Whatsapp

WhatsApp.jpg
So Nila21:41 | 30/01/2020

Mark Zuckerbergut  së fundmi për të gjithë përdoruesit e rrjetit social ka sjellë aplikacionin më të ri WhatsApp Payments.

Informacionet bëjnë me dije se aplikacioni do të shërbejë për dërgimin e parave nëpërmjet chat-it të Whatsapp-it, ku sipas kompanisë do të jetë më lehtë dhe i shpejtë sesa dërgimi i një fotografie.

Aplikacioni u testua në një milion përdorues indianë në vitin 2018 dhe do të nisë në disa vende në gjashtë muajt e ardhshëm.

Zuckenberg tha se “rreth 2,9 miliardë njerëz përdorin Facebook, Instagram, WhatsApp ose Messenger çdo muaj dhe se 2,3 miliardë persona përdorin të paktën një nga këto shërbime çdo ditë. Krahas këtyre numrave ka mbi 140 milionë biznese të vogla që përdorin shërbimet tona për t’u rritur”./abcnews.al

WHATSAPP.jpg
ger ta12:41 | 30/12/2019

WhatsApp nuk do të funksionojë në modelet e telefonave të vjetër. Kështu për të gjitha ata që përdorin një telefon Windows nga 31 dhjetori nuk do të mund të kenë akses në WhatsApp.

Kjo pasi Aplikacioni më i populluar i mesazheve në botë ka vendosur të ndalojë mbështetjen për pajisjet që drejtojnë sistemin operativ të vjetër Windows Phone. Po ashtu WhatsApp është duke planifikuar që të ndalojë edhe në Apple iOS dhe Android, duke detyruar miliona njerëz të blejnë telefona të ri.

WhatsApp gjithashtu theksoi në faktin se këto versione më të vjetra të sistemeve operative Android dhe iOS “nuk mund të krijojnë më llogari të reja, as të përditësojnë llogaritë ekzistuese pas 1 shkurtit të vitit 2020.”

Por, nëse keni një smartphone Windows dhe nuk doni të humbni të gjitha bisedat dhe informacionet tuaja pas 31 Dhjetorit 2019, ekziston një mundësi për të ruajtur bisedat tuaja.

Hapni bisedën që dëshironi të eksportoni dhe klikoni mbi “Group Info” dhe më pas ‘Export Chat’. Atëherë do t’ju jepet mundësia të shkarkoni bisedën me ose pa media. Zgjidhni opsionin tuaj dhe eksportoni të gjitha bisedat.

WhatsApp gjithashtu theksoi se vendimi për t’i dhënë fund mbështetjes WhatsApp për këto telefona Android dhe iPhone nuk do të prekë shumë përdoruesit.

Lista me telefonat që nuk do kenë më WhatsApp:

-Të gjitha sistemet operative të Windows Phone pas 31 Dhjetorit 2019

-Versionet Android 2.3.7 dhe më të vjetër pas 1 shkurtit 2020

-iPhone iOS 8 dhe më të vjetër pas 1 shkurtit 2020./abcnews.al

whatsapp.jpg
ent ela11:56 | 30/10/2019

Një grup hakerash izraelitë kanë mundur të spiunojnë rreth 1400 personalitete të ndryshme, nëpërmjet një sistemi spiunimi në sistemin e mesazheve të WhatsApp. Kjo e fundit deklaroi se do të hidhte në gjyq palën izraelite.

Një difekt i brendshëm në sistemin e mesazheve të WhatsAp, i ka lejuar një grupi izraelitësh qëtë instalojnë një system spiuni në telefonat celularë të në shumë se 100 personaliteteve, mes të cilëve gazetarë, aktivistë për të drejtat e njeriut dhe politikanë të opozitës.

Lajmi është publikuar nga Financial Times. Të martën sipas kësaj të përditshmeje, shërbimi i mesazheve në pronësi të Facebook kontaktoi me viktimat e spiunimit, që ishte sinjalizuar pjesërisht në muajin maj nga Financial Times.

Aktiviteti i spiunimit ka ndodhur nëpërmjet Pegasus, një sistem spiunimi i projektuar nga grupi NSO, me seli në Izrael. Kur instalohet, Pegasus merr nën kontroll të gjitha funksionet e telefonit celular. WhatsApp tha për Financial Times se do të denoncojë ngjarjen në një gjykatë në Shtetet e Bashkuara të Amerikës, duke fajësuar NSO-në për këtë.

Në deklaratën e saj WhatsApp shpjegon se kjo është hera e parë që një sistem mesazhesh ndërmerr një veprim ligjor kundër një enti privat që ka kryer këtë lloj sulmi.

Hakerat arritën të futen në 1400 telefona celularë Brenda dy javësh në pranverë. Mes viktimave janë politikanë, personalitete fetare dhe aktivistë organizatash humanitare. /ABC News Albania 24/7

 

taksa.jpg
ad min11:55 | 19/10/2019

Libani është përfshirë nga protestat pas lajmit për vendosjen e një takse për përdorimin e WhatsAap. Me mijëra protestues qëndrojnë 24 orë në shesh duke bllokuar rrugët kryesore dhe duke i vënë flakën automjeteve.

Ishte pika që derdhi gotën, ideja për vendosjen e një takse për WhatsAap. Mijëra persona u mblodhën në rrugët e Libanit për të kërkuar rrëzimin e regjimit. Në shumë qytete të vendit manifestuesit kanë shkaktuar dhe dëme materiale, përfshirë kryeqytetin Bejrut.

Kryeministri Sad Hariri gjatë një deklarate drejtuar popullit nëpërmjet televizionit kërkoi tri ditë kohë për të kuptuar se çfarë duhej të bënte me kolegët e tij, ministrat e një qeverie të unitetit kombëtar.

Protestat në qytetet e ndryshme të vendit u zhvilluan njëkohësisht për të kërkuar fundin e sistemit aktual politik. Shkaku i parë ishte publikimi i lajmit për një taksë së re, këtë herë për përdorimin e WhatsAap. Me mijëra persona kryesisht nga zonat e varfra të Bejrutit u mblodhën në qendër të kryeqytetit me parullën: Populli kërkon rrëzimin e regjimit.

Qeveria aktuale përfshin pothuajse të gjitha partitë në vend, por manifestuesit janë treguar të prerë duke kërkuar dorëheqjen e të gjithëve në mënyrë absolute. Ata premtojnë se do të ketë protesta deri sa një gjë e tillë të ndodhë.

Në Bejrut protestuesit qëndrojnë 24 orë në rrugë duke bllokuar një pjesë të madhe të hyrje daljeve të qytetit, si dhe duke i vënë flakën automjeteve dhe kazanëve të mbeturinave./ABC News Albania

663376bd5206861d2d9971653d447203.jpg
ent ela10:30 | 20/09/2019

Mark Zuckerberg ka hedhur poshtë hipotezën e shitjes së Whatsapp-it dhe Instagram-it. lajmi është bërë i ditur nga senatori republikan Josh Hawley, një nga kritikët më në zë të Facebook-ut, pas takimit me pronarin e tij.

“Unë e sfidova atë të bëjë dy gjëra për të treguar se Facebook-u është serioz në lidhje me çështjen e paanshmërisë, mbrojtjen e të dhënave personale dhe konkurrencës, shitjen e Whatsapp dhe Instagram dhe nënshtrimin ndaj kontrollit të pavarur dhe të jashtëm për çështjen e censurës. U përgjigj jo për të dy”. /abcnews.al

zuckerberg-1280x922.jpg
ad min12:47 | 01/05/2019

Mark Zuckerberg ka zbuluar për publikun se platformat sociale që ai zotëron, Facebook, Instagram dhe WhatsApp, do të kenë disa ndryshime. Dizajni i ri dhe opsionet për aplikacionet do të jenë një kundërpërgjigje e zotëruesit të Facebook ndaj kritikave për mënyrën se si kompania e tij i mbron të dhënat personale.

Sipas Zuckerberg, kompania planifikon që të vendosë privatësinë në vend të parë. Gjithashtu ai pranoi se duhet shumë punë për të rifituar besimin e njerëzve. Gjatë një fjalimi, Zuckerberg e përshkroi fokusin e të firmës së tij drejt privatësisë si një lëvizje të madhe në mënyrën se si kompania drejtohet.

Por cilat do të jenë ndryshimet më të dukshme?

Mesazhet që dërgohen nga Messenger do të jenë të plotësisht të enkriptuara. Kjo nënkupton që vetë Facebook nuk do të shohë asnjë lloj përmbajtje. Gjithashtu platforma e re do të jetë plotësisht e integruar me WhatsApp.

Instagram do të provojë që të fshehë pëlqimet e fotos për shikuesit, por jo për zotëruesin e llogarisë. Do të ketë një mënyrë më kalimtare se si shpërndahen mesazhet. Kjo nënkupton se nuk do të ruhen përgjithmonë.

WhatsApp po provon shërbimin e pagesave në Indi dhe mendohet se opsioni do të jetë në dispozicion edhe për vendet e tjera muajt e fundit të vitit. Facebook do të ridizejnohet. Ngjyra blu do të largohet pak nga pak.

Në Instagram nuk do të postohen vetëm video dhe foto. Aplikacioni i ri do të bëjë të mundur që të shpërndahen edhe tekste.

“E ardhmja është private”, tha Zuckerberg, i cili shtoi se edhe pse për momentin kompania e tij nuk ka reputacionin e lartë në lidhje me privatësinë, është e fokusuar që ta forcojë atë./abcnews.al

whatsapp.jpg
ad min23:19 | 28/01/2019

“Delete for everyone” i gëzoi përdoruesit e WhatsApp, por kjo vetëm për pak. Është zbuluar së fundmi se mesazhet që fshihen nuk zhduken përgjithmonë. Ato dalin sërish dhe ka disa mënyra shumë të lehta për ta bërë këtë.

Opsioni “Delete for everyone” u krijua vitin e kaluar dhe është i përdorshëm në Android, iOS dhe celularët Windows. Qëllimi kryesor është fshirja e mesazheve, të cilat në raste të ndryshme mund të jenë të siletshme për gjithkënd.

Megjithatë, mesazhi ruhet në celular dhe mund të ripublikohet sërish pas fshirjes duke përdorur opsionin “backup” të WhatsApp. Ky opsion rivendos të gjitha mesazhet tuaja çdo mëngjes, megjithëse këtë mund ta bëjë edhe njëherë në javë apo në muaj, mjafton ta vendosni ju.

Për të lexuar mesazhet e fshira, ç’instaloni aplikacionin WhatsApp dhe instalojeni sërish. Kur të logoheni sërish do t’iu dalë një opsion për të rivendosur të gjitha bisedat nëpërmjet “backup”-it.

Vetëm zgjidhni opsionin e rivendosjes dhe do iu dalin sërish të njëjtat biseda, duke përfshirë edhe mesazhet e fshira, të cilat shfaqen sikur nuk janë zhdukur asnjëherë. Edhe nëse nuk përdorni këtë opsion, mund të gjeni aplikacione të ndryshme, të cilat japin mundësinë që të zbulojnë mesazhet e fshira./abcnews.al

MAIN-Whatsapp-810x445.jpg
ent ela18:16 | 17/08/2018

WhatsApp, i përdorur nga më shumë se 1.5 bilionë njerëz në muaj, ka për t’u marrë me shumë të dhëna, si bisedat, fotografitë, videot apo regjistrimet audio. Ndaj dhe bashkëpunon me Google për të ofruar mundësinë e kopjimit të të dhënave si “rezervë”.

Ky është një lajm i mirë, por edhe i keq.

Lajmi i mirë është se Google ka rënë dakord që të lejojë përdoruesit e Whatsapp të ruajnë të dhënat e tyre pa ndërhyrë në memorjen prej 15GB, që iu është ofruar.

Por lajmi i keq është që kjo valë e re ruajtjeje mund të fshijë të dhënat e vjetra. Ndaj nëse nuk kopjoni llogarinë tuaj deri më 12 Nëntor, mund të humbni të gjitha të dhënat tuaja.

Marrëveshja e re mes WhatsApp dhe Google bën që të gjitha bisedat, fotografitë, videot dhe regjistrimet audio mund të ruhen në Google, por pa iu kushtuar hapësirë memorjeje në Google Drive.

Nëse nuk keni ruajtur të dhënat tuaja prej më shumë se një vit, gjithçka më e vjetër do t’ju humbasë më datë 12 Nëntor.

Google rekomandon përdoruesit që të kopjojnë të dhënat e tyre të Whatsapp-it në mënyrë manuale.

Si të ruani të dhënat tuaja të WhatsApp-it:

Fillimisht, sigurohuni që keni konfiguruar Google Drive në telefonin tuaj.

Nga WhatsAppi shkoni te Menu, Settings, Chats dhe pastaj Chat backup. Zgjidhni Back Up dhe ju automatikisht do të shihni që çdo gjë po ruhet në Google Drive.

Vini re që disa nga llogaritë e WhatsApp-it mund të bëjnë ruajtjen e të dhënave vetëm me Wi-Fi, ndaj sigurohuni që jeni të lidhur me të para se të nisni./tvklan.al

whatsapp-business_1-810x489-810x445.jpg
ent ela22:38 | 05/08/2018

“Whatsapp” është një ndër aplikacionet më të përdorur për të komunikuar sot në të gjithë botën. Së fundmi kompania ka dhënë një lajm të rëndësishëm për të gjitha bizneset, duke thënë se ka vendosur tarifa për dërgimin e mesazheve të marketingut dhe shërbimit të klientit.

Sipas autoriteteve të “Whatsapp”, ky hap vjen pasi prej kohësh aplikacioni po përballet me hapa të ngadaltë të rritjes së të ardhurave.

Tarifat do të variojnë nga 0.5 deri në 9 cent, kjo në varësi të vendit përdorimit. Përfaqësues të kompanisë kanë shtuar se kjo tarifë do të jetë thuajse e njëjtë me koston e një sms-je telefonike.

Aktualisht “WhatsApp Business” ka mbi 3 milionë përdorues aktivë, nga rreth 1.5 miliardë njerëz që përdorin aplikacionin në total, ndërsa kompania ka premtuar se bizneset e vogla do të vijojnë ta përdorin aplikacionin falas.

Kështu, në këtë aplikacion do të ofrohet opsioni për të zgjedhur limitin e përdorimit të tyre dhe përdoruesit do të njoftohen kur të jenë pranë atij limiti kohor.

Klan Plus

whacapi.jpg
ad min11:15 | 01/08/2018

Aplikacioni WhatsApp ka lëshuar një opsion të ri që do t’ju ndihmojë ju dhe miqve tuaj që të komunikoni më lehtësisht.

Tashmë të gjithë do të kenë mundësinë që të kryeni telefonata video në grup.

“Mund të bëni një telefonatë në grup deri në katër persona, kurdo dhe kudo”, tha një zëdhënës i kompanisë.

Fillimisht duhet të jenë dy persona që komunikojnë me njëri-tjetri dhe më pas mund të shtojnë edhe dy miq të tjerë në telefonatë.

WhatsApp ka komunikuar që të gjitha bisedat do të jenë të koduara.

Kjo siguron të gjithë përdoruesit se do jenë vetëm anëtarët e grupit që mund të dëgjojnë apo shikojnë përmbajtje nga telefonata./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono