vrasja kavaje

grila-1280x720.jpg
Autor E10:15 | 10/10/2019

Gazetarja Enkelejda Arapi ka zbardhur nga Kavaja për abcneës.al detaje të reja në lidhje me ngjajen e rëndë që tronditi sot në mëngjes qytetin.

Nga kjo ngjarje mbeti i vdekur Dritan Hoxholli, ndërsa u plagos polici B.Toci.

Policia dyshon se ngjarja ndodhi për shkaqe xhelozie pasi të dy burrat kishin lidhje me një grua që e kishte bashkëshortin emigrant në Gjermani.

Abcnews.al mëson se fillimisht Hoxholli ka tentuar të futet në shtëpinë e gruas duke përdorur derën e saj, por pasi ajo ka refuzuar ai është ngjitur nga pas pallatit duke shqyer grilën e ballkonit.

Viktima Dritan Hoxholli

Në këtë moment, në vendin e ngjarjes mbërrin polici Toci, i cili fillimisht ka debatuar me Hoxhollin. Pas fjalëve ka qenë radha e përdorimit të armëve, ku burime nga policia bëjnë me dije se fillimisht ishte viktima që qëlloi me kallashnikov në drejtim të Tocit.

Grila e shqyer

Plumbat e kanë kapur këtë të fundit në qafë policin, i cili është përgjigjur me armën e shërbimit duke e lënë Hoxhollin të vrarë në vend.

Toci është dërguar menjëherë në spital, ndërsa ruhet nga policia, ndërsa trupi i Hoxhollit është dërguar në morgun e spitalit të Kavajës. /abcnews.al/

hoxholli-1280x720.jpg
Autor E09:10 | 10/10/2019

Ngjarja e rëndë që ndodhi gjatë orëve të para të ditës së sotme në Kavajë ku mbeti një i vdekur dhe një i plagosur ka tronditur qytetin e Kavajës.

Burime zyrtare nga policia bëjnë me dije se nga konflikti me armë ka mbetur Dritan Hoxholli, ndërsa i plagosur është punonjësi i policisë B.Toçi.

Ngjarja e rëndë ndodhi në shtëpinë e një gruaje në Kavajë, e cila jetonte e vetme.

Gazetarja e ABC News, Enkelejda Arapi raporton se në momentin e konfliktit në ambientet e shtëpisë kanë qenë edhe persona të tjerë, ndërsa policia dyshon se shkak i përplasjes është një lidhje dashurore.

Mësohet se viktima ka qëlluar me një plumb punonjësin e policisë ku më pas ky i fundit e ka qëlluar me 4 plumba. /abcnews.al/

kavaje-1-1280x720.jpg
Autor E08:58 | 10/10/2019

Një ngjarje e rëndë ka ndodhur ditën e sotme në qytetin e Kavajës.

Një person ka humbur jetën ndërsa një tjetër është plagosur.

I plagosuri është një efektiv policie i identifikuar si Bledar Toci i cili aktualisht është në gjendje të rëndë.

Ka qenë polici ai që ka qëlluar me kallashnikov ndërsa viktima Dritan Haxholli, ka qëlluar me pistoletë.

Mendohet se viktima ka shkuar të shtëpia e ish të dashurës për të sqaruar ndarjen, por në banesë ka qenë polici i burgjeve Bledar Toci.

Por viktima Haxholli ka qëlluar me armë mbi policin duke e plagosur. Më pas Toci ka qëlluar me armën e shërbimit për vetëmbrojtje ndaj Haxhollit, i cili ka mbetur i vrarë.

Informacion paraprak

Rreth orës 00.40, në Lagjen nr. 2 Kavajë, shtetasi D. H., banues në Kavajë, ka hyrë në banesën e shtetases M. Q. Në banesë ndodhej dhe shtetasi B. T, banues në Kavajë, punonjës i Policisë së Burgjeve.

Shtetasi D.H. është konfliktuar me shtetasin B. T. dhe si pasojë shtetasi D.H ka qëlluar me armë në drejtim të shtetasit B.T duke e plagosur atë. Shtetasi B.T me armën e shërbimit ka qëlluar në drejtim të shtetasit D.H i cili ka ndërruar jetë në vendngjarje.

Shtetasi B.T, ndodhet jashtë rrezikut për jetën.

Grupi hetimor po vijon punën për sqarimin e mëtejshëm të rrethanave të ngjarjes.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono