votat

SINKRON-FLAMUR-NOKA-PER-DAKON.mpg_snapshot_01.02-1280x720.jpg
G. P.15:47 | 18/11/2018

Partia Demokratike vazhdon të kërkojë arrestimin me burg të kryetarit të Bashkisë së Durrësit Vangjush Dako. Nëpërmjet deputetit Flamur Noka demokratët deklarojnë se në dosjen 339 është e provuar që Dako ka bashkëpunuar me bandat për të blerë votat.

Flamur Noka, deputet i PD: “Dosja 339 është prova e krimit elektoral të Vangjush Dakos i cili bashkëpunoi me bandat për të blerë pushtetin ilegjitim të Edi Ramës. Në dosjen 339 të cilin Edi Rama po e mban të kyçur në sirtaret e Prokurisë, ekzistojnë me qindra faqe përgjime që përgjojnë se, Vangjush Dako ishtë në krye të operacionit kriminal për blerjen e votës dhe kërcënimin e votuesve nëpërmjet bandave. Për këtë krim, kryetari i Bashkisë së Durrësit Vangjush Dako duhet të arrestohet. Heshtja e Prokurorisë në kontrollin e plotë të Edi Ramës, mund ta ndihmojë sot për sot Vangjush Dakon, por askush nuk do ta shpëtojë nga krimi për blerjen e votës dhe pushtetit me bandat.”/abcnews.al

VELIAJ-TE-NJESIA-9_ABC-M2-T1.mpg_snapshot_00.52-1280x720.jpg
G. P.15:17 | 09/11/2018

Dëgjesa e radhës për buxhetin e 2019 për kryebashkiakun e Tiranës, Veliaj ishte te njësia 9. Gjatë bashkëbisedimit me qytetarët e kësaj njësie, Veliaj foli për investimet e kryera deri më tani, projektet e reja dhe nuk harroi të kërkonte edhe votat për PS në zgjedhjet e ardhshme për kreun e Bashkisë.

Stacioni i radhës i turit të dëgjesave me qytetarët për buxhetin 2019 i kryebashkiakut të Tiranës, Erion Veliaj ishte ai në njësinë nr. 9. Në fjalën e tij Veliaj tha se njësia nr 9 ka pasur fatin të ketë investime dhe projekte mjaft të mëdha dhe transformuese duke përmendur ato në lumin e Tiranës dhe Bulevardin e Ri.

Erion Veliaj, kryetari i Bashkisë Tiranë: “Fakti që kemi kaluar tre stinë vjeshte dhe dimri pa përmbytje, do të thotë se problematika me lumin e Tiranës është si ‘përrallë nga e kaluara’”, tha ai. Sipas tij, është drejt përfundimit edhe një nga investimet më të rëndësishme për qytetin, projekti i Bulevardit të Ri. “Bulevardi i Ri ka pësuar ndoshta transformimin më të madh në këto 3 vite, jemi thuajse afër fundit”.

Një tjetër lajm i mirë sipas Veliajt për njësinë 9 dhe gjithë kryeqytetin është edhe rivendosja dhe risitë e linjës së trenit

“Lajmi i mirë që na erdhi nga Edi dhe Damiani është se do t’i rikthehemi trenit të Tiranës, aty ku ka qenë stacioni i trenit. Risia është se do të kemi një tren elektrik në Tiranë. Kemi zgjedhur një tren hibrid, i cili do të punojë me karburant pasi lë Tiranën, por sa hyn në Tiranë, do të punojë me energji elektrike”.

Në turin e dëgjesave për buxhetin 2019 kryebashkiaku Veliaj shfrytëzoi rastin për të kërkuar votën në zgjedhjet e ardhshme.

“Kur të vijë koha e zgjedhjeve, duhet me e pyet opozitën: – Ore ku ishit ju? Kemi bërë shumë, imagjinoni sa shumë mund të bëjmë nëse PS do të ketë shumicën dërrmuese në Këshillin Bashkiak. Që punët të ecin pak më shpejt na duhet të na jepni votat për PS, siç keni bërë për kandidatin”.

Krahas përmirësimit të infrastrukturës së përgjithshme, asaj të edukimit dhe arsimit në kryeqytet sipas Bashkisë së Tiranës i është kushtuar vëmendje edhe mbështetje atyre që kanë më shumë nevojë për përkujdesje dhe përkrahje,duke përmendur vizitat mjekësore okulistike falas nga mjekë të huaj, në disa prej qendrave sociale të Bashkisë./abcnews.al

MAQEDONI-VOTAT.mpg_snapshot_00.00-1280x720.jpg
G. P.20:10 | 13/10/2018

Koalicioni qeverisës në Maqedoni është në kërkim të votave për të siguruar kuorumin e duhur për miratimin e ndryshimeve kushtetuese. Në prag të votimit të së hënës, opozita ka deklaruar sërish se nuk ndryshon qëndrim sa i përket marrëveshjes së Prespës, duke bërë që vendi t’i afrohet opsionit të zgjedhjeve të parakohshme. Por për BDI, situata nuk është e pashpresë.

VMRO-DPMNE-ja vazhdon të mbetet kundër Marrëveshjes së Prespës – ka deklaruar përmes një video mesazhi lideri i opozitës Hristijan Mickovski, prej se dje kjo parti vendosi që të mos i votojë amendamentet kushtetuese dhe të shkojë drejt zgjedhjeve të parakohshme parlamentare. Burimi i krizës – siç thonë nga opozita-është tek qeveria dhe kryeministri Zaev.

Hristijan Mickovski – Kryetar i VMRO-DPMNE: “Edhe njëherë rikujtojmë se Qeveria, Kuvendi dhe deputetët kanë përgjegjësinë të punojnë e të veprojnë konform vullnetit të popullit. Dhe vullneti i popullit është shprehur qartë në referendum. VMRO-DPMNE-ja është kundër kësaj marrëveshjeje dhe kështu do të mbetet. Burimi i krizës që po ndodh tani nuk është marrëveshja që u hodh poshtë, as referendumi i dështuar, por vetë pushteti dhe Zaev që duhet të largohen në mënyrë që Maqedonia të fitojë”.

Nga LSDM-ja edhe njëherë kanë bërë thirrje që VMRO-ja ti përkrahin ndryshimet kushtetuese, duke theksuar deputetët kanë obligim të sigurojnë ardhmëri në BE dhe NATO.

Pavle Bogoevski – Deputet i LSDM-së: “U bëjmë thirrje të gjithë deputetëve, në veçanti atyre të VMRO-DPMNE-së që ti përkrahin këto amendamente, të cilat do të sigurojnë të ardhmen euro-atlantike të vendit. Ne në të kaluarën kemi pasur mendime dhe polemika nga më të ndryshmet, por gjithmonë kemi pasur qëndrim të përbashkët për këtë çështje të rëndësishme dhe historike. Tani është momenti që këtë ta dëshmojmë në vepër dhe të sigurojmë bashkë rrugën drejt BE-së dhe NATO-s”.

Derisa nga opozita duket se janë të prerë në qëndrimet e tyre për të mos i përkrahur ndryshimet në kushtetutë, nga BDI-ja besojnë se ende nuk janë shterrur të gjitha mundësitë për të gjetur shumicën e nevojshme në parlament.

Bujar Osmani – BDI: “Ne mendojmë se ende nuk janë shterrur të gjitha përpjekjet dhe opsionet për të gjetur dy të tretat. Kemi hapësirë të hënën t’u japim deputetëve idenë e rëndësisë së momentit dhe të pranojnë hapjen e kushtetutës në mënyrë që të rrumbullakosim këtë ndryshim. Plani B i zgjedhjeve të parakohshme do të jetë vetëm nëse do të konsiderojmë bashkarisht se janë shterrur të gjitha burimet në Parlament”.

Për miratimin e ndryshimeve kushtetuese nevojitet shumica prej dy të tretave në Parlament. Nëse ndryshimet nuk kalojnë të hënën, respektivisht nuk arrihet shumica e nevojshme, gjasat janë të mëdha që vendi do të shkojë drejt zgjedhjeve të shpejta të parakohshme parlamentare. Ndërkaq, një burim i besueshëm i afërt me Qeverinë ka theksuar se edhe gjatë fundjavës do të vazhdojnë negociatat mes shumicës dhe opozitës parlamentare me qëllim të arritjes së një kompromisi që nënkupton edhe ndonjë lëshim ndaj kërkesave të njohura të VMRO-DPMNE-së./abcnews.al

MACRON-MOCIONI.mpg_snapshot_00.33-1280x723.jpg
G. P.13:50 | 01/08/2018

Parlamenti francez nuk ka mundur të rrëzojë qeverinë e Emanuel Makron, pasi mocioni i votëbesimit ndaj tij, i prezantuar nag republikanët, u rrëzua. Nga 289 vota që duheshin, vetëm 143 deputetë e kanë mbështetur këtë mocion.

Si dhe ishte parashikuar, asambleja kombëtare franceze ka rrëzuar mocionin e votëbesimit të republikanëve ndaj presidentit të vendit Macron. Mocioni ishte hartuar pas publikimit të çështjes Alexandër Benala, ish-truprojës dhe bashkëpunëtorit të Macron, nën hetim për dhunën e ushtruar ndaj një manifestuesi në protestat e 1 majit në Paris. Mocioni i së djathtës u rrëzua pavarësisht mbështetjes së deputetëve të “Franca e Panënshtrueshme” dhe komunistëve. Në favor votuan vetëm 143 deputetë nga 289 që duheshin për të rrëzuar qeverinë. Por rezultati i votimit nuk është një surprizë, meqënëse partia En Marsh ka mazhorncën në parlamentin francez. Tashmë pritet rezultati i mocionit tjetër të votëbesimit të prezantuar nga e majta. Por dhe në këtë rast duket e pamundur që të marrë votat e duhura./abcnews.al

KUVENDI.jpg
us er10:32 | 12/12/2017

Në Parlamentin e Kosovës nuk do të diskutohet për Demarkacionin me Malin e Zi deri në momentin që nuk do të jenë siguruar votat e duhura për të miratuar marrëveshjen mes dy vendeve

Mediat kosovare raportojnë se marrëveshja për Demarkacionin me Malin e Zi nuk do të procedohet në seancë të Kuvendit pa u siguruar votat e duhura. Partia më e madhe në koalicionin qeverisës, partia demokratike e Kosovës, konfirmoi se nëse nuk do të arrihet një consensus, do të ketë sërish shtyrje të seancës parlamentare për Demarkacionin. Edhe psle qeveria e Haradinaj e ka dorëzuar në Kuvend marrëveshjen në fjalë, nuk ka asnjë informacion për hapa të mëtejshëm.

Anëtarë të Kryesisë së Kuvendit kanë thënë për mediat vendase se nuk ka ndonjë datë të saktë se kur do të dalë në votim Marrëveshja e Demarkacionit. Lidhja demokratike e Kosovës dhe PDK kanë deklaruar se do të votojnë variantin actual të kësaj marrëveshjeje, por Aleanca për ardhmërinë e kosovës e Haradinaj, Nisma dhe Lëvizja Vetëvendosje nuk e pranojnë këtë variant./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono