vjen

LLESHAJ-HIMARE-1280x720.jpg
ad min14:00 | 10/08/2019

Ministri i Brendshëm Sandër Lleshaj ka reaguar disa dita pas publikimit të dokumentarit të televizionit publik italian RAI mbi fuqizimin e mafias shqiptare në trafikun e kokainës. Në një postim në rrjetin social Facebook, Lleshja shkruan se  fenomeni i ‘Kanabisit’ është tanimë një histori e të shkuarës dhe lufta kundër tij një “bast” i fituar i kësaj mazhorance.

Reagimi i plotë:

“Një emision i televizionit italian “Rai 3” i pak ditëve më parë i mjaftoi opozitës që, si përherë, të nxitonte për të kërcyer tek konkluzione haluçinante, të cilat meritojnë vërtet keqardhje. Disa histori nga e shkuara si Lazarati, kjo “markë” autentike e PD, apo edhe episode të tjera të shkuara (përzier në njē sallatë televizive sensacionale, pa asnjë vlerë dokumentare, po me synimin e vetëm audiencën e interesuar për show) kanë frymëzuar opozitën e plandosur jashtë-parlamentare.

Ajo ka rimarrë vrullin e një shiu vere, për të akuzuar Policinë e Shtetit dhe Qeverinë për njollat që ata vetë i kanë vënë vendit kur ishin në pushtet. E vërteta është krejt ndryshe nga çka paraqet mishmashi televiziv i përgatitur nga njerëz që janë larg së qeni në nivelin e respektit tonë për kanalin publik italian. Falë edhe bashkëpunimit të ngushtë me partnerët italianë, lufta kundër kanabisit si fenomen, është një luftë e fituar e shtetit shqiptar! Rezultatet në këtë fushë, të konfirmuara nga monitorimi i specializuar i partnerëve italianë, janë kokëforta dhe të mirënjohura. Kultivimi apo sasitë e kanabisit me origjinë nga Shqipëria, të kapura nga vendet fqinje, kanë rënë në minimumet historike.

Monitorimi nga ajri vijon intensivisht, duke provuar ecurinë e shkëlqyer të përpjekjes sonë. Ndërkohë, goditja në tokë dhe në det nga Policia e Shtetit dhe agjencitë ligjzbatuese, është konstante dhe shkurajuese për krimin.   Rrjetet dhe organizatat kriminale që kanë vepruar në këtë fushë janë goditur rëndë në të gjitha aspektet, përfshirë edhe atë financiar. Fenomeni ‘Kanabis’ është tanimë një histori e të shkuarës dhe lufta kundër tij një “bast” i fituar i kësaj mazhorance. Të gjitha shifrat provojnë këtë fakt. Fatmirësisht, autoritetet italiane e njohin shumë mirë dhe nga shumë afër, të vërtetën e luftës kundër kanabisit dhe bashkëpunimin e shkëlqyer policor mes dy vendeve.  Ato kanë folur në të gjitha nivelet për këtë dhe unë besoj se do te shprehen edhe pas këtij reportazhi të Rai 3 – një mishmash i denjë për të ilustruar epideminë e ‘fake news’.

Gjithashtu një ditë më parë zv/ministrja e Brendshme, Rovena Voda tha se të dhënat zyrtare tregojnë një pasqyrë tjetër sa i takon kultivimit të kanabisit.

buxhuku-1280x716.jpg
ad min16:00 | 07/08/2019

Pa analizuar shkakun e evazionit fiskal sipas Administratorit të Përgjithshëm të Konfindustrisë nuk mund të ketë pasoja pozitive në ekonomi. Gjergj Buxhuku thotë se aksionit të ndërmarrë nga qeveria i mungon analiza.

Aksion pa analizë. Të tillë e konsideron Administratori i Përgjithshëm i Konfederatës së Industrive të Shqipërisë Gjergj Buxhku luftën që qeveria thotë se i ka shpallur informalitetit tek biznesi.

Që të eliminohen pasojat i duhet prerë udha shkakut pohon Buxhuku i cili sugjeron një analizë shumëpalëshe.

Ndërkohë vetë Administratori i Përgjithshëm i Konfindustrisë gjen dy arsye se pse ky aksion i qeverisë vjen pikërisht në këtë kohë.

Sa i përket vendosjes së  faturimit elektronik tek biznesi Buxhuku mendon se  koha e parashikuar për tu zbatuar.  1 Janari i vitit që vjen, është e pamjaftueshme për të garantuar sukses. Ndërkohë Administratori i Përgjithshëm i Konfederatës së Industrive të Shqipërisë sheh si të papranueshme mungesën e vlerësimit kosto përfitim që sjell kjo mënyrë për ekonominë në tërësi dhe biznesin në veçanti në relacionin shoqërues të projektligjit./ABC News Albania 24/7

te-miturit-1280x699.jpg
ad min16:40 | 23/07/2019

Të paktën 144 të mitur janë dënuar në 6 muajt e parë të këtij viti për veprat të ndryshme penale. Përfshirja e tyre në botën e krimit sipas psikologes Arjana Muçaj vjen nga një sërë faktorësh, mes të cilëve familja dhe ekonomia.

Mesatarisht 24 të mitur në muaj janë dënuar që nga fillimi i këtij vitit, ose 144 gjithsej deri më tani. Trendi duket i njëjtë me atë të vitit të shkuar gjatë të cilit janë dënuar 290 të mitur në vendin tonë.  Sipas statistikave të zyrave qendrore në Shërbimin e Provës, mes të dënuarve kryesojnë fëmijët e akuzuar për “Vjedhje”. Por jo vetëm kaq, shumë prej tyre kanë përfunduar pas hekurave për “Drejtim të automjeteve në gjendje të dehur apo pa dëshmi”, dhe “Prodhimi dhe shitja e narkotikëve”.

Në listën e gjatë, nuk mungon as plagosja e lehtë me dashje, ajo me dhunë dhe deri tek trafikimi i armëve dhe i municionit. Përfshirja e të miturve në botën e krimit, vjen nga një sërë faktorësh.

Për ABC-News, psikologja Arjana Muçaj thotë se në jo pak raste gjithçka nis nga familja për këtë kontingjent të miturish.

Shoqëria, është faktori tjetër përcaktues në futjen e të miturve në botën e errët të krimit.

Një tjetër faktor, sipas psikologes, është edhe ai ekonomik.

Ndërsa komuniteti, me refuzimin e shpeshtë për ti pranuar dhe rehabilituar pas daljes nga qelitë, duket se i dënon për së dyti.

Riintegrimi është çelësi i shpëtimit nga bota e krimit. Psikologjia këshillon që komuniteti duhet të jetë me i hapur për ti pranuar, duke mos vendosur barriera./ABC News Albania 24/7

640-0-5d283f1eafd99.jpg
ad min09:30 | 12/07/2019

Në familjen e artistëve sot ka festë! Bija e Xhensilës dhe Besit mbush sot plot një vjeç dhe emocion dhe gëzim më të madh për ta si prindër për të parën herë nuk mund të ketë. Ndërsa, dhuratat kanë nisur që mbrëmë, babi Besi ka pritur mëngjesin e sotëm për të bërë urimin dhe dedikimin më të bukur e më të ndjerë për Ajkën e zemrës së tij, siç e quan ai.

Teksa zbulon shumë detaje interesante nga prindërimi në këto 365 ditë të tij si baba për të parën herë, Besi na  tregon edhe anën tjetër të medaljes së të qenit prind. Të dashurisë pa kushte, emocioneve, sfidave, përgjegjësisë, etj.

 

View this post on Instagram

 

O Ajka e jetes, urime ditelindjen tende te pare. Une nuk do te te shkruaj shum gjate sepse mami yt ka 3 dit qe po shkruan urimin per ty edhe akoma nuk e ka mbaruar 😂. Cti bejm qaramanes? 😂 Egziston nje force aq e madhe terheqjeje ne bote qe quhet ‘DASHURI’. U rritsh me dashuri edhe dhenç vetem dashuri. Lutu gjithmone qe te kesh sy qe shohin me te miren tek te tjeret. Te kesh zemer qe fal me te keqen, nje mendje qe e harron te keqen. Dhe nje shpirt qe nuk e humbet kurre besimin e Zotit. Ne po te mesojme si te ecesh vete, si ben qeni apo macja, te thuash “Besi” edhe “Xhensila” (kete mezi e shqiptojne edhe te rriturit ne fakt 😂). Por sa po mesojme edhe ne nga ty, dhe sa po rritemi edhe ne prej teje. Ta dish qe te dua aq shum sa kam mesuar cdo kenge femijesh permendesh nga “Johny Johny Yes Papa” e deri tek “Baby Shark” 😂 Ajka, o lul’e bukur e gjakut tim.

A post shared by bes kallaku (@bes_kallaku) on

Më shumë se gjithçka tjetër flet ky urimin i ndjerë për vogëlushen e tij: “O Ajka e jetës, urime ditëlindjen tënde të parë. Unë nuk do të të shkruaj shumë gjatë sepse mami yt ka tre ditë që po shkruan urimin për ty edhe akoma nuk e ka mbaruar. Ç’ti bëjmë qaramanes? Ekziston një forcë aq e madhe tërheqjeje në botë që quhet  ‘DASHURI’. U rritsh me dashuri edhe dhënç vetëm dashuri. Lutu gjithmonë që të kesh sy që shohin më të mirën tek të tjerët. Të kesh zemër që fal më të keqen, një mendje që e harron të keqen. Dhe një shpirt që nuk e humbet kurrë besimin e Zotit.  Ne po të mësojmë si të ecësh vetë, si bën qeni apo macja, të thuash “Besi” edhe “Xhensila” (këte mezi e shqiptojnë edhe të rriturit në fakt). Por, sa po mësojmë edhe ne nga ty, dhe sa po rritemi edhe ne prej teje. Ta dish që të dua aq shumë sa kam mësuar çdo këngë fëmijësh përmendësh nga “Johny Johny Yes Papa” e deri tek “Baby Shark”! Ajka, o lule e bukur e gjakut tim”.

ivica-1280x706.jpg
ad min16:10 | 10/07/2019

Regjisori  me famë ndërkombëtare Ivica  Buljan më 13 Korrik sjell në qiell të hapur në sheshin e Teatrit  kryeveprën e Shekspirit “ Jul Cezari”. Regjisori në një intervistë për ABC News rrëfen konceptin e tij për shfaqjen duke i dhënë nuanca politike të aktualitetit shqiptar si dhe eksperiencën e bashkëpunimit me Teatrin eksperimental dhe aktorë shqiptarë.

“Jul Cezar” një ndër veprat më të forta politike, shënon premierën në Tiranë në një kohë krizë politike edhe në vend. Regjisori i njohur ndërkombëtarisht Ivica Buljan e nxjerr tragjedinë  nga skena në shesh.

Megjithëse gjatë karrierës së tij si regjisor ka vënë në skenë mbi 50 pjesë të ndryshme, por Shekspirin e sjell për herë të parë me trupën shqiptare.

Teatri i tij na thotë se fokusohet në protagonizmin e aktorit duke ruajtur linjat klasike të Teatrit , por duke i mëshuar performancës.

Premiera në qiell të hapur do të luhet më 13 Korrik ora 21.30 në sheshin e Teatrit. Me kastin e  aktorëve: Romir Zalla, Alfred Trebicka, Ervin Vin Bejleri, Amos Muji Zaharia, Gentian Zenelaj, Ermira Hysaj, Adriana Tolka dhe shumë të tjerë./ABC News Albania 24/7

5d223bd49a948Jean-Claude-Juncker.jpg
ad min21:00 | 07/07/2019

Teksa procesi i numërimit të votave vijon, Kyriakos Mitsotakis nga rezultatet paraprake duket se është drejt fitores për të qenë Kryeministri i ri i Greqisë. Deri më tani ai ka arritur që të marrë 158 vende në Parlament nga 300 gjithsej. Urimi i parë vjen nga ish-Presidenti i KE, Jean-Claude Juncker.

“Dëshiroj t’ju përgëzoj për fitoren tuaj bindëse në zgjedhjet parlamentare. Ti e di lidhjen time personale me Greqinë dhe njerëzit e saj që kanë duruar kaq shumë gjatë dekadës së fundit. Dinjiteti, elasticiteti dhe angazhimi evropian i grekëve meritojnë respekt”, shkruan Juncker./abcnews.al

Jens-Stoltenberg-l-reu.jpg
ad min15:15 | 31/05/2019

Sekretari i përgjithshëm i atlantikut të veriut Jens Stoltenberg do të udhëtojë drejt Shqipërisë ditën e diel të 2 Qershorit. Gjatë qëndrimit të tij në vendin tonë, njoftuar në faqen zyrtare të NATO-s, Stoltenberg pritet të zhvillojë takime me presidentin e vendit Ilir Meta, kryeministrin Edi Rama dhe ministren e mbrojtjes Olta Xhaçka. Takimet do të përmbyllen me një konferencë të përbashkët për shtyp të Stoltenberg dhe Kryeministrit Rama./ABC News Albania 24/7

 

ambasada-amerikane-1280x702.jpg
ad min16:15 | 24/05/2019

Një ditë para protestës së opozitës, Ambasada amerikane në Tiranë u është drejtuar me një apel shtetasve të saj që ndodhen në Shqipëri të jenë të kujdesshëm gjatë ditës së shtunë.

Ndër të tjera ambasada thotë: “Një demonstrim i madh pritet të zhvillohet pranë Zyrës së Kryeministrit më 25 maj 2019, duke filluar nga ora 18:00. Grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë. Kohëzgjatja e demonstratës është e panjohur. Demonstrimet e kohëve të fundit kanë përfshirë dhunën. Forcat e sigurisë kanë përdorur ujë dhe gaz lotsjellës për të shpërndarë turmat”.

Nisur nga këto të dhëna, ambasada këshillon të gjithë amerikanët që ndodhen në Shqipëri: Të shmangin grumbullimet e mëdha dhe fushat ku demonstratat janë të pashmangshme ose në vazhdimësi si dhe të monitorojnë mediat për zhvillimet më të fundit”, përfundon deklarata e Ambasadës amerikane./ABC News Albania 24/7

rekordmeni-1280x712.jpg
ad min23:30 | 23/05/2019

Federata Shqiptare e Atletikes do të zhvillojë në Elbasan mitingun e radhës ndërkombëtar. Në këtë turne do të marrin pjesë sportistë nga 6 vende të ndryshme.

Federata shqiptare  e atletikes do të zhvilloje të premten në Elbasan mitingun e radhës ndërkombëtar të atletikës ku do të marrin pjesë 6 shtete. Në këtë turne sportistët do të garojnë në kategori të ndryshme të atletikes.

I pranishëm në këtë event sportiv do të jetë edhe rekordmeni evropian në kërcim së gjati, armeni Robert Emian.

Ish-sportisti i famshëm nuk e fsheh kënaqësinë për vizitën në Shqipëri dhe shpreson se do të ishte i lumtur nëse dikush do të thyente rekordin e tij.

“Jam krenar që ndodhem këtu. Kam ardhur shumë herë në Shqipëri dhe këtu ka një mikpritje të jashtëzakonshme. Falënderoj presidentin e atletikes për mbështetjen që ka dhënë për federatën. Sa herë që vij në vendin tuaj shoh diçka të re.  Vitin tjetër jam i sigurtë se do të organizojmë më shumë evente ndërkombëtare. Në Elbasan do të ketë disa shtete pjesëmarrëse  dhe besoj se do të zhvillohet një gare e bukur. Do të isha shumë i lumtur nëse do të thyhej rekordi im. Dua t’i motivoj shumë sportistët e vegjël pasi mund të arrijnë suksese në të ardhmen. Unë e di problematikat e atletikes në vendin tuaj dhe mendoj se duhet investuar për impiantet sportive”, përfundon fjalën e tij rekordmeni me origjine nga Armenia Robert Emian./ABC News Albania 24/7

soreka-1280x706.jpg
ad min16:10 | 06/05/2019

Vizita e përfaqësueses së lartë të Bashkimit Evropian në Tiranë Federica Mogherini  nuk pritet kryejë rol ndërmjetësues midis mazhorancës dhe opozitës. Deklaratën e bëri ambasadori i delegacionit evropian Luigi Soreca i cili vazhdon ti kërkojë partive politike që të ulen e të gjejnë një zgjidhje.

Shtëpinë e ka ndryshuar delegacioni i Bashkimit evropian në Tiranë. Të vjetra kanë mbetur mesazhet që i drejton mazhorancës dhe opozitës për pjesëmarrjen në zgjedhjet e 30 Qershorit.

Soreca: “Ajo që kemi thënë deri tani është që ne i ftojmë të gjitha partitë politike të marrin pjesë në zgjedhje. Është shumë e rëndësishme kjo për hir të qytetarëve shqiptarë, që ata të përfaqësohen nga të gjitha partitë, të cilët kanë përfaqësuesit e tyre dhe ne nuk do ta ndryshojmë këtë deklaratë që kemi bërë”.

Në 8 maj pritet të mbërrijë në Tiranë edhe përfaqësuesja e lartë e Bashkimit Evropian Federika Mogherini. Në axhendën e saj nuk përfshihet ndërmjetësimi midis palëve politike në Shqipëri sqaroi ambasadori Soreca.

Soreca: “Ndërmjetësimi nuk është në axhendë për momentin. Janë partitë politike, qeveria, opozita që duhet të gjejnë atë urë që ekziston në mënyrë që të tejkalojnë këtë ngërç në të cilin gjendemi dhe që nga kjo punë të përfitojnë qytetarët e Shqipërisë, përfaqësimi i plotë i tyre në zgjedhje”.

Në nisje të javës evropiane në Tiranë nuk mungojnë as publikimet se sa e mbështesin qytetarët shqiptarë reformën  në sistemin e drejtësisë, shumica janë pro por nuk janë të paktë ata që mendojnë se nuk po ecën shumë mirë si proces.

Reforma në sistemin e drejtësisë dhe reforma zgjedhore janë disa nga pikat kyçe që vlerësojnë hapjen apo jo të bisedimeve për negociatat me bashkimin evropian. Ministri në detyrë për Evropën dhe punët e jashtme shprehet optimist pavarësisht se edhe ai është në pritje të përmbajtjes së raportit të Komisionit Evropian që do të publikohet këtë muaj.

Në të njëjtën linjë është ambasadori Luigi Soreca. Deklaratat u bënë në ditën e inaugurimit të ambienteve të reja të delegacionit të Bashkimit Evropian në Tiranë./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono