Washington Post

HARADINAJ-PER-WP.mpg_snapshot_00.35-1280x720.jpg
G. P.11:17 | 29/11/2018

Kryeministri Haradinaj në një editorial për “The Uashington Post”, thotë se sa të jetë në drejtim të qeverisë kosovare nuk do të lejojë pazaret politike në dëm të sovranitetit të vendit. Ai akuzon Serbinë, se do të zhvillojë një spastrim të pastër etnik me idenë e shkëmbimit të territorit.

Gazeta prestigjioze amerikane, “The Washington Post”, ka publikuar një shkrim autorial të kryeministrit të Kosovës, Ramush Haradinaj. Shefi i qeverisë së Prishtinës që në titull thotë se nuk do të lejojë Serbinë ta cenojë sovranitetin e vendit. “Vendit tim, Kosovës, po i kërkohet të bëjë një zgjidhje të pamundur, e cila do ta zbehte sakrificën e bërë nga ushtarët e Shteteve të Bashkuara, e cila do ta dëmtonte stabilitetin e rajonit, dhe e cila do të rrezikonte aleatët e Amerikës. Përballë sulmit të vazhdueshëm nga Serbia, që ka për qëllim të cenojë sovranitetin, sigurinë dhe prosperitetin tonë, janë disa që duan që Kosova të angazhohet në të ashtuquajturin spastrim ‘paqësor’ etnik në Ballkan”, thekson Haradinaj. Kryeministri kosovar thotë se nuk do t’i nënshtrohet Serbisë duke e cilësuar si ngacmumes dhe shton se qeveria e tij do të ngrihet “kundër atyre që duan të na shfrytëzojnë, duke punuar në të njëjtën kohë për një marrëveshje afatgjate dhe gjithëpërfshirëse”.

Më tej ai akuzon përsëri Beogradin. “Serbia dhe aleatja e saj, Rusia, kanë refuzuar të njohin sovranitetin tonë, dhe janë përpjekur të bllokojnë anëtarësimin tonë në Kombet e Bashkuara. Duke shkelur marrëveshjen e Brukselit për normalizim të raporteve, Serbia ka punuar që të bllokojë rrugën tonë drejt anëtarësimit në BE, si dhe drejt anëtarësimit në shumë organizata ndërkombëtare”, shkruhet në shkrimin e Haradinaj për The Uashington Post duke përmendur edhe dështimin e anëtarësimit në Interpol. “Tani, presidenti i Serbisë, Aleksandër Vuçiç, i mbështetur nga Rusia, na ka bërë një ofertë të turpshme: Serbia do ta njohë Kosovën, nëse ne ia japim asaj një pjesë të territorit tonë. Serbia dëshiron të krijojë një shtet të “pastër” etnikisht, duke ua hequr shtetësinë qytetarëve dhe duke i dëbuar ata nga shtëpitë e tyre”, vijon shkrimi I Haradinaj. Shefi i qeverisë duke nënvizuar se ky është një çmim shumë i lartë për t’u paguar, thotë se “nuk do të shkelet kushtetuta e Kosovës, nuk do të jepet sovraniteti dhe nuk do të shkatërrohet integriteti territorial, vetëm që Serbia ta njohë atë që tashmë është fakt”. Ndër të tjera Haradinaj shkruan se Kosova nuk do të shndërrohet në vend që lufton për integritetin territorial si Izraeli, Ukraina dhe India./abcnews.al

KHASHOGGI-DETAJE.mpg_snapshot_01.16.jpg
G. P.08:41 | 02/11/2018

Sipas burimeve të Uashington Post, autoritetet turke po hetojnë mbi mundësinë që trupi i pajetë i gazetarit saudit Xhamal Kashogi, të jetë shkrirë në acid brenda konsullatës saudite në Stamboll.

Një funskionar turk që ka folur me Uashington Post duke kërkuar të qëndrojë anonim, ka thënë se autoritetet turke po hetojnë mundësinë se Khashogi, është copëtuar dhe më pas është shkrirë në acid brenda konsulatës saudite në Stamboll, ose në rezidencën e konsullit që ndodhet aty pranë. Teza e përdorimit të acidit në zhdukjen e gazetarit saudit është teori që qarkullon prej disa javësh, por asnjëherë e konfirmuar zyrtarisht.

I njëjti burim theksoi se trupi i viktimës nuk kishte nevojë të varrosej, dhe se në kopshtin e konsulatës janë gjetur gjurmë që konfirmojnë këtë teori. Për momenin version zyrtar i Arabisë Saudite është se trupi i Khashogit i është besuar një bashkëpunëtori vendas të konsulatës, dhe që atëherë nuk dihet më asgjë.

Gjatë këtyre javëve Arabia Saudite ka ndryshuar shumë versione: fillimisht u tha se Khashoggi kishte dalë nga konsullata, më pas u tha se kishte ndërruar jetë si pasojë e një përplasjeje fizike. Në Arabinë Saudite deri tani janë arrestuar 18 persona dhe në 24 tetor Mohammed bin Salman, pronci trashëgimtar, i akzuuar për vrasjen e khashogit, u shpreh se incidenti ishte shumë i dhimbshëm për të gjithë. I pajustifikueshëm madje. Turqia vazhdon të kërkojë ekstradimin e personave të arrestuar por janë shumë të pakta mundësitë që Arabia Saudite të pranojë këtë kërkesë./abcnews.al

180816-trump-lashes-out-opioids-feature.jpg
G. P.09:30 | 17/10/2018

Presidenti i Shteteve të Bashkuara të Amerikës Donald Tramp ka mbledhur të paktën 106 milionë dollarë për fushatën e tij elektorale të vitit 2020. Lajmi është publikuar nga Uashington Post që e cilëson si një shifër rekord. Asnjë president tjetër që nga koha e Ronald Regan ka mbledhur kaq shumë fonde në vitin e dytë të mandatit presidencial. Të dhënat janë konfirmuar nga Instituti për financimin e fushatave. Tramp vazhdon të mbështetet tek financuesit e vegjël për fushatën e tij, të njëjtët që e kanë financuar në vitin 2016. 98 për qind e fondeve të mbledhura nga presidenti në tremujorin e fundit vijnë nga donacione prej më pak se 200 dollarë./abcnews.al

GAZETARI-TURQI-1280x797.jpg
ent ela13:12 | 04/10/2018

Një gazetar saudit, kritik ndaj qeverisë së Riadit, është zhdukur pa lënë gjurmë pas një vizite në konsullatën e Arabisë Saudite në Stamboll.

Lajmi është bërë i ditur nga gazeta amerikane “Uashington Post”. Sipas të përditshmes, reporteri i tyre Jamal Khashoggi rezulton i paarritshëm që prej pasditës të së martës, që kur hyri në konsullatë. E fejuara e tij, që e ka shoqëruar për tek godina, ka bërë denoncimin në mediat ndërkombëtare. Ajo thotë se ka pritur deri në mbylljen e konsullatës dhe nuk ka marrë asnjë informacion për gazetarin. Prej kohësh Khashoggi denonconte arrestimet dhe kufizimet e të drejtave civile nga ana e autoriteteve saudite.

Sipas analistëve, për këto publikime, 59-vjeçari është arrestuar sapo ka shkelur në selinë diplomatike të Riadit në Stamboll. /abcnews.al

 

MEDIAT-AMERIKANE-KOSOVA-1280x720.jpg
ent ela12:45 | 20/09/2018

“Washington Post” dhe “New York Times”, kanë publikuar opinione dhe analiza lidhur me propozimin për ndryshimin e kufijve mes Kosovës dhe Serbisë. Mediat prestigjoze amerikane theksojnë faktin se kjo është një ide shumë e keqe.

Propozimi për rishikimin e kufijve dhe ndarja e tij në linja etnike mes Kosovës dhe Serbisë, ka ngjallur mjaft interesim tek mediat prestigjoze ndërkombëtare. Pas “Foreign Policy”, edhe “Washington Post” dhe “New York Times” kanë publikuar analizat e tyre lidhur me këtë temë. Shkrimet janë thuajse të përafërta dhe japin një mesazh shumë të fortë dhe të qartë: rishikimi i kufijve është një ide shumë e keqe. “Ajo që Presidenti i Kosovës, Hashim Thaçi i referohet si “Korrigjim kufiri” mund të nxisë nacionalistët në këtë pjesë të Evropës që të kërkojnë ndryshime të ngjashme. Ajo mund të shërbejë si inspirim destruktiv për Kroacinë, Shqipërinë, Bosnjën dhe Maqedoninë, ku lëvizjet nacionaliste dhe disa prej liderëve që dëshirojnë që vendet e tyre të jenë etnikisht homogjene”, shkruan në analizën për “Ëashinton Post” Judy Dempsey.

Medisa prestigjoze amerikane raporton edhe faktin që kancelarja gjermane, Angela Merkel është kundër këtij shkëmbimi territori. Megjithatë nënvizon edhe faktin e çuditshëm që SHBA nuk pajtohet me pikëpamjen e Merkel. Presidenti i Serbisë, Aleksandër Vuçiç ka agjendën e tij pas shkëmbimit territorial. Ai asnjëherë nuk e ka njohur shtetin e pavarur të Kosovës, të cilën e shpalli më 2008.

“Disa vende anëtare të Bashkimit Evropian – veçanërisht Spanja dhe Greqia, që nuk e njohin Kosovën si të pavarur. (Spanja ka frikë implikimet për kërkesat e katalanasve për pavarësi dhe Greqia është përkrahës prej kohësh i Serbisë). Por Vuçiç në anën tjetër synon që vendin e tij ta bëjë pjesë të BE-së. Ai mund ta bëjë këtë vetëm nëse Serbia njeh Kosovën”, thekson “Washington Post”. Dhe prandaj beson se mund ta zbusë situatën me një shkëmbim territorial.

Nga ana tjetër, “New York Times”, shkruan për faktin se propozimi për korrigjimin e kufijve ka ngjallur frikë tek popullsia, si shqiptare ashtu edhe serbe në Kosovë. Prej shumë kohësh analistë të shumtë, por edhe krerë shtetesh kanë paralajmëruar Prishtinën dhe Beogradin se një ndryshim i mundshëm kufijsh do të nxiste rikthimin e luftërave të vjetra në Ballkan. /abcnews.al

PROTESTA-E-PD-1280x720.jpg
ent ela14:35 | 26/05/2018

Mediat ndërkombëtare pasqyruan protestën e opozitësh shqiptare në Tiranë, Asociated Press shkruan se me mijëra njerëz iu bashkuan protestës anti qeveritare duke kërkuar dorëheqjen e kryeministrit Edi Rama dhe ministrit të Brendshëm Fatmir Xhafaj. Të dy akuzohen nga opozita në vend se kanë lidhje me krimin e organizuar.

I vetmi që foli ishte lideri i Partisë Demokratike Basha, shkruhet më tej, duke nënvizuar se protestuesit mbanin flamuj të vendeve të Bashkimit Europian dhe hodhën gurë në drejtim të godinës së kryeministrisë.

Shqipëria anëtare e NATO-s që nga viti 2009, pret hapjen e negociatave me Bashkimin Europian muajin e ardhshëm, përfundon shkrimi. Lajmi i Associated Press është publikuar edhe në Washington Post. /abcnews.al

17pulitzers-master768.jpg
ent ela23:09 | 16/04/2018

Gazetat që përmes shkrimeve investigative ekspozuan skandalin e regjisorit Harvey Weinstein, por edhe ndërhyrjen ruse në zgjedhjet presidenciale të vitit 2016 janë vlerësuar me çmimin Pulitzer. Kanë qenë “New York Times” dhe “The New Yorker” që kanë marrë çmimin për Shërbimin Publik, për denoncimin e ngacmimeve dhe agresioneve seksuale të manjatit të kinemasë, që zgjasnin prej dekadash.

Gjithashtu, “New York Times”, këtë herë bashkë me “Washington Post” kanë marrë çmimin për Raportimin Kombëtar, për shkrimet mbi ndërhyrjen ruse në procesin elektoral presidencial dhe për lidhjet e hetuesit të posaçëm të “Russiagate”, Robert Mueller me fushatën e presidentit Trump.

Juria ka vlerësuar faktin se dy gazetat kanë publikuar scoop-e për muaj të tërë lidhur me çështjen që ka shoqëruar vitin e parë të presidencës Trump dhe që kanë irrituar tej mase kreun e shtetit.

Ndërkohë, “Washington Post” ka marrë edhe çmimin e Investigimit, për denoncimin e rastit të kandidatit republikan për senator, Roy Moore, që kishte të bënte me ngacmime seksuale në dëm të femrave nën moshën e duhur.

Duke shpallur fituesit, administratorja e eventit Dana Canedy vuri në dukje se historitë e denoncuara tregojnë nevojën për një shtyp të lirë, edhe pse presidenti Trump rregullisht shfryn ndaj pushtetit të katërt me termin e tij të preferuar “fake news”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono