Vuçiç

novi-sad2.mp4_snapshot_00.08-1280x720.jpg
ent ela16:13 | 10/10/2019

Është miratuar në Novi Sad deklarata bazë për krijimin e unionit Ballkanik mes Serbisë Shqipërisë dhe Maqedonisë së Veriut. Kryeministri i Shqipërisë Rama, ai i Maqedonisë së Veriut Zaev dhe presidenti serb Vuçiç ranë dakord se rajoni ka nevojë urgjente për bashkëpunim.

Trilateralja e Novi Sadit miratoi deklaraten në bazë të së cilës konfirmohet vullneti për të formuar një union ballkanik. Presidenti serb, Alleksandar Vuçiç, kryeministri Edi Rama dhe kryeministri i Maqedonisë Veriore, Zoran Zaev, u shfaqen energjik. Ajo në të cilën u pajtuan ishte se rajoni ka nevojë urgjente për fokus në bashkëpunim. Qytetarët kërkojnë përgjigje për një jetë më të mirë.

Kryeministri, Edi Rama, tha se vendet e rajonit duhet të bëjnë diçka vet.

Nikoqiri, Alleksandar Vuçiç, tha se ky takim nënkupton që rajoni do të jetë më tërheqës për investitorët.

Aleksander Vuçiç, President i Serbisë: “Shumë njerëz, takimin tonë në Novi Sad të njohur për shpirtin e tolerancës, do ta quajnë revulucionar, por unë nuk jam i gatshëm të përdorë fjalë të tilla, por mendoj se është takim me rëndësi të veçantë, sigurisht për Serbinë padyshim. Një funksionim i tillë mundëson jetën më të mirë për qytetarët dhe mund të sjellë edhe investitorë të huaj”.

Kryeministri Zaev, u pajtua me këto qëndrime, duke thënë se Ballkani më nuk është fuqi baruti.

Zoran Zaev, Kryeministri i Maqedonisë së Veriut: Kjo është një nismë që do të na bëj një rajon më konkurrent në rajon dhe do të na ndihmojë më shumë edhe tek BE-ja. I ftoj të gjithë Ballkanin që të përfshihen dhe të jemi gjashtë vendet.

Ky takim do të vazhdojë në qytetin e Ohrit më 10 nëntor kur edhe pritet të konkretizohet me firmat e liderëve kjo nismë. /ABC News Albania 24/7

 

SINRKON-RAMA_ABC-M1-T1.mpg_snapshot_00.02-1280x720.jpg
ent ela13:51 | 10/10/2019

Kryeministri Rama deklaroi se vendet e Ballkanit Perëndimor nuk do të ngelen peng i procesit të Berlinit, por përmes një marrëveshjeje të arritur me Presidentit serb, Aleksandër Vuçiç dhe kryeministrit të Maqedonisë së Veriut, Zoran Zaev brenda vitit 2021 do të krijohet një “Shengen” në rajon.

Në takimin e organizuar nga Aleksandër Vuçiç në Novi Sad, kryeministrat Rama e Zaev kanë garantuar se takimi i radhës do të zhvillohet në Ohër dhe aty do të marrin pjesë edhe vende të tjera të rajonit. /ABC News Albania 24/7

vucic-dhurata.mp4_snapshot_00.35-1280x720.jpg
ent ela15:36 | 09/10/2019

Një fjalor shqip serbisht dhe serbisht –shqip ka qenë dhurata që gazetari Idro Seferi i ka bërë presidentit serb Aleksandër Vuçiç. Një dhuratë që kreu i shtetit serb e ka treguar dhe në profilin e tij në Instagram

Presidenti i Serbisë, Aleksandër Vuçiç, ka marrë një dhuratë nga gazetari, Idro Seferi, gjatë një interviste për televizionin Klan të presidentit serb. Vetë presidenti ka ndarë disa fotografi në rrjetet e tij sociale me fjalorin personal të gazetarit, të cilin e kishte blerë pas zhvendosjes në Beograd.

 “Ndoshta një pjesë do ta marrin si shaka, por kjo është një dhuratë e çmuar për mua dhe do të mësoj disa fjalë kur të kem kohë”, ka theksuar Vuçiç.

Në dedikimin në fjalor Seferi ka shkruar: “Ekselencës së Tij, presidentit Alleksandar Vucic, fjalori im personal për një mirëkuptim më të mirë në të ardhmen se sa në të shkuarën”.

Kjo dhuratë e fjalorit shqip serbisht dhe serbisht shqip, i është bërë nga gazetari Seferi pasi në disa prej konferencave të Vuçiç, presidenti serb kur ka lexuar në shqip një pjesë të dokumenteve ka pyetur gazetarin nëse shqiptimi i tij është në rregull.

Vuçiç, gjatë intervistës ka theksuar se është i rëndësishëm dialogu me Kosovën dhe se kërkon një zgjidhje, por nëse jo atëherë realiteti i marrëdhënieve është kështu siç është.

Vuçiç ka publikuar katër fotografi nga kjo intervistë që do të transmetohet në televizionin Klan dhe në ABC News. /abcnews.al

erdogan-vizita.mp4_snapshot_00.27-1280x960.jpg
ent ela19:01 | 07/10/2019

Presidenti turk Reçep Taip Erdoan ka deklaruar se Turqia do të vijojë investimet e saj në aksin Ankara-Beograd. Gjatë një vizite në kryeqytetin serb ku u prit nga homologu Vuçiç, Erdoan ka prekur edhe çështjen e Kosovës, duke deklaruar se do të pranojë gjithçka për të cilën bien dakord Beogradi dhe Prishtina.

President turk, Recep Taip Erdogan, është mysafir i rëndësishëm dhe i respektueshëm në Serbi. Pritjen ia bërë në këtë nivel homologu Alleksandar Vuçiç. Pas të shtënave nga topi në shenjë nderimi dhe solemnitetit para Pallatitit të Serbisë, miku turk kishte sjellë me vete edhe ide politike dhe mbi të gjitha investime. Në takimet që pati i premtoi Serbisë 6 fabrika të reja dhe shkëmbim tregtar prej 2 miliardë e më vonë deri në 5 miliard. Presidenti turk ofroi mbështetje dialogut me Kosovës dhe tha ajo që bien dakord palët do të jetë e pranueshme edhe për Ankaranë.

Recep Taip Erdogan, president i Turqisë: “Besoj se presidenti Vuçiç ka dhënë mendimin më të saktë rreth qëndrimit tonë për Kosovën. Turqia përkrah paqen në Ballkan dhe do të vazhdojë me investime në Serbi”.

Për Serbinë do të marrë pjesë edhe në takime trilaterale me Bosnjën. Vuçi♪5 theksoi se e respekton Erdogan dhe dallimet rreth njohjes së pavarësisë së Kosovës nuk mund ti ndajnë. Por, me Truqinë kanë marrëdhëniet më të mira në histori.

Aleksandër Vuçiç, president i Serbisë: “Qëndrimi i Turqisë sa i përket Kosovës është në pajtueshmëri me interesat e saj si shtet, të cilat janë të ndryshme nga ato tonat, por është një hap i rëndësishëm që presidenti i Turqisë ka thënë se do të pranojë çdo zgjidhje tek e cila arrijnë Beogradi dhe Prishtina”.

Dy presidentët bashkë kanë hapur edhe një forum biznesi me rreth 200 biznsmenët që ka sjellë me vete kreu Turqisë.

Gazetar i ABC News në Beograd: Idro Seferi

klj.jpg
Autor E13:04 | 07/10/2019

Ka një marrëdhënie shumë të veçantë mes Turqisë dhe Serbisë në rajon për shkak të lidhjeve të forta ekonomike mes dy vendeve, të pasqyruara me investime të mëdha të biznesmenëve turq aty.

Serbia është një ndër shtetet e rajonit të vizituara më shpesh nga Erdogan, i cili ka shkuar sërish gjatë ditës së sotme duke u pritur me nderime të mëdha nga Vuçiç.

Gazetari i ABC News Idro Seferi raporton nga Beogradi se Erdogan u prit me të shtëna topi kur iu afrua pallatit ku do të zhvillohej takimi me Vuçiçin, një pritje kjo që Serbia ia mundëson vetëm disa liderëve me të cilët vendi ka lidhje speciale.

Më parë, një pritje e tillë i ishte bërë Putinit kur shkoi në Beograd. /abcnews.al/

vucic.jpg
Autor E09:52 | 07/10/2019

Presidenti i Serbisë, Aleksandar Vuçiç ka deklaruar se Lista Serbe arriti fitoren më bindëse në historinë e saj në këto zgjedhje duke fituar dhjetë vende në Parlamentin e Kosovës.

Përmes një konference të jashtëzakonshme për shtyp, Vuçiç deklaroi se pjesëmarrja e madhe e serbve të Kosovës në këto zgjedhje është një mesazh se ata janë më të fortë tani.

Rezultatet pas pasqyrimit të më shumë se 96% të votave nga KQZ

Ndërkohë, Vuçiç nuk harroi të cekë faktin se Lëvizja Vetëvendosje ka marrë shumicën e votave duke theksuar se nuk ishte një gëzim për të pasi me këtë parti bisedimet mund të ishin më të vështira. /abcnews.al/

idroseferivucic-1280x800.jpg
Autor E09:59 | 05/10/2019

Presidenti i Serbisë Aleksandër Vuçiç takoi gjatë ditës së djeshme kandidatët e Listës Serbe në Beograd duke lexuar gjithashtu edhe një dokument të Komsionit Qendror të Zgjedhjeve në Kosovë.

Mes të tjerash, Vuçic lexoi shqip: “Lista e kandidatëve dhe subjekteve politike..”

 

Pasi përfundoi, Vuçiç iu drejtua gazetarit të “Abc News”, Idro Seferi duke e pyetur: Hë, a lexova mirë shqip?

Më pas Vuçiç vijoi në serbisht duke thënë: A po e sheh? Edhe unë mund të mësoj diçka ashtu siç edhe ti në serbisht, por nuk jam aq i talentuar sa Nenad Rashiç dhe Rada Trajkoviç”. /abcnews.al/

merkel-1.jpg
ent ela10:15 | 20/09/2019

Kancelarja gjermane Angela Merkel në fund të javës së kaluar i ka dërguar ftesë për bisedime presidentit serb, Aleksandar Vuçiq.

Merkel e ftoi Vuçiqin për takim gjatë vizitës në Shtetet e Bashkuara në kuadër të seancës së Asamblesë së Përgjithshme të Kombeve të Bashkuara.

Sipas Blicit serb, temë e bisedës është perspektiva dhe fillimi i dialogut Beograd-Prishtinë pas vakuumit në këtë proces, transmeton Klan Kosova.

Sesioni i 74-të vjetor i Asamblesë së Përgjithshme të Kombeve të Bashkuara filloi në 17 shtator, dhe debati i përgjithshëm do të fillojë në 24 shtator, ku do të flasin të gjithë liderët botërorë.

Presidenti serb Aleksandar Vuçiq do të flasë atje më 26 shtator.

Në Shtetet e Bashkuara të Amerikës ndodhet edhe presidenti i Kosovës, Hashim Thaçi i cili gjithashtu do të ndjek punimet e Asamblesë së Përgjithshme të Kombeve të Bashkuara, transmeton Klan Kosova.

PALMER-VUCIC-TELEFONATA-ABC-M4-T2.mpg_snapshot_00.14-1280x720.jpg
ent ela15:40 | 17/09/2019

Një bisedë serioze që i hap rrugë një takimi brenda një kohe të shkurtër. Në këtë mënyrë presidenti i Serbisë Aleksandër Vuçiç komentoi bisedën telefonik me të dërguarin special Metju Palmer.

Presidenti serb, Aleksandër Vuçiç, ka thënë se biseda e tij me të dërguarin për Ballkanit të SHBA, Mathew Palmer,  ka qenë serioze dhe beson tek takimet me të. Vucic, pas një bisede telefonike më të emëruarin e Uashingtonit, do të takohet në dhjetë ditët e ardhshme. Nuk ka thënë se nëse ka folur për vazhdimin e bisedimeve, por beson se do të ketë shumë gjëra për të folur.

Presidenti serb ka komentuar bisedën gjatë një vizite tek familjet e viktimave serbë të luftës së Kosovës.

“Ka qenë një bisedë shumë serioze dhe e mirë. Mbetet të shihet nëse do të takohemi në Nju Jork ose këtu, por gjithsesi do të takohemi kudo që të jetë e mundur. Kemi shumë për të diskutuar dhe jo vetëm për Kosovën, por për tërë rajonin”.

Ka thënë se megjithatë do të luftoj për interesat e serbëve, por zgjidhja nuk është afër dhe nuk mund të jetë ashtu siç besojnë serbët.

“Jemi larg nga zgjidhja, puna jonë është që të luftojmë për realizimin e interesave tona, por duhet të kuptojmë që nuk do të jetë ashtu si duam ne. Në marrëdhëniet ndërkombëtare nuk ka shatërvan dëshirash dhe nuk mund të pretemndosh që gjërat të shkojnë vetëm si duam ne”.

Mathew Palmer dhe Vuçiç pritet të takohen për të diskutuar mundësinë për rifillimin e bisedimeve me Kosovën. Diplomati amerikan nuk ka qenë për vizitë që prej se është emëruar si i dërguar për Ballkanin. /ABC News Albania 24/7

 

palmer-vucic.jpg
ent ela10:08 | 17/09/2019

Mediat serbe raportojnë se presidenti serb, Aleksandar Vuçic, ka zhvilluar një bisedë telefonike me të dërguarin special të SHBA-së për Ballkanin Perëndimor, Metju Palmer. Kreu I shtetit serb theksoi se vendi I tij do të angazhohet për një kompromis të vërtetë dhe të qëndrueshëm në raport me Kosovën.

Ai shtoi se ky kompromis do të ruajë interesat kombëtare të serbëve dhe Serbisë.

Gjatë bisedës u ra dakord se paqja dhe stabiliteti në Ballkanin Perëndimor janë thelbësore për përparimin politik e ekonomik të të gjithë rajonit. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono