Vettingu

Sander-simoni-1280x835.jpg
nev ila16:04 | 14/01/2020

Kryetari i Gjykatës së Posaçme kundër Korrupsionit dhe Krimit të Organizuar, Sandër Simoni do të përballet me Komisionin e Pavarur të Kualifikimit.

Trupa gjykuese që po kryen procesin e vetingut për Simonin përbëhet nga Brunilda Bekteshi, Roland Ilia dhe Olsi Komici.

Analiza e pasurisë është kryer në të tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale.

Sipas raportit të KPK deri tani, rezulton se ILDKP ka konstatuar se ka deklarim të saktë, nuk ka fshehje, nuk ka deklarim të rremë dhe nuk ka konflikt interesi.

Gjetjet e relatimit të KPK:

“KPK kreu një hetim të pavarur për pasuritë e deklaruara. Ap 116.2 metra katrorë në Tiranë. Vlera 6 mln e 5 mijë lekë. Burimi është deklaruar një kredi dhe kursime dhe të ardhurat nga pagat. Gjatë hetimit Komisioni ngriti dyshime për çmimin real të këtij apartamenti duke kërkuar nga shoqëria që e ka shitur kontrata të tjera të ngjashme, ku ka rezultuar se ky apartament është shitur me çmim më të ulët nga tregu. KPK ka konstatuar se përputhet deklarimi me dokumentacionin për këtë pasuri. Nuk është konstatuar konflikt interesi me shoqërinë dhe administratorin e kësaj shoqërie. Subjekti ka përfituar kredinë në kushte normale dhe ka pasur mundësi pagimi për këtë apartament.

Automjet në proces çregjistrimi pasi ka deklaruar se e ka humbur pronësinë që në vitin 2003. Ky mjet është hequr nga qarkullimi në 2007, i blerë për 0.5 mln lekë në fund të vitit 2002. KPK konstaton se ka pasaktësi në deklarim për çmimin e mjetit.

Shpenzime për mobilim apartamenti dhe shpenzime për dasmën në vitin 2007. Nga analiza financiare, bashkëshortja dhe gjyqtari rezultojnë me bilanc pozitiv për të kryer shpenzimet në këtë vit. Në përfundim Komisioni del në konkluzionin se gjyqtari ka pasur burime financiare për mobilimin ap dhe dasmës.

Makinë “Ford” e blerë në vitin 2010 për 200 mijë lekë dhe shitur në 2015 për 200 mijë lekë. Komisioni nuk ka konstatuar problematik për këtë pasuri. Huadhënie te vëllai në vlerën 1 milion e 4 mijë lekë. Nga analiza financiare, subjekti dhe bashkëshortja e tij kanë dalë me bilanc pozitiv duke pasur mundësi për krijimin e kësaj shume dhe për tija dhënë hua vëllait të tij në vitin 2014.

Bashkëshortja e subjektit ka dhënë hua vëllait të saj në vlerën 2 mijë e 500 euro. Nga analiza ka rezultuar se subjekti dhe bashkëshortja kanë pasur mundësi për krijimin e kësaj shume. Bashkëshortja e subjektit ka dhënë hua 30 mijë euro kunatit të saj me qëllim blerjen e një apartamenti dhe garazhin. Është hetuar për këtë apartamenet dhe pasurinë e vëllait, shpjegimet e dhëna nga subjekti do të merren parasysh në marrjen e vendimit.

Makinë e bashkëshortes blerë në vitin 2015 për 300 mijë lekë. Burim është deklaruar shitja e një tjetër makine dhe kursimet nga paga. Komisioni nuk konstatoi ndonjë problematik për këtë pasuri. Blerje makinë ‘mercedes’ në 2009 për 840 mijë lekë, burim kursimet e tërhequra nga banka dhe kursimet familjare. Gjithashtu është deklaruar se në 2014 është shitur për 500 mijë lekë. Sipas hetimit rezulton se shitësi ia ka shitur bashkëshortes me lirë se sa ka shpenzuar për të. Komisioni i ka kërkuar shpjegime subjektit për këtë konstatim. KPK ka konstatuar se përputhet dokumentacioni me deklarimin për këtë pasuri. Gjithashtu kanë rezultuar me bilanc pozitiv.

Bashkëshortja ka marrë një kredi 10 mijë euro me kushte favorizuese dhe është shlyer në vitin 2014. Nga analiza rezulton se kanë pasur mundësi për shlyerjen e kësaj kredie.  Objekt i marrë me qira në vitin 2015 deri në 2020 dhe nuk është konstatuar asnjë problematik”./abcnews.al

merkaj.jpg
ger ta09:35 | 13/01/2020

Komisioni i Jashtëmi Vlerësimit ka konfirmuar në detyrë drejtorin e Departamentit të Kufirit dhe Migracionit, Eduart Merkaj.

Trupa e vlerësimit e përbërë nga Sonila Kadarej, Luljeta Qoku dhe Ledian Rusta konstatuan dhe deklaruan se nga hetimi administrativ i drejtorit të departamentit të Kufirit dhe Migracionit Eduart Merkaj, rezulton pa problem në të tre komponentët e vlerësimit.

Kështu Merkaj u konfirmua në detyrë, duke kaluar me sukses procesin e vettingut./abcnews.al

 

anton-martini.jpg
nev ila17:00 | 10/12/2019

KPK dha sot 3 vendime konfirmimi për gjyqtarë e prokurorë, si dhe shkarkoi nga detyra gjyqtarin e krimeve të renda Fatri Islamaj.

Sot u zhvillua séanca dëgjimore në shkallën e parë të vettingut edhe për Anton Martinin, Prokuror i Krimeve të Rënda dhe kandidat i Prokurorisë së Posaçme anti-korrupsion.

Anton Martini, prokurori i dosjeve të forta dhe kandidat për SPAK, u përball këtë të martë me Komisionin e Pavarur të Kualifikimit. Sipas raportit të dërguar nga ILDKPKI, prokurori Martini, ka bërë deklarim të saktë të pasurisë, në përputhje me ligjin.

KPK ka verifikuar deklarimin e pasurisë së tij, dhe rezulton se ajo është krijuar nga burime të ligjshme. Sipas Drejtorisë së Sigurimit të Informacionit të Klasifikuar, Anton Martini është i përshtatshëm  për vijimin e detyrës.

Sa i takon kriterit të aftësive profesionale, prokurori është i aftë dhe respekton afatet ligjore. Prokurori i komanduar në Prokurorinë e Krimeve të Rënda, Anton Martini, gjatë karrierës së tij, të cilën e ka nisur në vitin 1998, ka hetuar një sërë çështjesh të nxehta, si çështjen e “Bandës së Durrësit”, “Bandën e Cërrikut”, hetimin ndaj Arben Frrokut, çështjen e “Bajrave” të Shkodrës, dhe së fundmi kishte nën hetim çështjen e prokurorit Arjan Ndoj.

Komisioni i Pavarur i Kualifikimit shkarkoi nga detyra gjyqtarin e Apelit të Tiranës, Fatri Islamaj. Gjyqtari nuk mori pjesë në seancën e vendimit, por në sallë ishin miqtë e tij, ish-prokurorja Antoneta Sevdari dhe gjyqtari Erjon Bani.

Sipas relacionit të trupës gjykuese, Islamaj ka rezultuar me deklarim të pasaktë të pasurisë, dhe mungesë burimesh të ligjshme.

KPK konfirmoi në detyrë gjyqtarin e Gjykatës së Shkallës së Parë për Krime të Rënda, Klodian Kurushi, që rezultoi i pastër në të trija kriteret e rivlerësimit, pasurinë, pastërtinë e figurës dhe aftësitë profesionale.

Shkalla e parë e vettingut konfirmoi në detyrë, Drejtuesen e Prokurorisë së Durrësit Anita Jella, njëherazi kandidate për SPAK. Prokurorja e kaloi vettingun, por KPK ka vendosur që, një çështje të shkoje për procedim disiplinor, dhe dy raste për shënime në vlerësimin profesional.

Dritë jeshile nga vettingu, u dha edhe për Prokurorin e Prokurorisë së Apelit Tiranë, Gent Xholi.

Sipas Komisionit të Pavarur të Kualifikimit, Prokurori ishte i pastër në të tre kriteret e rivlerësimit./abcnews.al

zaev.jpg
nev ila11:37 | 23/11/2019

Eksperienca shqiptare me vetting-un në drejtësi dhe problemet që ajo shfaqi kanë detyruar BE të pezullojë aplikimin e të njëjtës reformë në shtetin fqinj, Maqedoninë e Veriut.

Në një intervistë për A2, kryeministri Zoran Zaev pranon se ishte Brukseli që e frenoi në nisjen e këtij procesi.

“Unë e pata premtuar në zgjedhje, jo vetting, por atë që e cilësoj njohje e së drejtës për t’u rizgjedhur e gjyqtarëve dhe prokurorëve. Ishte pjesë e programit. Por, kur mora detyrën, BE nuk dha mundësi të nisja procesin. Pse? Sepse ndoshta duhet të ndiqnin si po shkonte në Shqipëri, si do të mbyllej. Ata na thanë se nuk keni njerëz, nuk keni si të plotësoni vendet që do të mbeten bosh” – tha Zaev.

Nuk e mohon se bashkimi në të ashtuquajturin Shengen Ballkanik synon shtimin e presionit ndaj Unionit Europian për të përshpejtuar procesin e integrimit.

Të bësh presion është mirë. Shpresoj, presion pozitiv. Por, ata do të shohin më shumë luftë ndaj korrupsionit. Do të shohin se vlerësojmë taksat e paguara nga qytetarët në Francë apo Gjermani, si ne ndërtojmë rrugë, autostrada, sepse ata kanë shpenzuar shumë para në rajon. Ata do të shohin se ne vlerësojmë. Ne shpresojmë që të ketë impakt pozitiv tek Bashkimi Europian, por më së pari ne e bëjmë këtë për qytetarët tanë”.

Zbulon se ideja e Shengenit Ballkanik lindi gjatë një takimi në Asamblenë e Kombeve të Bashkuara.

Ne u takuam aty, po pinim verë dhe nisëm të flisnim për këtë. Biseduam për procesin e Berlinit, për integrimin europian, Vuçiç na tha se do të zhgënjeheni, ndërsa ne besonim kaq shumë. Gjatë këtyre diskutimeve, folëm për krijimin e One Stop Shop me Maqedoninë dhe të përgatiteshim dhe me Shqipërinë. Dhe vlerësuam se nuk është mjaftueshëm. Disa e quajnë Mini Shengen, disa Mini Jugosllavi, disa të tjerë nuk e di se çfarë. Është përshpejtim i bashkëpunimit rajonal”.

Konfirmon se asnjëherë nuk e ka mbështetur idenë e ndarjes së Tiranës dhe Shkupit në rrugën drejt B.

“Ka patur shumë diskutime nga vendet anëtare. Kur më kanë pyetur, qëndrimi im ka qenë: mos e bëni këtë. Ne duhet të shkojmë bashkë. Pse të diskutojmë? Miqtë kujdesen për njëri-tjetrin”.

Mik konsideron dhe Edi Ramën dhe thotë se nuk kishte arsye për të dhënë dorëheqjen, njësoj siç veproi Zaev.

Ishte një situatë ndryshe. Edi ka më shumë shanse të fitojë në Shqipëri. Unë e di, e ndjek, sepse është fqinji im. Unë kam më pak shanse të fitoj në zgjedhje. Shqipëria ka reformat e saj, sukseset e saj. Është ndryshe”.

Zoran Zaev këmbëngul disa herë se është krenar që ka mbështetjen e shqiptarëve dhe shfaqet optimist se njësoj do të jetë edhe në zgjedhjet e ardhshme.

KLP-PER-OSMANIN.mpg_snapshot_00.02-1280x720.jpg
nev ila16:56 | 13/11/2019

Këshilli i Ministrave ka vendosur në mbledhjen e sotme të shtojë fondin e përgjithshëm të institucioneve të sistemit të drejtësisë, me 18 milion lekë.

Më anë të VKM-së është vendosur, mënyra se si do të jetë i detajuar ky buxhet. Shuma prej 18 milion lekësh do të kalojë për Komisionerin e Pavarur të Kualifikimit, 2 milion lekë do të kalojë për Kolegjin e Posaçëm të Apelimit dhe 7 milion lekë për Komisionerin Publik.

Fondi do të përballohet nga fondi rezervë i institucioneve të sistemit të drejtësisë për vitin 2019.

Ngarkohen Komisioni i Pavarur i Kualifikimit, Kolegji i Posaçëm i Apelimit, Komisionerët Publikë dhe Ministria e Financave dhe Ekonomisë për zbatimin e këtij vendimi”, thuhet në VKM.

Vendimi i Këshillit të Ministrave:

V E N D I M

PËR

NJË SHTESË TË FONDEVE BUXHETORE PËR INSTITUCIONET E SISTEMIT TË DREJTËSISË, PËR VITIN 2019

Në mbështetje të nenit 100 të Kushtetutës, të nenit 44, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të nenit 13, të ligjit nr.99/2018, “Për buxhetin e vitit 2019”, të ndryshuar, me propozimin e ministrit të Financave dhe Ekonomisë, Këshilli i Ministrave

V E N D O S I:

  1. Institucioneve të sistemit të drejtësisë, në grupin buxhetor nr.63, në shpenzimet korrente, të miratuara në buxhetin e vitit 2019, i shtohet fondi i përgjithshëm prej 18 0000 000 (tetëmbëdhjetë milionë) lekësh, i detajuar në programet buxhetore, si më poshtë vijon:
  2. a) 9 000 000 (nëntë milionë) lekë në programin “Veprimtaria e rivlerësimit kalimtar të magjistratit”;
    b) 2 000 000 (dy milionë) lekë në programin “Veprimtaria e apelimit të rivlerësimit kalimtar;
    c) 7 000 000 (shtatë milionë) lekë në programin “Veprimtaria e Komisionerit Publik”.
  3. Fondi i përcaktuar në pikën 1, të vendimit, të përballohet nga fondi rezervë i institucioneve të sistemit të drejtësisë për vitin 2019.
  4. Ngarkohen Komisioni i Pavarur i Kualifikimit, Kolegji i Posaçëm i Apelimit, Komisionerët Publikë dhe Ministria e Financave dhe Ekonomisë për zbatimin e këtij vendimi.

/abcnews.al

poolicia.jpg
Autor E11:34 | 04/11/2019

Hedhja sërish e shortit ka nxjerrë listën e dytë të drejtuesve të Policisë së Shtetit dhe Gardës së Republikës që do t’i nënshtrohen vettingut.

Lista është publikuar në faqen e Komisionit të Jashtëm të Vlerësimit ku theksohet se emrat kanë dalë pas hedhjes së shortit.

Lista e parë doli në korrik të këtij viti dhe përbëhej kryesisht nga drejtues të lartë të policisë në Tiranë dhe rrethe.

Sipas ligjit për vettingut, çdokush që do të zbulohet se ka lidhje me krimin do të përjashtohen përjetësisht nga shërbimi policor.

Shikoni LISTËN NR.2

Shikoni LISTËN NR.1

gent-ibrahimi.jpg
ad min16:15 | 18/10/2019

Kuvendi kërkon që prokuroria speciale SPAK të ngrihet shpejt dhe të mos presë që të gjithë kandidatët të kalojnë Vettingun. Socialistët i sugjeruan Këshillit të Lartë të Prokurorisë të komandojë përkohësisht në SPAK, prokurorë nga Prokuroria e Përgjithshme të cilët e kanë kaluar Vettingun.

Kuvendi kërkon nga Këshilli i Lartë i Prokurorisë që të ngrejë menjëherë  Prokurorinë e Posaçme SPAK, që do të hetojë zyrtarët e lartë, duke marrë “hua” përkohësisht disa prokurorë nga Prokuroria e Përgjithshme, derisa të kalojnë Vettingun kandidatët e tjerë të SPAK-ut.

Socialistët nuk ndanë të njëjtin mendje me drejtuesin e KLP-së lidhur me deklarimet e kryeministrit për KCK-në, prokurorët që abuzojnë me detyrën  përpara se t’i kapë Vettingu.

Gent Ibrahimi njoftoi Kuvendit se së shpejti do tu sjellë renditjen e kandidatëve për prokuror të përgjithshëm, proces i cili ka ngecur përkohësisht, sepse një prej kandidatëve të skualifikuar, është ankuar në gjykatë./ABC News Albania

julian-hodaj.jpg
ad min17:16 | 17/09/2019

Efektivët e policisë që do të shkarkohen nga procesit i Vettingut në polici, të cilët nuk justifikojnë pasurinë e tyre do shkojnë për ndjekjen penale. Zv/ministri i Brendshëm Hodaj nuk caktoi ende një datë se kur do të nisë shqyrtimi për dosjet e para në Komisionin e Jashtëm të Vlerësimit.

Procesi i Vettingut në radhët e uniformave blu ende nuk ka një datë përfundimtare se kur do të nisë shqyrtimin për 45 dosjet e para me gradat më të larta në Policinë e Shtetit dhe në Gardën e Republikës.

Zv/ministri i Brendshëm theksoi se fokusi nga ana e Komisionit të Jashtëm të Vlerësimit është rritja e standardeve profesionale për verifikimin e dosjeve dhe jo caktimi i një date për nisjen e procesit të Vettingut.

“Seancat dëgjimore në tagrin tonë si Ministri e Brendshme nuk ka tagër të ndërhyjë. Në dijeninë tonë disa nga dosjet janë pothuajse gati”, tha ai.

Hodaj theksoi se për efektivët që nuk justifikojnë pasurinë dhe shkarkohen nga Vetting do të ketë ndjekje penale. Policët që dikur kanë qenë punonjës së të ish-Sigurimit të Shtetit, nuk do të përjashtohen automatikisht, shtoi Hodaj, por do të dalin para Komisionit të Jashtëm të Vlerësimit për seancë dëgjimore.

“Sipas parashikimit të ligjit, të qenit ish-bashkëpunëtor, punonjës, informator i Sigurimit të Shtetit është një rrethanë që merret parasysh nga organet. Pra nuk ka një përjashtim automatik në rastet kur dikush mund të ketë shërbyer, por është një rrethanë që do merret parasysh siç merren të gjitha të tjerat”, tha Hodaj.

Ndryshe nga Vettingu në drejtësi, ai në radhët e Policisë së Shtetit do të jetë më favorizuar për ata punonjës që do të kenë probleme vetëm me anën profesionale dhe justifikojnë pasurinë dhe integritetin në punë./ABC News Albania 24/7

anila-kapaj.jpg
ad min15:48 | 13/09/2019

Vonesat në vettingun e Policisë kanë ardhur për shkak të mungesës së bashkëpunimit të disa institucioneve shtetërore si dhe lëvizjet në detyrë të drejtuesve të policisë. Kryetarja e Komisionit të Jashtëm të Vlerësimit Ana Kapaj raportoi në komisionin e Sigurisë, ku dha detaje mbi ngecjen e këtij procesi.

Dy institucionet kushtetuese si Prokuroria e Përgjithshme dhe Shërbimi Informativ i Shtetit, janë bërë pengesë për mos nisjen në kohë të procesit të Vettingut në radhët e policisë.

Kështu u shpreh kreu i Komisionit të Jashtëm të Vlerësimit Ana Kapaj para deputetëve të Komisionit të Sigurisë, cila theksoi se, edhe institucione e tjera shtetërore nuk kanë bashkëpunuar për dorëzimin e dokumenteve në kohë.

“Nëse flasim për institucione të cilat kemi vështirësi në leximin e informacionit që na vjen, çka na ka çuar në një fazë të dytë të kërkimit të një informacioni nga këto institucione, kryesisht lidhet me institucione si SHISH”, tha Kapaj.

Një problem tjetër sipas Kapaj është edhe lëvizja nga detyra e shumë drejtuesve të policisë dhe të Gardës së Republikës, duke e futur në ngërç monitorimin e dosjeve brenda afatit kohor.

“Një nga problematikat e tjera që na janë ngritur janë ndryshimet e vazhdueshme që ndodhin në radhët e institucioneve me të cilat bashkëpunojmë. Ndodhin ndryshime të vazhdueshme në stafin e tyre. Ne kemi një fashë emrash fillestare që hyjnë në fazën e vetimit, ndërkohë që në vazhdimësi të kohës vijnë spostime të posteve pranë këtyre institucioneve”, tha Kapaj.

Dy anëtarët e nënkomisionit të Sigurisë i ngritur për të monitoruar ecurinë e Vettingut në radhët e Policisë kërkuan ndëshkimi i disa prej anëtarëve të Sekretariatit Teknik, të cilët kanë dhënë dorëheqje në mes të procesit shqyrtimit të dosjeve.

45 dosjet e para për gradën më të lartë në radhët e Policisë së Shtetit priten të paraqiten në seancën dëgjimore. Vettingu i uniformave blu do të jetë i ngjashëm me atë në drejtësi, ndërsa afati përfundimtarë për 250 dosjet është qershori i 2020./ABC News Albania 24/7

Lulzim-Basha-konference-1280x716.jpg
ad min18:26 | 21/08/2019

Sipas kryetarit të Partisë Demokratike, kryeministri Rama kandidon kriminelë dhe e përdor krimin për të vjedhur zgjedhjet. Në një postim në rrjetet sociale Basha shkruan se bashkë me krimin, kryeministri pasurohet duke vjedhur shqiptarët.

“Hajduti Psiqik përbën rrezik për jetën dhe sigurinë e çdo familje. Ai dhe krimi i organizuar janë të pandashëm. Që të shpëtojmë Shqipërinë nga kriminelët me pushtet, duhet të largojmë Edi Ramën”, thotë Basha.

Më poshtë, Basha shton se PD dhe opozita propozuan Vettingun e politikanëve para një viti, por Rama dhe organizata e Rilindjes e votoi kundër. Në një video ai renditi edhe 5 arsyet pse Rama nuk do Vettingun e politikanëve.

“Vettingu i politikanëve kërkon shumicë prej 93 votash në parlament. Edi Rama e ka mbushur parlamentin me kriminelë që nuk e duan fundin e tyre.

Vettingu i politikanëve heton të gjithë zyrtarët e lartë, deputetët, ministrat dhe kandidatët e pushtetit vendor. Edi Rama vodhi zgjedhjet për të mbushur bashkitë me të dënuar për trafik droge dhe qeniesh njerëzore

Vettingu i politikanëve largon nga jeta publike kriminelët në politikë dhe zbulon rrjette e tyre mafioze. Edi Rama e mban pushtetin me kriminelë dhe politikanë të lidhur me krimin.

Vettingu i politikanëve heton dhe largon të githë politikanët që nuk justifikojnë pasurinë e tyre. Edi Rama grabit shqiptarët dhe pasurohet bashkë me bandën e tij në politikë.

Vettingu i politikanëve përfshin kryeministrin e Shqipërisë. Edi Rama e ka frikë vettingun. Ai është në krye të kupolës së krimit që po mban peng Shqipërinë”, sipas Bashës.


/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono