vizat

BYRO-POLITIKE-DT-17-PRILL.mpg_snapshot_17.35-1280x720.jpg
ent ela22:11 | 17/04/2019

Zëvendësministri për Europën dhe Punet e jashtme Sokol Dedja sqaroi në studion e Byro Politike bazat dhe kriteret ku mund të vendoset regjimi i vizave. Sipas tij ka një rregullore dhe janë 4 kritere ku mund të vendoset regjimi i përkohshëm dhe përcaktohet se mbi ç’baza miratohet kjo.

“Duhet të ketë rritje masive të emigracionit të paligjshme, ose rritje e kërkesave për azil, ose një rritje e adresimti të emigrantëve të parregullt, ose rritje e akteve kriminale me origjinë nga vendi në fjalë që të bëjë kërcënim serioz për vendet anëtare”.

Sipas tij nuk ekziston asnjë bazë ligjore që qeveria holandeze t’ia kërkojë aktivizimin e pezullimit të vizave Komisionit Evropian.

“Situata e krimit shqiptar është në rënie. Jo vetëm nuk kemi rritje masive, por kemi rënie të krimit me origjinë nga Shqipëria në Hollandë.

Për të evituar edhe panikun e panevojshëm nuk ekziston asnjë bazë që qeveria holandeze t’ia kërkojë aktivizimin e pezullimit të vizave.

Nuk ka asnjë bazë ligjore për t’ia kërkuar Komisionit Evropian. Qeveria holandeze është në situatë komplekse. Nga njëra anë ka kërkesën e parlamentit dhe nga ana tjetër nuk ka bazë ligjore për t’ia kërkuar Komisionit Evropian”. /abcnews.al

bushati-1-1280x718.jpg
Sej rie17:30 | 17/04/2019

Hapja e negociatave të Shqiërisë me Bashkimin Evropian nuk rezikohet nga çështjet e brendshme të politikës holandeze. Kështu e kanë parë deputetët e mazhorancës vendimin e Parlamentit holandez për rikthimin e vizave me vendin tonë.

Duke iu rikthyer fjalimit të ministrit të Jashtëm të Holandës në vizitën që zhvilloi në vendin tonë, zëvendës ministrja e Brendshme Rovena Voda tha se qeveria shqiptare ka ulur shifrat e azilkërkuesëve dhe kriminalitetit.

Jo të gjithë deputetët pranuan të japin mendimin e tyre, një prej të cilëve është edhe ish-ministri i Jashtëm Ditmir Bushati.

Pas votimit në Kuvendin e Holandës për rikthimin e vizave lëvizja e rradhës i mbetet qeverisë holandeze nëse do t’ia dërgojë apo jo rezolutën Komisionit Evropian./abcnews.al

ministria-e-jashtme.jpg
ent ela20:56 | 16/04/2019

Ka reaguar ministria për Evropën dhe Punët e Jashtme, e cila thotë se votimi i Dhomës së Dytë të Përfaqësuesve në Parlamentin holandez për t’i kërkuar Bashkimit Evropian inicimin e procedurës për pezullimin përkohshëm të liberalizimit të vizave nuk ndryshon rregullat e lëvizjes drejt vendeve shengen për shqiptarët. Në deklaratën për mediat thuhet se një shtet anëtar mund t’i paraqesë Komisionit Europian një kërkesë të tillë, por vetëm të bazuar në kushtet e mirëpërcaktuara në legjislacionin e BE, e sipas ministrisë asnjë kusht nuk plotësohet për paraqitjen e kësaj kërkese nga Holanda për Shqipërinë.

“Duke gjykuar objektivisht, në bazë të fakteve dhe shifrave zyrtare, Ministria për Evropën dhe Punët e Jashtme është besimplotë se rezoluta në fjalë nuk mund të gjejë mbështetje në Komisionin Evropian, pasi asnjë nga kriteret që do të çonin në aplikimin e mekanizmit të pezullimit të përkohshëm nuk eshte plotësuar në rastin e Shqipërisë.”

Në deklaratën e ministrisë thuhet se migracioni i paligjshëm i shtetasve shqiptarë drejt Holandës ka rënë vazhdimisht, ndërkohë që pezullimi aplikohet në rast rritje mbi 50%. Shifrat e krimit shënojnë gjithashtu ulje përmbajtësore, ndërsa bashkëpunimi mes strukturave ligjzbatuese është vlerësuar edhe nga zyrtarët hollandezë.

Ministria shton se klima elektorale në Hollandë ka ndikimin e vet dhe Shqipëria është e keqardhur për futjen e saj në axhendën e partive në garë për zgjedhjet europianë. /abcnews.al

HOLANDE-VIZAT.mpg_snapshot_00.04-1280x720.jpg
ent ela11:52 | 12/04/2019

Ministrat holandezë kundërshojnë propozimin e pjesës më të madhe të deputetëve në vend, të cilët kërkojnë rikthimin e menjëhershëm të regjimit të vizave për shtetasit shqiptarë.

Pjesa më e madhe e deputetëve holandzë, i ka kërkuar ministrave në vend që të ushtrojnë presion ndaj Brukselit për të rikthyer regjimin e vizave për shtetasit shqiptarë. Mediat holandeze raportojnë se deputetët këmbëngulin se kjo është e vetmja mënyrë për të ndaluar bandat kriminale që të hynë në vend. Madje ata pretendojnë se kanë dhe mbështetjen e policisë së Amsterdamit dhe ministrit të drejtësisë për këtë nismë. Ky i fundit konfirmoi qëndrimin e tij dhe para pak ditësh teksa ndodhej në Tiranë për një vizitë zyrtare.

Sipas mediave holandeze bandat shqiptare janë qendra e industrisë së drogës dhe pastrimit të parave në vend. Gjithsesi ministrat theksojnë se rikthimi i vizave është një vendim i pashpresë dhe se Shqipëria i plotëson kriteret e Bashkimit Europian për lëvizjen pa viza. Ministri i jashtëm holandez Stef Blok u tha deputetëve se nuk ka ndërmend të merret me këtë çështje. Ndërkohë dhe ministri holandez për migracionin Mark Habers gjatë një konference të përbashkët për shtyp me zv/ministren e brendshme shqiptare Rovena Voda  në Tiranë, theksoi se qëndrimi zyrtar i qeverisë holandeze është që të ruhet sistemi pa viza për shqiptarët që të mund të udhëtojnë në Shengen apo BE. Nga ana tjetër, shtoi ai, ne jemi duke monitoruar, dhe lexuar me imtësi çdo raport monitorimi, por falë edhe përpjekjeve të BE-së dhe të qeverisë shqiptare, jemi të mendimit që po ecim në drejtimin e duhur dhe duhet të ruhet sistemi pa viza.

Deputetët socialdemokratë u shprehën të zhgënjyer nga qëndrimi i ministrave duke këmbëngulur se kjo është një masë e domosdoshme për sigurinë në vend. /abcnews.al

Ruçi.jpg
ent ela11:43 | 06/04/2019

Shqipëria ka interes të rrisë bashkëpunimin dhe të kërkojë shtimin e investimeve nga Katari në projektet strategjike për vendin. Është kjo kërkesa e Kryetarit  të Kuvendit, Gramoz Ruçi drejtuar homologut të tij gjatë vizitës zyrtare në Katar.

Lehtësimi dhe heqja e vizave për shqiptarët është një tjetër aspekt që mundëson bashkëpunimin mes dy vendeve në shumë fusha, vecanërisht në atë të transporit ajror dhe hyrjen e Katar Airways  për fluturime direkte Doha-Tiranë- vuri në dukje Kryetari i Kuvendit. Gjithashtu z. Ruçi kërkoi mbështetjen e Shtetit të Katarit edhe për anëtarësimin e Kosovës në Interpol. /abcnews.al

KOSOVA-PE-VIZAT.mpg_snapshot_00.27-1280x720.jpg
ent ela15:03 | 28/03/2019

Me 331 vota pro dhe 126 kundër, Parlamenti Europian ka miratuar iniciativën e eurodeputetes Tanja Fajon për liberalizimin e vizave me Kosovën. Sipa eurodepuetes ka ardhur koha që shtetasit e Kosovës të kenë mundësi të lëvizin lirshëm në zonën Shengen.

Parlamenti Evropian miratoi iniciativën e Tanja Fajon, eurodeputete dhe raportuese për liberalizimin e vizave me Kosovën me 331 vota pro dhe 126 kundër. Ky votim, sipas ekspertëve, nënkupton edhe vazhdimin e mbështetjes së europarlamentarëve për liberalizimin e vizave për qytetarët e Kosovës në zonën Shengen, pra do të jetë i vlefshëm edhe në përbërjen e ardhme të parlamentit europian, pas zgjedhjeve që do mbahen në muajin maj.

Procesi i liberalizimit të vizave përfshin raportimin pozitiv nga Komisioni Europian që jep rekomandimin, se një vend i ka plotësuar kushtet që qytetarët e tyre të udhëtojnë pa viza në zonën Shengen; më pas Parlamenti Europian duhet të kalojë këtë raport në votim dhe në fund vendimi duhet të merret edhe nga ministrat e Brendshëm të vendeve anëtare, me një shumicë të kualifikuar. Shumica e kualifikuar duhet të plotësojë dy kushte: Shumicën e vendeve të BE-së që përfaqësojnë mbi 50 për qind të popullatës së atyre vendeve. Vendimi për qytetarët e Kosovës është bllokuar në pikën e fundit.  /abcnews.al

VIZAT-KOSOVA.mpg_snapshot_00.05-1280x720.jpg
ent ela18:43 | 22/02/2019

Qytetarët kosovarë do të vazhdojnë të presin për një periudhë të pacaktuar për liberalizimin e vizave. Zgjedhjet e ardhshme në Parlamentin Europian por edhe Breksit kanë bërë që në Bruksel të shtyhet vendimi për Kosovën, ndërkohë që kusht për heqjen e vizave mund të jetë edhe taksa për produktet serbe. /abcnews.al

rezolute.jpg
G. P.17:40 | 29/11/2018

Parlamenti Europian ka miratuar Raportin e Progresit të Kosovës për vitin 2018. Me shumicë dërrmuese prej 393 votash pro, 139 vota kundër dhe 71 abstenime, deputetët e parlamentit mirëpritën legjislacionin e miratuar në agjendën europiane të reformave. “Për ta sjellë Kosovën më afër BE-së, liberalizimi i vizave është jetik pa vonesa të tepruara”, thuhet në kumtesën e parlamentit.

Deputetët mirëpresin që Komisioni Europian ka konfirmuar se standartet e liberalizimit të vizave janë përmbushur dhe kërkojnë që regjimi i lirë i vizave t’i jepet Kosovës nga Bashkimi Europian. Ndër të tjera eurodeputetët shprehin shqetësim për mungesën e konsensusit ndërpartiak dhe polarizimin e vazhdueshëm politik në Kosovë. Gjithashtu rezoluta kërkon që pesë shtete anëtare të BE-së të njohin Kosovën, pasi nuk e kanë bërë ende këtë./abcnews.al

FLECKENSTEIN-PER-VIZAT-ABCM3T1.mpg_snapshot_00.17-1280x720.jpg
G. P.11:50 | 28/11/2018

Në një intervistë për Deutsche Velle, eurodeputeti Knut Flekenshtein u shpreh se e kuptonte zemërimin e madh në Kosovë, nëse edhe këtë vit nuk ndodh liberalizimi i vizave.

Eurodeputeti Knut Flekenshtein është shprehur se Kosova duhet të heqë taksën prej 100 % ndaj produkteve që vijnë nga Serbia dhe Bosnja, por nga ana tjetër dhe Beogradi nuk duhet ta pengojë më Prishtinën në përpjekjet e saj. Në një intervistë për Deutsche Velle, Flekenshtein theksoi se bashkëpunimi rajonal në ekonomi është vendimtar dhe se Brukseli i trembej një ashpërsimi të mëtejshëm të fronteve me doganat e reja.

I pyetur për marrëdhëniet aktualisht të tensionuara mes Kosovës dhe serbisë, eurodeputeti u shpreh se bashkësia ndërkombëtare kërkon një Kosovë të stabilizuar, me aftësi duruese, kjo do të kishte efekt pozitiv edhe në procesin e njohjeve të Kosovës si shtet. Por njëkohësisht nga Serbia pritet që të mos i pengojë përpjekjet e Kosovës drejt një shteti të njohur plotësisht, edhe nëse nuk i mbështet ato.

“Ngecja dhe zvarritja e proceseve afruese të Kosovës me BE ka shkaktuar një gjendje të mungesës së shpresës në vend, zvarritja e liberalizimit të vizave e shton këtë, megjithëse Kosova i ka plotësuar kushtet…pse nuk bëhet atëherë liberalizimi këtë vit, që me shumë gjasa nuk do të bëhet.” tha Flekenshtein ndër të tjera./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono