vrasje

WhatsApp-Image-2020-02-23-at-13.16.12.jpeg
eri Ida13:27 | 23/02/2020

Policia e Shtetit ka nxjerrë emrat e tre personave që janë në kërkim tre persona që janë dënuar për vrasje. Sipas policisë pjesë e kësaj liste janë dy persona të shpallur në kërkim jane dy vellezer nga Dibra të cilët janë dënuar me 25 vite burg nga Gjykata.

Aleks Totraku alias Abdyl Lala

Në datën 1 janar 2013, në fshatin Mazrek të Komunës Kashar, Aleks Totraku, në bashkëpunim me vëllanë e tij shtetasin Antonio Lala alias Mirjan Lala (person në kërkim) ka vrarë me armë zjarri shtetasin A. D.   Aleks Totraku alias Abdyl Lala është dënuar me 25 vjet burgim, nga Gjykata e Rrethit Gjyqësor Tiranë, për veprat penale “Vrasja me paramendim, kryer në bashkëpunim” dhe “Armëmbajtja pa leje”.

Antonio Lala alias Mirjan Lala

Në datën 1 janar 2013, në fshatin Mazrek të Komunës Kashar, Antonio Lala alias Mirjan Lala, në bashkëpunim me vëllanë e tij Aleks Totraku alias Abdyl Lala (person në kërkim), ka vrarë me armë zjarri shtetasin A. D.   Antonio Lala alias Mirjan Lala është dënuar nga Gjykata e Rrethit Gjyqësor Tiranë me 25 vjet  burgim, për veprat penale “Vrasja me paramendim, kryer në bashkëpunim” dhe “Armëmbajtja pa leje”.

Nexhip Rexho

Në datën 27 gusht 2000, në lagjen “Uji i Ftohtë”, në Vlorë, Nexhip Rexho ka vrarë me armë zjarri, për motive të dobëta, shtetasin L. M. dhe ka plagosur gruan e këtij të fundit, shtetasen T. M. Nexhip Rexho është dënuar nga Gjykata e Apelit Vlorë me 25 vjet burgim, për veprat penale “Vrasja me paramendim”, “Vrasja me paramendim” e mbetur në tentativë dhe “Armëmbajtja pa leje”./abcnews.al

d8ce43ed-e903-424c-bafe-634d9040598d.jpg
eri Ida12:32 | 22/02/2020

Policia këtë të shtunë në vijim të publikimeve të listës të të kërkuarve në Shqipëri ka publikuar emrat e tre personave.

Këta persona rezultojnë se janë të dënuar me 25 vite burg për vrasje të kryera në periudha të caktuara.

Gentian (Eugen) Sula

Në datën 19 mars 1997, në lagjen nr. 5, Korçë, shtetasi Gentian (Eugen) Sula, në bashkëpunim me shtetas të tjerë, ka vrarë me armë zjarri, në banesën e tij, shtetasin B. F. dhe si pasojë e shkëmbimit të zjarrit ka gjetur vdekjen edhe bashkëpunëtori i Gentianit, shtetasi D. B. Gentian (Eugen) Sula është dënuar nga Gjykata e Apelit Korçë, me 25 vjet burg, për veprat penale “Vrasja me paramendim, kryer në bashkëpunim” dhe “Armëmbajtja pa leje”.

Besnik Lamçja

Në datën 27 qershor 2000, në vendin e quajtur “Magazinat e tregtisë”, në rrugën “Siri Kodra”, Besnik Lamçja, në bashkëpunim me shtetasin E. Ç., ka vrarë me armë zjarri shtetasin G. U. Besnik Lamçja është dënuar me 25 vjet burgim, nga Gjykata e Rrethit Gjyqësor Tiranë, për veprat penale “Vrasja me paramendim, kryer në bashkëpunim” dhe “Vjedhja me armë”.

Kujtim Qordja

Në datën 17 janar 1999, në vendin e quajtur “Ura e Babrroit”, shtetasi Kujtim Qordja ka vrarë me armë zjarri shtetasin P. U. (H). Kujtim Qordja është dënuar me 25 vjet burgim, nga Gjykata e Rrethit Gjyqësor Tiranë, për veprën penale “Vrasja me paramendim, kryer në bashkëpunim”./abcnews.al

vrasjeeeeee.jpg
ger ta15:41 | 21/02/2020

Një person  i shpallur në kërkim për vrasje e vëllait të tij 6 vite me parë  është vënë në prangat e policisë kufitare në Hanin e Hotit.

Informacionet bëjnë me dije se Mhill Shytani, 38 vjeç, dyshohet se më datë 23.04.2014 ka vrarë vëllanë e tij, shtetasin K. Sh., i cili në momentet e para  është deklaruar nga familjarët si i vetëvarur.

Hani i Hotit, Shkodër

Policia kufitare ndalon një person të shpallur në kërkim për vrasje.

Nga shërbimet e PKK Hani i Hotit, në vijim të punës për kapjen e personave në kërkim, gjatë kontrollit të imtësishëm në  dalje të Republikës së Shqipërisë është ndaluar personi i shpallur në kërkim, shtetasi M. Sh., 38 vjeç, banues në Shkodër.

Më datë 17.02.2020, Gjykata e Shkallës së Parë Shkodër i ka caktuar masën e sigurisë “Arrest në burg” në mungesë, për veprën penale “Vrasja për shkak të marrëdhënieve familjare, e kryer në bashkëpunim”, pasi në përfundim të hetimeve të bëra dhe në bazë të provave ligjore të siguruara, dyshohet se më datë 23.04.2014 ka vrarë vëllanë e tij, shtetasin K. Sh., i cili në momentet e para  është deklaruar nga familjarët si i vetëvarur.

Materialet iu referuan Prokurorisë së Rrethit Gjyqësor Shkodër, për veprime të mëtejshme./abcnews.al

WhatsApp-Image-2020-02-18-at-18.12.42.jpeg
eri Ida17:01 | 18/02/2020

Vrasja e 49 vjeçarit Jan Prenga vijon të jetë në qendër të opinionit publik për misterin që përmban vetë kjo ngjarje e rëndë.

Së fundmi detaje të reja kanë dalë në drite përmes fotove  që tregojnë momentet e fundit të Prengës para rrëmbimit, mëngjesin e 17 janarit. 49 vjeçari siç mund të dallohet përmes fotove shfaqet në një lokal, së bashku me një grua, ku më pas ngrihen dhe largohen. Ky ka qenë dhe momenti i fundit, kur Prenga është parë në lagjen ku banonte.

Ndërkohë më pas ai është rrëmbyer në rrugën “London”, ku si pasojë e dhunës së ushtruar ka humbur jetën më pas zhdukur, ndërsa nuk është gjetur ende trupi i tij. Sipas policisë, rrëmbimi i Jan Prengës u krye me një automjet të vjedhur “Range Over” dhe ka mbërritur i vdekur në bodrumin e resorit “Golden”, në Shijak.

Gjithashtu në lidhje me këtë ngjarje të rëndë janë shpallur në kërkim Gentian Doçi, Altin Hajri dhe Dritan Rexhepi, ku të tre rezultojnë emra të njohur për drejtësinë, pasi Doçi është pjesë e një prej bandave të Shkodrës.

Një ndër pistat që hetohet në lidhje me këtë ngjarje makabër është dhe lidhjet që vëllai i viktimës mund të ketë me autorët e dyshuar në rrëmbim./abncews.al

gjilan.png
Autor E13:55 | 18/02/2020

Detaje të reja kanë dalë nga ngjarja e rëndë ka ndodhur në Gjilan, nga e cila nga të dhënat paraprake mësohet se kanë mbetur pesë të vdekur.

Policia e Kosovës bën me dije se vajza police ka vrarë prindërit dhe dy vëllezërit e saj duke qëlluar në fund edhe ndaj vetes.

Kështu, numri i viktimave ka shkuar në pesë në Gjilan duke shënuar një ndër tragjeditë më të mëdha të viteve të fundit në këtë qytet.

Lexo edhe: Tronditëse, vajza shuan familjen: Vrau prindërit, dy vëllezërit pastaj veten

Policen e kanë larguar fillimisht nga policia pasi kishte probleme psiqike, por më pas ajo është rimarrë në punë duke i dhënë një detyrë civile. Me këtë detyrë ajo nuk ka të drejtë të mbajë armë, ndërsa mbetet ende e paqartë se ku e ka gjetur pistoletën me të cilën shoi familjen.

Sëfundmi kanë dalë pamje nga vendi ku ka ndodhur ngjarja e rëndë, në të cilën gjenden një numër i madh policësh, të cilët po bëjnë këqyrjen e shtëpisë ku ka ndodhur krimi.

Komunikata e policisë: 

Prokuroria Themelore në Gjilan, Departamenti për Krime të Rënda, ju njofton se sot rreth orës 13h, nga një zyrtare policore janë vrarë 4 persona – anëtarë të familjes së saj dhe në fund e njëjta ka kryer vetëvrasje.

Sipas informatave të para, dyshohet se në lagjen ‘’Bujanina’’, në Gjilan, e ndjera V.B., zyrtare policore, në kuadër të Stacionit Policor në Gjilan, me armë zjarri ka privuar nga jeta dy prindërit dhe dy vëllezërit e saj, ndërsa, pastaj ka kryer vetëvrasje.

Në vendin e ngjarjes menjëherë kanë dalë policia, prokurori i rastit dhe ekipa mjekësore, të cilët edhe kanë konstatuar vdekjen e tyre, ndërsa me urdhër të prokurorit trupat e të njëjtëve do të dërgohen për obduksion, në Institutin e Mjekësisë Ligjore, në Prishtinë. Rasti është duke u hetuar, ndërsa për detajet e tjera do të informoheni me kohë. /abcnews.al

vrasje-ushterae.jpg
eri Ida14:03 | 12/02/2020

Në qytetin e Këlcyrës këtë të mërkurë është zhvilluar ceremonia e varrosjes së eshtrave të 20 ushtarëve grekë të vrarë në Shqipëri, gjatë luftës italo-greke.

Këto janë eshtra që janë gjetur gjatë gërmimeve në territorin e Këlcyrës. Ndërkohë pjesë e kësaj ceremonie kanë qenë Përfaqësues të Ambasadës greke dhe përfaqësues të komisionit dypalësh ndërshtetëror.

Ceremonia u krye sipas protokollit ushtarak grek dhe riteve fetare ortodokse, por nuk morën pjesë familjarë të viktimave./abcnews.al

vrasjeeee.jpg
eri Ida11:54 | 09/02/2020

Një ngjarje e rëndë ka ndodhur në moske ku një baba ka vrërë me thikë djalin e tij adoleshent 13 vjeçar. Mediat ndërkombëtare raportojnë se autor i kësaj ngjarje të rëndë është rusi Oleg Drachev, i cili është i diagnostikuar me tumor në kokë.

Sipas autoriteteve vendase shkaku i krimit të tmerrshëm është bërë fakti se burri mendonte se pas vdekjes së tij, e shoqja nuk do ishte në gjendje që ta rriste djalin e vetme.

Një histori drithëruese e cila vjen nga Moska, ku policia ruse arrestoi të dyshuarin, i cili tentoi të vriste edhe gruan. Por ajo arriti që të shpëtojë duke u mbyllur me çelës në banjë prej nga ky telefonoi policinë.

Prindërit e 13-vjeçarit Ilya dukeshin të lumtur, deri në momentin kur inxhinieri ish-ushtarak Oleg Drachev, u diagnostikua me kancer. Ndërkohë pas arrestimit, pritet që 40-vjeçri të mbyllet në spital psikiatrik. /abcnews.al

36d3aad1e8614d1b8ea1a8193aa5622e_18.jpg
eri Ida14:34 | 07/02/2020

Gjatë operacionit kundër terrorizmit, në Jemen, Shtetet e Bashkuara të Amerikës kanë  vrarë lideri i organizatës terroriste Al-Kaeda në Gadishullin Arabik, Qasim al-Rimi. Shtëpia e Bardhë përmes një deklarate për mediat ka bërë me dije se SHBA-ja me urdhër të presidentit Donald Trump, zhvilloi një operacion kundër terrorizmit, në Jemen, ku u vra themeluesi dhe lideri i organizatës terroriste Al-Kaeda në Gadishullin Arabik, Qasim al-Rimi.

Ndër të tjera mediat e huaja raportojnë se organizata terroriste Al-Kaeda nën udhëheqjen e Rimit në Gadishullin Arabik ka kryer sulme të pandërgjegjshme kundër civilëve, në Jemen. Gjithashtu, kjo organizatë ka kryer edhe shumë sulme kundër SHBA-së.

Ndër të tjera në deklaratën e Shtëpisë së Bardhë theksohet se vrasja e Al-Rimit në operacionin në fjalë do të dobësojë praninë e Al-Kaedas në Gadishullin Arabik dhe në të gjithë botën dhe se është bërë një hap përpara në eliminimin e këtyre organizatave që kërcënojnë sigurinë kombëtare të SHBA-së./abcnews.al

cf77716e-2239-4d5f-bbdb-2d7a9234d423.jpg
eri Ida19:00 | 06/02/2020

Gjykata e Tiranës ka lënë në burg 5 të arrestuarit për rrëmbimin dhe vrasjen e Jan Prengës. Të arrestuarit janë  Bajram Hajrin, Leonard Hajrin, Elton Hajrin dhe Olsi Turjan,të cilët akuzohen për mbajtje peng të personit dhe “armëmbajtje pa leje”, si dhe Festim Bexhdili, që u arrestua në Kavajë, akuzohet për fshehje dhe asgjësim të trupit të pajetë të Prengës.

Gazetarja Glidona Daci ka siguruar për abcnews.al vendimin e gjykatës për pesë të arrestuarit e akuzuar për rrëmbimin dhe vrasjen e Jak Prengës në Kamzë.

Më këtë vendim gjithashtu tregohet me detaje në baze të pamjeve filmike dinamika e ngjarjes që nga rrëmbimi e deri te vrasja e Jan Prengës. Sipas këtij vendimi rezulton se 49 vjeçari nga Kamzë në fillim është rrëmbyer nga një makinë “Range Rover Evoque”, ndërsa pas arritjes në Kompleksin Golden në Shijak, trupi i tij është kaluar në një furgon, ku në bazë të filmimeve rezulton se autorët në automjet kanë futur edhe vegla të tjera pune si lopate dhe kazme.

“Rezulton se një automjet tip “Range Rover Evoque”, me ngjyrë të bardhe është dhe makina me të cilën është marrë Jan Prenga. Makina është në pronësi të shtetases K.R. e cila e ka deklaruar të vjedhur në nëntor të 2019 makinën në Komisariatin Numër 6 në Tiranë. Ky automjet është konstatuar të futet dhe në ambjentet e kompleksit Golden në Shijak në orën 11:35 dhe më pas ka dalë dhe automjeti është gjetur i djegur në fshatin Shkallnur të Durrësit.Ndërkohë sipas pamjeve filmike rezulton se trupi i Jan Prengës është kaluar nga Range Rover në automjetin tip furgon duke fshirë çdo gjurmë gjaku. Kalimi është bërë me urdhër të Elton Harjit ku gjithashtu nga pamjet duken se në furgon futen edhe mjete pune si kazma e lopata. Rezulton se kompleksi Golden ku janë gjetur dhe sekuestruar armë administrohet nga  familjaret Bajram Hajri,  Leonard Hajri dhe Altin Hajri, me menaxhimin e kompleksit merret Olsi Turja  i cili në pamjet e filmuara shfaqet duke fshirë gjurmët e gjakut. Në gjykatë përveç shtetasve të lartpërmendur është sjellë nën hetim edhe Festim Bexhdili i cili akuzohet për asgjësim dhe për fshehje të kufomës. Nga pamjet ai shikohen dukshëm veprime active të transportimit të kufomës fillimisht me automjetin tip furgon dhe më pas edhe jashtë makinës seri në momentin e groposjes së Jan Prengës,” thuhet ne vendimin e gjykatës.

49-vjeçari u mor peng, u dhunua dhe u rrëmbye më 17 janar, në Kamëz, ndersa policia ishte dhe ajo qe konfirmoi vdekjen e tij nga humbja e gjakut, pas dhunës e torturave. Ngjarja horror ku humbi jetën Jan Prenga  lidhet me të shkuarën kriminale të vëllait të viktimës në Britani, ku bëhet fjalë për një sasi prej 300 kg kokainë, që ai nuk e ka dorëzuar te grupi i trafikantëve./abcnews.al

 

cuku.png
R D09:29 | 06/02/2020

Gjykata e Durrësit ka lënë me masën e sigurisë arrest me burg, Lulzim Cukun, i cili të shtunën e javës së kaluar vrau me thikë gruan e tij në banesë.

Ai ka mbërritur në gjykatë në kushte të rënda psikologjike. Siç shihet edhe në pamje, Cuku është tejet i çorientuar. Nuk u përgjigjet dot as pyetjeve të gjyqtarit.

Lulzim Cuku ka vrarë të shtunën në darkë bashkeshorten e tij Manjola Cuku për shkaqe xhelozie. Pranë trupit të viktimës policia gjeti tre fëmijet e saj të mitur.

Manjola Cuku rezultonte me urdhër-mbrojtje nga gjykata e Durrrësit, pasi ishte dhunuar edhe herë të tjerë nga bashkëshorti.

Në dëshminë e tij, autori i krimit është shprehur se “prej tre muajsh kemi nisur të debatojmë. Kisha arsye se kisha gjetur gjera të çuditeshme në shtëpi që më bënin të dyshoja se po më tradhtonte. Vjehrri më tha që shtëpia është kthyer në vend drogaxhinjesh, prandaj vendosa ta merrja me vete në Greqi, por ajo (Manjola) nuk pranoi të vinte me mua”.

Pasi ka vrarë bashkëshorten me thikë, ai e ka kyçur në banjë dhe është arratisur, për tu kapur disa orë më pas në Mat. Burime të policisë thanë se kur mbërritën në banesë gjetën fëmijët teksa qanin mbi trupin e nënës.

/abcnews.al

*Pamjet nga gjykata


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono