vota

PROVOKACIA-22-NENTOR-GJERGJ-BOJAXHI-PJESA-2.mpg_snapshot_13.09-1280x720.jpg
ent ela22:57 | 22/11/2019

Arsyeja kryesore që Gjergji Bojaxhi angazhohet në politikë është se nuk ndjehet i përfaqësuar. Në studion e Provokacijas ai tha se përgjegjësinë nuk e ka votuesit, por nuk kuptonte ata votues që i qëndronin besinik premtimeve të hajdutëve dhe maskarenjve të politikës.

“Problemi ynë kryesor nuk është që ka pak të ndershëm e shumë masakrenj. Problemi ynë është se këta të ndershmit kush i përfaqëson. Arsyeja që unë angazhohem në politikë është se nuk jam i përfaqësuar. Fajin e ka personi që kandidon nuk e ka votuesi. Si në biznes nuk e ka fajin konsumatori, edhe në politikë përgjegjësinë nuk e ka votuesi. Nuk jep zgjidhje duke kritikuar votuesin. Nëse unë do bëj një kritikë është me gjysëm humori. E kuptoj që nga halli varfëria, nevoja për t’i gjet një vend punës fëmijës, njerëzit bëjnë premtime për votën. Ajo që unë nuk kuptoj është një gjë, pse kur shkojnë te kutia e votimit i mbajnë premtimin hajdutëve dhe msakarenjve në politkë, por në anonimitetin e kutisë së votimit nuk kontrollohet dot më dhe prapë është si të shkosh te prifti, t’i thuash më fal dhe më lejo të bëj mëkate edhe për 4 vitet e ardhshme, se do të krijosh varësi edhe për 4 vitet e ardhshme”.

Sipas tij politika jonë është kanibaliste nuk di të prodhojë të mira dhe po fut duart në xhepat tanë.

“Politika jonë është kanibaliste nuk di të prodhojë të mira. Këta kanibalë kanë kapur se çfarë ishte e ndërtuar e përbashkët nga e kaluara. Këta janë më të më shumtë, më të fortë e më agresive dhe po fusin duart në xhepat tanë dhe me këto taksa bëjnë më shumë korrupsion me tendera e vende pune. Po marrin burimet tona natyrore”.

Bojaxhi akuzoi partitë se bëjnë gara se kush e shkel ligjin më pak, apo kush do vjedhë më pak apo më shumë. Sipas tij qytetarët nuk kanë të ardhme

“Fakti që Rama futi kriminelë brenda parlamentit është skandaloze, një parti që i ka mbajt mbrapa skene dhe po merr pikë se partia tjetër u tregua më e guximshme dhe i mori në parlament. Unë si qytetar njëlloj po vidhem e abuzohem njëlloj si me krimineleë në parlament si me kriminelë pas.

Po mua si shoqëri që s’kam të ardhme dhe po më shkatërrohet vendi dhe e ardhmja e fëmijëve të mi. Për mua njësoj është si kriminela para politikanit dhe ai pas, ai mburret se shkel ligjin më pak, nuk mund të ketë politikë normale kur politikanët bëjnë gara kush e shkel ligjin më pak. Ligji duhet të zbatohet. Ne kemi ndikuar një sistem ku prtitë politike nuk kanë më frikë të vjedhin, thjesht kush na vjedh më pak apo më shumë. Ne si qytetarë na ofrohet kjo alternativë ky ose ky. Si e ndryshon ky jetën time si qytetar që do të paguajë taksa, që do ti rrisë fëmijët e ndershëm. si do im mëosjmë fëmijët tanë? Shko mëso, bëhu i zoti, apo shko sa për të marrë diplomën se kemi miq e shokë bëjmë ca ndere. Cili është modeli, një prind si duhët ta edukojë fëmijën e vet? Në Amerikë, në Gjermani është e qartë; shko, mëso, edukohu bëhu i zoti se shoqëria do të ketë nevojë për ty. këto shoqri ecin ëprpara prandaj shqiptarët po ikin jashtë”.

Bojazhi thekson se çdo problemet i zgjidhin ata që jetojnë aty dhe jo të huajt, se ekemi të keqen brenda.

“Të huajt nuk do na shpëtojnë, nuk e besoj dot kur të keqen e ke brenda”. /abcnews.al

 

albinkurti.jpg
Autor E15:34 | 19/10/2019

Albin Kurti ka marrë një numër rekord votash në zgjedhjet e fundit në Kosovë, të cilat u fituan nga Vetëvendosja.

Deputetja e kësaj partie, Arbërie Nagavci ka thënë se Kurti ka marrë 185 mijë vota. Në sistemin elektoral të Kosovës, me lista të hapura, votohet edhe per partinë edhe per individin. Si i tillë Kurti ka marrë 185 mijë pëlqime qytetarësh.

“185k Thyejmë rekorde. Sepse, me ♥️”” ka shkruar Nagavci, në një postim në FB.

Kurti dhe Vjosa Osmani janë takuar pak ditë më parë për të përcakrtuar modulet e qeverisjes në koalicionin VV-LDK, si dy partitë që morën numrin më të madh të votave në zgjedhjet e fundit.

numerimii.jpg
ad min17:31 | 08/10/2019

Komisioni Qendror i Zgjedhjeve në Kosovë publikoi rezultatin përfundimtar të votave të rregullta në zgjedhjet e së dielës, sipas të cilit fituese është Lëvizja Vetëvendosje me 25.48%. Në këtë rezultat nuk përfshihen votat me kusht dhe ato të Diasporës. Po sot Paneli Zgjedhor për Ankesa dhe Parashtresa vendosi qe nuk do të ketë rinumërim të votave.

Paneli Zgjedhor për Ankesa dhe Parashtresa ka hedhur poshtë ankesat e tri partive politike, LDK-së, PDK-së dhe koalicionit Nisma-AKR-PD të cilat kërkonin rinumërim të votave me pretendimin se kishte një gabim teknik në formularë të rezultateve të subjekteve politike.

Ndërsa kamë publikuar  të rezultateve përfundimtare të votave  të rregullta në bazë të së cilave prin Lëvizja Vetëvendosje me 25.48% të votave, LDK-ja mbetet e dyta me 24.82% të votave, PDK e treta me 21.24% , AAK 11.57%, ndërsa Nisma-AKR 4.96% të votave që i bie të mos e kalojë pragun zgjedhor prej 5%.  Ka mbetur edhe numërimi i votave me kusht deri në shpalljen përfundimtare të këtyre rezultateve.

Ndryshe procesin zgjedhor në përgjithësi misioni vëzhgues i BE-së e konsideron transparent. Ndërsa ka  kritika  për garë jo fer në veri.

“Këto zgjedhje ishin të administruara mirë dhe transparente. Fushata ishte e gjallë dhe konkurruese duke i lejuar garuesve që të bëjnë fushatë lirshëm në Kosovë. Ambienti i fushatës në veri u cenua nga frikësimi, duke vënë në shënjestër kandidatët dhe përkrahësit që nuk ishin rreshtuar me Listën Serbe”.

Gjatë ditës fituesi i zgjedhjeve në bazë të rezultateve preliminare Albin Kurti ka pritur në zyrat e tij ambasadorin amerikan Philipe Kosnet. Sipas Vetëvendosjes në takim është diskutuar për dialogun Prishtinë Beograd dhe luftën kundër korrupsionit.

Derisa po pritet në koalicion i mundshëm LDK-LVV kryetari i Aleanca për Ardhmërinë e Kosovës  Ramush Haradinaj ka lënë të kuptohet se nuk do të bashkëqeverisë me Kurtin, madje duke e quajtur atë mashtrues.

Kosova të dielën mbajti zgjedhjet e parakohshme parlamentare pas dorëheqjes së Ramush Haradinajt nga posti i kryeministrit./ABC News Albania 24/7

votimi-ne-kosove.jpg
ad min11:05 | 06/10/2019

Votën këtë të diel e hodhi edhe kandidatja për kryeministre nga Lidhja Demokratike e Kosovës, Vjosa Osmani. Në një prononcim të shkurtër për mediat ajo u bëri thirrje të gjithë qytetarëve që të votojnë.

“Thirrja ime është për të gjithë qytetarët e Republikës së Kosovës që të bëhen pjesë e këtij vendimi historik. Është një ditë historike dhe vendimtare për të ardhmen e Kosovës. Besoj se përmes një procesi fer, të lirë dhe demokratik, Kosova sot do të ketë një arsye për të festuar. Shpresoj që gjithçka të ecë mbarë, që qytetarët e Kosovës ta shfrytëzojnë këtë të drejtë. Gjithçka të shkojë pa asnjë presion dhe qytetarët ta shprehin vullnetin e tyre të lirë”, tha Osmani.

Ndërkohë në orën 11:00 votoi edhe kandidati për kryeministër i Nismës, Fatmir Limaj.

“Sot shfrytëzuam një mundësi të jashtëzakonshme që ka çdo qytetar. Pres që vota sot do ti japë perspektivë dhe mundësi të jashtëzakonshme që vendi të bëjë hapat e duhur”, tha Limaj për mediat.

Më shumë se 1.9 milionë qytetarë me të drejtë vote do t’i drejtohen sot kutive të votimit për legjislaturën e shtatë të Kuvendit të Kosovës. Procesi zgjedhor ka nisur në orën 07:00 dhe pritet të përfundojë në orën 19:00./abcnews.al

kaso-1280x853.jpg
ad min15:33 | 02/07/2019

Partia Demokratike akuzon mazhorancën për blerje dhe manipulim votash më 30 qershor. Sekretari për Çështjet Zgjedhore në selinë blu Ivi Kaso u shpreh se pjesëmarrja në votime është 105 mijë persona dhe jo 170 mijë sa thotë KQZ-ja.

Votat janë vjedhur edhe në Tiranë. Është ky denoncimi i radhës së Partisë Demokratike.

“Mashtrimi nuk është me 10 mijë votues, se kaq janë vetëm votat e pavlefshme. Manipulimi është me rreth 66 mijë votues ose thënë ndryshe gati sa 1/3 e atyre që ka shpallur Komisioni Qendror i Vjedhjeve”.

Demokratët kanë bërë përllogaritjet e tyre.

“Numri real i qytetarëve të Tiranës që votuan në 30 qershor është 105 mijë dhe jo 171 mijë”.
Akuzojnë se KQZ po mbulon manipulimin me mungesën e transparencës për të dhënat online në kohë reale.

“Ndryshe nga sa u kërkua prej partnerëve ndërkombëtarë dhe misioni vëzhgues i ODIHR-it, për herë të parë, Komisioni Qendror i Vjedhjeve nuk shfaq online të dhënat për çdo qendër votimi”.

“Në video tregohet qartë se në vitit 2017, të dhënat ishin qendër për qendër, në kohë reale, sapo mbaronte numërimi, ndërsa sot, është vetëm një foto, me një rezultat të përgjithshëm, të padetajuar, me qëllim mbulimin e manipulimit të pjesëmarrjes së votuesve në Tiranë dhe në Shqipëri”.

Partia Demokratike është duke përgatitur dosjet për secilin që ka shkelur ligjin paralajmëron Sekretari për Çështjet Zgjedhore. /ABC News Albania 24/7

lushnje-280861-433x300.jpg
ad min11:30 | 01/07/2019

Ndërkohë që rezultati nuk pritej befasues, por nga procesi i votimit nuk kanë munguar çuditë.  Në 10 prej bashkive ku ka mbaruar procesi i votimit janë shënuar parregullsi.

KQZ mbrëmjen e së dielës deklaroi se pjesëmarrja në votime në të gjithë Shqipërinë ka qenë 21.6%. Ndërkohë që në disa prej bashkive të vendit numërimi i votave vijon ende, në Bashkinë e Urës Vajgurore,  Bulqizës, Divjakës, Himarës, Lushnjes, Malësi e Madhe, Memaliaj, Vorë, Maliq dhe Vau i Dejës kandidatë kanë fituar më shumë vota sesa numri i qytetarëve që kanë marrë pjesë në votime.

Ura Vajgurore– Sipas shifrave të KQZ, në Urën Vajgurore pjesëmarrja ka qenë 19.18% ose 5900 votues. Sipas të njëjtave të dhëna nga KQZ, në këtë bashki numërimi ka përfunduar dhe kandidatja Juliana Memaj ka fituar me 7666 vota, pra 1766 vota më shumë se numri i votuesve në total.

Vorë- Kanë marrë pjesë në votime gjithsej 6120 votues dhe kandidati  ka fituar me 6208 vota. 

Memaliaj/ Kanë marrë pjesë në votime gjithsej  4150 votues dhe kandidati ka fituar me 4206 vota. 

Malësi e Madhe/ Kanë marrë pjesë në votime gjithsej  7600 votues dhe kandidati ka fituar me 7772 vota. 

Lushnje/ Kanë marrë pjesë në votime gjithsej 27243 votues dhe kandidati ka fituar me 28086 vota. 

Himarë/ Kanë marrë pjesë në votime gjithsej 4162 votues dhe kandidati ka fituar me  4209 vota. 

Divjakë/ Kanë marrë pjesë në votime gjithsej 13000 votues dhe ka  fituar me 13513 vota. 

Bulqizë/ Kanë marrë pjesë në votime gjithsej 7500 votues dhe kandidati ka fituar me  7529 vota. 

Në Vaun e Dejës/ Kanë votuar 5166 persona, kandidati  ka fituar me 6223 vota.

 Maliq/ Kanë votuar 12.005 persona, kandidati  ka fituar me 13.273 vota.

/abcnews.al

mimi-kodheli-1.jpg
ad min20:49 | 25/06/2019

Mimi Kodheli ishte e ftuar këtë të martë në emisioni “Provokacija”. Ish-ministrja e Mbrojtjes u pyet në lidhje me përgjimet e publikuar nga Bild. Ajo theksoi se kjo mënyrë e abuzimit me votat është përdorur në këto 30 vite nga të gjitha palët. Kodheli rrëfeu gjithashtu se nuk ka dhënë asnjëherë as edhe një kafe për të marrë vota.

“Unë kam bërë një diskutim disa kohë më parë, kur opozita ishte akoma në parlament lidhur me votat, blerjen e tyre, abuzimin me to dhe kam thënë që nuk mundet asnjë të çohet këtu dhe të thotë se unë jam ai jo mëkatari se të tillë nuk ka në përgjithësi ndaj në qoftë se dikush në këto 30 vjet zgjat gishtin te tjetri dhe thotë shiko se unë këtë mënyrë të të bërit vota nuk e kam përdorur kurrë dhe vetëm ti e përdor ky është abuzim me naivitetin e njerëzve e dëgjojnë. Këtë gjë e thotë një grua që keni këtu përballë dhe që nuk ka dhënë asnjëherë një kafe për të marrë një votë.

E kam dhënë kafe me dashamirësinë për t’i dhënë kafe një miku, një votuesi, por nuk kam abuzuar asnjëherë me këtë gjë. Kur e them unë dhe e kam thënë kohë më përpara duke bërë një diskurs shumë të rëndësishëm në parlament ndaj askush nuk mund të thotë pse u përgjuan këta 3 individët ca muaj më përpara janë vetëm këta që bëjnë këtë punë. Kjo është një punë e keqe që daton herët. Nuk e kanë filluar socialistët. PS është parti e madhe nuk ka nevojë të blejë vota”, tha Kodheli./abcnews.al

votimet-1280x714.jpg
ad min16:00 | 25/06/2019

Po ç’mendojnë qytetarët e Tiranës të pyetur nga ABC News lidhur me pjesëmarrjen të djelën në zgjedhje? Ndjekim gazetarin Andi Qosja.

Pak ditë para zgjedhjeve vendore, qytetarët me të drejtë vote janë të ndarë në disa kategori.  Një pjesë duan të votojnë për kandidatin dhe forcën politike qe preferojnë, një pjesë tjetër nuk do tu drejtohen kutive të votimit. Por ka edhe qytetarë që, në morinë e deklaratave që dëgjojnë në media, ende janë të paqartë se çdo të ndodhë të dielën dhe si do të veprojnë.

Engjëllushja, një ish-mësuese tashme në pension shprehet se, vota është gjëja më e shtrenjtë në demokraci.

Engjëllushe  Muça ish-mësuese: “Atë kam unë, tjetër gjë nuk kam përveç votës dhe e di që është e rëndësishme. Por  nuk sakrifikoj jetën time unë nëse ka rrëmujë. Ka njerëz atje që ndeshen, qoftë të PS-së, PD-së apo të LSI-së. Për këto tre forca politike diskutohet këtu”.

Ish-mësuesja thotë se nuk është shumë e bindur për të shkuar të shprehë vullnetin e saj me votë, pasi ditën e votimit mund të ndodhin edhe të papritura.

Engjëllushe  Muça ish-mësuese: “Dy maja i themi ne, dy koka hanë kokat. Më mirë është që të ulen. Pastaj nëse ka rrëmujë unë nuk kam si të shkoj sepse nuk e vë jetën në rrezik. Për pushtetarët nuk e vë jetën në rrezik”.

Flamuri apelon për qetësi: “Po këta zihen e grihen. Mundohu  një herë të hash bukë, të jetosh dhe të punosh tamam”.

Persona të tjerë shprehen të sigurt se do të votojnë, pavarësisht se gjendjes që mund të krijohet në qendrat e votimeve.

Disa të tjerë kanë zgjedhur të mos marrin pjesë në votime, pasi sipas tyre nuk ka garë vetëm më një kandidat./ABC News Albania 24/7

62357290_460522051188054_2756204350635245568_n.jpg
ad min18:30 | 17/06/2019

Të tjera përgjime janë publikuara sot nga gazeta gjermane ‘Bild’. Në audio-përgjimet janë materiale nga dosja 184 e Prokurorisë së Krimeve të Rënda. Dy prej përgjimeve tregohet presioni që u bëhet mësuesve dhe drejtuesve të shkollave në qarkun e Dibrës.

Në dy përgjimet janë përkatësit video 12 dhe 13 të publikuara nga media gjermane, është Drini Gjeçit, drejtor i Arsimit në Dibër, i cili me urdhër të ish-deputetit Pjerin Ndreu, duke u bërë presion mësuesve për të deklaruar haptas votën për PS-në.

Përgjimi numër 12

Drejtori i shkollës: Alo, mirëmëngjes drejtor.

Drini Gjeci: Mirë, ku je ti?

Drejtori i Shkollës: Jam këtu, në radhë tek qendra e votimit.

Drini Gjeci: E ke marrë gjithë familje me vete?

Drejtori i Shkollës: Të shtëpisë? Jo ata nuk janë tu ardh me votu tani, ma vonë. Do shkoj t’i marr më vonë.

Drini Gjeci: Në ç’a qendre voton ti?

Drejtori i Shkollës: Këtu në Zallreç.

Drini Gjeci: Zallreç? Dëgjo, se kam informacione jo të mira andej unë. Sot vota jote një dhe e familjes dy, do deklarohet haptas. Nuk ke deklaruar votë haptas sot bashkë me familjen, shko dhe gjej punë tjetër.

Drejtori i shkollës: Drejtor, mos e vri mendjen për atë punë fare. Më dëgjon. Janë llafe njerëzit, mos e vri mendjen për atë punë fare.

Drini Gjeci: Ore, do deklarohet haptas, haptas! Kur them haptas, haptas.

Drejtori i shkollës: Po mo e vrit mendjen fare. Pa merak, pa merak.

Drini Gjeci: Bëje haptas me gjithë familjen.

Drejtori i shkollës: Pa merak, pa merak, pa merak. Në rregull

Përgjimi numër 13

Drini Gjeçi: Alo. Lavdrim Murati?

Lavdrim Murati: Po.

Drini Gjeçi: Drejtori i Arsimit të flet.

Lavdrim Murati: Urdhëro.

Drini Gjeçi: A ke votuar?

Lavdrim Murati: Jo, akoma.

Drini Gjeçi: Po pse more Lavdrim nuk ke votuar akoma?

Lavdrim Murati: Nuk kam votuar se të lirohet një herë radha.

Drini Gjeçi: Çfarë radhe?

Lavdrim Murati: Radha or ti.

Drini Gjeçi: Lavdrim të mos kemi llafe, votat i dua haptas atje. Mos të kemi llafe më.

Lavdrim Murati:  Ç’a flet o drejtor?

Drini Gjeçi: Mos të pres më tej. Vota sa ke, t’i dua. Pesë vota sa ke.

Lavdrim Murati:  Më vjen keq. Të paskan sinjalizuar gabim.

Drini Gjeçi: Këtë llaf po të them. Ti e di vetë.

Lavdrim Murati: Në rregull./abcnews.al

lulzim-bashaa.jpg
ad min14:12 | 05/06/2019

Sipas kreut të demokratëve Lulzim Basha përgjimet e publikuar asot nga gazeta BILD kanë tronditur shumë shqiptarë dhe ndërkombëtarë, të cilët kanë hequr çdo dyshim se Rama ka bërë pakt me krimin për të mbajtur pushtetin. Sipas Bashës, 6 përgjitmet e publikuar janë radiografia e pushtetit mafioz dhe të paligjshëm të Edi Ramës.

Në një postim në rrjetet sociale, kryetari i PD-së ka theksuar se “Sot më shumë se kurrë, vendi ka nevojë për zgjidhje politike, e cila kalon përmes largimit të kryeministrit ilegjitim Edi Rama, krijimin e një qeverie tranzitore, që të garantojë zgjedhje të lira e të ndershme”.

Postimi i plotë:

Përgjimet e publikuara nga gazeta prestigjioze BILD kanë tronditur sot shumë shqiptarë dhe shumë miq të huaj, të cilët kanë hequr çdo dyshim se për të mbajtur pushtetin e kalbëzuar nga korrupsioni, Edi Rama ka bërë pakt me krimin, ka blerë vota nëpërmjet bandave dhe trafikantëve ndërkombëtarë të drogës.

6 përgjimet e publikuara nga media gjermane si pjesë e dosjes 339/1 janë radiografia e pushtetit mafioz dhe ilegjitim të Edi Ramës.

Bisedat tregojnë fuqinë e krimit të organizuar:

• Për të ndikuar në emërimin e deputetëve dhe të kryebashkiakëve të PS.
• Për të blerë votat për llogari të Edi Ramës sipas objektivit të caktuar prej tij.
• Për të urdhëruar administratën publike të identifikojë kundërshtarët politikë të Edi Ramës, që t’i kërëcënojë për votën e tyre.
• Për të marrë favore shtetërore në kundërshtim me ligjin.
• Për t’u informuar për axhendën politike brenda dhe jashtë vendit të kryeministrit.

Përgjimet që mbahen peng nga prokuroria e kontrolluar prej Edi Ramës, janë konfirmim i pakundërshtueshëm se:

• Parlamenti i dalë nga zgjedhjet e vitit 2017 është produkt i krimit të organizuar.
• Qeveria e Edi Ramës është ilegjitime.
• Me Edi Ramën nuk mund të ketë zgjedhje të lira e të ndershme.

Përgjimet e publikuara nga BILD janë tregues i historisë politike të Edi Ramës: ai ka ardhur në pushtet nga krimi dhe e mban pushtetin me krimin e për krimin.

Sot më shumë se kurrë, vendi ka nevojë për zgjidhje politike, e cila kalon përmes largimit të kryeministrit ilegjitim Edi Rama, krijimin e një qeverie tranzitore, që të garantojë zgjedhje të lira e të ndershme.

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono