vizitë

VENECIA-1280x711.jpg
Sej rie16:00 | 09/08/2019

Komisioni i Venecias nuk do t’i japë asnjë rekomandim Kuvendit të Shqipërisë për shkarkimin e Ilir Metës, pa dëgjuar më herët të gjitha palët. Pasi ka marrë një shkresë me 8 pyetje nga komisioni hetimor për shkarkimin e presidentit, një delegacion i Venecias do të mbërrijë në Tiranë në 9 Shtator për të grumbulluar fakte e qëndrime.

Komisioni i Venecias kthehet sërish në Tiranë. Kësaj radhe, jo për reformën në drejtësi, apo vettingun në politikë, por për shkarkimin e Presidentit të Republikës, Ilir Meta.
Pasi ka marrë një shkresë me 8 pyetje nga komisioni hetimor për shkarkimin e Presidentit, një delegacion i Venecias do të mbërrijë në Tiranë në 9 Shtator për të takuar të gjitha palët.

Delegacion bëhet nga Thomas Markert, Sekretar i Komisionit te Venecias dhe dy anëtarë të Komisionit, hungarezi Varga dhe finlandezi Tuori. Delegacioni do te shoqërohet dhe nga Schnutz Rudolf DÜRR, Drejtues i Divizionit për çështjet Kushtetuese në Komision.

Gjatë qëndrimit 3 ditor, janë parashikuar takime me personin nën hetim parlamentar, pikërisht Presidentin e Republikës, i cili akuzohet nga Kuvendi se duke dekretuar anulimin e 30 Qershorit si datë zgjedhjesh, ka shkelur rëndë Kushtetutën.

Pasi të njihen me argumentet e Presidentit, komisionerët e Venecias do të takohen me Kryetarin e Kuvendit, me përfaqësues të qeverisë; me Komisionin Qendror të Zgjedhjeve; me Komisionin e Posaçme Hetimor; me opozitën, si dhe me përfaqësues të Gjykatës Kushtetuese dhe anëtarë të shoqërisë civile./ABC News Albania 24/7

cavusoglu-kuzey-makedonya-basbakani-zaev-12250144_amp.jpg
nev ila17:30 | 16/07/2019

Në prag të vizitës së Presidentit turk Rexhep Taip Erdogan në Maqedoninë e Veriut, Ministri i jashtëm i Turqisë Mevlut Çavushoglu ndodhej në Shkup nga ku pwrshwndeti anëtarësimin e ardhshëm të Maqedonisë së Veriut në NATO, ku edhe Ankaraja zyrtare ratifikoi protokollin. Ankaraja zyrtare pret “pastrimin” e pjesëtarëve të organizatës FETO në vend, që autoritetet turke i vlerësojnë si terroristë.

Ndjekja e pjesëtarëve të organizatës FETO për Turqinë edhe më tej është temë e agjendës së lartë në marrëdhëniety dypalëshe jo vetëm me Shkupin por edhe me 160 vende të botës, ku Ankaraja beson se janë të infiltruar ose të mbështetura nga qeveri ose shërbime të intelegjencës. Pastrimi i këtyre elementeve terroriste, sic do të shprehet Ministri i jashtëm turk Çavushoglu, nuk ka qenë kusht për ratifikimin e protokollit për anëtarësimin e Maqedonisë së Veriut në NATO.

“Kjo organizatë terroriste nuk është e vetme, merr përkrahje nga jashtë dhe ndaj Maqedonisë dhe vendeve tjera paraqet kërcënim. Tash disa vende kryejnë presione, por në të ardhmen kur Maqedonia dhe vendet tjera mike do të ballafaqohen me vështirësi, sërish Turqia do t`u vijë në ndihmë. Në këtë drejtim presim hapa konkrete”, tha Cavushoglu.

Shefi i diplomacisë Nikola Dimitrov sqaroi se janë ngritur procedura juridike, pa zbuluar emra të personave ose organizatave.

“Problemet e mikut tonë janë edhe probleme tonat, në kuptimin e vullnetit politik do të bëjmë gjithcka që të ndihmojmë. Kemi bashkëpunim të shkëlqyer mes shërbimeve të intelegjencës. Procedura për shumë persona të këtillë është në vazhdë e sipër në Gjykata dhe Prokuroritë publike”, tha Dimitrov.

Në pyetjen nëse Turqia druan nga sanksionet e BE-së dhe SHBA-ve për shkak të furnizimit me sistemin raketor rus S-400, Çavushoglu theksoi se nuk ka nevojë për tensione me NATO-n dhe se Turqia është shtet Sovran dhe se do të furnizohet me armë sipas planeve, vecanërisht për shkak të kërcënimeve rajonale të sigurisë. Presionet e Brukselit, pas të cilit ai e sheh Greqinë, do të ngrisin vetëm përgjigje më të ashpra.

“Nëse vazhdohet me marrjen e vendimeve të këtilla kundër Turqisë do ti rrisim aktivitetet tona. Edhe një herë them se atje kemi 3 anije dhe anija e katërt në Mesdheun Lindor do të dërgohet së shpejti, nuk mundet kështu me Turqinë. Ne vetë vendosim dhe derisa nuk i mbrojnë të drejtat e turqve në Qipron Veriore ne do të vazhdojmë ti rrisim aktivitetet tona”, deklaroi Cavushoglu.

Kur bëhet fjalë për BE-në dhe Ballkanin, Ministri Dimitrov ka theksuar se me vëmendje ka ndjekur vizitën e presidentit të Francës Makron në Serbi dhe se është duke vërrejtur zbutjen e qëndrimit të tij të fortë rreth zgjerimit të Bashkimit Evropian.

“Mes tjerash u paraqit edhe një formulim se nevoja për kohezion të brendshëm dhe reforma të brendshme në BE mund të zhvillohen paralelisht me evropeizimin dhe aderimin e rajonit në BE. Mendoj se kjo është shumë me rëndësi dhe një mesazh pozitiv. Kuptohet nuk duhet që kjo të na relaksojë, por sikur ka një hapje në këtë kuptim kurse fakt është që dy proceset janë shumë të rëndësishme“, deklaroi Dimitrov.

Lidhur me cështjen që ngriti Presidenti Makron në Beograd e që ka të bëjë me vazhdimin e dialogut mes Prishtinës e Beogradit, Cavushoglu ka theksuar se Ankaraja do të përkahte një zgjidhje që do të ishte si rezultat i marrëveshjes mes të dy palëve, por pa dhënë një përgjigje nëse do të mbështeste ose jo këmbimin eventual të territoreve./ABC News Albania 24/7           

palmer-ne-serbi.jpg
G. P.17:53 | 10/06/2019

Zëvendës sekretari amerikan i Shtetit Matthew Palmer, gjatë qëndrimit të tij në Beograd theksoi mbështetjen e Shteteve të Bashkuara të Amerikës për vazhdimin e dialogut. Ndërsa presidenti i Serbisë Vuçiç ftoi homologun amerikan Trump të vizitojë vendin.

I dërguari amerikan, zëvendës ndihmës sekretari, Mathew Palmer, ka arritur për paqe në kryeqytetin serb. Njëzet vjet më parë Serbia vuri firmë mbi marrëveshjen e Kumanovës për të ndaluar bombardimet e NATO-së.

Palmer dy dekada më vonë i tha Serbisë të vazhdoj dialogun me Kosovën dhe Prishtinën porositi për ta hequr taksën. Me presidentin, Aleksandër Vuçiç, tha bisedimet nuk kanë alternativë.

“SHBA mbështesin dialogun e udhëhequr nga BE për normalizim të plotë në mes të Beogradit dhe Prishtinës. Ne mendojmë se kjo është rëndësishme. E shohim taksën si një pengesë dhe do të donim t’i shohim të hiqen apo të suspendohen që të mundësojnë uljen në bisedime, për të mbështetur dhe siguruar një të ardhme Evropianë për Serbinë dhe Kosovës, por edhe për tërë Ballkanin Perëndimor”, tha Palmer.

Dekadat kanë kaluar që nga lufta, por në paqe qëndrimet për marrëveshje nuk janë përafruar. Vuçiç u shpreh skeptik për dialogun pa hequr tarifën. Falenderoj Amerikën për partneritet pavarësisht se ndan mendime të ndryshme për bombardimet. Presidenti serb shprehi dyshime për takimin e Parisit, duke u përgjigjur me pyetje se kur nuk mund të importohen as biskotat si mund të flitet për paqe?

“Nuk e di nëse takimi në Paris do të ndodh pasi nuk e di se sa do të jenë të gjithë të gatshëm të dëgjojmë të njëjtën histori dhe pa u hequr taksat si të diskutojmë për dicka tjetër. Por, unë dua që të kemi një marrëveshje të kompromisit dhe kërkojmë të kuptohet edhe pozita jonë”, tha Vuçiç.

Palmer premtoi mbështetjen e SHBA për dialogun. Vuçiç ftoi Donald Trump të vizitojë Serbinë në vendin ku siç tha ka mbështetjen më të madhe./ABC News Albania 24/7

jens-stoltenberg-NATO-1280x727.jpg
nev ila09:52 | 02/06/2019

Sekretari i Përgjithshëm i NATO, Jens Stoltenberg do të zhvillojë sot një vizite disa orëshe në Tiranë. Ai do të mbërrijë pas mesdite në aeroportin “Nënë Tereza”, ku do të pritet nga Ministrja e Mbrojtjes, Olta Xhaçka.

Ndalesa e parë do të jetë në Kryeministri, ku do të pritet nga Kryeministri Rama, shoqëruar me takim dypalësh dhe një konferencë të shkurtër për shtyp.

Me pas Sekretari Stoltenberg do të zhvillojë një takim dypalësh në Presidencë. Pas këtij takimi, ai do të largohet nga Tirana për të udhëtuar drejt Maqedonisë./abcnews.al

donald-Trump.jpg
Sej rie16:30 | 01/06/2019

Vizita zyrtare e presidentit amerikan Donald Trump në Mbretërinë e Bashkuar do të nisë të hënën e 3 qershorit. Ndërkohë Bakingam Palas ka bërë publike agjendën e takimeve që do të nisë me pritjen e Mbretëreshës Elizabetë.

Bakingam Palas ka publikuar agjendën e vizitës tre ditore të presidentit amerikan Donald Trump në Britaninë e Madhe, e cila nis të hënën e 3 qershorit.

Presidenti amerikan dhe Zonja e Parë Melani do të mirëpriten zyrtarisht në Bakingam Palas në Londër, nga Mbretëresha Elizabet, princi Çarls dhe bashkëshortja e tij Kamila, dukeshë e Kornuell.

Trump i është rezervuar një pritje zyrtare në kopshtin e pallatit mbretëror, që do të shoqërohet me inspektimin e rojeve të nderit, së bashku me princin Çarls. Më pas do të ketë një përshëndetje me armë në Parkun e Gjelbër dhe në kullën e Londrës.

Mbretëresha, me nipin e saj princ Herrin do të marrin pjesë në një drekë private me të ftuarit e cila do të pasohet nga një turn ë Galerinë e Pikturave, ku vëmendja do të përqendrohet në koleksionin mbretëror të një rëndësie historike për Shtetet e  Bashkuara të Amerikës.

Pasditen e të hënës Trump do të jetë në rezidencën e Carls dhe Kamila për një çaj, ndërsa dita e parë përfundon me një banket shtetëror në Bakingam Palas.

Dita e dytë e vizitës do të ketë një agjendë më politike, me Trimp i cili do të takohet me kryeministren në detyrë Tereza Mej, në një mëngjes pune, por dhe me princin Herri dhe përfaqësues të lartë të politikës dhe biznesit në vend.

Dreka do të ndiqet me një konferencë të përbashkët për shtyp të Trump dhe Mej.

Ditën e fundit të vizitës në 6 qershor, Mbretëresha Elizabet dhe të ftuarit e saj do të marrin pjesë në ceremoni përkujtimore të 75 vjetorit të zbarkimit Portsmouth. Qyteti port ishte një ndalesë shumë e rëndësishme në Luftën e Dytë Botërore.

Në këtë ceremoni do të marrin pjesë më shumë se 300 veteranë të luftës së dytë botërore.

Por të pranishëm pritet të jenë dhe krerë shtetesh dhe përfaqësues të vendeve të përfshira në operacionet historike ushtarake.

Mbretëresha Elizabetë do të përshëndetet pikërisht këtu me kreun e shtëpisë së bardhë I cili do të niset me një avion privat për në Shtetet e Bashkuara të Amerikës.

Në axhendë nuk përfshihet prania e Princit Uilliam dhe bashkëshortes së tij Kejt.

Nga Britania e Madhe Trump do të udhëtojë në Normandi, Francë, me ftesë të presidentit francez Makron për të vazhduar ceremoninë përkujtimore të zbarkimit, dhe më pas do të ketë një takim mes dy liderëve.

Trump do të vizitojë gjithashtu Irlandën ku do të takohet me kryeministrin e vendit në aeroportin e qytetit Shennon./ABC News Albania 24/7

kryeministria-1.jpg
G. P.10:38 | 12/05/2019

Një ditë pas protestës së opozitës, kryeprokurorja e Përkohshme e Përgjithshme, Arta Marku ka mbërritur në Kryeministri. Ajo ka shkuar në godinën e qeverisë rreth orës 9:00. Nuk dihet ende arsyeja e kësaj vizite.

Të shtunën, opozita e bashkuar zhvilloi protestën e saj kombëtare. Tubimi u ndal në tre pika Kryeministri, Parlament dhe Drejtoria e Policisë së Tiranës. Që prej nisjes së saj, protesta u shoqërua me tensione.

Protestues të ndryshëm hodhën molotov dhe flakadanë në drejtim të godinës së qeverisë dhe për pasojë dera hyrëse e saj u përfshi nga flakët. Gjithashtu edhe pas zhvendosjes tek Kuvendi, tubuesit hodhën molotov, flakadanë dhe fishekzjarre. E njëjta skenë u përsërit edhe tek Drejtoria e Policisë së Tiranës.

Ndërkohë nga ana tjetër, policia është kundërpërgjigjur me gaz lotsjellës dhe ujë me presion./abcnews.al

17221253185_aa1ca3f5ce_k-1280x881.jpg
Sej rie14:30 | 08/05/2019

Përfaqësuesja e lartë për politikë të Jashtme në Bashkimin Evropian Federica Mogherini do të jetë sot dhe nesër në Tiranë për të marrë pjesë në aktivitetet në kuadër të Ditës së Evropës dhe në punimet e samitit të Brdo-Brijun, ku mblidhen të gjithë presidentët e Ballkanit, për të diskutuar për projektet e përbashkëta dhe ndihma që duan nga Bashkimi Evropian.

Mogherini mbërrin sot në orën 16.30, ku do të pritet nga  Kryeministri Edi Rama. Pas takimit do të mbajnë një konferencë për shtyp.

Në axhendën e shefes për politikën e jashtme nuk është parashikuar asnjë takim me kryetarin e Partisë Demokratike Lulzim Basha.

Më herët mediat në Kosovë dhe në Serbi kanë raportuar se diplomatja e Bashkimit Evropian do të takojë veç e veç Presidentin e Kosovës Hashim Thaçin dhe atë të Serbisë, Aleksandër Vuçiç.

viktor-orban.jpg
Sej rie10:50 | 08/05/2019

Presidenti i Shteteve të Bashkuara, Donald Trump, do të presë javën e ardhshme në Shtëpinë e Bardhë kryeministrin e Hungarisë, Viktor Orban. Takimi do të zhvillohet më 13 Maj. Në njoftimin zyrtar të shtëpisë së bardhë thuhet ndër të tjera se presidenti amerikan dhe kryeministri hungarez do të diskutojnë mënyrat për të thelluar bashkëpunimin në një seri çështjesh, përfshirë tregtinë, energjinë dhe sigurinë kibernetike. Orban shpesh është përplasur me Bashkimin Evropian për fushatat e tij kundër emigrantëve dhe për reformat në gjyqësor./ABC News Albania 24/7

trump-britani.jpg
nev ila18:56 | 23/04/2019

Presidenti Donald Trump do të vizitojë Britaninë në qershor, me ftesë të mbretëreshës. Krahas aspektit ceremonial, vizita do të shërbejë si një shans për përforcimin e marrëdhënieve mes Uashingtonit dhe Londrës.

Presidenti Donald Trump do të zhvillojë nga data 3 deri më 5 qershor një vizitë në Mbretërinë e Bashkuar. Presidenti dhe zonja e parë Melania Trump do të jenë të ftuarit e mbretëreshës dhe do të marrin pjesë në një ceremoni në Portsmuth për të shënuar 75-vjetorin e ditës së zbarkimit të aleatëve.

Gjithashtu, Trump do të zhvillojë bisedime zyrtare me kryeministren Theresa Mej në selinë e qeverisë britanike në DAUNING STRIT. Më parë Trump është takuar me mbretëreshën në Kështjellën Uindsor, kur vizitoi Britaninë e Madhe në korrik të vitit 2018.

Shtëpia e Bardhë ka bërë me dije ndërkohë se vizita do të riafirmojë marrëdhëniet solide dhe të veçanta mes Shteteve të Bashkuara dhe Mbretërisë së Bashkuar.

Edhe kryeministrja Mej ka deklaruar se vizita e qershorit është një shans për të përforcuar më tej marrëdhëniet dypalëshe në fusha si tregtia, investimet, siguria dhe mbrojtja, si dhe për të diskutuar ndërtimin e së ardhmes në bazë të këtyre lidhjeve.

Në përfundim të vizitës në Britani, Trump dhe bashkëshortja do të udhëtojnë për në Francë, ku do të marrin pjesë në një ceremoni përkujtimore të ngjashme më 6 qershor./abcnews.al

TSIPRAS-DEKLARATA-1280x609.jpg
G. P.14:45 | 29/03/2019

Për herë të parë që nga arritja e marrëveshjes për emrin, një kryeministër grek viziton Maqedoninë e Veriut. Kryeministri i Greqisë Tsipras do të jetë të martën e ardhshme në Shkup ku do të takohet me homologun e tij Zaev.

Kryeministri grek Aleksis Tsipras më dy Prill do të qëndrojë në Republikën e Maqedonisë së Veriut, një vizitë kjo e pare zyrtare e një kryeministri nga Athina, pas kapërcimit të kontestit prej një çerekshekulli lidhur me emrin e Maqedonisë.

Parashikohet që ai dhe homologu i tij maqedonas, Zoran Zaev, si dhe delegacionet e të dyja vendeve të kenë takime dypalëshe që do të pasohen me një mbledhje të përbashkët ndërqeveritare.

Kryeministri Tsipras do të takohet edhe me kryeparlamentarin Talat Xhaferi dhe më pas pas konferencës së përbashkët të shtypit, kryeministrat e dy vendeve fqinje do të hapin një forum biznesi.

Shkupi dhe Athina firmosën më 17 Qershor të vitit të kaluar Marrëveshjen e Prespës lidhur me emrin, duke bërë që Athina zyrtare të zhbllokojë procesin e integrimit euroatlantik të vendit fqinj, kurse kryeministrat Zoran Zaev e Aleksis Tsipras, janë edhe zyrtarisht kandidatë për çmimin “Nobel”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono