vrasje

shqiptari.jpg
G. P.08:44 | 13/12/2018

Një shqiptar është ekzekutuar mbrëmë në kryeqytetin grek Athinë. ABC News mësoi nga burime nga policia greke, se viktima është Lulzim Qorri, 44 vjeç, nga Lushnja. Ngjarja ka ndodhur mbrëmë rreth mesnatës, në një lokal në sheshin “Omonia” të Athinës.

Mësohet se viktima është qëlluar me armë në kokë nga një person që u largua më pas me motoçikletë, së bashku me një person tjetër. Policia greke ka nisur hetimin për motivet e ngjarjes. Viktima Lulzim Qorri, mësohet se më herët ishte arrestuar në Shqipëri, i akuzuar për trafik droge./abcnews.al

SHBA-SHKOLLAT-ABCM3T1.mpg_snapshot_00.23-1280x720.jpg
G. P.19:00 | 12/12/2018

2018-a ka qenë pa dyshim viti më i errët për shkollat amerikane, ku janë regjistruar mbi 20 incidente me armë zjarri, që kanë lënë mbi 110 të vrarë e të plagosur. Studimi me shifrat tronditëse ngre veç aspektit statistikor edhe shqetësimin për pasivitetin e shtetit amerikan për zgjidhjen e problemit.

Viti 2018 ka qenë pa dyshim më i rëndi sa i takon incidenteve të armatosura në institucionet arsimore të Shteteve të Bashkuara, që në tërësi kanë lënë 113 persona të vdekur e të plagosur. Është një studim i gazetëts “Education Week”, e specializuar në fushën e arsimit, që vë në dukje shifrat tronditëse të llogaritura për vitin që po lëmë pas. Gazeta, që ka regjistruar incidentet e armatosura të ndodhura kryesisht në shkolla të mesme, saktëson se në pjesën dërrmuese të shteteve amerikane zhvillohen 180 ditë shkollore në vit. Kombinuar kjo me numrin e incidenteve me armë zjarri, 23, i bie që një incident i armatosur të ketë ndodhur në çdo tetë ditë shkollore.

“Viti që po lëmë pas ka qenë i paprecedent, me dy raste që u kthyen në vrasje në masë, pa harruar edhe incidente të tjera në shkallë më të vogël që nuk janë raportuar në media”, ka deklaruar Lesli Maxwell, redaktore e “Education Week”. Maxwell i referohet sulmit të armatosur në shkollën e mesme në Parklend të Floridës, ku mbetën të vrarë 17 persona dhe atij në një shkollë në Santa Fe të Teksasit, ku mbetën 10 viktima. Në të dyja episodet, autorë ishin dy djem adoleshentë. E ndërsa në mbarë Amerikën nisi nga vetë studentët një fushatë për një kontroll më të rreptë të armëve, presidenti Donald Trump propozoi armatosjen e mësuesve ose stafit arsimor. “Të gjitha ngjarjet dhe ato që u propozuan më pas u raportuan në media, por vetëm kaq”, ka thënë më tej Maxwell./abcnews.al

elisa-spirop.jpg
G. P.19:52 | 05/12/2018

Katër shqiptarë janë vrarë në Greqi në harkun e dy javëve. E ftuar në emisionin “Mbrëmje Ide” nga Mirela Milori, deputetja e Partisë Socialiste, Elisa Spiropali, ngushëlloi familjarët e tyre dhe tha se ata janë vrarë për shkak të disa ekstremistëve në Greqi.

“Unë dua të shpreh trishtimin e thellë për familjet shqiptare që kanë humbur jetët e njerëzve të tyre në Greqi për shkak të disa sulmeve fashiste nga ekstremistë në Greqi. Është e rëndë që të flasim për humbje jetësh në këto kohë, por mendoj se është momenti për t’i kërkuar autoriteteve greke të hetojnë këto ngjarje”, tha Spiropali.

Më 25 Nëntor u vra Petrit Zifle, 63 vjeç. Policia greke arrestoi autorin e krimit, i cili është një 44-vjeçar banor i zonës. Sipas asaj që shkruajtën mediat greke, autori është një anëtar i partisë naziste “Agimi i Artë”. Për rastin në fjalë reagoi Ministria e Punëve të Jashtme ku bëri thirrje për një hetim të plotë në funksion të zbardhjes tërësore të rrethanave të ngjarjes.

Ndërkohë të martën u vra 18-vjeçari shqiptar, Marios Isak, në Kavalla. Mediat greke bënë të ditur se autori është një shqiptar, shok fëmijërie me viktimën. Ai e pranoi vrasjen pas arrestimit, por sqaroi se e kishte bërë gabimisht./abcnews.al

 

vrasja123.jpg
ent ela17:00 | 05/12/2018

18-vjeçari shqiptar, Marios Isak, që u vra mbrëmjen e së martës në Kavalla, është ekzekutuar nga një shqiptar shok fëmijërie i viktimës. Mediat greke bëjnë të ditur se autori e pranoi vrasjen pas arrestimit, por sqaroi se e kishte bërë gabimisht.

Sipas ekspertit të mjekësisë ligjore, që ka kryer ekzaminimin përkatës, plumbi e ka marrë viktimën në kraharor dhe i ka përshkruar mushkëritë.

Viktima ishte lojtar i një ekipi futbolli grek. Sipas informacioneve të mediave greke, shqiptari aktivizohej me ekipin e futbollit të Herakles në Kavalla. I riu shqiptar ishte rritur në këtë qytet, ku kishte ndjekur gjimnazin dhe më pas kishte nisur shkollën e lartë./abcnews.al

MBULIM-MPEJ-ATHINA-VRASJET.mpg_snapshot_00.36-1280x720.jpg
ent ela15:53 | 05/12/2018

Ministria për Europën dhe Punët e Jashtme është njoftuar nëpërmjet ambasadës në Athinë lidhur me gjetjen e pajetë të shtetasit shqiptar Marios Isak, për të cilin shprehu ngushëllimet për familjen dhe të afërmit e viktimës. Kjo është vrasja e katërt e një qytetari shqiptar brenda dy javëve, gjë për të cilën ministria shpreh shqetësim dhe indinjatë të thelluar edhe më për shkak të vonesave në zbardhjen e ngjarjeve nga autoritetet greke.

Ministria për Europën dhe Punët e Jashtme dënon sfondin e ekstremizmit dhe gjuhës së urrejtjes që shoqërojnë ngjarjet në vendin fqinj duke i bërë thirrje autoriteteve greke për frenimin e çdo përpjekjeje ekstremiste për të cënuar sigurinë dhe dinjitetin e shqiptarëve që kontribuojnë në shtetin fqinj./abcnews.al

marvii.jpg
G. P.15:58 | 03/12/2018

Procesi gjyqësor ndaj 4 të akuzuar për vrasjen e 22-vjeçarit Marvi Mihali pas konfliktit për një karikues celulari vijoi të hënën me pyetjen e prindërve të viktimës. Pavllo dhe Fatmira Mihali hodhën akuza direkte drejt të pandehurve duke i kërkuar trupit gjykues drejtësi dhe dënim maksimal.

Prindërit e Marvi Mihalit, 22-vjeçarit të vrarë me thikë në Gusht të vitit 2017 në Tiranë, dëshmuan të hënën në gjykatën e kryeqytetit në procesin kundër katër të akuzuarve për krimin. Të pikëlluar nga humbja e djalit, dëshmitarët Pavllo dhe Fatmira Mihali, gjetën forcë të flasin për ngjarjen më të rëndë të jetës së tyre.

“Unë i kam humbur të gjitha”, tha babai i Mihalit, ish-rekordmeni i atletikës, Pavllo Mihali.

“Kriminelët më vranë djalin, investimin më të madh të jetës sime”.

Dëshmitari tha se kishte investiguar mbi të pandehurit dhe kishte mësuar se ata ishin kontigjent kriminal, ç’ka e ilustroi edhe disa postime të tyre në Facebook. Por gjykata ndërpreu dëshmitarin duke i kërkuar të fliste vetëm mbi dijeninë për ngjarjen. Ditën e ngjarjes dy bashkëshortët kishin qënë në Sarandë, por dëshmitari theksoi se kishte folur me dëshmitarët dhe parë videon e vrasjes, aktualisht e administruar si provë nga prokuroria.

“E kam parë me qindra dhe mijëra herë videon e vrasjes së djalit. Marvi në ngjarje vetëm ka ndarë Armend Haxhiun dhe Dejvi Bitrajn. Eugeni vjen nga disa metra larg me vrull, e godet dhe e hedh në tokë dhe më pas ia bën gati djalit të xhaxhait të tij, Dejvi Bitraj. E kanë qëlluar me thikë e më pas me shkelma. Dënimi duhet të jetë maksimal”, rrëfeu i tensionuar Pavllo Mihali.

Jo më pak e tronditur, nga tavolina e dëshmitarit, nëna e të ndjerit Mihali tha se këto kanë qenë muaj tmerri për të.

“Ata ishin përgatitur për të vrarë”, tha dëshmitarja Fatmira Mihali, duke iu referuar të pandehurve.

“Do vrisnin këdo që do u dilte para”.

“Kam besim tek drejtësia, vijoi dëshmitarja dhe sa të kem jete do luftoj, pastaj, po të jetë nevoja do kaloj në vetëgjyqësi. Askush nuk mund të dalë i palagur nga kjo histori”.

Në lidhje me vrasjen e 22-vjeçarit Mihali në Gjykatën e Tiranës po gjykohen të pandehurit Eugen e Dejvi Bitraj dhe Kridens e Marsel Alla. Sipas prokurororisë, vrasja ndodhi pas një konflikti të të pandehurve me një shok të Marvi Mihalit për një karikues telefoni celular. /abcnews.al

arrestim.jpg
G. P.11:10 | 27/11/2018

Kapet një shtetas i shpallur në kërkim ndërkombëtar për veprat penale “Vrasje” dhe “Mbajtja pa leje e armëve të zjarrit dhe municionit luftarak” dhe një shtetas i shpallur në kërkim kombëtar për veprën penale “Mashtrim Kredi”. Forca e Posaçme e Operacioneve Speciale dhe Kërkimit në D.V.P.Tiranë në bashkëpunim me Interpol Tirana, kapën dhe arrestuan përkohësisht shtetasin e shpallur në kërkim ndërkombëtar:
– D. R., 24 vjeç, banues në Tiranë.

Gjykata e Torinos/Itali ka vendosur ndaj këtij shtetasi masën e sigurisë “Arrest me burg” për veprat penale “Vrasje” dhe “Mbajtja pa leje e armëve të zjarrit dhe municionit luftarak”, parashikuar nga nenet 110, 575 të Kodit Penal Italian, ku maksimumi i dënimit është 21 vjet burg. Gjithashtu nga Forca e Posaçme e Operacioneve Speciale dhe Kërkimit në D.V.P.Tiranë u kap shtetasi në kërkim kombëtar:
– V. Gj., 53 vjeç, banues në Tiranë.

Gjykata e Apelit Tiranë ka vendosur ndaj këtij shtetasi dënimin me 1 vit e 8 muaj burg për penale “Mashtrim Kredi”, parashikuar nga neni 146 i Kodit Penal./abcnews.al

MBULIM-VETEDOREZOHET-BOSHNJAKU-ABCM5T2.mpg_snapshot_00.02-1280x720.jpg
G. P.09:41 | 27/11/2018

Gjykata e Tiranës ka liruar Ajaks Boshnjakun, një nga personat e shpallur në kërkim pas vrasjes në një lokal në ish Bllok në 4 tetor. Gjykata ka ndryshuar masën e sigurisë për Boshnjakun, nga “arrest në burg” në “detyrim paraqitjeje”. Boshnjaku u vetëdorëzua në policinë e Tiranës mbrëmjen e së djelës dhe sot në mëngjes ai ka dalë para gjykatës së Tiranës për rivlerësimin e masës së sigurisë “arrest në burg” të caktuar ndaj tij në mungesë. Gjatë marrjes në pyetje, Boshnjaku kishte deklaruar se ai nuk kishte asnjë lidhje apo dijeni mbi ngjarjen. Ai ka pranuar se kishte qenë në lokal, por sapo kishte nisur sherri mes dy grupeve të Ervis Martinajt dhe Ervin Matës ai ishte larguar nga lokali.

Po sot, për të njëjten dosje, gjykata liroi me masën e sigurisë “detyrim paraqitje” edhe Geldo Hotin, i ndaluar në Kakavijë pak ditë pas vrasjes. Deri tani ai ka qenë me masën e sigurisë “arrest në burg”./abcnews.al

auto_12_03_2016_1049828_policia_shqipetare_shkoder1497509377.jpg
ent ela16:35 | 23/11/2018

Policia e Shtetit konfirmoi se shqiptari i vrarë në Janinë është 39 vjeçari Altin Mulla. Në deklaratën zyrtare të Policisë thuhet se po shkëmbehet informacion me Policinë greke për këtë çështje. Në komunikimin zyrtar me median, Policia siguron familjarët e viktimës se do të ndiqen të gjitha hapat në kuadër të bashkëpunimit diplomatik dhe policor dypalësh për sqarimin e situatës dhe të rrethanave ku humbi jetën shtetasi shqiptar. Ndërkohë Ministria për Evropën dhe Punët e Jashtme po kryen hapat e nevojshme me autoritetet homologe për ngjarjen e 22 nëntorit. Sipas Policisë së shtetit fqinj, në vendngjarje janë gjetur 6 çanta me 13 pako që permbanin mbi 166 kg marijuanë si dhe 2 kallashnikovë. Viktima Altin Mulla ka qenë në kërkim në Shqipëri si i dyshuar për disa ngjarje të rënda kriminale, por kishte mundur t’i shpëtonte uniformave blu./abcnews.al

nekros_peripoliko_arthro-933x445.jpg
G. P.19:28 | 22/11/2018

Një incident i armatosur me pasojë një të vdekur u verifikua pasditen e së enjtes në kufirin shqiptaro-grek. Sipas mediave helene, protagonistë të ngjarjes ishin oficerët grekë të Janinës dhe një grup shqiptarësh, që sipas burimeve po trafikonin lëndë narkotike. Pas hetimeve të para, autoritetet greke deklaruan se në momentin kur oficerët e policisë ishin përpjekur të kontrollonin shtetasit shqiptarë, këta të fundit kishin qëlluar ndaj tyre. Në këto kushte, oficerët iu përgjigjën zjarrit dhe nga të shtënat një shtetas shqiptar mbeti i vrarë, ndërsa një polic grek i plagosur lehtë në dorë. Ngjarja u raportua në zyrën lokale të policisë rreth orës 18:00 dhe pranë vendit të ngjarjes u gjetën disa çanta me drogë. Ndërkohë, agjentët e policisë nisën një operacion kërkimi për arrestimin e personave të tjerë në një zonë pranë fshatit Visani Pogoni, ku ndodhi dhe incidenti./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono