xhacka

XHACKA-PER-EMERGJENCAT-1280x720.jpg
ent ela11:02 | 08/08/2018

Ministria e Mbrojtjes është në gatishmëri të plotë për të përballuar çdo emergjencë që mund të vijë nga shkaqe natyrore.  Kështu  shkruan ministrja e mbrojtjes Olta Xhaçka në facebook, duke iu referuar rrezikut për zjarre në këto ditë të nxehta.

Nga parashikimet e marra edhe nga Instituti i Gjeoshkencave, Energjisë, Ujit dhe Mjedisit, në të gjithë territorin e vendit nuk ka pasur ngjarje të jashtëzakonshme, por temperatuirat e larta të këtyre ditëve janë një apel për vëmendje të shtuar dhe reagim të përgjegjshëm e në kohë ndaj çdo situate.

Ministrja Olta Xhaçka garanton se së bashku me Forcat e Armatosura do të jenë në ndihmë të strukturave të pushtetit vendor, për të ndihmuar në rast të situatave të zjarreve. Ministrja e mbrojtjes përsërit apelin ndaj qytetarëve që të bashkëpunojnë për të shmangur pasojat që mund të sjellin zjarret si edhe të rrisin përgjegjësinë e tyre individuale. Ajo kujton se çdo veprim abuziv, i kryer nga pakujdesia apo me paramendim ndëshkohet me ligj. /abcnews.al

IMG_5839-1280x853.jpg
ent ela13:55 | 25/05/2018

Ministrja e Mbrojtjes, Olta Xhaçka ka vazhduar turin e llogaridhënies publike në njësitë administrative Lis e Rukaj të qarkut të Dibrës.  E deleguara e qeverisë i ka siguruar banorët se do të jetë avokatja e zgjidhjeve të problemeve të tyre.

Jo vetëm llogaridhënie, por edhe premtime ka bërë Ministrja e Mbrojtjes Olta Xhaçka përpara banorëve të Lisit në Qarkun Dibër.

“Do të jem edhe unë një nga avokatët për të çuar përpara të gjitha ato çështje dhe për të adresuar të gjitha ato probleme që i ka komuniteti juaj këtu në qeveri apo edhe në bashki. Bashkia nuk është një aleati ynë, Bashkia është një pushtet i pavarur, Bashka dhe qeveria nuk kanë të bëjnë shumë me njëra-tjetrën  dhe megjithatë për sa më takon do të mundohem të gjej të gjitha urat e bashkëpunimit edhe me Bashkinë,  që të mund të shkojnë përpara disa gjëra të përbashkëta për t’ju ardhur në ndihmë”.

Ndër shqetësimet kryesore që shprehën banorët është ai i largimit nga skema e ndihmës ekonomike. Por ministrja i dha sqarimet në emër të qeverisë.

“Në qoftë se ndihmë ekonomike më përpara ka pas qenë një favor që i bënte kryetari i komunës ose Këshilli i Komunës vetëm militantëve të partisë në pushtet, sot formula e ndihmës ekonomike nuk manipulohet dot  fare, fare. Çfarë do të thotë? Abuzojnë të gjithë me ju që  thonë që po të kesh një televizor, por të kesh një gjë nga ato pyetjet e formulës  nuk merr ndihmën ekonomike. Kjo nuk është e vërtetë fare”.

Ndër të tjera banorët kërkuan ndërtimin e një ure “bailey” në lumin Tharm, sigurimin e ujit vaditës, asfaltim të rrugës Urakë-Bruç apo ndërhyrje në lumenjtë Urakë e Shutrrejë.

“Kërkesat janë qindra nga e gjithë Shqipëria. Vetëm gjatë emergjencave të pak muajve më parë na u prishën 60 ura ekzaktësisht 65 madje për të qenë më preciz, kjo do të thotë që na ka vështirësuar jashtëzakonisht në ndihmesën që mundtë japim ne si Forcë e Armatosur për atë pak magazinë apo depozitë që kemi ne të këtyre elementëve metalikë”.

Gjatë bashkëbisedimit, ministrja tha se në këtë mandat është bërë një menaxhim më i mirë i buxhetit sa i përket investimeve.

“Unë e di që ka shumë për të bërë dhe shumë gjëra që mund ti kishim bërë ndryshe dhe ndoshta më mirë, megjithatë mandati i parë qeverisës ka qenë një mandat i vështirë, një mandat ku na është dashur që ta fusim shtetin në binarët e ligjshmërisë, ta shpëtonim shtetin nga skenari grek i falimentimit, kemi bërë një menaxhim shumë të mirë të financave publike, ashtu si menaxhojmë buxhetin e një familjeje, me kujdes që të na dalë për të gjitha dhe sot në këtë mandat të dytë jemi në kushtet ku mund të themi se kemi më shumë para, më shumë mundësi për të investuar më shumë, për t’u kujdesur më shumë për të gjitha ato që janë nevojat edhe problematikat e zonave jo vetëm në qendër të qarkut por edhe në zonat më të largëta dhe më të izoluara”, u shpreh ministrja Xhaçka, në bashkëbisedim me banorët e njësisë Rukaj, në Dibër. /abcnews.al

020.jpg
ent ela15:29 | 23/05/2018

Ministrja e Mbrojtjes, Olta Xhacka zhvilloi një vizitë zyrtare dyditore në Izrael, e para vizitë e një ministri Mbrojtjeje të Shqipërisë në këtë vend.

Në takimin me homologun izraelit, ministrja Xhaçka i konsideroi si të një rëndësie të veçantë, marrëdhëniet politike mes Shqipërisë dhe Izraelit. Ministri Liberman vlerësoi rolin e Shqipërisë, për garantimin e sigurisë dhe paqes në Ballkanin Perëndimor dhe u shpreh se dy vendet ndajnë të njëjtat vlera, si aleatë strategjikë për sigurinë në rajon.

Ministrja e Mbrojtjes u takua edhe me zyrtarë të Drejtorisë Ndërkombëtare të Bashkëpunimit të Mbrojtjes. Në Jerusalem, ministrja Xhaçka zhvilloi takime në Këshillin Kombëtar të Sigurisë, si dhe bëri homazhe e vendosi kurorë me lule në Yad Vashem, Memoriali në nderim të viktimave të Holokaustit. /abcnews.al

040-1-1280x1036.jpg
ent ela11:27 | 27/04/2018

121 ushtarë të rinj iu bashkuan sot Forcave të Armatosura të Shqipërisë, ndërkohë që 135 të tjerë përfunduan me sukses stërvitjen 10-javore për përparimin e mëtejshëm në gradë.

256 ushtarët e rinj u betuan dhe u çertifikuan pas kryerjes së stërvitjeve individuale bazë dhe asaj të avancuar në Shkollën e Trupës në Bunavi.

E pranishme në ceremoninë e betimit dhe certifikimit të ushtarëve të rinj në Bunavi, ministrja e Mbrojtjes Olta Xhaçka uroi pjesëtarët më të rinj të Forcave të Armatosura shqiptare dhe i përgëzoi ata jo vetëm për zgjedhjen e bërë për t’iu bashkuar FA-së, por edhe për vullnetin e treguar gjatë stërvitjes.

Më tej ajo përmendi vëmendjen e shtuar të qeverisë shqiptare për ushtarakët shqiptarë si dhe mundësitë që Forcat e Armatosura ofrojnë për çdo të ri. /abcnews.al

 

F714445F-ED16-49CE-9F80-8610F41176AC_w1023_r1_s.png
ent ela23:43 | 17/04/2018

Sekretari amerikan i Mbrojtjes James Mattis falenderoi sot Shqipërinë për angazhimin e saj në NATO si një vend aleat, kontributi i së cilës shkon përtej madhësinë si shtet. “Shqipëria ka treguar se madhësia e saj gjeografike ka shumë më pak rëndësi, se sa angazhimi i saj në aleancë. Si një aleate e vendosur, Shqipëria godet më fortë se sa pesha e saj”, tha Sekretari Mattis gjatë takimit me Ministren e Mbrojtjes të Shqipërisë Olta Xhaçka.

Ai vlerësoi edhe rolin e Shqipërisë për të mos lejuar, siç u shpreh ai “ndikimin e dëmshëm rus në rajon”. “Angazhimi i Shqipërisë për pjesën e barrës që i takon vjen në një kohë kur Rusia po kërkon të përçajë aleacën tonë. Gjithashtu, pak vende në rajon kanë qëne më vigjilente se Shqipëria lidhur me ndikimin e dëmshëm rus në rajon dhe unë ju përgëzoj për punën tuaj për të ruajtur integritetin e institucioneve shqiptare”, tha sekretari Mattis.

Shqipëria ofron baza ushtarake

Gjatë takimit të martën në Pentagon, Ministrja e Mbrojtjes e Shqipërisë, Olta Xhaçka bëri thirrje për një prani ushtarake të Shteteve të Bashkuara në Shqipëri.
Ajo tha se Shqipëria po paraqet disa ide për të vënë në dispozicion baza tokësore, ajrore dhe detare por edhe aftësi të tjera, qoftë në mënyrë dypalëshe me SHBA ose në suazën e NATO-s.

Zonja Xhaçka u sugjeroi zyrtarëve amerikanë të mbrojtjes të shikojnë mundësinë që Shqipëria të shërbejë si vend kontakti në rajonin e Ballkanit Perëndimor. Sipas saj, një prani e SHBA ose e NATO-s mund të ishte një demonstrim i qartë se ky rajon nuk është harruar nga aleatët.

Ajo propozoi konkretisht baza dhe kantiere detarë të Shqipërisë, një aeroport ushtarak për furnizimin me karburant në ajër dhe zonën e stërvitjes në Bizë të Elbasanit si ide që mund të eksplorohen.

Ajo shprehu dëshirën që SHBA të shtojnë praninë e industrisë ushtarake në Shqipëri. Zonja Xhaçka tha se në Shqipëri mund të ketë zona të gjera ku SHBA mund të investojnë. Ajo tha se në një takim me firmën Lckheed-Martin në Uashington, i kishte ofruar firmës të angazhohet më shumë në shtimin e aftësive të vëzhgimit ajror dhe detar të Shqipërisë.

Zonja Xhaçka tha se krahas qëllimeve të Rusisë për t’u shtrirë në rajon dhe veprimeve të tyre destabilizuese vihen re edhe një shtim i synimeve dhe interesave nga vende të tjera si Kina, Irani apo edhe Turqia. Ajo tha se nevojitet të dërgohet një mesazh i fortë se vendet e Ballkanit perëndimor janë të orientuara nga perëndimi.

Zonja Xhaçka tha se “fati i Ballkanit Perëndimor është ai euro atlantik dhe kjo është përgjigjja më e mirë ndaj nacionalistëve ekstremistë fetare dhe ndërhyrjes ruse.”

Komentet e Sekretarit amerikan të Mbrojtjes, Mattis:

“Që nga anëtarësimi i saj në NATO në 2009, Shqipëria ka treguar se madhësia e saj gjeografike ka shumë më pak rëndësi, se sa angazhimi i saj në aleancë. Si një aleate e vendosur, Shqipëria godet më fortë se sa pesha e saj, duke kontribuar me trupa në misonet e NATO-s, duke u bërë vendi i parë që ka dhuruar armë dhe municione për të mposhtuar koalicionin e IS-sit. Gjithashtu ju keni punuar për të luftuar kundër përhapjes së ekstremizmit në Ballkan dhe më tej nëpërmjet Qendrës suaj të Ekselencës së NATO-s për luftëtarët terroristë të huaj. Faleminderit! Të gjitha këto tregojnë se Shqipëria është e përgatitur për të luajtur rol udhëheqës në Ballkanin Perëndimor, siç tregon edhe angazhimi juaj për të shtuar buxhetin e mbrojtjes në 2 për qind të PPB deri në vitin 2024. Faleminderit për rolin udhëheqës duke dhënë shembull për këtë. Angazhimi i Shqipërisë për pjesën e barrës që i takon vjen në një kohë kur Rusia po kërkon të përçajë aleacën tonë. Gjithashtu, pak vende në rajon kanë qëne më vigjilente se Shqipëria lidhur me ndikimin e dëmshëm rus në rajon dhe unë ju përgëzoj për punën tuaj për të ruajtur integritetin e institucioneve shqiptare. Amerikanët dhe shqiptarët kanë lidhje të forta. Programi i partneritetit me Gardën Kombëtare të Nju Xhersit pasqyron një lidhje më të thellë mes dy vendeve. Gjithashtu sot është dhe një moment mjaft i rëndësishëm për vendin tuaj.” /VOA

XHACKA-ME-BANORET-E-PERMBYTUR-1280x720.jpg
ent ela21:16 | 22/03/2018

Prioritet kryesor sipas ministres së Mbrojtjes mbetet evakuimi i banorëve dhe i gjësë së gjallë. Olta Xhaçka    gjatë inspektimit të zonave të përmbytura theksoi se bashkë me ju do punojmë për kapërcimin e situatës aktuale dhe për gjetjen e një zgjidhjeje afatgjatë.

Ministrja e Mbrojtjes Olta Xhaçka ka inspektuar zonat e përmbytura  në zonën e Nënshkodrës, në Anën e Malit dhe në Dajç Xhaçka deklaroi se mbi 550 efektivë të FA  janë në shërbim të banorëve 24  orë

Ministrja Xhaçka theksoi se bashkëpunimi mes të gjitha strukturave, qendrore vendore dhe banorëve është më i rëndësishëm se asgjë.

Prioritet kryesor sipas Ministres së Mbrojtjes mbetet evakuimi i banorëve dhe i gjësë së gjallë.

Xhaçka tha se për 10 ditë janë evakuuar mbi 2500 krerë bagëti. Ndërkohë që kanë mbërritur 90 ton koncentrat dhe pritet të mbërrijnë edhe 300 ton.

Ministrja u shoqërua nga prefekti Çesk Millja, drejtori i përgjithshëm i Emergjencave Civile, Shemsi Prençi, deputeti i zonës Luan Harusha. /abcnews.al

vlcsnap-error285-1-1280x720.jpg
ent ela12:57 | 13/02/2018

Karriera në Forcat e Armatosura të jetë e pastër si një garë sportive. Apeli vjen nga ministrja e Mbrojtjes Olta Xhaçka, e cila mori pjesë në aktivitetin e organizuar me rastin e Ditës Ndërkombëtare të Sporteve në ushtri.

Forcat e Armatosura të Republikës së Shqipërisë iu bashkuan ushtrive nga 135 vende të tjera në Ditën Ndërkombëtare të Sporteve në ushtri.

Ushtarë, nënoficerë dhe oficerë të të gjitha gradave garuan në dy disiplina, 10 km për vrapuesit djem dhe 6 km për vrapueset vajza.

Në vendin e parë për djem u rendit kapiten Bledar Mesi, i ndjekur nga ushtar Alban Faslliu nga Forca e Sigurisë së Kosovës. Në vendin e tretë u rendit toger Renato Dordi nga Forca Ajrore.

Në kategorinë e vajzave, vendin e parë e zuri kadete Xhuliana Tahillari nga Komanda e Doktrinës dhe Stërvitjes. Në vendin e dytë u rendit ushtare e tretë Sadete Popshini, ndërsa në shkallën më të ulët të podiumit u pozicionua Artemisa Axhami nga Policia Ushtarake.

“Ne jemi plotësisht të angazhuar që edhe karriera juaj t’i përngjajë kësaj gare të bukur sportive. Dhe po punojmë që kjo garë të jetë e pastër, e ndershme dhe e shëndetshme. Një garë ku secili prej jush të vlerësohet dhe promovohet në bazë të meritave dhe të performancës së treguar gjatë punës.

Kjo garë e ndershme do t’ju krijojë mundësinë të gjithëve që të shprehin sa më mirë që të jetë e mundur, nivelin e përgatitjes profesionale, në shërbim të Forcave tona të Armatosura dhe do të rrisë nivelin profesional të saj, si rrjedhim edhe cilësinë e realizimit të detyrave.”

Dita e vrapimit të Këshilli Ndërkombëtar i Sporteve në ushtri zhvillohet çdo vit nga vendet anëtarë të kësaj organizate duke u kthyer në ditën ku ushtarakë dhe civilë vrapojnë së bashku në gjithë botën nën flamurin e sportit dhe paqes./abcnews.al

020-2.jpg
ent ela11:42 | 26/01/2018

Shqipëria dhe Turqia do të bashkëpunojnë në industrinë ushtarake dhe atë të mbrojtjes. Konfirmimin Ministrja e Mbrojtjes Olta Xhaçka e mori gjatë takimit që zhvilloi me homologun e saj turk Nurettin Canikli në vizitën dy ditore që zhvilloi në Ankara.

Me truprojë nderi dhe ceremoni ushtarake në Ministrinë e Mbrojtjes Kombëtare të Turqisë është pritur Ministrja e Mbrojtjes Olta Xhaçka nga homologu i saj në Turqi.

Në vizitën e saj dy ditore veç marrëdhënieve shumë të mira mes dy vendeve,me ministrin e mbrojtjes kombëtare të Republikës së Turqisë Nurettin Canikli u diskutua edhe për bashkëpunim dypalësh në industrinë ushtarake dhe të mbrojtjes.

“Diskutuam lidhur me bashkëpunimin aktual ushtarak për trajnim, arsimimin e përbashkët. U dakordësuam për mundësitë e shumta, të cilat do eksplorojmë dhe mora mbështetjen maksimale nga kolegu im Canikli për plotësimin e çdo kërkese nga Shqipëria. Edhe për modernizimin e FA gjeta mbështetjen maksimale për çdo projekt, i cili do të gjykohet i nevojshëm për t’u zhvilluar . Me homologun turk pata veçse dakordësi për të zhvilluar kapacitet ushtarake. Trajtimi mjekësor i personelit ushtarak në Turqi do të vazhdojë dhe do të shtohet për të plotësuar të gjitha nevojat shëndetësore mjekësore, të cilat nuk i përmbushim dot në Tiranë.”-

Ministrja Xhaçka, takoi edhe studentët shqiptarë që studiojnë në akademitë ushtarake turke. Ajo u shprehu rolin dhe rëndësinë e tyre brenda Forcave të Armatosura, sapo ata të përfundojnë studimet.

”U konfirmova studentëve tanë që shkollohen në akademitë ushtarake turke që, do të vazhdojnë të jenë ndër shembujt e mirë të disiplinës dhe profesionalizmit dhe presim prej tyre që të vijnë dhe të bëhen pjesë solide e piramidës sonë ushtarake.”

Në vijim të vizitës së saj, ministrja Xhaçka vizitoi disa fabrika të industrisë ushtarake dhe u njoh nga afër me mjetet, pajisjet dhe armatimet që prodhohen aty.

Gjithashtu ministrja e Mbrojtjes e Shqipërisë u prit në takime të veçanta nga ministri i Brendshëm i Turqisë z. Süleyman Soylu dhe shefi i Shtabit të Përgjithshëm të Forcave të Armatosura turke, gjeneral me katër yje Hulusi Akar.

Pjesë e vizitës zyrtare të ministres Xhaçka, ishin edhe homazhet dhe vendosja e një kurore me lule në Anıtkabir, Mauzoleun e Mustafa Kemal Atatürk./abcnews.al

 

vlcsnap-error915-1280x720.jpg
ent ela11:55 | 12/01/2018

Personeli mjekësor ushtarak po kontribon për t’u ardhur në ndihmë banorëve të zonave të prekura nga përmbytjet e fundvitit të kaluar. Angazhimi i mjekëve dhe infermierëve me vizita dhe kujdes shëndetësor, sipas ministres së mbrojtjes Olta Xhaçka, do të vijojë nga një fshat në tjetrin.

Efektivë te FA po asistojnë ekipet mjekësore në zonat e goditura nga permbytjet e dhjetorit ku kërkesat nga komuniteti  janë të mëdha. Ministrja e Mbrojtjes, Olta Xhaçka vizitoi ekipet mjekesore ushtarake ne zonën e Porto Romanos në Durrës.

“Gjatë Dhjetorit kaluam një muaj të vështirë, por që u përballua me sukses nga Forcat e Armatosura. Kur flasim për emergjencat civile, asistenca mjekësore për familjet e prekura nga moti i keq është një element me shumë rëndësi. 13 mjekë dhe infermierë të Forcave të Armatosura, ofruan kujdes shëndetësor në zona të ndryshme të vendit gjatë ditëve të emergjencave. U kryen mbi 900 vizita mjekësore gjatë 30 ditëve nga mjekë të specialiteteve të ndryshme. Mjekët dhe infermierët në uniformë do të jenë gjithë kohën të shpërngulur nga një zonë në tjetrën, për të plotësuar nevoja në staf mjekësor edhe infermierë atje ku do të ketë nevojë.

Deputetja  e PS, Klodiana Spahiu dhe prefekti i qarkut të Durrësit Roland Nasto vlerësuan mbështetjen që FA po i jep komunitetit.

“Unë doja të falenderoja të gjithë ekipin e qendrës shëndetësore, si edhe ekipin tuaj që ka ardhur për të dhënë një ndihmë modeste, në këtë zonë në nevojë dhe shpresoj që ky bashkëpunim të jetë edhe më i shpeshtë.

Sipas mjekëve në uniformë, bashkëpunimi me stafin e Ministrisë së Shëndetësisë në qendra shëndetësore ka ndihmuar në cilësinë e shërbimit për qytetarët.

“Në konsultat e kryera, deri diku kemi mundur të bëjmë një ndryshim të mjekimit, aty ku ne e kemi gjykuar, kuptohet në bashkëpunim me mjekun e familjes.

Forcat e Armatosura po kontribuojnë këto ditë edhe me dhurimin e librave artistikë në shkollat 9 – vjeçare dhe të mesme në disa bashki, kryesisht në zona periferike, duke shpërndarë 6 mijë tituj librash artistikë./abcnews.al

 

020-1-1280x853.jpg
us er10:07 | 30/12/2017

Prej ditës së sotme 6000 banorët e 10 fshatrave në bashkitë Dropull e Delvinë e kanë më të lehtë   komunikimin  me pjesën tjetër të bashkivë të tyre dhe më të gjithë vendin. Batalioni xhenio i Forcave të Armatosura ka ndërtuar në vetëm pak ditë dy ura, në Vanë dhe Llongo, të cilat u dëmtuan në fillim të këtij muaji pas përkeqësimit të motit. Ministrja e Mbrojtjes, Olta Xhaçka gjatë inspektimit të dy urave, siguroi se Forcat e Armatosura do të vazhdojnë të jenë pranë komunitetit jo vetëm gjatë ditëve të festave por në çdo ditë të vitit.

 

Faza post emergjencë është po kaq e rëndësishme sa edhe reagimi në orët e para të emergjencave, ku Forcat e Armatosura angazhuan rreth 3 mijë efektivë. Djemtë tanë vazhdojnë të jenë në terren prej 4 javësh me ndërtimin e urave si ajo e Darëzezë pak ditë më parë apo si këto  në Delvinë e Dropull sot, të cilat çojnë në 10 numrin e urave që kemi ndërtuar që prej shtatorit të këtij viti. Do të jemi pranë të gjithëve në kohët më të vështira. Edhe kur të tjerët festojnë, FA do të jenë në krye të detyrës siç janë në krye të detyrës në çdo moment me atdhedashuri edhe me përkushtim të jashtëzakonshëm ndaj punës. Për ne nuk është e rëndësishme nëse dikush banon në autostradën Tiranë- Durrës, banon në Vlorë, në Dropull, apo në zona të largëta dhe të izoluara. Ne do të jemi pranë tyre përherë, për të kapërcyer bashkë vështirësitë e duke ua bërë jetën më të lehtë”, tha Ministrja gjatë inspektimit të urës në Përroin e Rrapishtave në Dropull.

Ministrja e Mbrojtjes shoqërohej në Dropull nga Prefekti Astrit Aliaj dhe nga Ministrja e Kulturës, Mirela Kumbaro, njëherësh deputete e qarkut të Gjirokastrës.

Ishte gatishmëria e madhe e Forcave të Armatosura që bënë të mundur që në kohë të shkurtër ne të shpëtojmë nga emergjenca. Ne e kemi biseduar edhe me deputetët e qarkut dhe ndajmë të njëjtin mendim se e kemi patur gjithmonë pranë ushtrinë, sidomos muajt e fundit ku kemi pasur dy emergjenca dhe i kemi kaluar me ushtrinë në krah”’, tha Ministrja Kumbaro.

Në Delvinë, ura e ndërtuar bën të mundur që 1mijë banorët e fshatit Vanë tanimë të komunikojmë pa vështirëësi me rrugën nacionale. Ministrja Xhaçka gjatë takimit me banorët bëri me dije se mbi 4 mijë familje në disa bashki janë ndihmuar me pako ushqimore e veshëmbathjegjatë këtyre javëve.

Që prej datës 3 dhjetor e deri në momentin që po flasim, në bashkëpunim me prefektët dhe pushtetin vendor janë 800 ton produkte ushqimore dhe blektorale të shpërndara në më shumë se 6 bashki. Më vjen mirë të konfirmoj që sot, janë mbi 4 mijë familje që janë asistuar e po asistohen nga efektivët e FA për të kapërcyer pasojat e përmbytjeve, duke u ndihmuar me ushqime, veshëmbathje, medikamente dhe produkte ushqimore për blegtorinë, deklaroi Ministrja gjatë inspektimit të urës, ku shoqërohej nga deputeti i qarkut të Vlorës, Alket Hyseni dhe prefekti Flamur Manaj./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono