vlore

vloreee.jpeg
ger ta10:10 | 17/11/2019

Është pezulluar sërish lundrimi në portin e Vlorës.

Abcnews.al mëson se prej dy ditësh trageti i linjës Vlorë-Brindisi ka qendruar me rade. Shkak për pezullimin janë bërë erërat e forta.

Era fryn Jug-Jug-Perëndim 6-7bft, ndërsa lartësia e dallgës në det të hapur varion 2.5 -3.0 metra./abcnews.al

 

 

ines-hajrulla-tritol.jpg
ent ela13:06 | 15/11/2019

Policia e Vlorës ka arrestuar 4 persona për atentatin ndaj Inez Hajrullës në maj të këtij viti ku mbeti i plagosur një kalimtar i quajtur Dajko Canodemaj.

Operacioni policor i koduar “Gjurmimi” çoi në pranga Daut Elmazi, 25 vjeç, banues në Vlorë; Albano Goxhaj, 24 vjeç, banues në Fier; Dejvison Serjani 28 vjeç, banues në Tiranë dhe Ardjan Ahmeti, 26 vjeç, banues në Tiranë.

Ngjarja

Ngjarja e rëndë ndodhi në 10 maj të këtij viti ku të shtënat shkaktuan panik në zonë.

Ndaj 26-vjeçarit u qëllua me breshëri automatiku nga disa persona që lëviznin me një makinë “Land Rover”. Atentati ndodhi në një lokal në zonën e “Ujit të Ftohtë”, ku nga plumbat pati një person të plagosur, që ishte klient në lokal.

Policia ka kërkuar të marrë dhe gjurmët e mundshme në automjetin e djegur në fshatin Babicë, brenda të cilit u gjetën edhe dy armë, të tipit kallashnikov.

Armët ishin pothuajse të djegura, ndërsa nga grupi hetimor po shihet nëse mund të ketë ndonjë gjurmë më shumë që mund të çojë drejt identifikimit të autorëve. Atentati që iu bë të premten Inez Hajrullait, sipas Policisë, dy shohet se mund të jetë kryer nga katër persona, të cilët ndodheshin në brendësi të automjetit tip “Land Rover”, me ngjyrë të zezë.

Atentati ndodhi një prej lokaleve, që në Vlorë njihet si vendi që frekuentohej nga Edison Harizaj, një prej të fortëve të Vlorës, i vrarë vitin e kaluar në Durrës. Hajrulla dyshohet se është pjesë e grupit të Harizajt. 26-vjeçari është djali i një biznesmeni të njohur në qytetin bregdetar dhe njihet si person me rrezikshmëri.

I riu është dënuar dy herë. Në shkurt 2018, Hajrulla ka marrë një dënim me 2 vite heqje lirie për “Mosbindje ndaj urdhrit të punonjësit të Policisë së Rendit Publik” dhe “Mbajtja pa leje dhe prodhimi i armëve, armëve shpërthyese dhe i municionit”. Dënimi kishte lidhje pikërisht me armën që iu gjet gjatë atentatit me eksploziv, të ndodhur në nëntor të 2017, por ky dënim u pezullua duke e lënë të riun në shërbim prove. Gjithashtu, në fund të vitit u dënua me 8 muaj për “Largimi i të burgosurit nga vendi i qëndrimit”.

Inez Hajrulla është person i marrë në hetim për zhdukjen e Elvis Troqes në Vlorë, në korrik 2017. Përfshirja e tij në këtë çështje erdhi pasi një nga dëshmitarët, që është personi i fundit që ka takuar 25-vjeçari Troqe, ka deklaruar për hetuesit se Elvisi ishte larguar nga lokali ku po qëndronin, duke i thënë se do të takonte një shok me emrin “Ini”, që dyshohet se i referohet pikërisht Inez Hajrullait, pasi në Vlorë njihet si “Ini i Çones”.

Përveç zhdukjes së 25-vjeçarit, Hajrulla dyshohet se është përshirë dhe në ngjarje të tjera kriminale që janë ende të pazbardhura.

Njftimi i Policisë

Në vijim të ngjarjes së ndodhur më datë 10.05.2019, në lagjen “Ujë i Ftohtë”, ku persona të paidentifikuar qëlluan me armë zjarri në drejtim të një lokali dhe si pasojë mbeti i plagosur 63-vjeçari D. C., ju informojmë se:

Policia e Vlorës, si rezultat i punës intensive hetimore prej 6 muajsh, nën drejtimin e Prokurorisë së Rrethit Vlorë, ka bërë zbardhjen e ngjarjes, identifikimin dhe kapjen e autorëve.

Specialistët e Seksionit për Hetimin e Krimeve ndaj Personit, në bashkëpunim me Drejtorinë e Forcave Operacionale, mbi bazën e informacioneve të marra në rrugë operative për vendodhjen e personave të dyshuar si autorë dhe bashkëpunëtorë në këtë ngjarje, kanë organizuar punën duke finalizuar operacionin policor të koduar “Gjurmimi”, si rezultat i të cilit kanë bërë ndalimin e shtetasve:

  • D. E., 25 vjeç, banues në Vlorë;
  • A. G., 24 vjeç, banues në Fier;
  • D. S., 28 vjeç, banues në Tiranë;
  • A. A., 26 vjeç, banues në Tiranë;

Në bashkëpunim të ngushtë me Prokurorinë, vijon puna për identifikimin dhe kapjen e personave të tjerë të përfshirë në këtë ngjarje.

Materialet iu referuan Prokurorisë, për veprime të mëtejshme. /abcnews.al

nika-1.jpg
in a10:50 | 14/11/2019

Biblioteka në Vlorës ështe përfshirë nga flakët. Gazetari Elton Nika, raporton për abcnews.al se, zjarri  nuk ka shkaktuar probleme të rënda.

Në bibliotekën “Shefqet Musaraj” është arritur të normalizohet situata ku kjo e fundit rrezikoi të digjej si pasojë e një shkëndije elektrike në tavanin e saj. Nuk ka patur asnjë dëm në materialet dhe librat që ndodhen në Bibliotekën Kombëtare.

 

Zjari është arritur të shuhet në kohë pas ndërhyrjes së zjarrëfikëses./abcnews.al

babai-1-1280x720.jpg
Autor E10:43 | 14/11/2019

Kreshnik Dashaj u gjet i vdekur me një plagë në shpatull ditën e djeshme duke lënë edhe një vajzë 7 vjeçe jetime.

Ai ishte me origjinë nga fshati Lubonjë dhe ishte transferuar me banim në Vlorë 12 vjet më parë ku fillimisht kishte shkuar në Greqi.

Pasi nuk i eci në emigracion, Dashaj gjeti punë në një fabrikë këpucësh, por paga e ulët e detyronte që të punonte dy turne, plot 16 orë në ditë.

Fqinjët tregojnë se ai ishte një person i qetë dhe pa probleme me të tjerët dhe “shikonte punën e tij”.

“E linte vajzën në gjumë dhe e gjente në gjumë pasi punonte dy turne”, shprehen ata.

Policia është duke punuar në disa pista për të zbardhur motivin e vrasjes së tij.

Policia është duke hetuar për konflikte të çastit që kanë çuar në vrasjen e tij apo ndonjë problem i mëparshëm pasi Dashaj nuk njihej si person problematik. /abcnews.al

kreshnik-dashaj-1.jpg
nev ila09:00 | 14/11/2019

Një ditë pas ngjarjes së rëndë, të ndodhur në Vlorë, policia vijon hetimet për zbardhjen e plotë të saj. Ngjarja ndodhi në lagjen “Kushtrimi”, ku 34 vjeçari Kreshnik Dashaj u gjet i vdekur në rrugë, me një plumb të marrë në shpatull.

Familja Dashaj ka hapur dyert e mortit në fshatin Lubonjë të Vlorës. Është vendlindja e 34 vjeçarit Kreshnik Dashaj që këtë të mërkurë u gjet i vdekur në rrugë në lagjen Kushtrimi  me një plumb të marrë në shpatull.

24 ore  pas ngjarjes çështja i ka kaluar  krimeve të rënda, ndërsa pistat e hetimit janë përqendruar në konfliktet e hershme apo për motive familjare.

Banorët e zonës,tregohen të rezervuar. Ata pak që pranojnë të flasin për ABC Neës thonë se 34 vjeçari ishte  njeri i qetë dhe jo problematik. Shikonte punën e tij, dhe herë pas here punonte deri 16 orë në ditë në një fabrikë këpucësh në Vlorë.

Banorët thonë se nuk kanë dëgjuar asgjë natën që ka ndodhur vrasja por kjo nuk ia shmangur tronditjen.

Kreshnik Dashaj u gjet i vdekur mëngjesin e të mërkurës në lagjen  “Kushtrimi” të Vlorës. Fillimisht u raportua për një vdekje për shkaqe shëndetësore, ndërsa pas  ekspertizës, viktimës ju gjetën shenja gjaku në kokë dhe një shenjë në shpatull shkaktuar me armë zjarri.

Policia ka shoqëruar disa persona për këtë ngjarje, ndërsa burime nga uniformat blu konfirmojnë se vijojnë hetimet për zbardhjen e plotë të ngjarjes./abcnews.al

dushaj-11.jpg
ger ta18:46 | 13/11/2019

Ky që shihni në këtë foto është Kreshnik Dashaj, 34 vjeçari i cili u gjet i pajetë mëngjesin e sotëm, në lagjen “Kushtrimi” në Vlorë.

Trupi i 34-vjeçarit u gjet në afërsi të banesës së tij dhe dyshohet të jetë vrarë. Disa orë pas ngjarjes, policia sqaroi  se pas hetimeve paraprake, në trupin e 34 vjeçarit, konkretisht në pjesën e pasme të shpatullës është konstatuar një plagë e cila dyshohet të jetë shkaktuar nga armë zjarri.

34-vjeçari punonte në një firmë këpucësh në qytetin e Vlorës dhe nuk rezultonte si person me precedent penal.

Ndërkaq, policia ka nisur hetimet për zbardhjen e plotë të ngjarjes./abcnews.al

 

vlore-pajete-1280x700.jpg
ent ela15:19 | 13/11/2019

34 vjeçari Kreshnik Dashaj i cili u gjet pa jetë në rrugë mëngjesin e sotëm në Vlorë, dyshohet se ka një palgë në trup të shkaktuar me armë zjarri. Policia njofton se nga veprimet paraprake rezultoi pa shenja dhune, por pas ekspertizës së plotë mjeko-ligjore, në trupin e 34 vjeçarit në pjesën e pasme të shpatullës është konstatuar një plagë e cila dyshohet të jetë shkaktuar nga armë zjarri. Gjithashtu bëhet e ditur se 34-vjeçari punonte në një firmë këpucësh në qytetin e Vlorës dhe nuk njihej si person me precedent penal.

Njoftimi i Policisë Vlorë

Në lidhje me ngjarjen ku në orët e para të mëngjesit të sotëm u gjet një person i pajetë në afërsi të banesës së tij në lagjen “Kushtrimi”, ku nga veprimet paraprake rezultoi pa shenja dhune, ju informojmë se:

 Pas hetimeve të mëtejshme, nga ekspertiza e plotë mjeko-ligjore, në trupin e 34 vjeçarit K.D, konkretisht në pjesën e pasme të shpatullës është konstatuar një plagë e cila dyshohet të jetë shkaktuar nga armë zjarri.

 34 vjeçari punonte në një firmë këpucësh në qytetin e Vlorës dhe nga ana e Policisë nuk njihet si person me precedent penal.

 Në Policinë e Vlorës është ngritur një grup i posaçëm hetimor me qëllim dokumentimin dhe zbardhjen e plotë të ngjarjes.

 Vijojnë hetimet e mëtejshme në bashkëpunim me Prokurorinë për sqarimin e rrethanave dhe vendosjen para përgjegjësisë penale të autorit/ve. /abcnews.al

VLORE-PROBLET-NGA-MOTI_ABC-M2-T1.mpg_snapshot_01.08-1280x720.jpg
in a14:11 | 13/11/2019

Reshjet intensive të shiut kanë shkaktuar problematika e vështirësi në disa zona të vendit.

Situata meteorologjike gjatë 24 orëve të fundit në qarkun e Vlorës ka shënuar reshje të dendura shiu dhe erëra të forta, ç’ka ka lënë pa energji elektrike disa zona. Sipas prefektit të Vlorës, probleme për shkak të motit janë hasur në aksin rrugor Vlorë-Llogara, ku është punuar gjatë gjithë kohës për të lehtësuar qarkullimin e automjeteve.

Erërat e forta dhe reshjet e shiut kanë rrëzuar disa shtylla tensioni si dhe pemë të llojit pishë të zonës, të cilat kanë lënë zonën e Llogarasë pa energji elektrike duke bllokuar edhe aksin rrugor Vlorë-Llogara.Prefekti i qarkut të Vlorës, Flamur Mamaj, ka qënë përgjatë të martës në një inspektim në zonën e Llogarasë, teksa ka vendosur në gatishmëri të gjitha insitucionet vendore për të bërë të mundur zhbllokimin e rrugës. Sipas prefektit të Vlorës falë ndërhyrjes në kohë, situata është përmirësuar dhe rruga tashmë është e kalueshme.

Mamaj thotë se probleme me energjinë elektrike kanë pasur zonat në Dukat, Tragjasë, Radhimë, Orikum, si edhe në fshatin turistik Zvërnec, banorët e  të cilëve kanë qëndruar disa orë pa energji elektrike./abcnews.al

makina-ne-flake.jpg
ent ela12:36 | 12/11/2019

Një automjet është përfshirë nga flakët në rrugën transballkanike në Vlorë. Automjeti tip Peugeot ka qenë në lëvizje në momentin kur është përfshirë nga flakët. Gazetari Elton Nika raporton për abcnews.al se në vendngjarje policia dhe zjarrfikësja, ndërsa fatmirësisht nuk ka patur të lënduar, por vetëm dëme matetiale.

Nga policia konfirmohet se bëhet fjale për një shkëndijë elektrike në automjet, megjithatë policia po heton shkaqet e përfshirjes nga zjarri të automjetit. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono