Vettingu

XHOXHAJ-KPK-1280x720.jpg
ent ela11:53 | 23/04/2018

Komisioni i Pavarur i Kualifikimit mori në shqyrtim anëtaren e Gjykatës Kushtetuese, Altina Xhoxhaj, e cila duket jo pak e rrezikuar nga vetingu. Komisioni konstatoi se gjyqtarja nuk justifikonte disa pasuri, fakt që u kundërshtua me forcë prej saj. Xhoxha pretendoi se KPK po lexon ligjin në mënyrë të gabuar.

Anëtarja e Gjykatës Kushtetuese, Altina Xhoxhaj, u përball të hënën me një treshe gjykuese të Komisionit të Pavarur të Kualifikimit. Xhoxhaj kërkoi të rikonfirmohej në detyrë, por kalimi me sukses i procesit të vettingut duket një mision jo i lehtë për të.

Sipas Komisionit, anëtarja e Kushtetueses prej vitit 2010 ka probleme me justifikimin e pasurisë. Ndryshe nga ILDKPKI-ja, që raportonte deklarime të sakta të pasurisë për Xhoxhaj, KPK-ja mbante një tjetër qëndrim.

Relatorja e seancës dëgjimore radhiti shumat e pasurive që, sipas hetimit të thelluar të bërë nga ky institucion, nuk ishin justifikuar në burimt të ligjshme. Sipas KPK-së, Xhoxha nuk justifikonte 4.8 milionë lekë nga shuma prej 61 mijë eurosh të shpenzuara për blerjen e një apartamenti 101 metër2 në Tiranë, 450 mijë lekë për një apartament në Gjirin e Lalëzit dhe një pjesë të sipërfaqes së truallit prej 221 metër katrora rreth kësaj shtëpie. Në këto pasuri ajo zotëronte ½ e cdonjërës.

Më tej, duke iu referuar shpenzimeve të familjes, përfshi udhëtimet të shpeshta jashtë vendit të bëra nga gjyqtarja Xhoxhaj dhe bashkëjetuesi i saj, KPK vlerësonte se nuk justifikoheshin në burime të ligjshme as kursimet e tyre. Këto kursime sipas Komisionit ishin 6.3 milionë të gjyqtares dhe 61 mijë USD dhe 15 mijë euro.

Ndryshe nga pasuria, gjatë vlerësimit të figurës së gjuqtares nuk ishte konstatuar asnjë kontat mes saj dhe personave të inkriminuar. Të përshtatshme ishin vlerësuar edhe aftësitë e saj profesionale.

Në këtë pikë u përmend edhe një denoncim i bërë nga një qytetar se Xhoxha kishte shqyrtuar në kushtet e konfliktit të interesit një ccështje për të cilën në Apelin e Tirnaës ishte shprehur me vendim babai i saj gjyqtar.

Kur i erdhi radha, përmes avokates së saj, Xhoxhaj kundërshtoi të gjitha pretendimet e KPK-së për pasurite e saj të pajustifikuaraVetë Xhoxha guxoi të leshonte edhe akuza drejt Komisionit të Pavarur të Kualifikimit, duke pretenduar se prej tyre ishte lexuar gabim ligji për deklarimin e pasurisë së bashkëjetuesit.

“Pasuria ime është e ligjshme dhe e justifikuar. Llogaritjet e KPK-së janë kryer apriori”, tha Xhoxhaj.

Jashtë sallës, Xhoxhaj nuk pranoi të komentojë. Ndërsa kjo seancë u ndoq edhe nga Avokatia e Popullit, Erinda Ballanca, e cila shfaqi mbështetje për gjyqtaren.

Vendimi për të pritet të shpallet të mërkurën në orën 09:30. Xhoxhaj është anëtarja e tretë e Kushtetueses që kalon në sitën e vetingut. Me herët kolegia e saj Vitore Tusha u konfirmua në detyre ndërsa Fatos Lulo u shkarkua. /abcnews.al

romana-vlahutin.jpg
gra moz15:25 | 17/04/2018

Komisioni i Pavarur i Kualifikimit zhvilloi të martën seancën dëgjimore për prokuroren e Apelit, Besa Nikëhasani. Sipas KPK-së, ajo nuk justifikon me të ardhura një apartament, dy garazhe, një shtëpi dhe një automjet. Prokurorja tha se çdo pasuri e saj ishte e ligjshme dhe kërkoi të rikonfirmohej në detyrë.

Besa Nikëhasani është e para në radhën e prokurorëve të thirrur në seanë dëgjimore nga Komisioni i Pavarur i Kualifikimit. Prokurorja e Apelit Shkodër iu nënshtrua me përparësi Vettingut për shkak të kandidaturës së saj në Këshillin e Lartë të Prokurorisë. Kjo dëshirë e saj mund të realizohet vetëm nëse kalon me sukses filtrin e vettingut, cka duket jo e lehtë për Nikëhasanin.

Për ILDKPKI-në, prokurorja kishte bërë deklarimet të saktë ndër vite dhe se pasuria e saj ishte e justifikuar. Por hetimi i thelluar i bërë nga ana e Komisionit të Pavarur të Kualifikimit, përmes studimit të gjithë dokumentacionit, dokumenteve justifikuese të sjella nga prokurorja Nikëhasani, si edhe nga pyetja e dy dëshmitarëve, kishte dalë në një tjetër përfudim. Sipas KPK-së, prokurorja e Apelit Shkodër nuk e justifikonte disa prej pasurive.

Relatorja Genta Tafa (Bungo) tha se Nikëhasani nuk kishte të ardhura të mjaftueshme për një banesë prej 144 metër katrorëve e dy garazheve në Tiranë, të blerë 90 mijë euro, një banesë 76 metër katrorë në Shëngjin, të blerë 28 mijë euro si edhe të një automjeti “Toyota Land Cruise” të blerë 19500 euro.

Ndryshe nga tre gjyqtarët e ulur me herët në karrigen përballë trupit gjykues të KPK-së, Nikëhasani kishte zgjedhur të mos merrte avokat.
Prokurorja tha se mosdeklarimi i dy garazheve ishte vetëm një lapsus.

Sipas saj, edhe deklarimi i përfitimit të një shumë prej 752 mijë lekësh në vitin 2013, ishte një lapsus i noterit, pasi kjo shumë ishte përfituar në vitin 2008 nga shitja e një toke. Me një nga deklarimet ku kishte pasaktësi ishte marrë vjehrra e saj, pasi ajo ndodhej jashtë vendit.

Nikëhasani përmendi se kishte marrë të ardhura nga një shtepi pa dokumente në Lezhe, pas prishjes së të cilës ishte ndërtuar një pallat.
Më tej prokurorja tha se nuk e kuptonte si ishin llogaritur kursimet e saj nder vite nga ana e KPK-së.

“Unë nuk i kam mbajtur deklarimet e mëparshme të pasurisë. Mbase është gabim i imi. Thjeshtë ka mospërputhje për shkak të kohës së gjatë që ka kaluar”, tha Nikëhasani.

Automjetin “Toyota” prokurorja tha se e kishte blerë me para të marra borxh tek pronari i një “Exchange”-i, për shkak se i duhej një mjet i mirë për të udhëtuar çdo ditë nga Tirana në Shkodër.

“I thamë atij: Kemi hall. Na dha nga paratë e tij, jo të kompanisë. Ajo nuk është mjet luksi”, tha Nikëhasani.

Në përfundim, duke shprehur besim në objektivitetin e trupit gjykues, prokurorja kërkoi rikonfirmim në detyrë. Vendimi për të do të shpallët në 20 Prill në orën 09:30./abcnews.al

sindikatat.jpg
gra moz15:38 | 16/04/2018

Edhe ligji i Vettingut në radhët e policisë do të duhet të kalojë më parë nga Gjykata Kushtetuese, pas padisë që pritet të bëjë sindikata e policisë. Sipas kreut të kësaj sindikate, Sadedin Fishta, në të paktën dy nene të formularit të vetëdeklarimit, ka shkelje të të drejtave të njeriut.

Ashtu si Vettingu në sistemin e drejtësisë edhe ai në rradhët e policisë do të kontestohet në gjykatën Kushtetuese. Në një intervistë për ABC News, kreu i sindikatës së punonjësve të policisë, Sadedin Fishta, theksoi se, në formularet e Vettingut, ka shumë pyetje që cënojnë të drejtat e njeriut.

“Ka mospërputhje të të drejtave dhe disa kërkesave që ka në formularët e deklarimit. Atje ku ka mospërtputhje ne sigurisht do t;i referohemi Gjykatës Kushtetuese”.

Një problem për Vettingun në polici, sipas kreut të sindikatës, është edhe plotësimi i formularëve.

“Vetëm për kohën që duhet për të mbledhur dokumentacion unë them që punonjësit e policisë mund t’i duhen deri në 20 ditë”.

Sipas Fishtës, Vettingu është i domosdoshëm në polici, pasi ka patur akuza për jo pak efektive për përfshirje në aktivitete kriminale dhe në narkotrafik.

Mbi 12 mijë efektivë të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat prej datës 5 Prill kanë filluar të plotësojnë formularët e vetëdeklarimit. Procesi i Vettingut mbështetet në tri kritere; pastërtia e figurës, pasuria dhe aftësitë profesionale./abcnews.al

LLALLA-ANKIMIMI-1280x720.jpg
ent ela14:10 | 13/04/2018

Caktohet trupa gjykuese për ankimimin e nderprerjes se vettingut per ish-kryeprokurorin Adriatik Llalla. Kryesues do jetë gjyqtari Sokol Çomo, ndërsa relator Luan Daci. Pjesë e trupës gjykuese që do të shqyrtojë ankimimin e Komisionerit Publik për ndërprerjen e vettingut për Llallën do të jetë dhe një tjetër emër i njohur në sistemin e drejtësisë, ish-kryeprokurorja Ina Rama. Kjo e fundit, së bashku me Albana Shtyllën dhe Ardian Hajdërin, do të shqyrtojë ankimimin ndaj vendimit të Komisionit të Pavarur të Kualifikimit që ndërpreu Llallës procesin e vettingut. Ky proces ndaj Adriatik Llallës u ndërpre me 12 shkurt të këtij viti nga KPK-ja pas dorëheqjes së ish-kryeprokurorit nga e drejta për t’u emëruar gjyqtar apeli dhe rrjedhimisht nga i gjithë sistemi i drejtësisë. Vendimi u mor në atë kohë nga trupi gjykues i KPK-se me kryesues Roland Ilia dhe anëtarët Pamela Qirko dhe Olsi Komçi.

Ndërkohë ndaj ish-kryeprokurorit Adriatik Llalla ka nisur edhe një hetim nga Prokuroria e Durrësit për pastrim parash. /abcnews.al

gjykataa.jpg
ent ela14:24 | 30/03/2018

Komisioni i Pavarur i Kualifikimit vijon procesin e seancave dëgjimore me gjyqtarët e Gjykatës Kushtetuese, data e radhës për të cilët është 4 Prilli. Këtë rradhë në bankën e dëshmitarit do të jetë gjyqtarja Vitore Tusha, anëtare e Gjykatës Kushtetuese edhe pse me mandate të përfunduar, si dhe pjesë e trupës së Këshillit të Emërimeve në Drejtësi. Trupa gjykuese do të përbëhet nga Valbona Sanxhaktari, Alma Faskaj dhe Xhensila Pine dhe do të zhvillohet në ambientet e Pallatit të Kongreseve ku mbahen punimet përkohësisht ky Komision i vettingut. Ky do të jetë rasti i tretë i gjykimit të një funksionari të drejtësisë nga Komisioni i Pavarur i Kualifikimit, dhe pritet për t’u parë nëse do të jetë i pari që e kalon këtë process, pas dështimit në seancë të Komisionerit Publik Heral Sarançi, i larguar nga detyra pas vendimit të komisionit dhe gjyqtarit kushtetues Fatos Lulo gjithashtu i larguar nga detyra pas procesit në këtë komision./abcnews.al

VETINGU-FANA-TOLA-1280x720.jpg
ent ela15:50 | 28/03/2018

Komisioni i Pavarur i Kualifikimit ka ndërperë procesin e vettingut për një prokuror, një ish-gjyqtare të Gjykatës së Lartë dhe tre ndihmësa ligjore të kësaj gjykate.

Kështu procesi i vettingut është ndërprerë për prokurorin e Krujës, Sulejman Tola, për gjyqtaren Mirela Fana dhe për tre ndihmësat ligjorë të Gjykatës së Lartë, Eritan Shehu, Adnand Berdica dhe Etleva Sherifi.

Vendimet e KPK-së për ndërprerjen e procesit të verifikimit mbajnë datën 23 mars 2018. Ato motivohen me dorëheqjet e paraqitura më herët, nga funksionet e mërpashme të këtyre presonave gjatë vitit 2017.

Sipas ligjit, prokurori dhe gjyqtarja nuk mund të kthehen në sistemin e drejtësisë për një periudhë 15 vjeçare./abcnews.al

ULSI-MANJA-PER-VETINGUN-1280x720.jpg
ent ela14:03 | 28/03/2018

Kryetari i Komisionit të Ligjeve Ulsi Manja ka akuzuar Partinë Demokratike, se po hesht për rezultatet e para të procesit të vettingut, si elementi kyç i reformës në drejtësi.

Vettingu ngriti siparin pas të cilës dolën krundet e sitës së hollë të drejtësisë tregoi Ulsi Manja.

“Në 23 Mars 2018 Vettingu ngriti siparin. Vendimi i parë provoi se sita e Vettingut qenka aq e hollë sa të nxjerrë bashkë me krundet e zahiresë 27 vjeçare të gjyqësorit dhe grurin e pajustifikuar.

 Por këtë dalje publike kryetari i komisionit të ligjeve e ka kryesisht për opozitën nga e cila priste minimalisht disa fjalë të mira. Por Më kot

“Gjatë këtyre ditëve opinioni publik ka pritur që opozita të thotë dy fjalë për procesin e zbatimit të reformës në drejtësi, por më kot. Heshtja filloi të hënën në këshillin kombëtar të integrim it, ku opozita jo vetëm që nuk e përshëndeti Komisionin e Pavarur të Kualifikimit, por me shumë mllef politik e anatemoi zbatimin e reformës në drejtësi, në përpjekjen e dështuar të radhës duke ngjallur panik për bllokimin e institucioneve të drejtësisë”.

Apo më keq akoma Sali Berisha, lideri histroik i PD nxitoi të bëjë avokatinë e palës që humbi në përballje me KPK-në, në një proces të kushtetues e ligjor në prani të vëzhguesve ndërkombëtarë”.

Ulsi Manja i bën thirrje gojëve të liga të vettingut që të heshtin përgjithmonë. Ndërsa politika është e dënuar ta shohë me pozitivitet këtë proces.

Asnjë baltosje e vetingut nuk ka shans ta frenojë pastrimin e pallatit të drejtësisë nga gjykatësit e prokurorët e korruptuar”.

./abcnews.al

Adriatik-Llalla-1280x782.jpg
ent ela14:43 | 25/03/2018

Dalin rezultatet e para të prekshme të procesit të vettingut në Shqipëri. Në këtë mënyrë rritet shpresa për hapjen e negociatave të anëtarësimit.
Transparencë dhe fakte. Me këtë moto Komisioni i Pavarur i Kualifikimit, ( KPK) motori i vettingut, ka filluar këtë javë sesionet e dëgjesave publike të gjykatësve dhe prokurorëve që pretendojnë të jenë pjesë e sistemit të reformuar të drejtësisë. Kush kalon testin nga ky Komision do të vazhdojë të jetë prokuror apo gjykatës në sistemin e reformuar të drejtësisë. Kush nuk e kalon mbetet jashtë sistemit dhe subjekt i mundshëm i ndjekjes penale. Rastësi apo jo, i pari në listën e gjykatësve në këtë proces nuk e kaloi dot testin. Komisioni shkarkoi të premten ( 23.03.2018) anëtarin e Gjykatës Kushtetuese, Fatos Lulo, që kishte deklaruar një pasuri prej rreth 700 mijë eurosh. Avokati i tij nuk solli dot para komisionit, në seancën e dëgjesës publike, të hapur për mediat, dokumenta zyrtare për burimin e kësaj pasurie. Ky është rasti i parë, kur Komisioni i Pavarur i Kualifikimit shkarkon një gjykatës të nivelit të lartë dhe hap procesin e ҫrrënjosjes së ryshfetit dhe korrupsionit në drejtësinë e Shqipërisë duke hedhur bazat për një gjyqësor profesional, të pavarur, me gjykatës e prokurorë me integritet moral. Gjithë procesi i verifikimit dhe vendimet e këtij Komisioni po monitorohen nga ekspertë të pavarur ndërkombëtarë.

Çmontim i kulturës së pandëshkueshmërisë

Lista me emrat e gjykatësve dhe prokurorëve që do kalojnë në sitën e vettingut është e gjatë, plot 800 syresh. Vetëm 2% ose 17 gjykatës dhe prokurorë dhanë dorëheqjen dhe u vetëpërjashtuan nga drejtesia, para se vettingu të fillonte, duke përfituar nga ligji i vettingut që ua jepte këtë mundësi. Por dorëheqja nuk u jep atyre imunitet për t’i shpëtuar drejtësisë pa i hyrë gjemb në këmbë, nëse kane kryer vepra penale, Drejtësia po tregon se po vepron në bazë të provave dhe fakteve. Rasti më domethënës është ai i ish- Prokurorit të Përgjithshëm Adriatik Llalla, ndaj të cilit Prokuroria ka hapur ҫështje penale për pastrim parash në përmasa të mëdha, edhe pse Llalla deklaroi para se të fillonte vettingu largimin vullnetar nga drejtësia. Atë që nuk e bëri dot organi i akuzës i drejtuar nga Llalla, që erdhi në krye të Prokurorisë në vitin 2012 dhe qëndroi deri në mbyllje të mandatit 5 vjeҫar, më 3 dhjetor 2017, e nisi Departamenti Amerikan i Shtetit. Muajin kaluar ai mori vendimin që ish-kryeprokurori dhe familja e tij të futen në listën e zezë dhe të mos u lejohet hyrja në SHBA “për shkak të përfshirjes së tij në raste të mëdha korrupsioni”.

Fakte dhe dokumenta zyrtare, të botuara në media, kanë bërë transparente për publikun shit-blerje tokash, ullishtesh, në sipërfaqje të mëdha dhe pasurish të paluajtshme që ish-Prokurori i Përgjithshëm i blinte shumë lirë dhe pasi bëhej rivlerësimi i tyre, i shiste 20-30 herë më shtrenjtë. Dokumentat zyrtare flasin për transaksione financiare me persona me precedentë penalë që lidhen me krime të rënda. Hetimi ndaj ish-Prokurorit të Përgjithshëm, Adriatik Llalla është një sinjal se për kulturën e pandëshkueshmërisë, të betonizuar në Shqipëri prej më shumë se dy dekadash, po fillon procesi i ҫmontimit. Burime diplomatike në Tiranë, që ndjekin nga afër këtë process thanë për DW se rasti i ish-Prokurorit të Përgjithshëm është vetëm fillimi i kapjes së “peshqve të mëdhenj” që do të ndiqet se shpejti edhe nga raste të tjera.


Rama-koha për hapjen e negociatave të anëtarësimit

Asi që ka në dorë Shqipëria 3 javë para publikimit të Progress Raportit 2017 është pikërisht progresi në reformën në Drejtësi. Rezultatet konkrete në procesin e spastrimit të drejtësisë nga gjykatës dhe prokurorë të korruptuar kanë rritur shpresat e Shqipërisë për hapjen e negociatave të anëtarësimit me BE. Kjo pasi kryerja e vettingut dhe rezultatet e tij të prekshme janë kushti kryesor i KE. Shqipëria e meriton! Me këtë bindje kryeministri Rama ka nxitur ditët e fundit, Përfaqësuesen e Lartë të BE, Mogherini, Komisionerin Hahn dhe Parlamentin Europian që të kuptojnë se koha për hapjen e negociatave ka ardhur. ” Shqipëria nuk kërkon ndonjë dhuratë, as ndonjë favor që nuk e meriton. Shqipëria po kërkon thjesht të hapen negociatat , sepse e meriton” ka theksuar të premten,(23.03.2018) Rama, në një fjalë të mbajtur në Parlamentin Europian.

Krahas kësaj bindjeje kryeministrin Rama ka risjellë si argument situatën gjeo-politike në rajon, përpjekjet e Rusisë dhe aktorëve të tjerë si Kina apo Turqia për të rritur ndikimin e tyre. Hapja e negociatave si një progres drejt hyrjes në BE do ” të ndalojë shfaqjen e fantazmave të së kaluarës” ka theksuar kryeministri në Parlamentin Europian duke u risjellë në vëmendje euro-parlamentarëve se rajoni i njohur për konfliktet etnike dhe lufterat e pergjakshme pas viteve 1990 po forcon paqen dhe bashkëpunimin, pikërisht sepse ylli i tij polar është hyrja në BE. Por ngadalësimi i ritmeve në procesin e integrimit mund të sjellë pasoja negative ne pro-europianizmin e qytetarëve të Ballkanit Perëndimor, kur faktorë të tjerë gjeo-strategjike kërkojnë të rrisin aksionet e tyre në rajon, paralajmëroi në Bruksel përsëri kryemnistri Rama./DW

VETINGU-FATOS-LULO-PARA-KPK-1280x720.jpg
ent ela16:51 | 21/03/2018

Komisioni i Pavarur i Kualifikimit zhvilloi të mërkurën seancën e parë dëgjimore për llogari të procesit të vettingut, që i përkiste anëtarit të Kushtetueses, Fatos Lulo. Përmes avokaktit të tij, Lulo mohoi pretendimet e ILDKPI-së për burime financiare të paligjshme dhe deklarim të rremë të pasurisë.

Në këtë mënyrë nisi seanca e parë e dëgjesave publike ndaj gjyqtarëve që po i nënshtrohen procesit të vettingut. I pari që u ftua të dalë para një trupe gjykuese të  Komisionit të Pavarur të Kualifikimit nga gjyqtarët dhe prokurorët që po vetohen me përparësi ishte anëtari i Gjykatës Kushtetuese, Fatos Lulo. Gjyqtari nuk ishte prezent në seancë, ku u përfaqësua nga avokati i tij, Ardian Visha.

Duke cituar raportin e përcjellë në KPK nga ana e ILDKPI-së, relatorja Etleda Çiftja tha se për subjetin e rivlerësimit Fatos Lulo ka mungesë të burimeve financiare të ligjshme dhe deklarim të rremë të pasurisë.

Ndërkohë që nga pikëpamja e integritetit të figurës dhe aftësive profesionale KPK nuk ka ngritur asnjë dyshim ndaj anëtarit të Kushtetueses.

Avokati Visha, mohoi pretendimet e ILDKP-i. Sipas mbrojtësit, Lulo ka qenë subjekt që ka deklaruar pasurinë për 14 vite me radhë dhe në asnjë rast nuk është konstatuar ndonjë problematikë.

Visha tha se gjyqtari Lulo e ka siguruar pasurinë e deklaruar para viteve 2000, kur ai ka ushtruar profesionin e avokatit. “Zyra e avokatisë së Fatos Lulos ka qenë bashkë me avokatët Kleanthi Kocci dhe Stavri Ccecco, emra të shquar në fushën e jurisprudencës shqiptare, çka përbën provë të suksesit profesional”, tha Visha. Mbrojtësi shpjegoi se Lulo ka paguar detyrimet në organet tatimore, për të cilat zotëron librezë. Por sipas tij, në përgjigjen që i kanë kthyer KPK-së për rastin Tatimet kanë pohuar se nuk disponojnë dokumentacionin para vitit 2004.

Gjatë punës së tij si gjyqtar Lulo ka shtuar vetëm dy pasuri jashtë mundësive të tij financiare, pretendoi avokati. Ato janë 100 mijë dollarë për shkollimin e fëmijëve dhe një zyrë në rrugën e Durrësit, dhurata të bëra nga motra e tij, e cila zotëron 1/3 e fitimeve të një shoqërie ndërtimi.

Në lidhje me një shifër prej 480 mijë dollarësh, Visha saktësoi se këtë shumë gjyqtari ia ka huajtur motrës me qëllim blerjen e një shtëpi dhe ngritjen e një biznesi në Kanada në vitin 2000. Por, ndonëse ka prenotuar një banesë, ai ka hequr dorë nga ky plan dhe ia ka kthyer paratë familjares së tij.

Pasi administroi provat e paraqitura nga avokati Visha, deklaratat vjetore tatimore të motrës së gjyqtarit Lulo, trupi gjykues ndërpreu seancën për në 23 mars ora 11:00, ku pritet të shpallë vendimin. /abcnews.al

 

vlcsnap-error402-1280x720.jpg
gra moz16:11 | 09/02/2018

Ligji për Vetingun në policinë shqiptare ka tërhequr vëmendjen e mediave ndërkombëtare. Associated Press, që citohet dhe nga media të tjera, thekson se lufta ndaj krimit të organizuar dhe trafikut të drogës është sfidë kryesore për Shqipërinë.

Lajmi për Vettingun në radhët e policisë në Shqipëri ka tërhequr vëmendjen e mediave ndërkombëtare, që e kanë pasqyruar gjerësisht atë. Agjencia prestigjoze e lajmeve “Associated Press” thekson se “qeveria shqiptare po kërkon të spastrojë mollët e këqija nga forcat e saj policore”. Ndërsa më tej nënvizon se “një projekt-ligj, që ekzekutivi miratoi të mërkurën bën thirrje për verifikimin e 13,000 policëve të Shqipërisë”.

Gjithashtu citohet zëvendësministri i Brendshëm, Julian Hodaj, i cili thotë se “autoritetet dëshirojnë të rishikojnë të shkuarën e profesionale dhe personale të oficerëve në mënyrë që të shkarkohen disa individë, elementë që janë përfshirë në krim, korrupsion dhe që nuk janë treguar profesionistë”.

“Associated Press” nënvizon se lufta kundër krimit të organizuar dhe veçanërisht trafikimi i drogës është një sfidë kryesore për Shqipërinë.

“Ky shtet është anëtar i NATO-s, që prej 2009 dhe ka marrë statusin e vendit kandidat për në Bashkimin Europian në 2014-n. Gjithashtu shpreson të fillojë negociatat për anëtarësim gjatë këtij viti”, thekson agjencia ndërkombëtare. Gjithashtu bën me dije se procesi i Vettingut po zhvillohet edhe ndaj gjykatësve dhe prokurorëve të Shqipërisë. “Korrupsioni ka dëmtuar Shqipërinë postkomuniste dhe ka dëmtuar institucionet e saj demokratike”, përfundon shkrimi.

Ndërkohë, artikulli i “Associated Press” është shpërndarë nga media të shumta ndërkombëtare si Fox News, Abc News, Uashington Post e shumë të tjera./abncews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono