vizat

LIBERALIZIM-VIZASH-KOSOVA.mpg_snapshot_00.30-1280x720.jpg
ent ela15:12 | 29/10/2019

Mundësitë që liberalizimi i vizave të jetë dhuratë për Kosovën në prag të Krishtlindjeve janë inekzistente. Përveç Gjermanisë, duket se askush tjetër prej shteteve anëtare të Bashkimit Evropian nuk mendon se kosovarëve duhet t’u hiqet regjimi i vizave brenda një kohe të shkurtër, derisa Republika e Kosovës të përmbushë kushtin për sundimin e ligjit dhe luftimit të krimit të organizuar dhe korrupsionit.

Burime diplomatike në Francë konfirmuan për gazetën Express se nuk do të ketë liberalizim të vizave për Kosovën në prag të Krishtlindjeve. Burimet thanë se për heqjen e regjimit të liberalizimit të vizave kërkohet përmbushja e disa kushteve, përfshirë këtu sundimin e ligjit dhe luftën kundër krimit të organizuar dhe korrupsionit.

Sipas këtij burimi, përveç Francës, janë edhe disa shtete të tjera anëtare që vlerësojnë se Kosova nuk ka përmbushur të gjitha kushtet, dhe Parisi zyrtar do të vëzhgojë me vëmendje avancimin e Kosovës në fushën e sundimit të ligjit dhe në luftën kundër krimit të organizuar dhe korrupsionit.

Franca beson, së bashku me disa shtete anëtare, se Kosova nuk i ka përmbushur të gjitha kushtet, dhe do të ndjekë me vëmendje zhvillimin në fushën e sundimit të ligjit dhe në luftën kundër krimit të organizuar dhe korrupsionit.

Sipas zyrtarit të lartë francez, puna e bërë deri tani nga institucionet e Kosovës nuk është e mjaftueshme për të prodhuar rezultate të prekshme, dhe se është e nevojshme që të vazhdohet me zbatim të reformave dhe zbatim të qëndrueshëm të tyre.

Zhvillimet pozitive në këtë fushë, siç është miratimi i disa ligjeve për sundim të ligjit në Parlamentin e Kosovës dhe reformimi në gjyqësor në veçanti, janë të pamjaftueshme për të prodhuar rezultate të prekshme. Zbatimi i vazhdueshëm i reformave është jetike në mënyrë që ligjet të mund të zbatohen në mënyrë të qëndrueshme,  ka thënë ky burim diplomatik duke shtuar se kjo temë do të shqyrtohet nga Këshilli i BE-së dhe do të kthehet për diskutim kur të përmbushen kushtet.

Kryeministri në detyrë Ramush Haradinaj kishte marrë një “PO” nga ministri i Punëve të Brendshme të Gjermanisë, Horst Seehofer lidhur me liberalizimin e vizave dhe i njëjti premtim ishte bërë nga deputeti Peter Beyer nga CDU-ja e kancelares Angela Merkel. /ABC News Albania 24/7

kurti111.jpg
ent ela21:02 | 26/10/2019

Padrejtësi të dyfishtë e konsideron kreu i Lëvizjes Vetëvendosje regjimin e vizave për Kosovën. Gjatë intervistës në studione  MBrëmje ABC beës të Mirela Milorit Kurti u shpreh se nuk ëhstë ai që do të sjellë sjell liberalizimin vizave, por Prokuroria Speciale e Kosovës.

“Regjimi i vizave është padrejtësi e dyfishtë, viza marrim ne politikanët dhe të pasurit e Kosovës, ndërsa  shtresa e mesme dhe qytetarët e thjeshtë. Brenda shoqërisë sonë është diskriminim. Si kryeministër  i Kosovës nuk jam unë ai që do sjell liberalizimin vizave, por prokuroria speciale e Kosovës. Asnjë shtet nuk ka pasur 96 kritere ne i kemi pasur dhe i kemi plotësuar”.

Por sipas Kurtit imazhi i vendit është përtokë dhe duhet të ringrihet.

“Imazhi i vendit është fort keq. Ne nga imazhi jemi shtet përtokë, duhet të ngrihemi në gjunjë, nuk po them në këmbë dhe këtë prokuroria speciale që ka bërë që mos i ketë 3 pushtet. Në Kosovë drejtësia e gjyqësori nuk ekziston fare dhe ndaj jemi përtokë dhe ndaj duhet të përpiqemi ta ngrejmë”. /abcnews.al

ilir-meta-japonezi.jpg
nev ila07:21 | 24/10/2019

Presidenti i Republikës, Ilir Meta, në vijim të vizitës së tij zyrtare në Tokio u prit sot në një takim të veçantë dhe të përzemërt nga Kryeministri i Japonisë, Shinzo Abe.

Presidenti Meta vlerësoi marrëdhëniet e shkëlqyera midis dy vendeve tona dhe shprehu dëshirën që bashkëpunimi i deritanishëm të thellohet më tej në të gjitha fushat, në veçanti në realizimin e investimeve të reja japoneze në Shqipëri.

“Japonia është një partner shumë i rëndësishëm i Shqipërisë, me kontribute të jashtëzakonshme për zhvillimin ekonomik dhe social të vendit”, u shpreh Presidenti.

Presidenti Meta duke vlerësuar rritjen e interesit të turistëve japonezë për Shqipërinë, theksoi rëndësinë e heqjes së vizave nga Japonia për të gjithë qytetarët shqiptarë, sa më shpejt, që të rriten më tej shkëmbimet njerëzore midis dy vendeve.

Kryeministri Abe premtoi se do ta konsiderojë këtë kërkesë të Presidentit Meta./abcnews.al

rama-kosova-1280x660.jpg
ent ela19:55 | 27/09/2019

Kryeministri Edi Rama gjatë fjalës së tij në OKB ka lobuar për njohjen e Kosovës nga vendet aënetarë të Asamablesë së Përgjithshme dhe kryesisht nga Serbia.

“Ka ardhur koha që të gjitha vendet e kësaj asambleje dhe së pari miqtë tanë serbë të njohin Kosovën, t’i japin hakun historisë dhe të njohin realitetin si e vetmja mënyrë për të ndërtuar një të ardhme më të mirë.

E dashur Serbi, Kosova është realitet i pakthyeshëm. Është po kështu e rëndësishme që Kosovës t’i jepet mundësia që të bëhet pjesë e organizatave rajonale ku çdo vend sovran ka të drejtë të bëhet pjesë”.

Rama i bëri thirrje Bashkimit Evropian për liberalizmin e vizave me Kosovën.

“Do të doja të theksoja një fakt që është e pajustifikuar që Kosova, vendi me 2 mln banorë mbetet vendi i vetëm ku populli i të cilit është i izoluar nga gjithë rrjeti regjimi i liberalizmit të vizave. Si mundet që BE ende të mbajë peng një vend prej 2 milionë njerëz që kanë luftuar fort për lirinë e tyre dhe mebten të palëkundur ndaj perspektivës në BE. E dashur BE ndaloje këtë gjë të pakuptimtë” .

Ai u shpreh shpresplotë për ndërtimin e një të ardhmeje më të mirë në Ballkanin Perëndimor, duke lënë pas hijet e së shkuarës.

“Është shpresa ime që Ballkani Perëndimor do shkëputet nga e kaluara dhe do ndërtojë ekonomitë e tregjet dhe një të ardhme shumë më të mirë, duke punuar për të ardhmet e femijë pa folur për hijet e së shkuarës”. /abcnews.al

terry-baudie.jpg
ad min09:45 | 10/07/2019

Kreu i Forumit për Demokraci në Holandë Thierry Baudet, është i pakënaqur  nga vendimi i Bashkimit Evropian që shqiptarët mund të udhëtojnë pa viza.

Udhëheqësi i FVD tregon se ky vendim do të shkaktojë shumë probleme për Holandën, raporton dagelijksestandaard.nl. 

Në një postim në Twitter Thierry Baudet shkruan:  “E pabesueshme. Shqiptarët tani edhe në Evropë pa vizë. Kjo do të thotë më shumë krime, emigrim i pakontrolluar, konkurrencë jo e ndershme për shoferët e kamionëve, etj. Çfarë i frymëzon budallenjtë që drejtojnë BE-në? #FVD”.

“Shqiptarë nuk do të kenë nevojë për vizë që të udhëtojnë në Bashkimin Evropian. Siç pritej, Komisioni Europian ka hedhur poshtë kërkesën e qeverisë holandeze”, njoftoi Ministri i Jashtëm Stef Blok pak ditë më parë.

Ministri i bëri kërkesë Komisionit Evropian pasi Dhoma e Përfaqësuesve kishte kërkuar anulimin e vizave për shqiptarë në Prill.  Blok tashmë paralajmëroi se nuk kishte mbështetje të mjaftueshme brenda BE-së për një hap të tillë. Që nga viti 2010, shqiptarët janë lejuar të udhëtojnë pa viza në BE./abcnews.al

ambasada-holandeze-1280x715.jpg
nev ila15:42 | 03/07/2019

Pas këtij vendimi Ambasada e Holandës në Tiranë tregon  se më 1 korrik  Komisioni Evropian i ka dërguar një letër ministrit holandez për punët e Jashtme.

Në këtë letër shkruhet se Shqipëria nuk plotëson kushtet teknike për të aktivizuar mekanizmin e pezullimin e vizave. Megjithkëtë Ambasada Holandeze thotë se në letër Komisioni beson se vendi ynë duhet të vazhdojë të intensifikojë përpjekjet për të adresuar çështjen e aplikimeve të pabazuara për azil. Ndërkohë duhet të punojë për të parandaluar dhe luftuar krimin e organizuar.

Holanda sipas Ambasadës në Tiranë do të punojë me Shqipërinë për të parë se si shqetësimet në lidhje me krimin e organizuar, aplikimet e pabazuara për azil dhe klandestinët që përpiqen të kalojnë në Mbretërinë e Bashkuar nëpërmjet porteve të Holandës mund të adresohen në mënyrë më efikase./ABC News Albania 24/7

edi-rama.jpg
nev ila12:07 | 03/07/2019

Kryeministri Rama përmes një mesazhi në rrjetet sociale ka komentuar refuzimin nga Komisioni Europian të kërkesës së qeverisë holandeze për vendosjen e vizave me Shqipërinë.

“Ja dhe vizat s’u rikthyen siç predikuan e trumpetuan lajmësit e qametit që s’ndodhi! Komisioni Europian e refuzoi kërkesën e qeverisë holandeze dhe e vërteta doli fiks siç ishte kur e thamë e shumëkush s’e besoi: Vizat nuk rikthehen sepse Shqipëria s’ka shkelur asnjë kriter“, shkruan kryeministri Rama./abcnews.al

tanja-fajon-e7a1da71-85e6-48ce-8bdf-0400d30e241-resize-750.jpeg
ent ela09:10 | 26/06/2019

Eurodeputetja Tanja Fajon ka thënë se është e papranueshme që Bashkimi Evropian të mos ia heqë vizat Kosovës, pavarësisht plotësimit të të gjitha kritereve të nevojshme. Megjithatë, ajo ka shtuar se përbërja e re e Parlamentit Evropian është në favor të zgjerimit.

Bashkimi Evropian po tregohet i padrejtë në raport me Kosovën, pasi pavarësisht plotësimit të të gjitha kritereve të nevojshme nuk po ua heq vizat qytetarëve të saj.

Fajon ka premtuar se do të vazhdojë me të bërit presion tek institucionet e BE-së deri në heqjen e vizave për qytetarët e Kosovës, ashtu siç u është premtuar atyre.

“Më vjen keq që konkluzionet e fundit të Këshillit ishin shumë më pak premtuese e konkrete sesa propozimet fillestare sa i përket liberalizimit të vizave për Kosovën. Është e papranueshme që pavarësisht kushteve të përmbushura Këshilli ende nuk ka arritur të japë dritën e gjelbër për heqjen e vizave për qytetarët e Kosovës. Në rolin tim si raportuese e Parlamentit për liberalizimin e vizave do të vazhdoj të luftoj për Kosovën dhe do të vazhdoj të ushtroj presion ndaj shteteve anëtare për të ofruar atë që është premtuar”, ka deklaruar Fajon për “Zërin”. /klankosova

meta-2.jpg
nev ila13:10 | 18/06/2019

Presidenti i republikës Ilir Meta përmes një deklarate ka vendosur theksin te rreziku i mundshëm i rikthimit të vizave për Shqipërinë.

 

Deklarata e plote:

Presidenti i Republikës Sh.T.Z Ilir Meta ka ndjekur me vëmendje të gjitha qëndrimet dhe diskutimet që po zhvillohen këto kohë mbi ecurinë e procesit të integrimit evropian të Shqipërisë në Bashkimin Europian. 

Ndërkohë që e gjithë vëmendja është përqendruar drejt një vendimi të mundshëm pozitiv për çeljen e negociatave të anëtarësimit të Shqipërisë me BE, Presidenti vëren me shqetësim të thellë rrezikun e rivendosjes së regjimit të vizave Shengen për Shqipërinë. 

Pas depozitimit të kërkesës së Holandës për pezullimin e vizave drejtuar Komisionit Europian, njoftimi i djeshëm i Komisionerit për Migrim, Punët e Brendshme dhe Shtetësi, z. Dimitris Avramopoulos që paralajmëronte ndërmarrjen e masave ndaj Shqipërisë, krahas Venezuelës dhe Kolumbisë, është një kambanë alarmi për të gjithë. 

U bëj thirrje të gjitha institucioneve shtetërore përgjegjëse të ndjekin me prioritet absolut këtë çështje që mbart një ndjeshmëri të madhe për të gjithë qytetarët shqiptarë. 

Lëvizja pa viza ka qenë ndër arritjet më të mëdha me ndikim të drejtpërdrejtë për shqiptarët, si populli që ka vuajtur izolimin më të madh e të gjatë në rajon. 

Të gjithë i mbajmë mend radhët e gjata përpara dyerve të ambasadave, me familjarë të dëshpëruar në kërkim të një mundësie për të ritakuar fëmijët, të afërmit, apo të mundësisë për të studiuar dhe udhëtuar jashtë vendit, etj. 

Bëj thirrje, të merren urgjentisht të gjitha masat e nevojshme duke mos neglizhuar apo anashkaluar asnjë përgjegjësi që do të dëmtonte dhe prapësonte këtë liri të fituar të shqiptarëve!“/abcnews.al

merkel-haradinaj-780x439.jpg
ent ela12:45 | 22/05/2019

Kryeministri i Kosovës Ramush Haradinaj do të takohet në 6 qershor në Berlin me kancelaren gjermane Angxhela Merkel. Tema kryesore e takimit do të jetë liberalizimi i vizave dhe zhbllokimi i dialogut me Serbinë.

Zhbllokimi i dialogut mes Kosovës e Serbisë, heqja ose pezullimi i taksës 100% ndaj produkteve serbe e boshnjake, si dhe çështja e liberalizimit të vizave për kosovarët pritet të jenë disa nga temat të cilat do të diskutohen në takimin e kryeministrit të Kosovës Ramush Haradinaj me kancelaren gjermane Angela Merkel, i cili do të mbahet më 6 qershor të këtij viti.

Mediat në Kosovë raportojnë se zyra e kryeministrit Ramush Haradinaj konfirmoi se kreu i ekzekutivit në këtë takim do ta kërkojë mbështetjen e Gjermanisë në procesin e liberalizimit të vizave, si dhe për dialogun mes Kosovës e Serbisë.

Kryeministri Haradinaj në fillim të qershorit do të udhëtojë për në Berlin në një vizitë dyditore. Me ftesë të kreut të Bundestagut gjerman ai do të marrë pjesë në ‘Lutjet e mëngjesit’. Më pas do të vijojnë takimet me deputetë të Bundestagut. Tashmë dihet se kërkesat e Kryeministrit Haradinaj janë mbështetja e Gjermanisë në procesin e liberalizimit të vizave, për dialogun dhe për fuqizimin e marrëdhënieve bilaterale”, thuhet në deklaratën për mediat të Kryeministrisë. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono