vizat

REAGIMET-PER-VOTIMIN-NE-PE.mpg_snapshot_00.09-1280x723.jpg
G. P.14:07 | 13/09/2018

Liderët dhe politikanë kosovarë kanë përshëndetur votimin pozitiv të Parlamentit Evropian për liberalizimin e vizave. Presidenti Thaçi dhe kryeministri Haradinaj falenderuan eurodeputetët që mbështetën Prishtinën në këtë çështje.

Presidenti i Kosovës, Hashim Thaçi, ka reaguar lidhur me votimin pozitiv të Parlamentit Evropian për Liberalizimin e Vizave. Ai shkruan në një mesazh në facebook se kosovarët janë një hap më pranë drejt marrjes së dritës së gjelbër për lëvizje të lirë në zonën Shengen. “Ky është një mesazh i qartë edhe për institucionet e tjera vendimmarrëse në Bashkimin Evropian. Jam i bindur se brenda një periudhe të shkurtër kohore, do të përmbyllet tërësisht ky proces dhe qytetarët tanë, pas një rrugëtimi të gjatë dhe tejet të mundimshëm, së shpejti do të jenë të barabartë me të gjithë qytetarët e Bashkimit Evropian”, nënvizon Thaçi.

Gjithashtu edhe kryeministri i Kosovës, Ramush Haradinaj, ka uruar qytetarët e Kosovës për votimin pozitiv të Parlamanetit Evropian. “Së shpejti do të lëvizni lirshëm në Evropë”, ka shkruar Haradinaj në llogarinë e tij në Facebook duke falenderuar eurodeputetët që votuan pro liberalizimit të vizave me Kosovën. Ndërkohë, edhe drejtues të tjerë të shtetit dhe politikanë të shumtë kanë përshëndetur votimin në Parlamentin Evropian, dhe e konsiderojnë këtë si një hap tjetër më afër liberalizimit të vizave./abcnews.al

European_Parliament_Strasbourg_CREDITEuropean-Parliament.jpg
G. P.12:38 | 13/09/2018

Parlamenti Europian ka votuar pro liberalizimit të vizave për Kosovën. Pak para votimit raportuesja e Parlamentit Europian për Kosovën Tanja Fajon, deklaroi se vendi i kishte përmbushur të gjitha kushtet.

Pro liberalizimit të vizave për Kosovën. Parlamenti Europian ka votuar pro pas apelit të raportueses për Kosovën në Parlamentin Europian, Tanja Fajon, e cila u shpreh se vendi i kishte përmbushur të gjitha kushtet. Ajo kërkoi votën e të gjithë eurodeputetëve të Parlamentit duke thënë se ky nuk është një vendim përfundimtar, megjithatë vendimi i këtij parlamenti është jashtëzakonisht i rëndësishëm për procesin.

Fajon në këtë mënyrë është mandatuar për të nisur negociatat me Këshillin Europian që do të pasohen me miratimin e pozicionit negociues nga ana e Këshillit. Një hap tjetër është marrëveshja mes të Këshillit dhe Parlamentit Evropian për një tekst të pranueshëm për palët, Këshillin dhe Parlamentin.

Pas gjithë këtyre hapave kalohet në seancë plenare të Parlamentit Evropian. Hapi i pestë është miratimi nga ambasadorët dhe më pas duhet të bëhet miratimi nga Këshilli i Ministrave me shumicë të kualifikuar ose ajo që quhet shumicë e dyfishtë 55% e vendeve anëtare (16 vende), që përfaqësojnë të paktën 65% të popullsisë se BE-së (328 milionë nga 505).

Më pas mbesin vetëm hapat formalë: ceremonia e nënshkrimit, publikimi në Gazetën Zyrtare dhe hyrja në fuqi e vendimit. E gjithë kjo procedurë mund të zgjasë gjashtë deri në nëntë muaj./abcnews.al

admin-ajax-1-19.jpg
ent ela13:54 | 29/08/2018

Së shpejti shqiptarët do të kenë një destinacion më shumë për të udhëtuar pa viza. Bëhet fjalë për Armeninë. Qeveria armene do të diskutojë më 30 Gusht heqjen e vizave për qytetarët shqiptarë, pas një propozimi të bërë nga Ministria e Jashtme.

Ky propozim vjen për faktin se qytetarët armenë mund të udhëtojnë pa viza në Shqipëri që prej vitit 2013 dhe në dokumentin përkatës të qeverisë thuhet se duhet të ndiqet parimi i reciprocitetit në marrëdhëniet dy palëshe.

Nëse qeveria armene do të miratojë heqjen e vizave, atëherë qytetarët shqiptarë do të mund të udhëtojnë lirshëm drejt Armenisë dhe të qëndrojnë maksimumi për 180 ditë brenda një viti. /tvklan.al

VIZAT-FALSE-MASAT-ABC-1280x720.jpg
ent ela18:35 | 18/05/2018

Gjykata për Krimet e Rënda caktoi masën e sigurisë “arrest në burg” për 13 nga 17 të arrestuarit nga operacioni policor i koduar “272”. Ata dyshohen të jenë pjesë e një grupi kriminal të trafikut të klandestinëve drejt SHBA, Kanadasë dhe Anglisë përmes dokumenteve false. Për tre femrat e arrestuara, një prej të cilae police dhe një taksist gjykata caktoi masen e “arrestit shtëpiak”. Sipas prokurorisë, të dyshuarit në role të ndryshme kanë mundësuan kalimin e mbi 200 personave, kundrejt shumes prej 20 mijë euro për ndonjërin. Gjatë seancës avokatët kundërshtuan me forcë akuzën e “grupit të strukturuar kriminal” dhe pretenduan se prokuroria ka proceduar edhe falsifikatorët edhe personat që kanë përfituar shërbimet e tyre. /abcnews.al

PERGJIMI-I-POLICIT-TE-VIZAVE-1280x720.jpg
ent ela17:10 | 16/05/2018

Zbardhen përgjimet e dy efektivëve të prangosur në kryeqytet të martën, lidhur me falsifikimin me pasaporta dhe viza false. Grupi hetimor ka administruar disa mesazhe të dy punonjësve të policies, të cilët komunikojnë dhe takohen për të dorëzuar paratë e dyshuara, se vinin nga trafiku i qenieve njerëzore.

Pas arrestimit  të 17 personave në Shqipëri, të cilët akuzohen për falsifikim të pasaportave dhe vizave drejt vendeve të SHBA, Kanada dhe Mbretërisë së Bashkuar, ABC News zbardh një pjesë të përgjimeve, ku të përfshirë janë edhe dy efektivë policie.

Nga grupi hetimor ka rezultuar se, kuminikimi ndërmjet dy punonjësve të policisë ishte intensiv, duke kryer edhe porositë e marra nga klientët e tyre. Arjan Uku ishte në përgjim prej muajit janar, i cili flet me mesazhe me bashkëjetuesin e Entela Çala gjithashtu punonjëse policie e prangosur gjatë operacionit “272”. Ka dyshime se pavarësisht se numri telefonik ishte regjistruar në emër të bashkëjetuesit të punonjëses së policisë, nga përgjimet rezulton se ai përdorej nga Entela Çala.

Bashkëjetuesi i Entela Çela: A mi bëre ato?

Arjan Uku: Të kam bërë dy porosi.

Në një përgjim tjetër i kryer po në muajin janar 2018, bashkëjetuesi i Entela Çalës, i kërkon llogari punonjësit të policisë se përse po vonohen porositë që ai kishte bërë.

Bashkëjetuesi i Entela Çala: Pse u vonuhan kaq shumë këtë herë?

Arjan Uku: Ka pasur fluks këtë kohë vlla.

Bashkëjetuesi i Entela Çalës: Kur të mundesh kalo nga unë për të folur edhe për gjera të tjera, ose më prit te lokali pas një ore.

Arjan Uku: Ok, ok! Vetëm mos harro “ato” se duhet t’ia dërgoj atyre të tjerëve.

Grupi i strukturuar kriminal përbëhej në total nga 41 anëtarë, 24 prej të cilëve të prangosur në dhjetor në Greqi.

Katër bazat laboratorike që klononin pasaporta dhe visa të Bashkimit Europian, ndodheshin tek “Kodra e Diellit”në Tiranë.

Po kështu, edhe 7 laboratorë u zbuluan nga policia Greke në shtetin fqinj. Nga hetimet rezultoi se dy krerët e grupit të strukturuar kriminal, Gentjan Stojku dhe Ilir Myrtaj përfitonin nga persona të interesuar afërsisht 20 mijë euro për t’i pajisur me pasaparota të falsifikuara. /abcnews.al

vlcsnap-error305-1280x720.jpg
ent ela11:26 | 17/02/2018

Ndryshe nga vendet e tjera të rajonit tonë, shtetasit e Kosovës janë të vetmit që ende kanë nevojë për viza për lëvizjen në zonën Shengen. Brukseli zyrtar ka bërë të ditur se zgjidhja e çështjes së kufirit me Malin e Zi do të zgjidhte çështjen e liberalizimit të vizave.

Stacioni i autobusëve në Gjilan të  Kosovës. Ahmet Mucolli dhe familja e tij mundësojnë udhëtimin me agjencinë e tyre drejt Zvicrës. Por, organizatorit i është refuzuar viza dhe më nuk mund të udhëtoj.

Kosovarët përballen me sistemin më të ashpër të kushteve Schengen. Liberalizimi i vizave i ka lënë të izoluar.

Një nga stacionet e autobusëve në Cyrih të Zvicrës. Autobusët nga Kosova arrijnë të nesërmen.
Reis Luzhnica, është kushëriri i Ahmetit. Është aktiv dhe kandidat për kantonin e Zurichut nga Partia Socialdemokratike dhe mund të hyjë në parlament.

Para ambasadës zviceriane në Prishtinë. Ahmeti ka tri pasaporta, dy prej të cilave kanë qenë të mbushura me vula. Shpreson të mos ketë viza një ditë.

Radhët kanë qenë të gjata edhe për bërjen e një takimi. Tani radhët janë online. Agjenci sigurimesh dhe njerëz që ofrojnë ndihmë në përgatitjen e dhjetëra dokumenteve.

Jean-Hubert Lebet, është ambasadori në Prishtinë prej dy vjetësh. Thotë se rregullat janë të BE-së dhe kanë tonë letra nga aplikuesit që duhet ruajtur dy vjet. Kosova duhet të bëj progres politik thotë.

Jean-Hubert Lebet , Ambasador i Zvicrës në Prishtinë: Është një punë e madhe për ne. Ekzistojnë 18 njerëz që punojnë me orarë të plotë vetëm për viza. Por ne përpiqemi të thjeshtësojmë gjërat, të marrim vendime të shpejta  dhe është e rëndësishme për ne që shërbimi të mos jetë i keq për kosovarët që kanë nevojë për vizë. Kosova ka kushte për të plotësuar si drejtësia, por edhe kushte të cuditshme sic është demarkacioni.

Një vit pas shpalljes së pavarësisë së Kosovës një pjese të shteteve të rajonit u hoqen vizat. Procedurat atje janë harruar. Por, Kosova ishte përfshirë edhe në shumë tensione të brendshme politike që u kthyen në një stop të madh.

Luzhnica në Zvicër shpreson ti fitoj zgjedhjet. Shumë prej shqiptarëve atje janë bërë histori suksesi. Një pjesë prej tyre janë kthyer edhe në Kosovë.

Kosovarët ndër vite kanë kërkuar zgjidhje në Evropë dhe pak vite më parë edhe me një valë refugjatësh në Hungari. Njerëzit si Ahmeti presin të votohet demarkacioni me Malin e Zi./abcnews.al

Gazetar i ABC News: Idro Seferi

vlcsnap-error968-2-1280x719.jpg
us er18:15 | 28/12/2017

Marrëdhëniet diplomatike mes Turqisë dhe Shteteve të Bashkuara, duket se po normalizohen. Të dy vendet kanë vendosur të rikthejnë shërbimin e vizave, që u ndërpre në tetor, për shkak të ndalimit të punonjësit të ambasadës amerikane në Ankara.

Misioni amerikan në Turqi do të rifillojë shërbimin e plotë të dhënies së vizave për jo-emigrantë. Ky vendim vjen pasi qeveria turke garantoi sigurinë e stafit konsullor të Shteteve të Bashkuara. Uashingtoni kishte pezulluar të gjitha shërbimet e vizave pas arrestimit të një prej punonjësve të saj të konsullatës në tetor.

Ai u ndalua për shkak të dyshimeve për lidhje të mundshme me klerikun Fetullah Gylen, i cili fajsohet për organizimin e grushtit të shtetit vitin e kaluar. Në një deklaratë, ambasada amerikane bën të ditur se që nga muaji tetor e deri më tani, autoritetet turke nuk kanë filluar ndonjë hetim të ri për punonjësit lokalë në misionet diplomatike amerikane në Turqi. Siç theksohet nga përfaqësia diplomatike, autoritetet turke kanë respektuar garantimin e dhënë në nivel të lartë se nuk do të arrestojnë punonjës lokalë të ambasadës ose konsullatave amerikane në Turqi.
“Bazuar në garantimin në fjalë, Departamenti Amerikan i Shtetit beson se gjendja e sigurisë është përmirësuar mjaftueshëm për të rifilluar plotësisht dhënien e shërbimeve për viza në Turqi”, thuhet në deklaratën e selisë diplomatike të Shteteve të Bashkuara në Ankara.

Ndërkohë, edhe ambasada e Turqisë në Uashington njoftoi se ka hequr kufizimet ndaj vizave kundrejt shtetasve amerikanë./abcnews.al

vlcsnap-error557-1280x721.jpg
us er16:24 | 15/12/2017

Krijimi i Ushtrisë së Kosovës dhe liberalizimi i vizave për vendin do të përmbushen në mars të vitit 2018. Është ky premtimi i kryeministrit kosovar Ramush Haradinaj, i cili tha se në 18 dhjetor do të diskutohet për këto dy çështje në Bruksel.

Kryeministri kosovar Ramush Haradinaj deklaroi se krijimi i ushtrisë së Kosovës do të ndodhë në muajin mars të vitit të ardhshëm, muaj kur pritet të ndodhë dhe liberalizimi i vizave për qytetarët kosovarë në zonën Shengen. Në një intervistë për mediat vendase kreu i qeverisë shtoi se në 18 dhjetor do të flasë për këto çështje në Bruksel me drejtues të lartë të Bashkimit Europian. Sipas tij, Shtetet e Bashkuara të Amerikës dhe NATO nuk janë kundër krijimit të ushtrisë së Kosovës por kërkojnë që të ndodhë pas ndryshimeve kushtetuese. Kundër kësaj ideje është Serbia e cila nuk pranon pavarësinë e Prishtinës. Ndërsa për liberalizimin e vizave, Bashkimi Europian i kërkon Kosovës të respektojë dy kushtet e fundit, ratifikimin në parlament të marrëveshjes me Malin e ZI për demarkacionin dhe një luftë më efikase kundër korrupsionit dhe kriminalitetit në vend./abcnews.al

ramush-haradinaj_3711.jpg
us er14:11 | 04/11/2017

Kryeministri i Kosovës, Ramush Haradinaj u shpreh optimist për liberalizimin e vizave. Për demarkacionin me Malin e Zi, kreu I qeverisë tha se kjo çështje mund të përfundojë në arbitrazh.

Kryeministri i Kosovës, Ramush Haradinaj beson se deri në fund të këtij viti do të ketë lajme të mira sa i përket liberalizimit të vizave. Kreu i ekzekutivit thotë se Kosova po avancon në këtë drejtim, ndërsa nënvizoi se pa përmbushjen e kritereve nuk do të mund të ndodh një gjë e tillë. Duke folur gjatë një një vizite në Ministrinë e Tregtisë dhe Industrisë Haradinaj u shpreh.

Ramush Haradinaj, Kryeministër i Kosovës: “E vërtetë është që pa përmbushje të kritereve nuk pritet liberalizimi, por po ashtu është e vërtetë që Kosova po avancon, pikërisht në këto kritere. Ne e kemi takimin raportues, të Këshillit të MSA-së me 17 nëntor do të jem edhe vet me delegacionin e Kosovës, sepse jemi nikoqir të takimit…Mbaj shpresë shumë se deri në fund të vitit do të kemi lajme sa i përket liberalizimit të vizave”.

Duke qenë se demarkacioni mes Kosovës e Malit të Zi, është kriter për liberalizimin e vizave, kryeministri Haradinaj tha se kjo çështje mund të përfundojë në arbitrazh. Ai tha se kjo temë po lëvizë në drejtim të zgjidhjes së saj, ndërsa ritheksoi se versioni aktual nuk i ka votat në Kuvend./ABC NEWS

shengen_655x356_46775-640x348.jpg
us er16:37 | 20/10/2017

Komisioni i lirive civile në Parlamentin Europian miratoi sistemin e ri të udhëtimit dhe autorizimit, ETIAS, për qytetaret që qarkullojne pa viza në zonën Shengen, sikurse janë dhe shqiptarët. Sipas këtij sistemi, këta qytetarë do të plotësojnë një formular personal në pikat kufitare,ndërsa do të ketë kontrolle të hollësishme për ata që paraqesin rrezik në aspektin e sigurisë, migrimit të parregullt, ose rrezik të lartë të epidemisë.

Por për tu zbatuar, kërkohet zbatimi korrekt I procedurës së përcaktuar nga sistemi ETIAS.

Ndizet drita jeshile për shtetasit ekstrakomunitarë që përfitojnë nga heqja e vizave në zonën shengen

Janë eurodeputetët e komisionit të lirive civile të Parlamentit Evropian që I kanë thënë PO këtij sistemi të ri. Por ka një procedurë që duhet ndjekur.

Sipas sistemit të ri ETIAS, qytetarë si ata shqiptarë, që qarkullojnë pa viza në zonën Shengen do t’ju duhet të plotësojnë një formular elektronik me të dhënat e tyre personale.

Në këtë formular do të shënoni së pari emrin, datën, vendin e lindjes, seksin dhe shtetësinë. Formulari do të përfshijë gjithashtu informacionin e dokumentit të udhëtimit, vlefshmërinë, vendin e lëshimit, adresën e shtëpisë, informacionin e kontaktit, si dhe vendin e parë të parë të hyrjes në zonën Shengen.

Një nga të rejat që ofron sistemi ETIAS është, se të dhënat do të kontrollohen automatikisht nga sistemi i informacionit të Shengenit dhe database i Europolit dhe Interpolit.

Në këtë kuadër, eurodeputetët kanë mbështetur pa rezerva edhe faktin, se aplikanti do të duhet të informojë autoritetet për çdo dënim për vepra penale të rënda si terrorizmi, shfrytëzimi seksual i fëmijëve, trafikimi i qenieve njerëzore, trafik droge, vrasje, përdhunim, si dhe të çdo vendimi administrativ paraprak për të lëshuar territorin e një vendi të BE-së gjatë dhjetë viteve të fundit.(eurodeputetet)

Sistemi i ri europian i udhëtimit dhe autorizimit, ETIAS, do të lejojë kontrolle të hollësishme për udhëtarët pa viza që konsiderohen se paraqesin rrezik në aspektin e sigurisë, migrimit të parregullt ose rrezik të lartë të epidemisë. Proçedura e plotêsimit të formularit ka njê kosto prej 10 eurosh. Nuk do paguajnë këtë kosto personat nën 18 vjeç dhe mbi 60 vjeç, familjarët e qytetarëve të BE-së, si dhe studentët dhe kêrkuesit.

Komisioni Europian ka parashikuar kohë të mjaftueshme për shtetet anëtare, nê mënyrë që ETIAS të jetë tërësisht operacional në 2020.

https://youtu.be/G3_pJqW6FgY

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono