votimi

SEANCA-DIALOGU-1280x720.jpg
ent ela18:47 | 05/09/2018

Përsëri dështoi seanca e qeverisë dhe opozitës në Kosovës lidhur me ekipin negociator që do të marrë pjesë në dialogun me Serbinë në Bruksel. Dështimet ndodhën për shkak të mungesës së kuorumit. Në këtë situatë, kryeparlamentari Veseli tha se vazhdimi i seancës do të bëhet të enjten.

Kuvendi i Kosovës po kalon një periudhë krize të rëndë pasi nuk arrin të përmbyllë punimet në seancat e thirrura si nga qeveria ashtu edhe nga opozita. Edhe të mërkurën dështoi seanca e jashtëzakonshme parlamentare për ekipin e dialogut që përfaqëson Kosovën në bisedimet me Serbinë në Bruksel. Pasi u tentua disa herë, kryetari i Kuvendit Kadri Veseli njoftoi se votimi për këtë ekip të prezantuar nga kryeministri Ramush Haradinaj nuk do të zhvillohet pasi mungon kuorumi i nevojshëm.

Nga ana tjetër, veseli njoftoi se gjatë mbrëmjes të së mërkurës do të mbahej seanca e kërkuar nga opozita. Megjithëse u tentua dy herë, edhe deputetët e opozitës nuk ia dolën të grumbullonin 61 deputetë në sallë. Përpjekjet e tyre treguan shumë lidhur me situatën politike në të cilën gjëndet vendi. Nisma për Kosovën, që bën pjesë në koalicionin qeveritar vendosi të marrë pjesë në seancën e opozitës, duke dërguar një mesazh të qartë, që qeveria është tepër e brishtë.

Ndërkohë, në këtë seancë, opozita kërkon miratimin e një rezolute që ndalon presidentin Hashim Thaçi të marrë pjesë në dialogun me Serbinë. Kjo nismë erdhi pasi kreu i shtetit mbështeti korrigjimin e kufijve, më saktësisht u përfol se Presheva, Bujanoci dhe Medvegja do t’i bashkohen Kosovës dhe në këmbim edhe Serbia do të përfitonte diçka./abcnews.al

VOTIM-PARLAMENTI-1280x720.jpg
ent ela13:36 | 10/05/2018

Pas fjalës së kryeministrit Rama në Kuvend, deputetët e mazhorancës të pranishëm në sallë, nuk kanë vijuar me diskutimet për pikat e rendit të ditës por me propozim të kryetarit të grupit Taulant Balla kanë kaluar në votim.

Me 76 vota pro u miratuan raportet e veprimtarisë vjetore të Komisionerit për Mbikqyrjen e Shërbimit Civil, të Departamentit të Administratës Publike e të Institutit të Studimeve për Krimet dhe Pasojat e Komunizmit.

Me 75 vota të mazhorancës janë miratuar ndryshimet në projektligjin “Për pafajësinë, amnistinë dhe rehabilitimin e ish-të dënuarve dhe të përndjekurve politikë”,  si dhe projektligjet për kornizën shqiptare të kualifikimeve e atë mbi kontabilitetin e pasqyrat financiare.

Ky proces zgjati 15 minuta dhe në orën 13.00, seanca përfundoi. /abcnews.al

vlcsnap-error303-1280x720.jpg
ent ela13:18 | 23/01/2018

Prej afro një viti përflitet përfshirja e votës së emigrantëve në zgjedhjet elektorale. Për herë të parë vendoset të dikutohet publikisht në një tryezë me përfaqësues nga institucionet shtetërore dhe shoqëria civile. E vetmja që mungoi ishte  opozita. Kryetari i OSBE-së Robert Wilton nënvizoi se marrja e një vendimi të tillë duhet jetë gjithpërfshirës.

Një e treta e shqiptarëve që jeton jashtë territorit të vendit janë elektorati i munguar prej vitesh për partitë politike.

Për herë të parë në këto 27 vjet zhvillohet një diskutim publik për përfshirjen e  votës së emigrantëve. Hapi i parë që kërkohet është rregjistrimi i tyre. Aktualisht shqiptarëve me vendbanim jashtë Shqipërisë u duhet të rinovojnë dokumentat e identifikimit pasi kanë plotësuar afatin 10 vjeçar.

Modelet për votimin elekronik apo me postë vijnë nga vende të ndryshme të botës. Për Ministrin e Brendshëm Fatmir Xhafaj duhet bashkëpunimi i opozitës për realizimin e reformës zgjedhore.

Në të njëjtën linjë për bashkëpunimin është edhe kryetari  në detyrë i prezencës së OSBE-së në Shqipëri Robert Ëilton. Ai kërkoi të tregohen të kujdesshëm në marrjen e këtij vendimi pasi  votimi elektronik nuk është i pamanipulueshëm.

Thirrjes iu bashkua vetëm Partia Socialiste. Kreu i grupit parlamentar Taulant Balla vuri në dukje mungesën e kolegëve të opozitës.

Partitë politike kanë përsëritur thirrjet cdo vit elektoral që t’i bashkohen votat e emigrantëve Shqiptarë. Nëse regjistrimi i tyre bëhet sipas afateve të parashikuara, në vitin 2021 zgjedhjet parlamentare do të prodhojnë një rezultat të ri të pjesëmarrjes së votuesëve./abcnews.al

meta-fevzo-933x445.jpg
us er21:57 | 28/12/2017

“Nuk e kisha menduar kurrë që vendi ynë mund të votonte kundër SHBA”. Kështu u shpreh mbrëmjen e së enjtes në një intervistë për Blendi Fevziun, në “Opinion”, Presidenti Ilir Meta duke u ndalur tek qëndrimi i Shqipërisë kundër vendimit të Shteteve të Bashkuara të Amerikës, për të njohur Jeruzalemin si kryeqytet të Izraelit, në Asamblenë e OKB-së.

“Asnjëherë nuk kam menduar personalisht se mund të ndodhte një votim i tillë në një situatë të tillë kur kërkesat kanë qenë publike të bëra dhe nga Presidenti i SHBA-së dhe nga Ambasadorja e SHBA-së në OKB”.

Kreu i shtetit u shpreh se qëndrimet e Shqipërisë për çështje të rëndësishme, duhet të jenë të mirëkonsultuara dhe theksoi se për çështje të rëndësishme duhet konsensus i gjerë.

“Qëndrimet e Shqipërisë për çështje të rëndësishme sidomos në raport me aleatët tanë më të rëndësishëm duhet të jenë mjaft të qëndrueshme, të besueshme dhe të mirëkonsultuara. Pra, duhet të reflektojnë një konsensus madje jo vetëm shtetëror, por edhe një konsensus më të gjerë për arsye sepse kemi çështje të rëndësishme siç është ende çështja e Kosovës, çështjet e shqiptarëve në rajon të cilat na kërkojnë përgjegjshmëri të madhe për të ruajtur besueshmërinë ndërkombëtare”.

Më tej Meta tha se Presidenti ka dhe do luajë rol në politikën e jashtme dhe theksoi se do të jetë në mbrojtje të interesave shtetërore e kombëtare.

“Pa dyshim që Presidenti ka dhe Presidenti do ta luajë gjithmonë rol në politikën e jashtme kur kjo gjë është e domosdoshme dhe është në mbrojtje të interesave shtetërore dhe kombëtare”./tvklan.al

vlcsnap-error333-1280x720.jpg
us er15:04 | 17/12/2017

Këshilli i Përgjitshëm i Levizjes Vetëvendosje sot ka votuar për shpalljen e zgjedhjeve për kryetar të partisë. Mediat kosovare raportojnë se ky vendim u miratua pa asnjë votë kundër. Në mbledhjen e Këshillit të Përgjithshëm morën pjesë 133 delegatë të Vetëvendosjes. Ndërsa munguan kryetari aktual, Visar Ymeri, si dhe figura të tjera të rëndësishme të kësaj partie. Kjo mbledhje është kërkuar të bëhet pas përplasjeve të brendshme që po ndodhin aktualish në këtë parti. Ndërkohë, ish-lideri Albin Kurti, i cili ndodhet në burg, ishte i pranishëm në këtë mbledhje me anë të një letre. Ai thekson se në Lëvizjen Vetëvendosje është një rrumë që punon kundër tij. Gjithashtu theksoi se e ka falur Aida Dërgutin për ofendimin që i kishte bërë./abcnews.al

vlcsnap-error626-1280x720.jpg
us er16:47 | 07/12/2017

Pas tre orësh debat, Komisioni i Ligjeve ka miratuar procedurën për zëvendësimin e Prokurorit të Përgjithshëm me një prokuror të përkohshëm dhe zgjedhjen e këtij të fundit me shumicë të thjeshtë.
Opozita braktisi komisionin në momentin e votimit pas një debati të gjatë ku palët sqaruan me detaje pozicionet e kundërta.
Kryetari socialist i komisionit dhe deputetët socialistë kanë përcjellë qëndrimin e mazhorancës se mandati i Prokurorit të Përgjithshëm përfundon më 7 dhjetor, e sipas nenit tranzitor të ligjit për prokurorinë, vendimi për zëvendësimin me një prokuror të përkohshëm, në kushtet kur KLP, organi që e zgjedh, ende nuk është ngritur. Socialistët deklarojnë se zëvendësuesi i përkohshëm i Llallës do zgjidhet me shumicë të thjeshtë, bazuar edhe në memot rekomanduese të OPDAT e EURALIUS.
PD dhe LSI kanë qëndrim të kundërt. Sipas tyre, ligji më i lartë në Republikën e Shqipërisë është Kushtetuta, sipas të cilës, është KLP e jo Kuvendi ai që cakton mbarimin e mandatit të Llallës, si dhe propozon prokurorin e ri të përgjithshëm. Oerd Bylykbashi dhe antarët e PD e LSI në Komision kërkojnë referencë në Kushtetutë edhe për zgjedhjen e prokurorit, qoftë ky i përkohshëm./abcnews.al

vlcsnap-error935-1-1280x719.jpg
us er12:29 | 19/11/2017

Në Kosovë kanë votuar liderët partiake dhe kandidatët e raundit të dytë të zgjedhjeve lokale. Të gjithë bënë thirrje për pjesëmarrje masive në zgjedhje.
Kryeministri i Kosovës, Ramush Haradinaj, së bashku me bashkëshorten e tij Anita Haradinaj, kanë hedhur votën e tyre në shkollën e mjekësisë “Ali Sokoli” në Prishtinë për balotazhin e zgjedhjeve vendore. Pasi kreu obligimin e tij si qytetar i Republikës së Kosovës, Haradinaj ftoi të gjithë qytetarët të dalin të votojnë dhe të mos i neglizhojnë këto zgjedhje.

Pas votimi, edhe kryetari i Lidhjes Demokratike të Kosovës, Isa Mustafa bëri thirrje për pjesëmarrje sa më të madhe në votim. LDK garon në raundim e dytë të zgjedhjeve lokale në 10 komuna, përfshirë dhe Prishtinën që shikohet me shumë rëndësi.
Thirrja për pjesëmarrje masive ishte e njëjtë edhe nga kryetari i Partisë Demokratike të Kosovës, Kadri Veseli.
Gjithashtu në Prishtinë ka votuar edhe kandidati I Vetëvendosjes për drejtimin e kësaj komune, Shpend Ahmeti. Ai tha se kjo është dita kur qytetarët vendosin fatin e tyre.
Ndërkohë, rivali I tij kandidati nga radhët e Lidhjes Demokratike të Kosovës, Arban Abrashi nuk ka votuar ende./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono