Vladimir Putin

putin-1.jpg
in a17:09 | 04/12/2019

Presidenti serb Aleksandër Vuçiç u takua të mërkurën në Sochi të Rusisë me homologun e tij rus Vladimir Putin. Pas takimit, dy presidentët theksuan rëndësinë e përmirësimit të bashkëpunimit Serbi-Rusi në sferat ekonomike, politike dhe mbrojtëse.

Ndërkohë Presidenti i Serbisë, Aleksandër Vuçiç, tha të mërkurën se nuk është optimist për arritjen e një kompromisi midis Beogradit e Prishtinës, që do të sillte, siç tha ai, zgjidhje përfundimtare për Kosovën. Vuçiç i bëri këto komente në Sochi të Rusisë, pas takimit me presidentin rus, Vladimir Putin. Dy presidentët iu drejtuan mediave, duke theksuar rëndësinë e përmirësimit të bashkëpunimit Serbi-Rusi në sferat ekonomike, politike dhe mbrojtëse. Putin tha se marrëdhëniet midis dy vendeve po zhvillohen shumë pozitivisht dhe shtoi se partneritetin e tyre strategjik e konfirmon puna e përditshme.

Ndërsa Vuçiç tha se Serbia ka përfunduar pothuajse ndërtimin e pjesës së saj të tubacionit, që do të bartë gazin natyror rus nën Detin e Zi, duke anashkaluar Ukrainën. Projekti i tubacionit “Rrjedha Turke” paraqet një investim të madh dhe një mundësi të madhe për zhvillimin e Serbisë, tha Vuçiç. Faza e parë e tubacionit, për të furnizuar Turqinë pritet të jetë funksionale deri në fund të vitit, me një kapacitet prej 15,75 miliardësh metra kub. Takimi në Sochi vjen pasi shërbimet e inteligjencës në Beograd njoftuan muajin e kaluar se kanë zubuluar një operacion spiunazhi midis agjentëve rusë, zyrtarëve dhe ish-zyrtarëve të ushtrisë serbe. Por, Vuçiç u zotua se ky zbulim nuk do t’i rrezikojë marrëdhëniet “vëllazërore dhe miqësore” të Serbisë me Rusinë. Takimi në Sochi është i treti midis presidentëve të Rusisë dhe Serbisë këtë vit dhe i shtatëmbëdhjeti në përgjithësi, tha Presidenca e Serbisë./abcnews.al

putin-1280x720.jpg
in a15:18 | 04/12/2019

Pas skandalit të spiunazhit dhe shitjes së minave tokësore serbe për Ukrainën, Presidenti serb Vuçiç dhe ai rus Putin takohen sot në Sochi. Dy presidentët do të zhvillojnë fillimisht një takim kokë më kokë dhe pastaj do të ketë një drekë pune me delegacionet respektive. Temat kryesore të cilat pritet të diskutohen janë bashkëpunimi bilateral mes dy shteteve, gjendja aktuale në Kosovë dhe rruga drejt një zgjidhjeje përfundimtare. Ndërkohë, mediat në Rusi kanë komentuar se janë dy skandale në Serbi që hedhin hije mbi vizitën e Vuçiçit në Rusi.

“Vizita e ardhshme e Vuçiçit dhe bisedimet e tij në Sochi me Putin kanë një rëndësi thelbësore,” thotë Komersant. Media ruse shkruan se pas dy skandaleve të mëdha që ndikojnë në marrëdhëniet midis dy vendeve, spiunazhit dhe skandalit të shitjes së minave tokësore serbe për Ukrainën, pyetja kryesore në Moskë mbetet: A është Serbia gati të jetë aleati kryesor i Moskës në rajon apo do të vazhdojë të balancojë midis Rusisë dhe Perëndimit. Komersant citon burime pranë autoriteteve në Beograd, sipas të cilit mendohet të kenë thënë se Serbia do të vazhdojë të përpiqet të ruajë një ekuilibër në marrëdhëniet me Rusinë dhe Perëndimin, duke shmangur animin nga njëra palë. Ndërkohë, RIA Novosti raportoi se pas një seri skandalesh në Serbi, ku u përfshi Moska, marrëdhëniet midis dy vendeve janë në provë./abcnews.al

vladimir-putin-1280x678.jpg
nev ila15:20 | 03/12/2019

Gazetarë dhe blogerë në Rusi tashmë mund të etiketohen dhe si agjentë të huaj sipas ligjit që u firmos nga presidenti i vendit Vladimir Putin. Sipas ligjit të ri, për t’u cilësuar si agjent i huaj, mjafton të marrësh para nga jashtë vendit.

Presidenti rus, Vladimir Putin, firmosi ligjin e diskutueshëm, i cili tashmë u lejon autoriteteve ruse të trajtojnë dhe personat fizikë dhe jo vetëm ata juridikë si agjentë të huaj. Një epitet që në kohën e Bashkimit Sovjetik përdorej për spiunët.

Ligji i ri do të godasë dhe dhe blogerët. Për t’u etiketuar si agjent i huaj mjafton të marrësh para nga jashtë dhe të shpërndash material të publikuar nga media të organizatev që janë përfshirë në listën e zezë ruse të agjentëve të huaj.

Projektligji i prezantuar një vit më parë në parlament, ishte pjesë e iniciativave të Moskës kundër vendimit të Uashingtonit për të future Russia Today, shumë pranë dhe pro Kremlinit, në listën e agjentëve të huaj në Shtetet e Bashkuara të Amerikës.

Si masë spekulative, Moska etiketoi si agjentë të huaj dhjetë media amerikane. Ligji i ri prek dhe gazetarët të cilët punojnë për këto media, mes të cilave dhe Zëri i Amerikës dhe Radio Liberty – Radio Liria./abcnews.al

89-2.jpg
in a16:11 | 22/11/2019

Presidenti rus, Vladimir Putin premtoi se Rusia do të perfeksionojë armën misterioze e cila në 8 gusht shkaktoi një shpërthim në një poligon ushtarak në verilindje të Rusisë. Nga shpërthimi mbetën të vrarë dy ushtarë dhe pesë inxhinierë bërthamorë, si dhe u rrit niveli i radioaktivitetit në zonë për një periudhë të shkurtër.

Lajmi është raportuar nga BBC. Presidenti rus e bëri këtë deklaratë gjatë takimit me familjarët e viktimave duke shtuar se është një armë e pakrahasueshme me asgjë tjetër në botë./abcnews.al

PUTIN-SKRIPAL-1280x620.jpg
nev ila15:58 | 11/10/2019

Raketat me rreze të shkurtër dhe të mesme të cilat Shtetet e Bashkuara të Amerikës planifikojnë të vendosin në Azi janë në gjendje të godasin territorin rus.

Deklarata është bërë nga presidenti rus Vladimir Putin, i cili theksoi se Moska nuk është aspak e lumtur për situatën aktuale.

Putin nënvizoi se dhe Rusia do të rinisë zhvillimin e këtyre raketave meqenëse dhe Shtetet e Bashkuara të Amerikës po e bëjnë./ABC News Albania 24/7

kuzhinieri-putin-1280x718.jpg
nev ila21:16 | 30/09/2019

Administrata amerikane vazhdon të ndëshkojë elementët rusë të dyshuar për ndërhyrje në zgjedhje.

Viktimë e sanksioneve ka rënë një person i afërt me presidentin rus, i etiketuar si “Kuzhinieri i Putin” dhe i akuzuar nga autoritetet në Shtetet e Bashkuara për përpjekje për të ndikuar në procese  zgjedhore.

Shtetet e Bashkuara përforcuan të hënën sanksionet ndaj një aleati të presidentit rus Vladimir Putin, i akuzuar më herët se është përpjekur të ndërhyjë në zgjedhjet presidenciale të vitit 2016 dhe ato të mesmandatit vitin e kaluar.

Evgeni Prigozhin citohej në raportin e hetuesit të posaçëm Robert Myler mbi ndërhyrjen ruse në procesin elektoral dhe akuzohej se ishte “truri” i Agjencisë së Kërkimeve të Internetit, një organizatë që u përpoq të ndikonte në zgjedhjen e presidentit Donald Trump.

Në njoftimin e tij ditën e hënë, Departamenti amerikan i Thesarit deklaroi se po vendoste kufizime të reja mbi asetet e Prigozhin, përfshirë këtu një jaht dhe avione private.

Departamenti bëri gjithashtu me dije se, nuk ka patur tregues se Prigozhin kishte pasur sukses në përpjekjet e tij për të ndërhyrë në infrastrukturën zgjedhore, për të parandaluar votimin apo për të patur impakt në rezultatet e votimit.

Prigozhin etiketohet shpesh herë nga mediat ruse si “kuzhinieri i Putin”, për shkak të një biznesi kateringu që organizon banketet për kreun e Kremlinit dhe figura të tjera politike.

Ai u akuzua nga prokurorët e zyrës së Robert Myler se kontrollonte edhe një kompani konsultimesh, që mbikëqyrte aktivitetet e propagandës në ndihmë të Trump.

Avokatët e Prigozhin kanë mohuar që agjencitë e tij të kenë kryer shkelje dhe po përpiqen të heqin masat ndëshkimore, që kanë prekur edhe 6 bashkëpunëtorë të tij./ABC News Albania 24/7

putin.jpg
ad min08:51 | 11/09/2019

Sipas disa mediave amerikane, për një kohë të gjatë në administratën presidenciale ruse ka punuar një spiun i SHBA. Por shumë më interesante është pyetja pse e tërhoqën atë në vitin 2017. A u bë shkak goja e Trumpit?

Një informator rus i SHBA me kontakt të drejtpërdrejtë me liderin e Kremlinit Vladimir Putin sipas raporteve të mediave amerikane thuhet se është tërhequr në vitin 2017. Shërbimi i fshehtë amerikan, CIA e kishte nxjerrë spiunin jashtë Rusisë, për shkak se e kërcënonte zbulimi. Edhe trajtimi i diskutueshëm i informacioneve të shërbimeve të fshehta nga ana e presidentit amerikan Donald Trump dhe e qeverisë së tij kanë çuar në tërheqjen e agjentit, shkroi stacioni CNN, duke iu referuar burimeve që nuk i përmend me emër.

Edhe informacione rreth fushatës zgjedhore të SHBA në 2016

Për më shumë se dhjetë vjet, informatori i kishte dhënë Uashingtonit njohuri të rëndësishme. Ai konsiderohej si një nga burimet më të vlefshme të CIA-s, shkruante New York Times, duke iu referuar personae që e njihnin rastin. Informacionet e tij patën çuar në mënyrë të konsiderueshme në përfundimet e shërbimit të fshehtë të SHBA, se Putini e kishte urdhëruar ndërhyrjen e Moskës në fushatën elektorale në SHBA. Tërheqja e informatorit të nivelit të lartë është humbje, po të kesh parasysh fushatën e ardhshme presidenciale të SHBA. Putin, që ka qenë më parë vetë punonjës i shërbimit të fshehtë, e ka mohuar vazhdimisht shprehimisht ndërhyrjen.

Vendimi i tërheqjes u mor pas një takimi midis Trumpit dhe Ministrit të Jashtëm rus Sergei Lavrov në Shtëpinë e Bardhë në vitin 2017, shkroi CNN. Gazetat atëherë kishin raportuar se Trumpi kishte zbuluar në bisedë informacione delikate të shërbimit të fshehtë. Tek CIA kjo ndodhi, – megjithëse ajo nuk kishte lidhje drejtpërdrejt me agjentin – kishte shkaktuar shqetësime dhe në fund kishte çuar në tërheqjen e spiunit.

CIA dhe Shtëpia e Bardhë e kundërshtuan zyrtarisht paraqitjen e stacionit. “Spekulimi që të çon në gjurmë të gabuar se trajtimi nga Presidenti i informacioneve më sekrete të kombit tonë, tek të cilat ai ka qasje çdo ditë, çoi në një aksion të supozuar tërheqjeje, nuk është i drejtë”, tha një zëdhënëse përballë CNN. Ndërkohë edhe Lavrovi theksoi se në takimin para dy vjetësh ai nuk kishte marrë asnjë informacion të shërbimeve të fshehta.

USA Lobby der CIA Hauptquartier in Langley, Virginia (Reuters/L. Downing)

Sa i qe afruar spiuni sundimtarit të Kremlinit?

Informatori, sipas New York Times, kishte qasje në vendime të nivelit të lartë të Kremlinit si dhe kontakte të rregullta me Putinin. Sidoqoftë, ai nuk i përkiste rrethit të tij më të ngushtë. Burime të gazetës e kundërshtuan se ishte trajtimi i informacionit sekret nga Trumpi që çoi në tërheqje. Qenë spekulimet në median amerikane që e kishin rrezikuar më tepër informatorin. Sipas CNN-it, informatori nga Moska dërgonte herë pas here edhe fotografi të dokumenteve në tryezën e Putinit. As identiteti dhe as vendndodhja e tij nuk dihen, thuhet në informacione.

Kremlini ndërkohë e konfirmoi që atëherë një person që dyshohej si spiun i SHBA kishte punuar në administratën presidenciale ruse. Por burri ishte “pushuar disa vjet më parë,” tha zëdhënësi i Kremlinit Dmitri Peskov, sipas agjencisë shtetërore të lajmeve TASS. Ai gjithashtu nuk kishte pasur qasje të drejtpërdrejtë te Putini. Peskovi shtoi shprehimisht se nuk kishte të dhëna, nëse personi kishte punuar direkt për CIA-n./DW

 

putin-904x445.jpg
ad min13:38 | 09/09/2019

Partia e presidentit Putin ka shënuar një rënie të konsiderueshme në zgjedhjet vendore të së dielës në Moskë, duke humbur një të tretat e vendeve në parlamentin e kryeqytetit. Lideri i opozitës Navalni e konsideroi këtë fakt si një sinjal të mirë për të ardhmen e vendit.

“Rusia e bashkuar”, partia kryesore mbështetëse e presidentit Vladimir Putin në parlament, ka humbur rreth një të tretat e vendeve në kuadër të zgjedhjeve vendore të së dielës në Moskë. Një votë që dhe pse vendore, u transformua nga opozita e Navalnit dhe aleatët e tij një rast për të qenë më të sigurtë në zgjedhjet e përgjithshme të vitit 2021.

Rënia e dukshme e mbështetjes gjithsesi nuk e pengon Rusinë e Bashkuar që të ruajë mazhorancën në parlamentin e qytetit. Pjesëmarrja në votime ka qenë shumë e ulët si dhe ka pasur polemika pasi nuk ka pasur exit poll.

Sipas të dhënave zyrtare, partia e Vladimir Putin ka marrë 25 vende nga 45, ndërsa më parë kishte 40. Opozita tashmë ka 20 vende. Zgjedhjet shkuan shumë mirë për Partinë Komuniste e cila pa të fitonte 13 kandidatët e saj.

Ky proces zgjedhor ku u përfshinë rreth 15 rajone ruse u karakterizua që nga muaji Qershor, nga shumë protesta kundër qeverisë. Autoritetet në fakt përjashtuan nga listat kandidatët e opozitës me arsyetimin se listat me pesë mijë firma që kishin dorëzuar nuk ishin të sakta.

Lideri i opozitës Navalni e ka cilësuar si një votë inteligjente atë të së dielës duke thënë se ky ishte një sinjal i mirë për të ardhmen e vendit./ABC News Albania 24/7

6087C2F2-BC79-4CA0-8873-6B743B825B5A_w1023_r1_s.jpg
ad min09:25 | 29/08/2019

Presidenti francez Emmanuel Macron thotë se kontinenti evropian nuk do të jetë kurrë i qëndrueshëm dhe i sigurt nëse marrëdhëniet e tij me Rusinë nuk zgjidhen. Duke folur me diplomatët e huaj pas përfundimit të samitit të G-7-ës në Francë, zoti Macron e pranoi se disa aleatë do të refuzojnë çdo lloj bisedimesh me Rusinë për shkak të agresionit të saj në Ukrainë.

Gjatë samitit të G-7s, Presidenti amerikan Donald Trump bëri thirrje për rikthimin e Rusisë në grupin elitar nga i cili u përjashtua pas aneksimit të gadishullit ukrainas të Krimesë në vitin 2014. Korrespondentja e Zërit të Amerikës Zlatica Hoke sjellë hollësitë. Ndërhyrja e Moskës në Ukrainën Lindore ka rritur tensionet me Perëndimin. Por që nga ardhja në Shtëpinë e Bardhë, Presidenti Trump ka bërë përpjekje për të përmirësuar marrëdhëniet me Rusinë, dhe duket se ka gjetur mbështetje tek disa udhëheqës evropianë.

“Mendoj se duhet të ndërtojmë një model të ri për sigurinë dhe besimin në Evropë. Kontinenti evropian nuk do të jetë kurrë i qëndrueshëm dhe i sigurt nëse nuk gjen paqe dhe përmirësim të marrëdhënieve me Rusinë. Të jemi të qartë se kjo nuk është në interes të disa prej aleatëve tanë. Disa prej tyre gjithmonë do të bëjnë presion për të vendosur më shumë sanksione ndaj Moskës. Kjo është në interesin e tyre, edhe nëse ata janë miqtë tanë. Por nuk është në interesin tonë”, tha Presidenti francez Emmanuel Macron.

Presidenti i Këshillit të Bashkimit Evropian, Donald Tusk, politikan nga Polonia, kritikoi Presidentin Trump të shtunën për sugjerimin se Rusia duhet të ftohet në takimet e G-7-ës.

“Sot, unë do të përpiqem të bind bashkëbiseduesit e mi se do të ishte më mirë të ftohej Ukraina, si mysafire, natyrisht, në takimin e ardshëm të G-7-s për të dëgjuar mendimin e presidentit të tyre të ri (Volodymy Zelenskiy). Bisedova me të për këtë çështje dy ditë më parë, dhe e di se ai do të ishte shumë i interesuar”.

Britania gjithashtu kundërshton rikthimin e Rusisë në G-7. Marrëdhëniet e Londrës me Moskën u dëmtuan pas helmimit të një ish-spiuni rus në Angli në vitin 2018, një akt flagrant për të cilin Britania fajëson Kremlinin.

Zoti Macron tha se Rusia nuk mund të pranohet në grup si anëtare e plotë për shkak të veprimeve të saj në Britani dhe Ukrainë, por ai tha se largimi i saj nga Evropa është një gabim strategjik, i cili ka bërë që Moska të ndërtojë aleanca diku tjetër. Ai tha se Franca dëshiron ta ndryshojë këtë dhe është e gatshme të veprojë vetë nëse Rusia i plotëson kushtet kryesore në lidhje me konfliktin në Ukrainë.

“Ta themi thjesht, ne nuk jemi një fuqi që konsideron se armiqtë e miqve tanë janë domosdoshmërisht edhe armiqtë tanë apo se e kemi të ndaluar të bisedojmë me ta. Dhe unë mendoj se kjo është fuqia e Francës.”

Zoti Macron tha se përfaqësuesit e Rusisë, Ukrainës, Gjermanisë dhe Francës do të takohen muajin tjetër për të diskutuar rrugët drejt paqes në Ukrainë.

Këshilltari i Presidentit Trump për sigurinë kombëtare, John Bolton u tha ukrainasve të martën të mos prisnin ndonjë zgjidhje nga evropianët

në një kohë të afërt. Gjatë një vizite në kryeqytetin e Ukrainës, Kiev, John Bolton tha se presidenti ukrainas Volodymyr Zelenskiy nuk duhet të nxitojë me ndonjë veprim në Ukrainën Lindore. Ai gjithashtu tha se Presidenti Trump mund të takohet me zotin Zelenskiy gjatë një vizite në Poloni në fund të javës./VOA

PUTIN-NATO-SERBI-ABC-M5T1.mpg_snapshot_00.01-1280x720.jpg
ad min14:40 | 20/08/2019

Rusia do të vendosë në gatishmëri raketa me rreze të shkurtër dhe të mesme, që ndalohen nga marrëveshja e shkelur tashmë me Shtetet e Bashkuara të Amerikës – në ato rajone në botë ku do të ketë armë amerikane të ngjashme.

Deklarata është bërë nga presidenti rus Vladimir Putin. Kreu i Kremlinit theksoi se nëse sisteme të tilla sulmi do të vendosen nga Shtetet e Bashkuara të Amerikës, të njëjtën gjë do të bëjë dhe Rusia. Ai shtoi se nuk do të vendoset asnjë deri sa pala amerikane të bëjë lëvizjen e parë./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono