vlahutin

LESKAJ-VLAHUTIN-1280x720.jpg
ent ela18:03 | 11/07/2018

Mbyllet projekti i Bashkimit Europian për financimin e kapaciteteve të auditimit të jashtëm. Kryetari i Kontrollit të Lartë të Shtetit Bujar Leskaj vlerësoi se ka qenë tepër efektiv, ndërsa Ambasadorja e BE-së në vendin tonë kërkoi më tepër kujdes nga institucionet për menaxhimin e parave publike.

Ambasadorja e Bashkimit Europiane në vendin tonë Romana Vlahutin i ka kërkuar institucioneve shqiptare të bëjnë kujdes me menaxhimin e parave publike, ndërsa Kontrollit të Lartë të Shtetit të forcojë auditimin e jashtëm.

“Qeverisja e mirë ekonomike dhe lufta kundër korrupsionit janë themel për çdo shtet që do të bashkohet me BE. Kjo nënkupton që ne duam që financat publike të mirëmenaxhohen në mënyrë të përgjegjshme. Qytetarët shqiptarë kanë të gjitha të drejtat për të ditur se çfarë është bërë me paratë e tyre. BE-ja do të mbështesë KLSH-në për të përmirësuar cilësinë e raporteve për t’i bërë sa më të kuptueshme për qytetarët. Po ashtu është shumë i rëndësishëm përçimi i rolit të KLSH-së dhe parlamentit për të parë se si zbatohen rekomandimet. Edhe shoqëria civile ka një rol të rëndësishëm në këtë rast ndaj duhet të jetë më aktive”.

Deklaratën ambasadorja e BE-së Vlahutin e bëri në konferencën përmbyllëse “institucionet supreme të auditimit shikojnë drejt të ardhmes” projekt i financuar nga Bashkimi Europian.

Kreu i Kontrollit të Lartë të Shtetit, Bujar Leskaj, tha se ka ndikuar në rritjen e standardit të punës por që nuk është mjaftueshëm dhe se bashkëpunimet do të vijojnë.

“Nëpërmjet këtij projekti binjakëzimi, transferimi i njohurive dhe aftësive tek audituesit e KLSH-së, ka përmirësuar dhe do të vijojë të përmirësojë standardet dhe transparencën e metodave të punës. Së dyti, KLSH përballë sfidave të zhvillimit po mbështetet tek një personel me kualifikime të larta dhe sisteme e procese moderne menaxhimi. Dobia më e madhe dhe vlera e shtuar e këtij projekti të financuar nga BE qëndron në faktin se ai vendos piketa të qëndrueshme për zhvillimin e auditimit të jashtëm publik për vitet 2020-2025 , kohë kur sigurisht Shqipëria do të jetë vend anëtar me të drejta të plota në Bashkimin Europian”.

Projekt i financuar nga BE  me vlerë prej 2.1 milionë euro realizoi 93 misione ekspertësh, 6 vizita  pune dhe shkëmbime eksperiencash dhe pati një shtrirje kohore më shumë se dy vite. /abcnews.al

PELESHI-VLAHUTIN-LOGO-EDUA-1280x720.jpg
ent ela14:29 | 02/07/2018

Ministri i Bujqësisë Niko Peleshi sëbashku me ambasadoren e Bashkimit Europian Romana Vlahutin nga Puka njoftuan hapjen e konkursit për logon promocionale të prodhimeve të zonave malore, të cilat pritet të shpërndahen në rrjetin e dyqaneve “E Dua”.

Ministria e Bujqësisë në bashkëpunim me Delegacionin e Bashkimit Europian hapin konkursin për logon promocionale me qëllim promovimin e produkteve shqiptare të prodhuar në zona malore. Konkursin me natyrë grafike e shpalli ministri Niko Peleshi gjatë një takimi me gratë e fshatit Qelëz në Pukë ku e pranishme ishte edhe ambasadorja e BE-së në Tiranë Romana Vlahutin.

“Ka qenë një ide e përbashkët, një iniciativë e përbashkët. Dua ta falenderoj përsëri Ambasadoren, sepse ka mundësuar dhe financimin, e një logoje, pra e një etiketeje, të një emërtimi, të një logoje dalluese të prodhimeve të zonave malore. nuk është as një logo origjine, as një logo e cilësisë, në kuptimin e mirëfilltë ligjor të fjalës, por një logo marketingu. Një logo promocionale. Natyrisht nuk tregtohen dot kudo, sepse psh, në qoftë se kjo shkon në një dyqan apo supermarket, do të duhet të ketë datën e skandencës etj, e cila është e vështirë të përcaktohet. Por, këto prodhime tipike do të tregtohen në dyqanet “Edua” në gjithë Shqipërinë dhe padyshim pranë zonave që prodhohen”.

Për Ambasadoren Vlahutin mjete të tilla promovimi janë rruga më e mirë e zhvillimit të zonave të tilla të thella malore, por kjo kërkon edhe një mobilizim të të gjithë aktorëve në terren.

“Ne dëshirojmë që t’ju nxjerrim nga kjo situatë, në të cilën ju shisni një kavanoz një fqinji, apo duke improvizuar dyqane apo tregje në rrugë. Ju bëni gjëra, të cilat në fund, nuk ju kthejnë mbrapsh, të gjitha ato që jepni. Pra, ne dëshirojmë t’ju ndihmojnë të rriteni pak nga pak, ku produktet e prodhuara në zonat malore, nga gratë e këtyre zonave malore të jenë të identifikueshme.”

Në skemën kombëtare të mbështetjes financiare u parashikua një mbështetje për rrjetin e dyqaneve të produkteve tipike, “EDUA” deri 2 milionë lekë, dyqane të cilat po ngihen me shpejtësi në Shqipëri sipas njoftimit të ministrisë. /abcnews.al

FLECKENSTEIN-VLAHUTIN-1280x720.jpg
ent ela12:07 | 02/07/2018

Bashkimi Evropian i ka vendosur kushte Shqipërisë por ato nuk janë kushte të reja. Kështu tha raportuesi për  Shqipërinë në Parlamentin Evropian, në aktivitetin që u organizua në Tiranë pas konkluzioneve të Këshillit të Ministrave të Bashkimit Europian. Ndërsa Ambasadorja e Bashkimit Evropian në Tiranë ka kërkuar bashkëpunimin e mazhorancës me opozitën, me qëllim përmbushjen e këtyre kushteve deri në qershorin e ardhshëm.

Basha: “Nuk janë me 5 kushtet fillestare, janë 13 sa i përket Këshillit të Ministrave të Bashkimit Evropian dhe akoma më shumë sa i përket vendeve anëtare”.

Rama: “E vërteta është se nuk ka kushte të reja”

Për ta sqaruar ka ardhur në Shqipëri deputeti i Parlamentit Evropian Knut Fleckenstein.

Fleckenstein: “Ka kushte, por nuk janë kushte të reja”.

Për ta bërë edhe më të qartë , ambasadorja e Bashkimit Evropian në vendin tonë Romana Vlahutin tha se nuk është e rëndësishme data e hapjes së negociatave sa realizimi i kushteve të Bashkimit Evropian.

“Në qoftë se përfundimet e Këshillit do të kishin thenë se do të nsimim më një korrik, ju sërish duhet të kalonit një vit në këtë proces analitik. Komisioni ka një kush të ndalë negociatat nëse nuk ka përpparim në kapitujt 23, 24. Komisioni ka mundësi që të shohë ritmin e procesit nga pikëpamja e mbështetjes në meritë”.

Opozita përfaqësohej në këtë tryezë me deputeten e Lëvizjes Socialiste për integrim Kejdi Mehmetaj. Ajo kërkoi nga raportuesi për Shqipërinë në Parlamentin Evropian që të jenë më të qartë mbi kushtet që i kanë vendosur vendit tonë Këshilli i Ministrave të Bashkimit Evropian.

“Diçka që unë e shoh të shtuar, është aty ku thuhet se vendimarrjen për të hapur negociatat këshilli do ta marrë në qershor të 2019-ës, varur nga progresi i bërë për shqiptarët dhe pasi të kalojë edhe në parmaentet e vendeve anëtare”.

Përgjigja që i dhanë diplomatët e huaj është rëndësia që ka mbrritja në pikën finale për hapjen e negociatave. Dhe për këtë politika duhet të bashkohet dhe të bëjë mirë detyrat e shtëpisë.

Fleckenstein: “Më pëlqeu diskutimi sepse na duhet të përmendim që nuk është rezultati që na bën që të kërcejmë, por ka ende shumë gjëra për të bërë. Ka mbi 150 kushte të tjera para se dera të hapet një ditë.

Vlahutin: “Do keni një sfidë të madhe dhe kjo është politika. Ky proces kërkon që të keni bashkim, jo retorik, por një objektiv i mirëfilltë kombëtar që punon gjithkush. Është tejet me rëndësi që të punohet për këtë unitet, është përgjegjësi e shumicës dhe pakicës. Shumica duhet të shtrijë dorën sepse pa bashkimin kombëtar ky është një proces i vështirë dhe thuajse i pamundur”.

Ministri për Evropën dhe Punët e jashtme Ditmir Bushati i cili pjesë e tryezës së organizuar nga fondacioni Friedrich Ebert përsëriti se tashmë qeveria i ka ndezur motorrët për plotësimin e kushteve që i ka vendosur këshilli i ministrave të Bashkimit Evropian. /abcnews.al

 

VLAUTIN-PER-KAMPIN-DHE-CELJEN-E-NEGOCIATAVE-1280x720.jpg
ent ela17:07 | 25/06/2018

Ambasadorja e Bashkimit Europian në Tiranë Romana Vlahutin ka ripërsëritur sërish se nuk ka një kërkesë nga unioni për ngritjen e kampeve për emigrantët në Shqipëri.

Shqiptarët duhet ta dinë një herë e mirë se kamp refugjatësh nuk do të ngrihet në Shqipëri. E ka thënë dhe e përsërit ambasadorja e Bashkimit Evropian në vendin tonë Romana Vlahutin

“Bashkimi Evropian nuk ka asnjë kusht për ngritjen e asnjë kampi refugjatësh. Kushtet tona kanë qenë vetëm për reformën në mënyrë që të përmirësohet jeta e qytetarëve”.

Nga veriu i Shqipërisë ambasadorja Vlahutin shprehet e sigurtë se vendi ynë e meriton çeljen e negociatave.

“Për komisionin e Bashkimit Evropian është hapur drita jeshile, meritoni çeljen e negociatave. Tani i takon vendeve anëtare me të drejtën e tyre të votimit”.

Ambasadorja e Bashkimit Evropian i kërkon shqiptarëve të jenë të kënaqur me procesin e vettingut.

“Jemi të kënaqur me rrugën që po ndiqni dhe ecurinë, vetting tejet i rëndësishëm po ndjehet. Edhe ju duhet të jeni të kënaqur me këtë proces”. /abcnews.al

 

VLAHUTIN-1280x720.jpg
ent ela12:39 | 22/06/2018

Ambasadorja e BE-së në vendin tonë, Romana Vlahutin, deklaroi sot se është urgjente të ndalohet legalizimi i objekteve të paligjshme si dhe kërkoi vendosje penalitetesh të rënda për përfituesit e paligjshëm të pronave. Ndërsa ministrja e Drejtësisë, Etilda Gjonaj, paralajmëroi ngritjen e një agjencie unike për trajtimin e çështjes së pronës.

Ambasadorja e Bashkimit Europian në Shqipëri, Romana Vlahutin, cilëson si urgjente nevojën e ndalimit të legalizimit të objekteve të paligjshme në vend. Në një tryezë diskutimi të organizuar nga delegacioni i BE-së në Tiranë, Vlahutin theksoi nevojën e dialogut  mes palëve dhe penalitete të rënda për përfituesit e paligjshme

“Praktika europiane ka treguar se 100% kompensim për pronarët e shpronësuar nga ish regjimet nuk është i mundur dhe ka nevojë për kompromis. Një tranzicion kaq i gjatë dhe i vështirë nuk mund të përfundojë pa një dialog, ku të përfshihen të gjithë aktorët dhe mbi të gjitha pronarët. Po kështu është urgjente që praktikat abuzive të së shkuarës të ndalen dhe ndërtimet e paligjshëm të legalizuar në kurriz të pronarëve të mos legalizohen”.

Ministrja e Drejtësisë, Etilda Gjonaj, përmendi nismat ligjore të ndërmarra për t’i dhënë zgjidhje problemit të pronave.

“Kuadri i ri ligjor synon ndërtimin e një agjensie unike që mundëson integrimin e të gjitha proceseve që kanë të bëjnë me pronën dhe trajtimin e titujve të pronësisë. Kjo agjenci do integrojë disa institucione brenda saj. Për periudhën tranzitore janë marrë një sërë masash si puna për evidemtimine pasurive të paluajtshme shtetërore në bregdet dhe ato të investimeve strategjike”.

Nga ana tjetër, përfaqësuesit e shoqatave të pronarëve, të pranishëm në takim, kërkuan nga delegacioni i BE në vend të ushtrojë presion ndaj institucioneve shqiptare për zgjidhjen e çështjeve të pronësisë./abcnews.al

 

VLAUTIN-NE-SHKODER-1280x720.jpg
ent ela08:22 | 07/05/2018

Ambasadorja e delegacionit të Bashkimit Evropian në vendin tonë Romana Vlahutin thotë se shqiptarët e meritojnë Evropën,  ndaj duhet punuar për të afruar standardet evropiane në Shqipëri. Vlahutin i bëri deklaratat në Shkodër, ku mori pjesë në aktivitetet e organizuara në kuadër të javës evropiane.

Nuk janë politikanët matësi i integrimit apo jo në Bashkimin Evropian, por vetë shqiptarët të cilët sipas ambasadores Romana Vlahutin e meritojnë Evropën.

“I gjithë populli shqiptar e meriton evropën sepse bashkësia evropiane nuk është bashkësi politikanësh, por bashkësi midis njerëzve”

Ambasadorja e Bashkimit Evropian në vendin tonë ndodhet në Shkodër së bashku me përfaqësues të tjerë të diplomacive ndërkombëtare ku morën pjesë në aktivitetet e organizuara nga Bashkia për festën e luleve dhe javën evropiane.

Për ambasadoren Vlahutin nuk ka dyshim që Shkodra dhe shkodranët janë evropianë të vërtetë.

“Shkodranët janë evropianë prej shekujsh. Ajo çfarë duam të bëjmë është të sjellim standardet evropiane këtu”./abcnews.al

 

 

 

 

NISHANI-1280x720.jpg
ent ela23:38 | 30/04/2018

Ish-presidenti i Republikës Bujar Nishani ka konfirmuar deklaratën e ish-kryeministrit Berisha, se ambasadorja e Bashkimit Europian në Shqipëri, Romana Vlahutin i kishte kërkuar prokurorit të përgjithshëm të kohës Llalla, arrestimin e Berishës. Në një intervistë për Ilir Babaramon, ish-Presidenti tregoi edhe për takimin me ambasadoren mbi këtë çështje.

“Po, është e saktë. Kam qenë unë që e kam vënë në dijeni Berishën. E kam pasur këtë informacion dhe nga burime të tjera. Llalla ka ardhur në zyrë dhe më ka thënë se gjatë një bisede, rreth një muaj apo dy pas bisedës, ku i ishte kërkuar nga Vlahutin pse nuk arrestohet Berisha. Më tej, argumentet shpjeguese, sipas Llallës, kanë qenë që Prokuroria nuk mund të arrestojë njerëz për të cilët nuk ka prova dhe fakte.

Ishte një bisedë që më shqetësoi dhe nuk mund ta lija në heshtje, pasi bëhej fjalë për një bisedë tërësisht jashtë kontekstit që ka ambasadorja. Kërkova takim me Vlahutin, i shpreha shqetësimin që mora nga Llalla. Ajo e mohoi kategorikisht që të ketë bërë një bisedë të tillë me Llallën. Në radhë të parë vura në dijeni Vlahutin, që e mohoi. Ambasadorja e refuzoi kategorikisht. Më pas, e ndava shqetësimin me Berishën”. /abcnews.al

 

VLAHUTIN-DOREZON-RAPORTIN-1280x720.jpg
ent ela19:32 | 17/04/2018

Pasi shefja për politikë të jashtme Federica Mogherini dhe eurokomisioneri për zgjerimin Johannes Hahn paraqitën progres raportin për zgjerimin, shefja e Bashkimit Evropian në Shqipëri Romana Vlahutin u dorëzoi nga kopje krerëve të shtetit. Fillimisht ajo është ndalur në kryeministri ku u prit nga kreu i qeverisë Edi Rama.

Ndalesa e rradhës ka qenë Presidenti i Republikës Ilir Meta. Kreu i Shtetit theksoi rëndësinë që ka miratimi i kësaj qasjeje dhe rekomandimit të Komisionit nga Këshilli Europian i qershorit, për të nisur etapën e re të procesit të negociatave të anëtarësimit.

Më pas Ambasadorja Romana Vlahutin përshkroi rrugën në këmbë, nga Presidenca për në Kryesinë e Kuvendit, ku edhe i dorëzoi këtë raport edhe kryeparlamentarit Gramoz Ruçi.

Më herët shefja e Bashkimit Evropian deklaroi se  “Shqiptarët e meritojnë t’u njihen përpjekjet e bëra për anëtarësimin”.Ambasadorja Vlahutin bëri të ditur gjithashtu se Mogherini do të jetë sot në Tiranë, për të nisur të mërkurën takimet zyrtare. /abcnews.al

sali-berisha-abcc-1280x607.jpg
G. P.20:33 | 12/04/2018

“Ambasadorja Vlahutin i ka kërkuar ish-kryeprokurorit Llalla arrestimin tim”.

Kështu u shpreh Sali Berisha në Mbrëmje në ABC News lidhur me ambasadoren Romana Vlahutin.

Zoti Llalla i ka thënë Presidentit të Republikës, Bujar Nishani se zonja ka ardhur në zyrë dhe ka kërkuar arrestimin e Sali Berishës. Unë në fakt e kisha marrë vesh këtë fillimisht nga ambasadorë të huaj, por as nuk e kisha vlerësuar as se kisha vu fare. Kur para se t’ia thoshte Adriatiku presidentit Nishani, të paktën një vit më përpara, i thotë njërit se ajo, me fjalë zhvlerësuese për të, por unë nuk e kisha vlerësuar. Tani a e besoj unë atë? 100 për qind“, u shpreh Berisha.

Më tej, ish-kryetari i Partisë Demokratike tha se Vlahutin u ka kërkuar para disa muajsh disa ambasadorëve të shkojnë në zyrën e saj pa telefona pasi mund të regjistrohen nga Sali Berisha.

“Ajo duhet të ketë një “Berishofobi” 10 herë më të madhe se Edi Rama”, u shpreh Sali Berisha.

/abcnews.al

VLAHUTIN-NE-VLORE-1-1280x720.jpg
ent ela15:26 | 27/03/2018

Bashkimi Evropian ka ofruar mbështetje për zgjidhjen e problemit me pronën private në vendin tonë. Nga Vlora ambasadorja e BE Romana Vlahutin deklaroi se BE do të angazhohet për të gjetur një zgjidhje të pershtatshme lidhur me çështjen e pronës private.

Pas reformës në drejtësi, çështja e pronës është reforma më e rëndësishme për Shqipërinë, tha ambasadorja e BE Romana Vlahutin pas takimeve me banorët në Vlorë.

“Prona private është një e drejtë themelore e njeriut, dhe për ne si Bashkim Europian është e panegociueshme. Mendoj që pas reformës në drejtësi kjo është reforma tjetër më e rëndësishme për shqiptarët”.

Për ambasadoren zgjidhja do të nisë me ish-pronarët që nuk mund të marrin tokën e tyre dhe pse e trashëgojnë prej 300 vjetësh.

“Ka një problem të jashtëzakonshëm me ish-pronarët të cilët për 27 vjet nuk regjistrojnë dot prona të cilat të afërmit e tyre i kanë pasur për 300 vjet. Dhe kjo është pika nga ku do të fillojmë”.

Kështu Bashkimi Evropian ka ofruar mbështetje për zgjidhjen e problemit me pronën private në vendin tonë. Vlahutin e cila shoqërohej nga Ministrja e Drejtësisë Etilda Gjonaj nisi takimet për çështjen e pronës nga Vlora, si një nga zonat me më shumë procedime. Qeveria ka pezulluar përkohësisht regjistrimin e pronave në bregdet dhe reformës se tokës në tërësi, pas abuzimeve dhe grabitjes së mijëra ha tokë në bregdet. Të hënën Ministrja e Drejtësisë, Etilda Gjonaj komunikoi gjatë një deklarate për mediat këtë masë të vendosur nga qeveria. Ajo sqaroi se VKM-ja nuk cënon pronarët e ligjshëm, por do kalojnë në sitë të gjithë titujt e lëshuar në zonat bregdetare. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono