Vetting

dd3b4674-7651-475d-8e05-ebb5d4fa5d83.jpg
R D15:07 | 10/12/2019

Prokurori Anton Martini ka të gjitha shanset të konfirmohet në detyrë më datë 12 Dhjetor 2019. Ai është kandidat për Prokurorinë e Posaçme Antikorrupsion (SPAK). Gjatë seancës së sotme dëgjimore në Komisionin e Pavarur të Kualifikimit, atij nuk i dolën probleme me pasurinë dhe as me pastërtinë e figurës. Relatorja e çështjes, tha se prokurori nuk ka fshehur pasurinë, megjithëatë ai sqaroi një pasaktësi sa i përket deklaratave të pasurisë. Në vitin 2007, Martini ka përfituar një kredi të butë prej 5 milionë lekësh për strehim, por e ka investuar atë në blerjen e bonove të thesarit në Bankën e Shqipërisë.

Në vitin 2015, Martini ka blerë shtëpi 97 m2 me vlerë 90 mijë euro. Për këtë deklaron se ka marrë kredi të dytë me vlerë 5 milionë lekë në 2016. Aktualisht Prokurori deklaron se ka shlyer 85 mijë euro, ndërsa ka edhe 5 mijë euro të tjera për të paguar për apartamentin. Para trupës së KPK-së, Martini sqaroi se pse ka marrë dy kredi për 1 shtëpi. “Banesën e kam blerë me dy kredi të ndryshme pasi nuk kisha mundësi financiare për ta paguar dhe në kohën kur kam marrë kredinë e parë unë kam qene prokuror nën mbrojtje dhe s’mund të vija në rrezik jetën e fëmijeve që të bleja një shtëpi në periferi”, tha ai.

Gazetarja Glidona Daci raportoi për abcnews.al se prokurori gjithashtu është shprehur se për të shkolluar djalin ka përdorur paratë e dhuruara nga vëllezërit.

Më tej teksa bëri prezantimin e karrieres së tij, Martini theksoi faktin se ish-Kryeprokurori Adriatik Llalla e ka transferuar në kundërshtim me ligjin nga Krimet e Rënda në Prokurorinë e Shkodrës.

“Kam nisur punë që në vitin 1998 si OPGJ në Krujë dhe në 1999 jam bërë prokuror në Lushnje, nga 2004 kam qene tek Krimet e Rënda. Ne 2015 me nje vendim te jashteligjshem jam trasferuar ne Shkodër. Ne 2016 jam kthyer tek Krimet e Renda. Në 2017 u trasferova si titullar ne Shkoder, ndersa nga mesi i 2018 jam tek Krimet e Rënda”, tha ai.

Relatorja e çështjes tha se DSIK ka sjellë një raport ku thuhet se ka konstatuar përshtatshmeri per vijimin e detyres së prokurorit Anton Martini. Po kështu ajo tha se “ai është i aftë profesionalish, respekton afatet ligjore, etj”. /abcnews.al

fdce8c7d-0892-45db-8a94-6e4c525f8134-1.jpg
R D10:25 | 10/12/2019

Ka dalë sot para Komisionit të Pavarur të Kualifikimit, prokurori Anton Martini. Ai është i komanduar si prokuror i Krimeve të Rënda, njëherësh edhe kandidat për SPAK-un.

Në fillim të seancës dëgjimore, relatorja e çështjes tha se “ILDKPKI ka dorëzuar raportin me konstatim se deklarimi është i saktë në përputhje me ligjin dhe nuk ka kryer fshehje të pasurisë. Gjithashtu nuk gjendet në situatën e konfliktit të interesit. Po kështu DSIK ka sjellë një raport ku thuhet se ka konstatuar pershtatshmëri për vijimin e detyres”.

Në skedën e pasurisë, Martini ka shënuar një apartment banimi 97 m2 dhe garazh me vlere totale 90mije euro, arredimi 2 milionë lekë. Subjekti ka paguar 85 mije euro dhe ka per te shlyer edhe 5 mije euro nga kredia.
Për këtë apartament ai ka marrë dy kredi për të krijuar këtë pasuri, në vitin 2007 dhe 2016 si dhe kursimet ndër vite.

Anton Martini e ka nisur karrierën në sistemin e drejtësisë në vitin 1999 dhe është emëruar prokuror në Prokurorinë e Krimeve të Rënda në vitin 2004. Në vitin 2015, Martini u transferua në Shkodër nga Këshilli i Prokurorisë së kohës, vendim të cilin ai e kontestoi për parregullsi. Në qershor 2018, Martini u rikthye në Prokurorinë e Krimeve të Rënda.

Prokurori Anton Martini është renditur i dyti nga Këshilli i Lartë i Prokurorisë për të qenë pjesë e Prokurorisë së Posaçme. Për të marrë emërimin në SPAK, atij i duhet të kalojë si barrierë të fundit procesin e vetingut në të dy shkallët./Abcnews.al

kpk.jpg
R D09:30 | 10/12/2019

Komisioni i Pavarur i Kualifikimit dha mëngjesin e sotëm vendimin për gjyqatrin Klodian Kurushi. KPK vendosi të konfirmojë në detyrë gjyqtarin e Krimeve të Rënda, Kurushi. Disa minuta më pas mori lajmin e mirë dhe prokurori Xholi. Prokurori i Apelit të Tiranës, Genti Xholi kaloi me sukses vettingun duke u konfirmuar në detyrë.

***

Klodian Kurushi ka përfunduar Shkollën e Magjistraturës në vitin 2001 dhe e ka nisur karrierën në drejtësi nga Gjykata e Sarandës. Në nëntor 2005, Kurushi është emëruar gjyqtar i Gjykatës së Krimeve të Rënda, detyrë të cilën vazhdon ta kryejë edhe pas 14 vitesh. Ai është gjithashtu  pedagog në Fakultetin e Drejtësisë si dhe ekspert dhe trajnues në Shkollën e Magjistraturës.

Kurushi u vlerësua pozitivisht për figurën dhe profesionalizimin; ndërkohë, Komisioni identifikoi dy gjetje lidhur me veprime të mundshme fiktive në përfitimin e një kredie të butë për të cilat ai dha shpjegime duke mos i konsideruar si të tilla.

Këto gjetje janë identifikuar gjatë verifikimit të një apartamenti në pronësi të Kurushit me sipërfaqe 79.8 m2 në Tiranë, të blerë në vitin 2013 me vlerë totale 6.3 milionë lekë.

Si burim krijimi për këtë pasuri, Kurushi ka deklaruar një kredi me kushte lehtësuese 5 milionë lekë dhe të ardhura nga puna. Nga kredia ka rezultuar të mos jenë shlyer ende 2.5 milionë lekë. Në kontratën e porosisë, është konstatuar se sipërfaqja ka qenë 83.8 m2. Sipas relatores Zhegu, gjyqtari Kurushi ka shpjeguar se diferenca ishte sipërfaqja e përbashkët e zbritur nga kontrata e porosisë. Ndërkohë që për këstin e parë 5 milionë lekë dhe të fundit 1300 euro nuk janë identifikuar problematika, për pagesën e këstit të dytë në shumën 500 mijë lekë.

***

Genti Xholi e ka filluar karrierën në sistemin e drejtësisë në vitin 2000, si prokuror në Prokurorinë e Tiranës, institucion të cilin e ka drejtuar për një periudhë kohe. Në vitin 2010, ai është emëruar prokuror në Prokurorinë e Apelit Tiranë, detyrë të cilën vazhdon ta kryejë edhe pas 9 vitesh.

Sipas relatores Firdes Shuli, prokurori Xholi ka pasqyruar në deklaratën veting një akt noterial për trashëgiminë e përfituar nga gjyshi i ndjerë, truall me sipërfaqe 303 m2 dhe të një shtëpie. Sipas Komisionit, kjo pronë i përkiste gjyshit të prokurorit Xholi dhe është konkluduar se deklarimet e tij përputhen me dokumentacionet e verifikuara. Shuli tha se nuk rezulton që lidhur me këtë pronë të ketë konflikte për shkak të trashëgimisë.

Komisioni identifikon paqartësi për likuidimin e vlerës së një apartamenti me sipërfaqe 146.3 m2 të blerë për vlerën 4 milionë lekë në vitin 2010 në Pogradec. Sipas relatores Shuli, subjekti ka shpjeguar se 3 milionë i ka paguar kur ka lidhur kontratën, kurse 1 milion 15 ditë më vonë kur bashkëshortja ka marrë një kredi. Në fjalën e tij, prokurori Xholi sqaroi se kishte një diferencë kohore 15 ditë për një pjesë të vlerës, pasi shuma 3 milionë ishte depozituar në fillim. Ai pohoi se bashkëshortja punonte në Raiffeisen Bank dhe për këtë arsye e përfitonte kredinë për një kohë të shkurtër dhe pa kolateral.

/Abcnews.al

 

WhatsApp-Image-2019-12-02-at-7.54.06-PM-1-600x400.jpeg
R D10:09 | 04/12/2019

Komisioni i Pavarur i Kualifikimit konfirmoi në detyrë gjyqtaren e Gjykatës së Shkallës së Parë për Krimet e Rënda, Iliriana Olldashi.

Gjyqtarja u rivlerësua pa probleme nga Komisioni i Pavarur i Kualifikimit në të tre kriteret. Trupa gjykuese përbëhej nga Pamela Qirko kryesuese, Xhensila Pine relatore dhe Etleda Çiftja anëtare.

Iliriana Olldashi e ka filluar karrierën në sistemin e drejtësisë në vitin 2000 si gjyqtare në Gjykatën e Fierit. Në vitin 2005, ajo është emëruar gjyqtare në Gjykatën e Krimeve të Rënda në Tiranë, detyrë të cilën e kryen edhe aktualisht.

Sipas raportit të dorëzuar pranë KPK nga Inspektoriati i Lartë i Deklarimit dhe Kontrolli të Pasurive e Konfliktit të Interesit, ILDKPKI, gjyqtarja Olldashi nuk kishte probleme në deklarimin e pasurisë.

vetingu-1280x720.jpg
in a15:24 | 25/11/2019

They point out that the judicial system should not be allowed to be blocked.

Albanian political leaders, senior officials in neighboring countries say they will not repeat Albania’s mistakes in vetting judges and prosecutors and they will be careful not to block this vital system and pillar of democracy.

None of them opposes the need for vetting for judges and prosecutors but stresses out the care that must be taken in how it is done and in following the procedures. /abcnews.al

er-1280x819.jpg
in a19:07 | 18/11/2019

Kritikat e bashkësisë ndërkombëtare për ngecje të reformave në gjyqësor, vonesat në gjykimin e lëndëve të Prokurorisë Speciale, politizimi i gjykatave, rastet korruptive në mesin e gjyqtarëve e prokurorëve, kanë bërë që edhe Qeveria e Maqedonisë së Veriut të iniciojë nevojën e procesit të verifikimit, i njohur si “vetting”.

Ministria e Drejtësisë në Maqedoninë e Veriut tha se do të diskutojë fillimin e një procesi vetingu edhe me përfaqësues ndërkombëtarë për të shqyrtuar modalitetet e nisjes së tij ndërkohë që Komisioni Anti-korrupsion ka kërkuar të verifikojë listat anketuese të të gjithë punonjësve në gjyqësor. Ministrja e drejtësisë, Renata Deskoska tha se prêet që Komisioni shtetëror për parandalimin e korrupsionit të nisë një procedurë serioze për kontrollin e listave anketuese të gjyqtarëve dhe në këtë mënyrë të shfrytëzohen të gjitha mundësitë ligjore për procesin e vetting-ut të gjyqtarëve, pra verifikimin e pasurisë së tyre. Deskoska tha se do të bisedohet edhe me partnerët evropianë për një vetting gjithëpërfshirës në gjyqësi dhe Prokurorinë publike.

Reagimi i Ministrisë së Drejtësisë vjen në veçanti pasi ish-kryeministri, Nikolla Gruevski, u lirua nga ndjekja për një vepër penale për shkak të vjetërsimit të lëndës, apo zvarritjes së procesit gjyqësor. Gjykatësit thonë se nuk janë kundër procesit të verifikimit të tyre, pasi me këtë do të eliminohen të gjithë dyshimet mbi punën e tyre. Ivan Xholev, kryetar i Gjykatës Penale të Shkupit, tha se vetingu duhet të ndodhë dhe të hiqen të gjitha dyshimet lidhur me punën dhe ndershmërinë e punonjësve të sistemit të drejtësisë, para se gjithash të gjyqtarëve dhe prokurorëve. Opozita shprehet se vetting-u duhet të përfshijë jo vetëm gjyqtarët, por edhe politikanët, por VMRO-DPMNE nuk beson në suksesin e Vettingut. Petar Arsovski, zëdhënës i VMRO – DPMNE, tha se vetingu duhet të përfshijë edhe politikanët dhe theksoi se vettingun duhet ta bëjnë njerëz që nuk kanë të kaluar të dyshimtë apo që nuk janë të përfshirë në veprime inkriminuese. Ai tha se vetting-u propozohet nga qeveria e cila është e zhytur deri në fyt, sipas tij, në veprime kriminale.

Vetting-u fillimisht është kërkuar nga Bashkimi Demokratik për Integrim, por kërkesa e saj nuk u mor parasysh nga partitë tjera. Partitë politike ndërkohë ende nuk kanë arritur të miratojnë Ligjin për Prokurorinë Publike ndërkohë që Prokuroria Speciale është shuar dhe prokurorët e saj kanë kaluar në organin e rregullt të akuzës. Ish kryeprokurorja Speciale, Katica Janeva, ndodhet në paraburgim, e dyshuar për rastin “Zhvatja”./abcnews.al

Elsa-Toska-Fiona-papajorgji-1.jpg
in a16:03 | 11/11/2019

After the vetting, Elsa Toska will be one of the 9 members of the Constitutional Court. The 43-year-old was voted in Parliament today with 105 votes in favor and 2 against.

Elsa Toska has been a Legal Adviser to the Constitutional Court for 12 years.

On February 12 this year, Toska, as a legal adviser to the Constitutional Court, successfully passed Vetting .

Elsa Toska graduated from the Faculty of Law in 1996-2000 as well a doctorate in constitutional and administrative law.

Toska began his career as an assistant / commissioner of the Ombudsman and has been working as a legal adviser with the Constitutional Court since 2007.

She has also worked as a lecturer at several universities in the country and has collaborated with a number of international organizations.

Even Fiona Papajorgji was voted in the Assembly today with 105 votes in favor, 3 against and 8 abstentions.

KPC troupe consisting of Brunilda Bekteshi, Roland Ilia and Olsi Komici. Fiona Papajorgji was subjected to Vetting on the basis of three criteria: legality of property, ethical and professional integrity. /abcnews.al

gent-ibrahimi-1.jpg
ad min15:33 | 24/09/2019

Këshilli i Lartë i Prokurorisë parashikon të përmbyllë listimin e kandidatëve për kryeprokuror në mes të tetorit. Në një seancë dëgjimore në Kuvend, kryetari Gent Ibrahimi shpjegoi edhe procesin e punës për ngritjen e SPAK.

Këshilli i Lartë i Prokurorisë do të përmbyllë mesditën e të mërkurës fazën e parë të procesit të përzgjedhjes së kryeprokurorit të ri, por kandidatura fituese nuk pritet të zgjidhet para muajit Tetor.

Kreu i Këshillit të Lartë të Prokurorisë, Gent Ibrahimi deklaroi në Kuvend se procesi ishte i pezulluar deri në momentin që kandidatët magjistratë të kalonin Vettingun.

Ibrahimi foli edhe për situatën me krijimin e SPAK, ku sërish procesi i kalimit të vettingut nga kandidatët do të jetë përcaktues për krijimin e këtij institucioni të ri.

Ibrahimi deklaroi përpara Komisionit të Pavarur për Koordinimin, Monitorimin dhe Ndjekjen e organeve të reja të drejtësisë se KLP nuk ka kompetencë për të verifikuar kandidatët e SPAK për të probleme me drejtësinë jashtë vendit, por verifikimi i tyre bëhet vetëm përmes Vettingut./ABC News Albania 24/7

altin-dumani.jpg
ad min15:45 | 30/07/2019

Komisioni i Pavarur i Kualifikimit zhvilloi seancën dëgjimore për kreun e Prokurorisë së Apelit për Krime të Rënda dhe njëherazi kandidat për Strukturën e Posaçme antikorrupsion Altin Dumani.

KPK e ka zhvilluar hetimin në tre 3 kriteret e vlerësimit, ligjshmërinë e pasurisë, pastërtinë e figurës dhe aftësitë profesionale. Referuar ILDKPI-së, Dumani ka bërë deklarim të saktë dhe nuk ka fshehje pasurie.

Aftësi profesionale shumë të mira dhe DSIK-ja ka deklaruar se Dumani nuk ka kontakte të papërshtatshme. Ajo që ishte e habitshme gjatë kësaj seance është se Theo Jacobs vëzhgues i Operacionit Ndërkombëtar të Monitorimit, që njihet për “dorën e hekurt” nuk ka bërë asnjë pyetje, por është shprehur se: “Kam marrë pjesë në 25 çështje dhe kjo është hera e parë që s’kam asnjë pyetje. Zoti Dumani qenka me fat”.

Altin Dumani shihet edhe si drejtues i ardhshëm i SPAK pasi Këshilli i Lartë i Prokurorisë e renditi atë të parin në listë./ABC News Albania 24/7

ceka.jpg
ad min13:42 | 16/04/2019

Kryetarja e Gjykatës së Lushnjës, Esmeralda Çeka, ka dalë sot para Komisionit të Pavarur të Kualifikimit, për Vettingun.

Nga deklarata në Inspektoriatin e Lartë të Deklarimit dhe Kontrollit të Pasurive e Konfliktit të Interesit dhe nga hetimet e KPK-së, rezulton se Çeka ka deklarim të saktë të pasurisë dhe në përputhje me ligjin.

Sipas KPK-së, ajo ka burime të ligjshme, nuk ka kryer fshehje të pasurisë dhe nuk gjendet në kushtet e konfliktit të interesit.  Në lidhje me një hua të marrë nga subjekti i rivlerësimit dhe bashkëshorti i saj, Komisioni kërkoi shpjegim nga kryegjyqtarja.

Ajo deklaroi se shtetasi që ka dhënë huanë, kishte mundësi ekonomike. Në lidhje me pastërtinë e figurës, Esmeralda Çeka ka plotësuar saktë formularin dhe është i përshtatshëm për vazhdimin e detyrës.

Ndërsa lidhur me kriterin e tretë, sipas KPK, kryegjyqtarja ka treguar aftësi profesionale, nivel të lartë etike dhe angazhim profesional. Vendimi për Çekën do jepet në 18 prill./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono