësinë e të deleguarës së kryesisë së Partisë Socialiste kërkoi nga strukturat e partisë së Qarkut të Dibrës angazhim maksimal për zgjedhjet vendore. Duke komentuar situatën politike, të krijuar nga djegia e mandateve të deputetëve të opozitës, Xhaçka tha se është e paprecendentë.

“Dhe se ato forca që duan përparimin dhe integrimin e Shqipërisë janë shumë e shumë më tepër sesa ata pak vandalë që duan që Shqipëria të bëjë hapa mbrapa dhe që Shqipërinë ta persekutojë ende hija e ’97”.

Përfaqësuesit e kryesisë së PS theksuan në takimet e zhvilluara në të 4 bashkitë e qarkut Dibër se PS është e vendosur që të mos lejojë askënd të marrë peng të ardhmen evropiane të Shqipërisë. /abcnews.al

51919750_2005722869463423_6551173600102055936_o-1280x854.jpg
ent ela21:59 | 14/02/2019

Ministrja e mbrojtjes Olta Xhacka mori pjesë në Ministerialin e Ministrave të mbrojtjes të vendeve anëtare të NATO-s që u zhvillua në Bruksel e ku për herë të parë mori pjesë edhe Maqedonia e Veriut.

Ministrat e Mbrojtjes të NATO-s diskutuan dhe mbështetën unanimisht Shtetet e Bashkuara të Amerikës, mbi shkeljet e vazhdueshme nga Rusia të Traktaktit të Forcave Bërthamore me Rreze të MesmeVeprimi. Pjesë e diskutimeve në Ministerial ishte edhe situata e sigurisë në Kosovë dhe në të gjithë Ballkanin Perëndimor./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono