Wenger

Wenger.png
Veronik Istrefaj20:57 | 20/01/2020

Trajneri i ri i Bayern Munchen vazhdon të jetë një temë shumë e diskutuar në Gjermani. Hans Flick po bën një punë shumë të mirë në krye të bavarezëve dhe u konfirmua deri në fund të këtij sezoni, megjithatë, Bayern synon një emër të madh në pankinë për sezonin e ardhshëm.

Emri i radhës që ka refuzuar pankinën e Bayernit është Ralf Ragnick, që ka qenë drejtor sportiv i Lepzig në të shkuarën. Agjenti i Ragnick konfirmoi për Bild se ka pasur një ofertë nga Bayern, por Ralf nuk do të marrë drejtimin e Bayern.

Ragnick bëhet emri i radhës pas Ten Haag dhe Tuchel që refuzon stolin bavarez. Pista “Arsene Wenger” mbetet ende e hapur, pasi është zbuluar që ish-trajneri i Arsenalit nuk po qëndron dot larg futbollit dhe kërkon rikthimin sa më shpejt.

Stoli i Bayern e tundon tepër strategun legjendar francez dhe në rast të ndonjë ofertë në verë, do të pranonte t’i bashkohej kampionëve të Gjermanisë./abcnews.al

Wenger-Arsene.jpg
Veronik Istrefaj18:07 | 13/11/2019

Ish-trajneri i Arsenalit, Arsene Wenger, është emëruar si shefi i ri i FIFA-s për zhvillimin global të futbollit, me francezin që do të mbikëqyrë rritjen e sportit, plus çështjet teknike. 70-vjeçari u lidh kohët e fundit me stolin e Bayern Munich, pas shkarkimit të Niko Kovac, por kjo pistë ka rënë poshtë.

Wenger do të jetë autoriteti kryesor për çështjet teknike në Kolegjet Këshilluese Teknike të Futbollit së FIFA-s. Ai do të jetë gjithashtu kryetari i një grupi studimi teknik.

“Mezi pres të marr këtë sfidë të rëndësishme, jo vetëm sepse kam qenë gjithmonë i interesuar të analizoj futbollin nga një perspektivë më e gjerë, por edhe sepse misioni i FIFA-s është me të vërtetë global”, tha Wenger në faqen zyrtare të FIFA-s./abcnews.al

Wenger.png
Veronik Istrefaj22:41 | 08/11/2019

Bayern Munchen vendosi të shkarkojë trajnerin Niko Kovac disa ditë më parë dhe deri më tani, ende nuk është gjetur pasuesi i kroatit. Drejtuesit bavarezë po punojnë për të siguruar shërbimet e një trajneri të njohur dhe Arsene Wenger, shihet si favoriti kryesor për t’u ulur në krye të stolit.

Strategu francez ka refuzuar shumë oferta që nga koha kur u largua nga Arsenali, por një oferte të Bayernit, vështirë se mund t’i thotë “jo”. Siç raportojnë mediet gjermane, Wenger dhe drejtuesit e Bayernit do të ulen në tavolinë në fillim të javës së ardhshme për të diskutuar kushtet e kontratës.

Wenger qëndroi në krye të Arsenalit për plot 22 vite, duke fituar trofe të shumtë. Gjithashtu, Wenger është i vetmi trajner që e ka fituar kampionatin në Premier League pa asnjë humbje, një rekord që vështirë se do të përsëritet nga ndonjë ekip tjetër./abcnews.al

Wenger-1.jpg
Veronik Istrefaj23:43 | 09/10/2019

Arsene Wenger mori mbrëmë titullin “Legjendë e Futbollit”, një vlerësim shumë i lartë për të. Ish-trajneri i Arsenalit fitoi gjithçka në Angli, duke qenë një nga trajnerët më të suksesshëm. Arsenalin e drejtoi për plot 22 vite, ku fitoi tre herë Premier League, 7 herë FA Cup dhe 7 herë Community Shield.

Wenger duke marre titullin “Legjende e Futbollit”, nga fituesi i Topit te Arte, George Weah

Gjithashtu, Arsenali i Wenger është i vetmi ekip në historinë e Premier League që e ka mbyllur sezonin pa asnjë humbje. Trajnerit francez i ka munguar vetëm trofeu i Champions League, por i ka shkuar shumë pranë, në atë finale të humbur kundër Barcelonës në vitin 2006.

Ish-mesfushori i Arsenalit, Jack Wilshere, i ka thurur elozhe teknikut francez, duke thënë: “Ai është një gjeni. Çdo ditë vinte i inspiruar në stërvitje, na tregonte idetë që kishte. Mbaj mend një mëngjes, e gjeta në zyrë. “Bos, nuk ke fjetur mbrëmë?” Nuk m’u përgjigj, thjesht nxitoi për të më treguar një stategji që kishte menduar gjatë gjithë natës.

Ai për mua është trajneri më i mirë i të gjitha kohërave, një fitues i lindur dhe një njeri me motivim të rrallë. Me ne lojtarët, ishte fantastik, si një baba i dytë. “Besoni vetëm te vetja juaj”, na thoshte gjithmonë. Shumë lojtarë që janë sot profesionistë janë vetëm për meritë të Wenger”, përfundoi ish-mesfushori./abcnews.al

Trajneri Wenger dhe mesfushori Jack Wilshere (2013/14)


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono