Vetingu

f2a08ad0-d91f-4a90-8690-1749ef09df6a-1280x720.jpg
ent ela14:01 | 25/11/2019

Udhëheqës politikë dhe zyrtarë të lartë shqiptarë në vendet fqinjë nuk kundërshtojnë nevojën e vetingut për gjyqtarët dhe prokurorët, por theksojnë se duhet treguar kujdes në mënyrën sesi bëhet dhe në procedurat që ndiqen. Ata theksojnë se nuk duhet lejuar që të bllokohet sistemi gjyqësor.

Udhëheqës politikë dhe zyrtarë të lartë shqiptarë në vendet fqinjë, thonë se nuk do të përsërisin gabimet e Shqipërisë në vetingun e gjykatësve dhe prokurorëve dhe do të jenë të kujdesshëm që të mos blllokohet ky sistem jetik dhe shtyllë e demokracisë.

Asnjëri prej tyre nuk kundërshton nevojën e vetingut për gjyqtarët dhe prokurorët, por thekson se duhet treguar kujdes në mënyrën sesi bëhet dhe në procedurat që ndiqen. /abcnews.al

maxresdefault-1-1280x720.jpg
nev ila10:18 | 05/11/2019

Nis sot vetingu në Polici, i pari shefi i Sektorit të Ankesave në SHÇBA. Kush janë 47 drejtuesit e policive në listë?

Pas vonesave disamujore, sot starton procesi i vetingut në Policinë e Shtetit. I pari që do të përballet me Komisionin e Jashtëm të Vlerësimit është Oltion Shehu, shefi i Sektorit të Ankesave në Shërbimin për Çështjet e Brendshme dhe Ankesave.

Emri i tij është përzgjedhur përmes procedurës së shortimit mes 45 dosjeve të para të drejtuesve të lartë të Policisë, SHÇBA-së dhe Gardës së Republikës, emrat e të cilëve u publikuan më 8 korrik nga KJV.

Ministria e Brendshme njoftoi dje se Komisioni i Jashtëm i Vlerësimit do të zhvillojë këtë javë seancat e parë të procesit të vlerësimit kalimtar të punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat në Ministrinë e Brendshme.

Seanca e parë dëgjimore zhvillohet sot në orën 12:00, nga trupa e vlerësimit: Marjeta Gjelaj, Ela Kerka, Ana Kapaj dhe me subjekt rivlerësimi Oltian Shehun. Seancat e vetingut do të zhvillohen në të njëjtin vend, ku përballen me KPK-në prokurorët dhe gjyqtarët.

Nga ana tjetër, Komisioni i Jashtëm i Vlerësimit publikoi dje listën e dytë të drejtuesve të lartë, që do t’i nënshtrohen shortit për fazën tjetër të vetingut.

Në listën e publikuar dje nga Komisioni i Jashtëm i Vlerësimit janë renditur emrat e 47 drejtuesve të tjerë të Policisë, dosjet e të cilëve janë marrë tashmë në shqyrtim. Bëhet fjalë për të gjithë drejtuesit e drejtorive vendore të Policisë, me përjashtim të drejtorit të Policisë së Tiranës, Rebani Jaupajt, emrat e të cilëve janë në 45 dosjet e para që i përkasin shortimit të parë.

Gjithashtu, në këtë listë janë edhe zv.drejtuesit e policive vendore, ata të Krimeve dhe të Rendit, si dhe drejtuesit e drejtorive vendore të kufirit dhe migracionit. Po kështu, në listën e shortit të dytë janë edhe rektori i Akademisë së Sigurisë, Bilbil Memaj, dhe të gjithë drejtuesit e lartë në Akademi e në Kolegjin e Policisë.

Procesi i vetingut për drejtuesit e lartë të Policisë së Shtetit, duke filluar me Ardi Veliun, pritej që të niste në fund të muajit korrik, kur edhe u publikua lista me emrat e 45 drejtuesve të lartë të Policisë së Shtetit, SHÇBA-së dhe Gardës së Republikës, që u shortuan të parët.

Subjektet e vlerësimit janë në detyrat më të larta drejtuese në Policinë e Shtetit, Shërbimin për Çështjet e Brendshme dhe Ankesat dhe në Gardën e Republikës. Dosjet e vetëdeklarimit janë tërhequr në fund të muajit maj nga Komisioni i Jashtëm i Vlerësimit kur edhe nisi puna në fazën e parë, ajo e shqyrtimit të deklaratave, kërkimit të informacioneve dhe verifikimeve përkatëse.

Sipas parashikimeve ligjore, pas procesit të hetimit administrativ, do të mbahet për çdo subjekt seancë e hapur dëgjimore. Konkretisht, bëhet fjalë për 31 drejtues të lartë të Policisë së Shtetit, duke filluar me drejtorin e Përgjithshëm, Ardi Veliu, për 12 oficerë të lartë të SHÇBA-së, duke nisur nga drejtori i përgjithshëm, Muhamet Rrumbullaku, ndërsa dy të tjerë janë drejtuesit e Gardës së Republikës, komandanti Gramos Sako dhe zëvendësi i tij.

Emrat e drejtuesve për shortimin e dytë:

1. Alfred Çepe- drejtor i Policisë Durrës

2. Hasan Ahmetaj- drejtor i Policisë Berat

3. Perlat Vatoci- drejtor i Policisë Gjirokastër

4. Artion Duka- drejtor i Policisë Vlorë

5. Andon Marko- drejtor i Policisë Fier

6. Arjan Muça- drejtor i Policisë Elbasan

7. Lorenc Panganika-drejtor i Policisë Korçë

8. Ylli Doda-drejtor i Policisë Dibër

9. Zef Laska- drejtor i Policisë Kukës

10. Niko Brahimaj-drejtor i Policisë Shkodër

11. Ferdinand Mara-drejtor i Policisë Lezhë

12. Enkeleda Toska-drejtoreshë e Kufirit dhe Migracionit Tiranë

13. Ndue Doçi-drejtor i Kufirit dhe Migracionit Durrës

14. Idajet Hoxha- drejtor i Kufirit dhe Migracionit Gjirokastër

15. Luan Hysenj- drejtor i Kufirit dhe Migracionit Vlorë

16. Arben Joco- drejtor i Kufirit dhe Migracionit Korçë

17. Zija Sulaj- drejtor i Kufirit dhe Migracionit Kukës

18. Krenar Muço- drejtor i Kufirit dhe Migracionit Shkodër

19. Bilbil Memaj- rektori i Akademisë së Sigurisë

20. Gentjan Shehaj- drejtor i Drejtorisë së Planifikimit dhe Kontrollit në Akademinë e Sigurisë

21. Ilirjan Mandro-dekan në Fakultetin e Sigurisë dhe Hetimit në Akademinë e Sigurisë

22. Mehdi Çanga -drejtori/administratori në Drejtorinë e Shërbimeve të Brendshme në Akademinë e Sigurisë

23. Xhavit Shala -drejtor i Qendrës Kërkimore Shkencore në Akademinë e Sigurisë

24. Ylli Vasili-drejtor i Kolegjit Profesional të Lartë “Kolegji i Policisë” në Akademinë e Sigurisë

25. Dhimitraq Ziu- zëvendësdrejtor për Sigurinë Publike në Policinë e Tiranës

26. Arsen Sinamataj- zëvendësdrejtor për Hetimin e Krimit të Organizuar dhe Krimeve të Rënda në Policinë e Tiranës

27. Edvin Ndreu -zëvendësdrejtor për Hetimin e Krimeve në Policinë e Durrësit

28. Gani Zeneli -zëvendësdrejtor për Sigurinë dhe Policimin në Komunitet në Policinë e Durrësit

29. Fatmir Hoxha-zëvendësdrejtor për Hetimin e Krimeve në Policinë e Beratit

30. Arjan Feri -zëvendësdrejtor për Sigurinë dhe Policimin në Komunitet në Policinë e Beratit

31. Bajram Marra-zëvendësdrejtor për Hetimin e Krimeve në Policinë e Gjirokastrës

32. Koço Dafa-zëvendësdrejtor për Sigurinë dhe Policimin në Komunitet në Policinë e Gjirokastrës

33. Gentian Berberi-zëvendësdrejtor për Hetimin e Krimeve në Policinë e Vlorës

34. Artur Selimaj- zëvendësdrejtor për Sigurinë dhe Policimin në Komunitet në Policinë e Vlorës

35. Arjan Kurti-zëvendësdrejtor për Krimet në Policinë e Fierit

36. Luigj Vathi-zëvendësdrejtor për Sigurinë dhe Policimin në Komunitet në Policinë e Fierit

37. Ilirjan Balla-zëvendësdrejtor për Hetimin e Krimeve në Policinë e Elbasanit

38. Albert Nushi-zëvendësdrejtor për Sigurinë dhe Policimin në Komunitet në Policinë e Elbasanit

39. Alfred Nomani-zëvendësdrejtor për Hetimin e Krimeve në Policinë e Korçës

40. Hamdi Fjora -zëvendësdrejtor për Sigurinë dhe Policimin në Komunitet në Policinë e Korçës

41. Erzen Cera-zëvendësdrejtor për Hetimin e Krimeve në Policinë e Dibrës

42. Sadri Ramçaj- zëvendësdrejtor për Sigurinë dhe Policimin në Komunitet në Policinë e Dibrës

43. Shkelzen Rexhepi-zëvendësdrejtor për Hetimin e Krimeve në Policinë e Kukësit

44. Albert Pataj-zëvendësdrejtor për Sigurinë dhe Policimin në Komunitet në Policinë e Kukësit

45. Skender Hita – zëvendësdrejtor për Hetimin e Krimeve në Policinë e Shkodrës

46. Afrim Tafa – zëvendësdrejtor për Sigurinë dhe Policimin në Komunitet në Policinë e Shkodrës

47. Adriatik Tafçiu – zëvendësdrejtor për Hetimin e Krimeve në Policinë e Lezhës

zv.Drejtori i SHÇBA Adriatik Ago, i dyti para KJV ditën e premte.

I dyti që do të përballet me Komisionin e Jashtëm të Vlerësimit, siç është përcaktuar nga shorti, do të jetë zv.drejtori i përgjithshëm i Shërbimit për Çështjet e Brendshme dhe Ankesat. Seanca dëgjimore për subjektin e vlerësimit kalimtar, Adriatik Ago, zv.drejtor i përgjithshëm i SHÇBA-së, do të zhvillohet ditën e premte, në orën 12:00.

Trupa e vlerësimit përbëhet nga Ana Kapaj, Elvira Daberdaku, Elida Liko. “Njoftim për seancë dëgjimore për subjektin e vlerësimit kalimtar, Adriatik Ago. Subjekti Adriatik Ago, zv.drejtor i përgjithshëm, SHÇBA. Vendi: Pallati i Koncerteve (ish-Pallati i Kongreseve), Salla B, Kati 0.Data/Ora: E premte, datë 8 nëntor 2019, ora 12:00.

Trupa e Vlerësimit: Ana Kapaj, Elvira Daberdaku, Elida Liko.

Mediat mund të regjistrojnë pamje ose foto vetëm në momentet e para, ndërsa gazetarët mund të ndjekin seancën. “Mediave u lejohet të filmojnë shpalljen publike të vendimit”, njoftoi dje Komisioni i Jashtëm i Vlerësimit./abcnews.al

SINKRON-KONFIRMOHET-OLSIAN-CELA_ABC-M2-T1.mpg_snapshot_00.02-1280x720.jpg
ent ela14:40 | 23/07/2019

Komisioni i Pavarur i Kualifikimit konfirmon në detyrë prokurorin pranë Prokurorisë së Shkallës së Parë për Krime të Rënda, Olsian Çela. Kalimi i vetingut nga Çela i hap rrugën zgjedhjes së kryeprokurorit të vendit, garë kjo që zhvillohet mes 4 kandidatësh.

Trupa gjykuese vendosi që të konfirmoje në detyrë subjektin e rivlerësimit Olsian Çelën”

Konfirmimi i tij në detyrë, i hap rrugën garës për përzgjedhjen e Kryeprokurorit të vendit, ku përballen Olsian Çela, Arta Marku, Fatjona Memcaj dhe avokati Lulzim Alushaj.

Gjithsesi institucioni më i rëndësishëm i hetimit do vazhdojë të drejtohet nga Prokurorja e Përgjithshme e Përkohshme Arta Marku, pasi duhet pritur zbardhja e vendimit të KPK-së, për Çelën,  periudhë kjo që zgjat 45 ditë dhe më pas ka 15 ditë kohë Komisioneri Publik nëse do të bëjë ankimin ndaj këtij vendimi.

Prokurori Çela u përball me Vetingun për tre kriteret e verifikimit, si ligjshmëria e pasurisë, pastërtinë e figurës dhe aftësitë profesionale. Në përfundim të hetimeve rezultoi se Prokurori Çela ishte i pastër në të tria kriteret.

Çela ka një karrierë të gjatë në Prokurorinë e Krimeve të Rënda, ndërsa e ka drejtuar atë në vitet 2008-2012. Dosjet më të bujshme që ka hetuar janë: Çështja e Mirit të Xhikes, pronarit të Kartodromit, dosjen e trafikut nga grupi “Kompas”, si dhe si dosjen “Xibraka”./ABC News Albania 24/7

vetingu-1280x722.jpg
ad min15:40 | 10/07/2019

Vettingu në radhët e uniformave blu, i cili pritet të filtrojë rreth 13 mijë punonjës, ka filluar prej pak ditësh me 45 dosjet e para të drejtuesve më të lartë. Zv. Ministri i brendshëm, Julian Hodaj, tha se janë 245 dosje në total te drejtuesve të lartë që do të shqyrtohen nga Komisioni i Jashtëm i Vlerësimit dhe afati përmbyllës është caktuar Qershori i 2020.

Qershori i vitit  2020 është përcaktuar si afati përmbyllës i Vetting-ut në radhët e Policisë.

Kështu u shpreh zv. ministri i Brendshëm Julian Hodaj, i cili shtoi se një vit kalendarik është i mjaftueshëm për të shqyrtuar dosjet e 245 drejtuesve të policisë me gradën më të lartë.

Sipas Hodajt, efektivët që do të largohen nga Vetting-u në polici, përjashtohen përgjithmonë nga radhët e uniformave blu.

Një punonjës policie do të pranohet të jetë pjesë e sistemit edhe nëse përmbush dy nga tre kriteret e përcaktuara në Vetting, siç janë, Integriteti dhe pasuri. Për profesionalizmi e efektivëve blu, Hodaj tha që do ti jepet një mundësi e dytë.

Për të plotësuar vendet vakante, zv. ministri i Brendshëm theksoi se, trupa policore do të zëvendësohet nga studentët e “Akademisë së Sigurisë”./ABC News Albania 24/7

FLET-FUAT-VJERDHA_ABC-M1-T1.mpg_snapshot_00.01-1280x720.jpg
ent ela13:20 | 13/06/2019

Ish-kreu i Apelit në Shkodër Fuat Vjerdha ka folur për herë të parë për gazetarët pas shkarkimit nga vetingu. Ai tha se vendimi është i padrejtë dhe reforma në drejtësi nuk mund të bëhet duke dhënë vendime të tilla.

Ish kryetari i Gjykatës së Apelit të Shkodrës, Fuat Vjerdha e ka cilësuar vendimin e KPK-së për shkarkimin e tij,  absurde dhe të pabazuar në argumente ligjore. Në deklaratën e tij për gazetarët në Shkodër, Vjerdha tha se  gjykimi i tij është bërë mbi denoncimin e një avokati që ka bërë dëshmi të rreme.

“Gjykimi im është bërë mbi denoncimin e një avokati që ka bërë dëshmi të rreme. Gjykimi im mbi fakte banale”, u shpreh Vjerdha.

Vjerdha është një nga dy gjyqtarët që votuan kundër heqjes së dënimit me burg përjetë ndaj Dritan Dajtit në Apelin e Krimeve. Të hënën ai u shkarkua nga Komisioni i Pavarur i Kualifikimit. Në postin e kryetarit të Gjykatës së Apelit të Shkodrës ai u përball dy herë në seancë dëgjimore, më 6 maj dhe më 7 qershor.

Gjatë vlerësimit të pasurisë, u konstatuan probleme të vogla me deklarimin e pasurisë dhe mungesë burimesh të ligjshme prej 1.6 milionë lekësh. Por rihapja e hetimeve për kriterin profesional e rëndoi pozitën e Vjerdhës.  /ABC News Albania 24/7

 

VLADIMIR-MARA-1280x720.jpg
ent ela13:50 | 12/06/2019

Prokurori i Krimeve të Rënda, Vladimir Mara doli para Komisionit të Pavarur të Kualifikimit në seancë dëgjimore. Prokurorit që po heton dosjen 339, nuk iu gjetën shkelje gjatë ushtrimit të detyrës përgjatë 20 viteve, ndërsa nuk ka probleme as me pasurinë.

Prokurori i Krimeve të Rënda, Vladimir Mara i cili po heton dy dosje të rëndësishme si ajo “339” dhe e ish-ministri i Brendshëm Saimir Tahiri i është nënshtruar procesit të Vettingut.

Gjatë sencës dëgjimore, relatorja Alma Faska, theksoi se Mara që njëkohësisht është edhe kandidat për SPAK, nuk ka fshehur pasurinë dhe nuk ka konflikt interesi. Ai është hetuar  në lidhje me një banesë që ka në përdorim me familjen e tij, e cila është në proces legalizimi.

Prokurori ka mospërputhje të deklaratës së parë të vitit 2008 me atë të vitit 2016 në lidhje me banesën. Fiska i kërkoi prokurorit Mara të sqaronte pozicionin e tij në lidhje me ekstradimin e Nazer Seitit, ku në atë kohë pati përplasje mes prokurorisë së Tiranës dhe asaj të Krimeve të Rënda. Në fjalën e tij Mara u përgjigj se vendimi i gjykatës së Krimeve të Rënda për Seitin ishte “arrest me burg” duke iu vënë në dispozicion mënjëherë Drejtorisë së Burgjeve.

DSIK e ka konsideruar të përshtatshëm prokurorin Mara për vijimin e detyrës dhe të njëjtën. Të njëjtim vlerësoi pozitiv ka dhënë edhe KLP-ja lidhur më aftësitë profesionale. Pavarësisht se Komisioni i Pavarur i Kualifikimit nuk evidentoi ndonjë shkelje të ushtrimit të detyrës gati 20-vjeçare të prokurorit Mara, përfaqësuesi i Operacionit Ndërkombëtar të Monitorimit, Theo Jocobs kishtë disa paqartësi. Ai i drejtoi disa pyetje Marës, në lidhje me pronësi e një automjeti të blerë nga prokurori në Angli, kushëririt të tij dhe pse vlera mjetit ishte më e  ulët ngasa ishte marrë. Mara iu përgjigj se automjeti ishte blerë 3400 euro nga nipi i tij dhe ia kishte shitur për 3 mijë euro thjesht për ta ndihmuar, pasi kishte pësuar një aksident me një tjetër makinë. Prokurori i krimeve të Randa theksoi se kishte gabuar që e kishte mbajtur makinë e tij disa vite pa dokumenta të rregullta dhe kjo gjë ka ndodhur pasi ai nuk e përdrotë atë nga që ishte me krah të kundërt ngarjeje. Vendimi për Marën do jepet më 14 qershor nga Komisioni i Pavarur i Kualifikimit.

/ABC News Albania 24/7

 

KRONIKE-KPK-FERDINAND-ELEZI.mpg_snapshot_00.04-1280x720.jpg
ent ela19:16 | 29/03/2019

Drejtuesi i Prokurorisë së Apelit Durrës Ferdinand Elezi, doli sot para Komisionit të Pavarur të Kualifikimit. Nga hetimi i thelluar i KPK rezultoi të kishte disa parregullsi në pasuri. Ndërsa për aftësitë profesionale dhe figurën, Ferdinand Elezi është vlerësuar shumë mirë.

Komisioni i Pavarur i Kualifikimit zhvilloi seancën dëgjimore për Drejtuesin e Prokurorisë së Apelit Durrës Ferdinand Elezin. Subjekti u rivlerësua ne të tre kriteret për Pasuri, Figurë dhe Aftësi Profesionale. Në raportin e Inspektoriatit të Lartë të Deklarimit dhe Kontrollit të Pasurive dhe Konfliktit të Interesit, thuhej se Prokurori Elezi ka kryer deklarim të saktë në përputhje me ligjin, ka burime financiare të ligjshme dhe nuk gjendet në situatën e konfliktit të interesit.

KPK ka kryer një hetim të thelluar ku rezulton të ketë pasuri si më poshtë Apartamentin 124 m2 në Komunë të Parisit, i blerë më 5 shtator 2000, me vlerë 40 mijë dollarë, Apartament 55 m2 30 mijë euro 2005, Apartment në Durrës blerë në 2007 me vlere 4 milionë lekë. Nga hetimi i KPK rezultuan se këto pasuri të mos kënë përputhje vlera e blerjes së deklaruar me atë të tregut. Zyrë 45 m2 e blerë 60 mijë euro në 2005 nga hetimi i KPK ka rezultuar se ka mospërputhje midis datës së blerjes së dekalruar nga subjekti dhe datës kur është bërë nënshkrimi i kontratës.

Apartament 77 m2 Durrës, ish-apartment i bashkëshortes i deklaruar në shumën 1 milionë lekë si pjesë përbërëse e ¼. Bashkëshortja e subjektit ka qenë bashkëpronare dhe kjo pasuri nuk është deklaruar as në 2004 dhe në asnjë nga deklaratat periodike dhe as burimin e krijimit. Në lidhje me vlerësimin e figurës DSIK ka dorëzuar një raport ku konstaton përshtatshmëri për vazhdimin e detyrës.

Aftësitë Profesionale në raportin e sjellë nga Prokurori i Përgjithshëm thuhet se në vitet 2014-2016 është vlerësuar shumë mirë. Pranë KPK kanë mbërritur 2 denoncime.  Por në përfundim të hetimeve nuk janë gjetur shkelje. Në përfundim të relatimit Drejtuesi i Porkurorisë së Apelit Durrës deklaroi se të gjitha pasuritë i ka të justifikuara dhe kërkoi konfirmimin në detyrë. Vendimi për Ferdinand Elezin do të jepet më 9 prill ora 12:00. /abcnews.al

MBULIM-KPK-NAQELLARI-DHE-XHAFERRLLARI_ABC-M1-T1.mpg_snapshot_00.00-1280x720.jpg
ent ela12:38 | 11/03/2019

Komisioni i pavarur i Kulaifikimit ka zhvilluar seancën dëgjimore për Ornela Naqellari kryetare e Gjykatës së Rrethit Gjyqësor Lezhë. Sipas raportit të Inspektoriatit të Lartë të Dekalrimit dhe Kontrollit të Pasurive dhe Konflikti të Interesit, Naqellari ka kryer deklarim të saktë, nuk ka kryer fshehje të pasurisë. Komisioni i Pavarur i Kualifikimit , ka kryer një hetim të thelluar në lidhje me pasuritë, ku subjekti rezulton të ketë, tokë arë në Përmet të fituar me ligjin 7501, në bashkëpronësi me familjarët.  KPK hetoi ligjshmërinë e transfertave të babait të gjyqtares Naqellari, duke konstatuar se dokumentacioni i paraqitur nga subjekti tregon se të ardhurat janë të ligjshme.

Ndërsa përsa i përket  vlerësimit të figurës, Drejtoria e Sigurimit të Informacionit të Klasifikuar ka  konstaton përshtatshmëri për vijimin e detyrës.  Në lidhje me Aftësitë profesionale, KLD ka dorzuar një raportë ku konstaton se gjyqtarja është e aftë në marrjen e vendimeve dhe nuk ka shkelur afatet ligjore që parashikon ligji.  Komisioni i pavarur i Kualifikimit ka dhënë vendimin edhe për Marsida Xhaferllari , e cila ka humb statusin e magjistrates. Shkak është bërë fakti që ajo nuk i është nënshtruar testit të magjistraturës.  Xhaferllari ka kandiduar për një nga vakancat e hapura për gjyqtar në Gjykatën Kushtetuese. /abcnews.al

BASHA-PER-BEGON-DHE-VETINGUN-1-1280x720.jpg
ad min19:33 | 22/12/2018

Sërish Lulzim Basha akuzoi Ramën dhe Veliajn për favorzim të një biznesmeni pranë tyre në Unazën e re. Kreu  demokrat foli edhe për rrëzimin e nismës për veting në politikë, duke u shprehur se pas kësaj ka marrë fund koha për t’i zgjidhur problemet ligjërisht.

Për një akt të padëgjuar në historinë e Shqipërisë, kryetari i Partisë Demokratike Lulzim Basha akuzoi kryeministrin Edi Rama dhe kryebashkiakun e Tiranës Erion Veliaj.

“Kanë zhvendosur lumin, kanë bërë plan të prishin shtëpitë e mbi 200 familjeve, për të favorizuar një trafikant të dënuar droge, i cili do të ndërtojë një projekt me vlerë 60 milionë euro. Kjo që kemi denoncuar sot lidhet ngushtë me atë që ndodhi dje në parlament. Këto shkelje flagrante të ligjit bëhen për të favorizuar oligarkë dhe kriminelë. Oligarkët dhe kriminelët mbushin xhepat e këtyre pushtetarëve”.

Arsye kjo që opozita tha Basha propozoi vetingun për politikanet, por ai i vërteti, sipas tij ndodhi të premten kur mazhoranca në parlament rrëzoi nismën e demokratëve.

“Dje në Kuvendin e Shqipërisë, nuk ngriti kartonat një shumicë që përfaqëson popullin por një pakicë që zhvat, grabit, dhe vjedh popullin kjo është domethënia e votimit dje. Dua t’i them qytetarëve shqiptarë se dje ka ndodhur vetingu i vërtetë i politikanëve. Të gjithë ata që kanë ngritur kartonat kur ligjit për vetingun e politikanëve, kanë dalë hapur si bashkëpunëtorë të krimit, si bashkëpunëtorë të oligarkisë, bashkëpunëtorë të vjedhjes. Ata e kanë bërë këtë sepse janë kapur”.

Koha për t’i zgjidhur problemet ligjërisht sipas Bashës ka marrë fund dhe për këtë thotë se kërkon ndihmën e qyetarëve.

“Forca më e madhe në këtë vend është forca e qytetarëve të bashkuar. Ligji ka rënë, gjykatat kanë rënë, prokuroria nuk egziston por qytetarët e bashkuar mund të shpëtojnë shtëpitë e tyre siç po ndodh këtu. Mund të shpëtojnë Kushtetutën dhe ligjin, mund së bashku të shpëtojmë Shqipërinë. Ardhtë sa më parë kjo ditë të gjithë së bashku ta vazhdojmë këtë betejë deri në fitoren e qytetarisë, fitoren e ligjit, fitoren e Kushtetutës”.

Kryetari i Partisë Demokratike Lulzim Basha i bëri këto deklarata nga unaza e re në Tiranë, ku shkoi për të mbështetur protestën e qytetarëve që preken nga projekti i zgjerimit të rrugës. /abcnews.al

VETINGU-PER-ADNAND-KOSOVEN-1280x720.jpg
ent ela20:11 | 19/12/2018

Prokurori Adnan Kosova në seancën dëgjimore rezultoi i saktë për deklarimin e pasurisë nga ILDKPKI dhe në përputhje me ligjin.

Kosova ka në pronësi një apartament 93 metra katror i blerë për 19.600 dollarë në vitin 1998, teksa disponon edhe një automjet me vlerë 11 mijë euro. Burimi për apartamentin, të ardhurat nga paga, nga puna si pedagog dhe shitja e një tjetër apartamenti në Korçë.

Ndërkohë, Drejtoria e Sigurimit të Informacionit të Klasifikuar  ka dorëzuar një raport me konstatimin se: prokurori Adnan Kosova ka plotësuar saktë formularin dhe nuk ka informacione se ka lidhje me persona të inkriminuar, duke konstatuar përshtatshmërinë në detyrë. Për aftësitë profesionale, komisioni ka analizuar raportin e Prokurorisë së Përgjithshme. Sipas raportit, ka rezultuar se prokurori kryen saktë detyrën e tij. Adnan Kosova u paraqitur pa avokat, ndërsa vendimi i Komisionit të Pavarur të Kualifikimit do të jepet të enjten paradite. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono