Vetting

policia-3.jpg
G. P.10:17 | 09/02/2019

Në një njoftim për mediat, Ministria e Brendshme ka bërë publik emrat e përzgjedhur për anëtarët e Komisionit të Jashtëm të Vlerësimit për Vettingun që do u bëhet punonjësve të Policisë së Shtetit, Gardës dhe SHÇBA-së.

Anëtarët e Komisionit të Jashtëm të Vlerësimit do të jenë:

  1. Ana Kapaj
  2. Artur Baku
  3. Marjeta Gjelaj
  4. Sonila Kadareja
  5. Viktor Bërdo

Ndërkohë nga kandidaturat e përcjella nga Rektorati i Universitetit të Tiranës u përzgjodhën kandidatët:

  1. Ela Kërka
  2. Elda Kuka (Balili)
  3. Elida Liko
  4. Ledian Rusta
  5. Mirela Ujkani (Miti)

Anëtarë zëvendësues të anëtarëve të Komisionit të Jashtëm të Vlerësimit u përzgjodhën kandidatët, sipas renditjes:

  1. Nertila Sadedini (Murati)
  2. Bledar Ilia
  3. Arta Lleshi
  4. Elton Muça

Anëtarë të Sekretariatit Teknik u përzgjodhën kandidatët:

  1. Amarildo Kurti
  2. Arta Lleshi
  3. Eralda Bajollari
  4. Erjena Bashari
  5. Erlisa Shkodrani
  6. Floris Muho
  7. Gent Pejo
  8. Gëzim Selmani
  9. Ilva Mitro
  10. Iva Guçe
  11. Klevi Hajdini
  12. Marjana Çela
  13. Marjeta Përlala
  14. Suela Pashaj
  15. Laert Elmazaj

Inspektoriati i lartë i Deklarimit dhe Kontrollit të Pasurive dhe Konfliktit të Interesave ka caktuar si anëtarë të Komisionit të Jashtëm të Vlerësimit, punonjësit:

  1. Elvira Dabërdaku, inspektor
  2. Adriana Meko, inspektor
  3. Zamira Gjini, inspektor
  4. Alban Laska, inspektor
  5. Besnik Hodo, inspektor

Anëtarë zëvendësues janë:

  1. Dhimitrulla Spiro, inspektor
  2. Vjollca Koçollari, inspektor

Përzgjedhja e Komisionit të Jashtëm të Vlerësimit dhe Sekretariatit Teknik i hap rrugë nisjes së procesit të Vettingut nga niveli i lartë drejtues për rreth 300 drejtues në Polici, Gardë e SHÇBA. Më tej, Vettingu do të përfshijë gjithë strukturat në çdo nivel.

Reforma dëshmon vullnetin e Qeverisë dhe Ministrisë së Brendshme për të ndërtuar institucione të forta me njerëz me integritet, duke i ngritur në standardet europiane”, shkruhet në njoftimin e Ministrisë së Brendshme./abcnews.al

donika-prela.jpg
G. P.09:27 | 05/02/2019

Titullarja e komanduar e Prokurorisë për Krimet e Rënda, Donika Prela, u shfaq krejtësisht e qetë në seancën ku do të vendosej vijimi apo ndërprerja e punës së saj në sistemin e drejtësisë.

Para se të lexonin verdiktin përmes të cilit e konfirmuan në detyrë, Komisioni sqaroi se shpallja e vendimit u shty nga 29 Janari në 5 Shkurt, për shkak të nevojës për verifikim të një denoncimi publik të bërë ndaj Prelës, i përcjellë përmes medias. Bëhet fjalë për dënoncimin e artikuluar edhe në selinë e Partisë Demokratike, ku pretendohej se në vitin 2018 Prela kishte liruar nga burgu Astrit Avdylin, i arrestuar aktualisht si anëtar i një grupi kriminal në Shijak.

Pas vendimit Prela mori një shtrëngim dore edhe nga vëzhguesi ndërkombëtar Teo Jacobs, që në seancën dëgjimore tha se dosja e saj i kishte lënë një shije të keqe. Në seancën e zhvilluar në 22 Janar, KPK konstatoi si problematikë për Prelën punësimin e bashkëshortit të saj inxhinier “në të zezë” në një firmë ndërtimi. KPK pretendoi se për disa vite me radhë ai ishte paguar me para në dorë, duke shmangur kështu pagesën e tatimeve dhe sigurimet shoqërore.

Por shpjegimet e dhëna më tej nga Prela duket se bindën Komisionin për të kundërtën. Komisioni nuk gjeti probleme në pastërtinë e figurës apo profesionalizimin e saj. Qetësia e treguar në fillim të seancës nuk u reflektua nga Prela në mbyllje të saj. Ajo  zgjodhi të mos komentojë dhe përgjigjet në do kandidojë për në SPAK.

Gjatë hetimit administrativ, në korrespondencën elektronike mes Prelës, KPK-së dhe ONM-së, kryeprokurorja e Krimeve i serviri vëzhguesve ndërkombëtarë edhe një informacion të kërkuar prej tyre për dosjen “Shullazi”. /abcnews.al

POLICU-1280x654.jpg
ent ela17:30 | 30/01/2019

Qeveria shqiptare ka miratuar buxhetin me të cilin do të mbulohen pagat dhe shpenzimet e komisioneve që do të realizojnë vettingun në policinë e shtetit. Paga për anëtarët e Komisionit të Jashtëm të Vlerësimit do të jetë 190 000 lekë në muaj, ndërsa për anëtarët e sekretariatit teknik 110 000 lekë në muaj.

Ka qenë suprizë vendimi për të parcaktuar një nga godinat e Gardës së Republikës vendit se ku do të zhvillohet Vettingu në radhët e uniformave blu, ku më herët ishte përcaktuar Akademia e Sigurisë.

Infrastruktura ishte pothuajse e përfunuduar në godinat e policisë në Saukut dhe procesi parashikohej të fillonte në janar por, përsëri do të duhet kohë fizike që policët të Vettohen brenda muajit shkurt.

Ashtu si kolegët e tyre që po kryejnë rivlerësimin e gjyqtarëve e prokurorëve, edhe komisionerët që do kryejnë Vetting-un në Polici do trajtohen me paga të majme. Vendimi i Qeverisë me numër 14, i miratuar më datë 16 janar 2019, u publikuar në Fletoren Zyrtare dhe

pagat më të lartë i kanë anëtarët e Komisionit të Jashtëm të Vlerësimit 190.000 lekë në muaj. Ndërsa për anëtarët e sekretariatit teknik të Komisionit të Jashtëm të Vlerësimit do të jetë 110 000 lekë në muaj.

Ky proces përfshin kontrollin e pasurisë, pastërtinë e figurës dhe vlerësimin profesional. Fillimisht do të kalojnë në “sitë” efektivët me grade të lartë ku bëhet fjalë për 300 punonjës, me në krye Drejtorin e Policisë së Shtetit Ardi Veliu. Me gratë të mesme që janë 3 mijë efektiv dhe me grate të nivelit bazë rreth 9 mijë police.

Një ndër pyetjet që do ti përgjigjen punonjësit e policisë është nëse kanë qenë bashkëpunëtorë, apo anëtarë të ish-Sigurimit të Shtetit dhe, si edhe nëse janë përdorues të lëndëve narkotike. Gjithashtu punonjësit duhet të deklarojnë edhe nëse kanë patur takime me persona me precedent pelal, si të përfishirë në krimin e organizuar./abcnews.al

kpkk.jpg
G. P.16:28 | 09/01/2019

Kryetari i Gjykatës së Kurbinit, Alfred Gjoni, u përball këtë të mërkurë me Komisionin e Pavarur të Kualifikimit. Sipas Komisionit të Vettingut, gjyqtari nuk justifikon në burime të ligjshme një banesë prej 60 metër katrorë në periferi të Tiranës dhe ngriti dyshime se çmimi i saj prej 1.9 milionë lekësh ishte më i ulët se i tregut.

Po sipas Komisionit, gjyqtari nuk kishte deklaruar shpenzimet e një shtese prej 47 m2 të bërë banesës. Vetë gjyqtari pretendoi se kishte pasur të ardhura të mjaftueshme. Ai paraqiti si provë kontratat e shit-blerjeve të hyrjeve të tjera të pallatit, që sipas tij, ishin thuajse në të njëjtin çmim.

Ndërsa për disa gjykime të zvarritura prej tij, ai tha se kjo kishte ardhur për shkak të ngarkesës së lartë dhe angazhimit të tij si gjyqtar i deleguar në katër gjykata të tjera. Vendimi përfundimtar ndaj tij do të shpallet në 14 Janar./abcnews.al

zefi.jpg
G. P.18:16 | 08/01/2019

Komisioni i Pavarur i Kualifikimit zhvilloi të martën seancën dëgjimore për kryetarin e Gjykatës së Shkodrës, Arben Zefi. Në relatimin e Komisionit, Zefi figuronte më një sërë problemesh për mosdeklarimin e pasurisë, si edhe dyshimeve të ngritura nga DSIK për përfshirje në afera korruptive.

Arben Zefi, kryetari i Gjykatës së Shkallës së Parë Shkodër, ishte gjyqtari i radhës që u ul para një tresheje gjykuese të vettingut. Procesi i rivlerësimit kalimtar duket se do të jetë një sfidë jo e lehtë për gjyqtarin. Raporti i përcjellë në KPK nga ana e ILDKP fliste për deklarim të saktë, pasuri të pafshehur dhe mungesë deklarimi të rremë.

Por ky raport nuk kishte asnjë pikë të përbashkët me relacionin e bërë në përfundim të hetimit administrativ të KPK. Sipas komisionit, gjyqtari kishte pamjaftueshmëri financiare për pagesën e kryer për një apartament prej 132 metër2.

Ai kishte një sërë pasaktësish në deklarimet ndër vite dhe në deklaratën vetting, për dy automjete të familjes. Një prej mjeteve, ndonëse i pa çregjistruar nga emri i bashkëshortes së tij, ishte shkëmbyer me një mjet tjetër. Komisioni evidentonte dhe çudinë e shkëmbimit të mjeteve në vlera jo të njëjta.

Gjyqtari Zefi sipas KPK nuk kishte deklaruar qartë edhe likuiditetet e tij në një bankë të nivelit të dytë, apo një kredi prej 50 mijë euro, përmes të cilës do të përfitonte një pasuri të paluajtshme. KPK vërejti dhe një rast ku Zefi në kushtet e konfliktit të interesit kishte shqyrtuar një padi të një kompanie tregtare me të cilën kishte marrëdhënie kontraktore.

Por ajo që vështirëson sfidën e Zefit me vettingun duket raporti i përcjellë nga Drejtoria për Sigurimin e Informacionit të Klasifikuar. Sipas DSIK, Zefi ka kontakte të papërshtatshme dhe dyshohet për përfshirje në disa afera korruptive. Raporti përfundonte me përcaktimin e Zefit si të papërshtatshëm.

Fakti ka rezultuar i provuar edhe nga verifikimet e mëtejshme të kryera nga KPL dhe ONM. Vetë gjyqtari Zefi kundështoi të gjitha gjetjet e bëra nga KPK. Sipas tij pasuria ishte e justifikuar dhe e siguruar në burime të ligjshme.

Në një tjeër seancë, mëngjesin e së premtës KPK shkarkoi nga detyra kryetarin e Gjykatës së Sarandës, Alltun Çela. Gjatë seancës dëgjimore ndaj tij, të zhvilluar javën e kaluar, KPK konstatoi një sërë parregullsish me pasuritë e tij, si edhe një raport negative nga DSIK. /abcnews.al

KPK-PER-BESNIK-CANIN-1280x720.jpg
G. P.14:17 | 01/01/2019

Procesi i Vettingut, i nisur që prej tetë muajsh në sistemin e drejtësisë, do të rikthehet që në datë katër Janar.  Në pritje që procesi i Vettingut të ofrojë një sistem gjyqësor pa gjyqtarë e prokurorë të korruptuar, puna për Komisionin e Pavarur të Kualifikimit do të nisë për këtë vit të ri me seancën dëgjimore me kryetarin e Gjykatës së Sarandës Alltun Çela, për të vijuar me dy kolegë të tij magjistratë.

Konkretisht në datë 8 Janar do të jenë në seancë dëgjimore, kryetari i Gjykatës Shkodër Arben Zefi dhe në datë 9 kryetari i Gjykatës së Kurbinit, Alfred Gjoni. Ndërsa, Kolegji i Posaçëm i Apelimit ka planifikuar tre seanca për muajin Janar, ku do shqyrtohen ankimimet e vendimeve të Komisionit të Pavarur të Kualifikimit./abcnews.al

ilir-meta-pogradec.jpg
G. P.22:46 | 21/12/2018

Kreu i shtetit, Ilir Meta, ka deklaruar nga Pogradeci se duhet gjetur një mënyrë për të realizuar Vettingun në politikë. Sipas tij është një domosdoshmëri për vendin. Ndërsa aprovoi vendimin e Ministrisë së Jashtme shqiptare për dëbimin e ambasadorit iranian në Tiranë.

Presidenti i Republikës, Ilir Meta, Vettingun në politikë e konsideron të domosdoshëm dhe kërkon që të gjendet mënyra për ta realizuar. E gjithë kjo sipas kreut të shtetit bëhet për të larguar politikën nga krimi.

“Reforma në drejtësi duhet bërë seriozisht, Kushtetuta duhet respektuar seriozisht dhe Vettingu është i domosdoshëm dhe duhet gjetur mënyra për realizimin e tij në mënyrë që të kemi ndarje të qartë të politikës nga aktivitetet kriminale”, tha Meta.

I pyetur nga gazetarët në lidhje me dëbimin e ambasadorit iranian ai u  shpreh në mbështjetje të plotë me reagimin e Ministrisë së Jashtme shqiptare.

“Për këtë çështje jam tërësisht aprovues ndaj reagimit të Ministrisë sonë të Punëve të Jashtme”, u shpreh Meta.

Meta foli edhe për protestat e studentëve. Sipas tij kërkesat e tyre duhet të marrin zgjidhje pasi janë legjitime. Të rinjtë duhet t’u kthehen sa më shpejtë auditorëve, tha Presidenti Meta./abcnews.al

SINKRON-BYLYKBASHI-HYSI.mpg_snapshot_00.58-1280x720.jpg
G. P.12:18 | 21/12/2018

Në sallën e Kuvendit nuk kanë munguar edhe replikat në lidhje me propozimin e opozitës për Vettingun në politike. Sipas deputeti demokrat Oerd Bylykbashi, Vettingu është urgjent për të shkëputur lidhjet e mazhorancës me krimin. Në replikë, deputetja socialiste Vasilika Hysi, tha se nisma e opozitës kërkon ta bëjë pis reformën në drejtësi.

Bylykbashi: “Komisioni i Venecias konfirmon gatishmërinë e tij që të vijë të na asistojë. Të na asistojë për të na përmbyllur ligjin. Por çfarë asistence mund të japi Komisioni i Venecias kur ju keni vendosur që ta rrëzoni. E vendosët në këshillin ë legjislacionit dhe e vendosët sot. Kush është halli juaj që ju vendosni Komisionin e Venecias që të asistojë këtë çështje. Kështu që thërritini mendjes, pranoni asistencën e Komisionit të Venecias, uluni në dialog konstruktiv me ne, miratoni disa amendamenteqë ti hapim rrugën ligjit për Vettingun e politikanëve. Të gjithë neve dhe të atyre të tjerëve që janë nëpër instuticione të tjera, ministrave që janë këtu pas meje. Ta bëjmë këtë ligj. Të mos guxojë njeri në të ardhmen që të thotë të pastrohen dhe të qërohen ata që janë sot në lidhje të papërshtatshme me krimin në mënyrë që ti hapet rruga studentëve që të kenë një jetë më të mirë. Përndryshe jua garantoj, nuk bëhet me ligj, por studentët do ta bëjnë Vettingun e politikanëve me forma krejt të tjera, nuk do e bëjnë me forma ligjore”.

Hysi: “Ajo që tha kolegu parafolës se kjo nismë nuk u mor me seriozitet, nuk qëndron. Gjithashtu më lejoni t’ju theksoj se delegacioni i Komisionit të Venecias në takimin e tij në Tiranë, ka pasur takime të shumta dhe ka dëgjuar të gjitha palët, por në përfundim të tij ka dhënë një raport përfundimtar që të gjithë e dini, është bërë publik në faqen zyrtare të Komisionit të Venecias. Mendova se për herë të parë ky raport nuk do të lexohej ndryshe. Ndryshe nga mazhoranca dhe ndryshe nga opozita. Pse e them këtë? Sepse raporti është shumë i qartë pa ekuivok, duke iu përgjigjur një sërë pyetjesh të bëra qoftë nga opozita qoftë nga mazhoranca. Megjithatë, ajo që do të doja të theksoja se edhe përfaqësuesit dhe të gjithë aktorët që u dëgjuan në konsultimin publik, pavarsisht presionit dhe intimidimit shumë të madh që i bëhej qoftë edhe nga një anëtar i vetëm i opozitës që vinte në komision, dëshmuan qartë se kjo nismë nuk përmbush kriteret, nuk është e qartë dhe le shteg për arbitraritet dhe abuzime.”

Bylykbashi: “Tani mua më vinte turp, që më duhej të mbroja një amendament, i cili është një e keqe absolutisht e domosdoshme për këtë vend. T’ju pastrojmë ju sepse ju hapni portën e pushtetit publik kriminelëve e hapni sepse doni të qëndroni në pushtet pa fund. E hapni sepse doni ti mbani ata që të mos binden nesër në tehun e drejtësisë. Kërkoni imunitet, i jepni atyre imunitet. Nuk ka qenë ndryshe fjala ime atje me fjalën time këtusot. Sepse kaq e rëndë është situata, e dini vetë, e kemi parë me sytë tona. Prandaj keni vetëm një rrugë përpara se sa studentët ta bëjnë Vettingun ndryshe me të gjithë shqiptarët e tjerë për ju, pranoni dhe hapini rrugën këtyre amendamenteve sot, ligjit nesër me asistenët e Komisionit të Venecias dhe ta mbyllim këtë histori një herë e mirë sepse është një turp të cilin ju nuk do ta shlyeni dot për një kohë të gjatë, por të paktën të mos vazhdojmë më tutje. Votoni sot dhe mos e rrëzoni.”/abcnews.al

KRONIKE-FATOS-QATO-KPK-ABC-M1-T2.mpg_snapshot_00.07-1280x830.jpg
G. P.17:57 | 14/12/2018

Fatos Qato, gjyqtari i Gjykatës së Apelit Tiranë doli të premten para Komisionit të Pavarur të Kualifikimit. Treshja gjykuese e Vettingut konstatoi një sërë problematikash në pasuritë e gjyqtarit. Vetë Qato pretendoi se çdo pasuri e tij ishte e ligjshme dhe kërkoi konfirmimin në detyrë.

“Para 20 vjetësh nuk e dija që do të vinte kjo ditë. Po ta dija do t’i kisha mbajtur të gjitha faturat”. Fatos Qato, gjyqtar në Apelin e Tiranës u shfajësua në këtë formë para Komisionit të Pavarur të Kualifikimit për mungesën e mandatit të pagesës së këstit të tretë të blerjes së një apartamenti prej tij në Tiranë në vitin 1997. Qato tha se nuk e kishte ruajtur mandat-pagesën, jo vetëm prej kohës së gjatë, por edhe për shkak se nuk ishte detyrim ligjor. Por gjyqtarët e Vettingut konstatuan mospërputhje të dokumenteve dhe pretendimeve të gjyqtarit dhe në lidhje me pagesën e këstit të katërt dhe të fundit të shumës 28 mijë USD për këtë apartament. Komisioni konstatoi mungesë të burimeve financiare për blerjen e apartamentit, por gjyqtari tha se ishte siguruar nga të ardhura të ligjshme dhe kursime, paçka se nuk kishte dokumentacion për vitet 1983-1993.

Hetimi i KPK-së për gjyqtarin e Apelit ishte bazuar vetën në kriterin e pasurisë. Komisioni vlerësoi të rregullt pasurinë banesë, që gjyqtarit dhe bashkëshortes i ishte dhuruar nga prindërit e kësaj të fundit. E rregullt u cilesua edhe një llogari bankare në shumën e 7 mijë eurove. Por sipas komisionit, gjyqtari kishte pamundësi financiare për të justifukuar blerjen e një automjeti 28.5 mijë euro në vitin 2012 me kontratë financimi leasing. Kjo për faktin se në të njëjtin vit rezultonte se kishte shlyer një tjetër automjet të blerë me herët, bashkëshortja e tij kishte blerë një tokë arë 108 mijë lekë në Pogradec, si edhe shpenzime për shkollimin e fëmijëve dhe për disa udhëtime private jashtë vendit. Problematike për komisioni u vërejt edhe një shumë prej 25 mijë euro për arredimin e banesës gjatë 5 viteve të fundit. Ndërsa vetë gjyqtari tha se kjo shumë ishte ivestuar ndër vite dhe se i vetmi ndryshim i bërë 5 vjeçarin e fundit ishte një kënd 5 mijë euro i dhuruar nga vjehrri dhe vjehrra.

“Për vitet 2005-2015 subjekti ka 8.3 milionë lekë shpenzime të pajustifikuara”, tha relatorja e trupit gjykues. Gjyqtari theksoi se nga viti 1990 deri në 1997 kishte jetuar në shtëpinë e prindërve të bashkëshortes së tij. “Nga viti 1983-2016 unë kam krijuar 45.6 milionë të ardhura, ndërsa kam pasuri vlerë totale pasurie kam më pak se një të tretën e kësaj shume. Çdo pasuri e imja është e ligjshme. Kërkoj konfirmim në detyrë”, tha gjyqtari. Vendimi përfundimtar për Qaton pritet të shpallet në 17 dhjetor./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono